Pwrpas y Swydd
Sicrhau bod pobl Gwynedd yn ganolog i bopeth yr ydan ni yn ei wneud.
I roi cefnogaeth swyddfa a gweinyddol i’r uned
 
Cyfrifoldeb am Adnoddau.  . e.e. staff, cyllid, offer
Gweinyddu gweithdrefnau cyllidol yr uned
 
 Prif Ddyletswyddau
Rhoi cefnogaeth weinyddol – teipio, ffeilio, ateb y ffon a sicrhau gweithrediad o sustemau gweinyddol mewnol y Cyngor ( gwyliau, salwch, amserlenni ayyb) a threfnu cyfarfodydd .
Trefnu i gasglu ystadegau a data rheoli perfformiad a’i gofnodi yn ôl yr angen.
Cofnodi a theipio cofnodion cyfarfodydd yn ol yr angen.
Cynnal systemau ffeilio papur ac electroneg.
Cynorthwyo gyda threfn bost allanol /mewnol a thracio gohebiaeth.
Llungopïo, sganio a ffeilio.
Teipio llythyrau, cyfarfodydd, asesiadau, memorandum a ffurflenni.
Cadw trefn ar gyflenwadau o ffurflenni perthnasol ( yn electroneg fel arfer).
Cynorthwyo’r rheolwr drwy roi cefnogaeth weinyddol effeithiol, gan gynnwys cydymffurfiaeth gyda gofynion cofrestriad yr uned.
Sicrhau cydymffurfiaeth gyda rheolau Iechyd a Diogelwch.
Cynorthwyo gyda chadw cofnod o blant sy’n derbyn gwasanaeth yn yr uned.
Cyfrifoldeb am hunan ddatblygiad.
Sicrhau cydymffurfiaeth â rheolau Iechyd a Diogelwch yn y gweithle yn unol â’r cyfrifoldebau a nodir yn Neddf Iechyd a Diogelwch yn y Gweithle 1974 a Pholisi Iechyd a Diogelwch y Cyngor.
Gweithredu o fewn polisïau’r Cyngