Pwrpas y Swydd
Bydd Cymhorthydd Caffi Hwb Cymunedol Arfon yn chwarae rhan allweddol i sicrhau fod y caffi yn rhedeg yn llyfn o fewn Canolfan Hamdden Arfon.
Agwedd bwysig o'r swydd yw cynorthwyo i ddatblygu'r hwb a'r caffi, gwneud y defnydd gorau o'r cyfleusterau sydd ar gael a chynorthwyo i adnabod cyfleoedd newydd drwy gynorthwyo gyda marchnata'n effeithiol, rhwydweithio a datrysiadau arloesol.
Agwedd bwysig o'r swydd yw cynorthwyo i adnabod cyfleoedd i ddatblygu sgiliau / cyfleoedd gwaith i unigolion a anabledd dysgu ag rhoi profiad positif o weithio mewn cegin.
Byddwch yn rhan o dîm sy’n adnabod cryfderau unigion a’u datblygu ar gyfer y byd waith cyflogedig neu wirfoddol.
Drwy weithio'n agos â'r Tîm Anabledd Dysgu a staff eraill a sefydliadau sectorau statudol, gwirfoddol a masnachol, sicrhau fod yr Hwb a'r Caffi yn gyfleusterau bywiog, sy'n gweithredu er budd trigolion a sefydliadau lleol.
Cynorthwyo, datblygu a gweithredu rhaglenni gwasanaeth dydd unigol a chymunedol i ddefnyddwyr gwasanaeth yng Nghaffi Hwb Cymunedol yng Nghanolfan Hamdden Arfon.
Sicrhau bod pobl Gwynedd yn ganolog i bopeth rydym yn ei wneud.
 
Cyfrifoldeb am swyddogaethau  . e.e. staff, cyllidebau, offer
Offer - Parchu a defnyddio unrhyw offer yn Hwb Cegin yn briodol. Hysbysu rheolwr Hwb Cegin ac/neu'r person sy'n gyfrifol am yr offer am unrhyw ddiffyg yn y gwasanaethau (dwr, trydan, nwy ac ati) cyn gynted â phosib.
 
Prif Ddyletswyddau  
Gwaith Tîm
Cynorthwyo â'r gwaith o baratoi a rhedeg y caffi bob dydd.
Cefnogi unigolion a anabledd dysgu i gymryd rhan yn gwaith pob dydd yn y caffi. Iddynt fod yn weledol, yn derbyn profiadau eang er mwyn datblygu sgiliau mewn safle waith.
Parodrwydd i fynychu hyfforddiant fel bo'n briodol.
Paratoi bwyd a diod a weinir yn y caffi.
Gwneud cacennau i’w werthu yn y caffi.
Clirio byrddau a golchi llestri i sicrhau fod y caffi yn cael ei redeg yn effeithiol.
Hunan-reoli - gosod esiampl i eraill trwy fod yn rhagweithiol, yn onest ac yn gyson a thrwy gymryd cyfrifoldeb am yr hyn yr ydych yn ei wneud. Sicrhau cydymffurfiaeth gyda safonau proffesiynol.
Bod yn aelod cadarnhaol a rhagweithiol o dîm Hwb Cymunedol Arfon.
Mynychu a chymryd rhan mewn cyfarfodydd tîm, gweithio yn unol â'r polisïau a'r gweithdrefnau fel y cytunwyd gan y tîm cyfan neu yn unol â chyfarwyddiadau'r rheolwyr
Cymryd rhan yng ngwaith cynllunio, gwneud penderfyniadau a thrafodaethau'r tîm ac mewn ymgynghoriad â'r unigolion sydd yn mynychu yr Hwb.
Gweithio'n unol â diwylliant y tîm a rhoi cefnogaeth ac anogaeth i holl aelodau'r tîm.
Datblygu perthnasau cadarnhaol a phroffesiynol â holl aelodau'r tîm.
Sicrhau lefelau glanweithdra a hylendid uchel bob amser.
Sicrhau eich bod yn darparu amgylchedd gynnes a chroesawgar a bod y gwasanaeth cwsmer yr ydych yn ei ddarparu yn effeithlon a rhagorol.
Cynnal lefelau cyfathrebu gwych â'r holl staff/gwirfoddolwyr a chyda staff y Ganolfan Hamdden.
Gweithio'n unol â diwylliant y tîm -ethos  (PCP) person yn ganolog, (active support) cefnogaeth weithgar a PBS (postive behaviour support) yn y gwasanaeth. (Am fwy o wybodaeth cliciwch yma: Active support <https://www.bild.org.uk/wp-content/uploads/2020/06/What-is-Active-Support.pdf>) a Chefnogaeth Ymddygiad Cadarnhaol (Am fwy o wybodaeth cliciwch yma: Positive Behaviour Support <https://www.youtube.com/watch?v=epjud2Of610>),
 
Hyfforddiant a Datblygiad Personol
Cymryd rhan weithredol yn eich sesiynau goruchwylio a gwerthuso gyda Rheolwr yr Hwb Cymunedol a chwilio am y rhaglenni Dysgu a Datblygu o fewn y Cyngor sy'n angenrheidiol ar gyfer eich datblygiad proffesiynol i helpu i sicrhau fod y gwasanaeth yr ydych yn ei ddarparu'n bodloni anghenion y defnyddwyr gwasanaeth.
Adnabod eich anghenion hyfforddiant eich hun mewn partneriaeth â Rheolwr yr Hwb Cymunedol a gofyn am gymorth (os oes angen) i gael yr hyfforddiant yr ydych wedi'i adnabod.
Mynychu unrhyw hyfforddiant sydd wedi'i adnabod.
Diogelu
Bod yn ymwybodol o fregusrwydd y bobl yr ydych yn gweithio â hwy a bod yn ymwybodol o'r posibilrwydd o gam-drin.
Defnyddio polisïau lleol a chenedlaethol i adnabod, cofnodi, adrodd a chymryd rhan mewn protocolau diogelu a sicrhau fod yr holl staff a gwirfoddolwyr yn ymwybodol o'r gweithdrefnau i'w dilyn.
Cyfrifoldeb i adrodd am unrhyw bryder neu amheuaeth bod plentyn neu oedolyn bregus yn cael ei gam-drin.
 
Cyllid
Ymdrin ag arian parod, rheoli fflôt a chysoni'r til bob dydd
Cymryd rhan mewn hyfforddiant i staff/gwirfoddolwyr ar weithrediadau til, a gweithredu diweddariadau til a phrisio
Cynorthwyo Rheolwr yr Hwb Cymunedol i ddarparu adroddiadau cywir ar wariant ac incwm.
 
Rheoli Stoc, Glanhau ac Offer
Cynorthwyo i archebu a storio bwyd, diodydd a chynnyrch glanhau a chynorthwyo ag unrhyw newidiadau stoc neu ofynion ychwanegol
Cynorthwyo â'r cyfrif stoc bob chwarter
Cynorthwyo i sicrhau lefelau stoc digonol o ddeunyddiau tafladwy
Cynorthwyo â dyletswyddau rota glanhau y caffi, glanhau ardal y caffi'n drwyadl a chwblhau cofnodion iechyd a diogelwch dyddiol.
Hysbysu rheolwr Hwb Cymunedol Arfon ac/neu'r person sy'n gyfrifol am yr offer am unrhyw ddiffyg yn y gwasanaethau (dwr, trydan, nwy ac ati) cyn gynted â phosib.
 
Cyfathrebu, Marchnata a Rhwydweithio
Cynorthwyo aelodau eraill y tîm i sicrhau fod y caffi yn cael ei redeg yn esmwyth yn ystod digwyddiadau gan gynnwys arlwyo, gweini ac agor yn hwyr gyda'r nos neu y penwythnos
Cynorthwyo i greu a rheoli amserlen flynyddol o ddigwyddiadau a gweithgareddau i'w cynnal yn y caffi.
Cynorthwyo Rheolwr yr Hwb Cymunedol i greu perthnasau cryf gyda budd-ddeiliaid yn yr ardal leol a sefydliadau yn y gymuned leol gan gynnwys ysgolion.
Cyfathrebu yn y ffordd fwyaf addas ar gyfer y gynulleidfa a'r sefyllfa
 
Cyfle Cyfartal
Annog ymwybyddiaeth o hawliau a chyfrifoldebau'r unigolyn fel dinesydd sy'n defnyddio'r gwasanaeth ac yn y gymuned ehangach drwy hyrwyddo'r ethos Cefnogaeth Weithredol a Chefnogaeth Ymddygiad Cadarnhaol.
Gweithredu oddi mewn i bolisïau a gweithdrefnau’r Cyngor yng nghyswllt cyfle cyfartal a chydraddoldeb.
 
Pobl sy'n defnyddio'r gwasanaeth
Sicrhau fod urddas ac annibyniaeth y defnyddwyr gwasanaeth yn cael ei barchu drwy arferion gofal da. Bod yn sensitif i'r angen i barchu hawliau'r unigolyn bob amser.
Gweithio ar lefel un-i-un neu mewn grŵp gyda defnyddwyr gwasanaeth i gyflawni'r amcanion a nodir yn eu Cynlluniau Gofal Person-ganolog, a bod yn barod i fynychu cyfarfodydd adolygu a chynadleddau achos y defnyddwyr hynny, gan gyfrannu adroddiadau ysgrifenedig a llafar.
Bod yn rhagweithiol i sicrhau fod pobl yn cael mynediad at y gweithgareddau a'r rhaglenni mwyaf addas trwy yr Hwb Cymunedol a caffi.
Darparu amgylchedd symbylol ble gellir cynnal a datblygu sgiliau
Bod yn rhan weithredol o Dîm Hwb Cymunedol i gefnogi pobl i ddefnyddio cyfleusterau cymunedol, hyrwyddo amrywiaeth o weithgareddau cymdeithasol a chefnogi pobl â'u hanghenion iechyd drwy wneud dewis deallus.
Cynorthwyo â gofal personol gydag urddas a pharch.
Cefnogi pobl â'u datblygiad deallusol a chymdeithasol yn unol â gallu ac anghenion pob unigolyn.
 
Cynllunio Person-ganolog
Cefnogi pobl i feddwl, cynllunio a chyflawni amcanion a datblygu eu rolau yn eu cynlluniau (Cynllun Person-ganolog)
Bod yn rhan o'r broses barhaus o gynllunio, gweithredu, monitro ac adolygu'r gefnogaeth a roddir i unigolion yn unol ag ethos ddilynol y gwasanaeth.
Bod ag agwedd Person-Ganolog tuag at y gwaith er mwyn rhoi'r bobl yr ydych yn eu cefnogi yng nghanol pob penderfyniad a gweithgaredd.
 
Iechyd a Diogelwch
Sicrhau lles a diogelwch cyffredinol pawb sy'n defnyddio'r gwasanaeth drwy asesu unrhyw risgiau yn barhaus.
Cynnal safonau iechyd, diogelwch a hylendid uchel a sicrhau amgylchedd glân a diogel i bawb.
Sicrhau cydymffurfiaeth â rheolau a rheoliadau Hylendid Bwyd a Diogelwch Bwyd.
Sicrhau cydymffurfiaeth â rheolau Iechyd a Diogelwch yn y gweithle
 
Cyfrifoldebau Eraill
Bod yn gyfrifol am hunanddatblygiad.
Gweithredu oddi mewn i bolisïau a gweithdrefnau’r Cyngor yng nghyswllt cyfle cyfartal, cydraddoldeb a chynaliadwyedd.
Cynnal cyfrinachedd ar bob agwedd o weithrediad y gwasanaeth. Rheoli gwybodaeth yn unol â safonau a chanllawiau rheoli gwybodaeth y Cyngor.  Sicrhau yr ymdrinnir â gwybodaeth bersonol mewn modd sy’n cydymffurfio â deddfwriaeth Diogelu Data.
Ymrwymiad i leihau allyriadau carbon y Cyngor yn unol â’r Cynllun Rheoli Carbon ac annog eraill i weithio'n gadarnhaol tuag at leihau ôl-troed carbon y Cyngor.
Ymgymryd ag unrhyw ddyletswydd arall rhesymol sy’n cyfateb â lefel cyflog a lefel cyfrifoldeb y swydd.
Cyfrifoldeb i adrodd am unrhyw bryder neu amheuaeth bod plentyn neu oedolyn bregus yn cael ei gam-drin.
 
Amgylchiadau Arbennig e.e. yr angen i weithio oriau anghymdeithasol, trefniadau gwaith arbennig ac ati
Yr angen i weithio oriau anghymdeithasol a penwythnosau yn unol ac amseroedd agor y caffi.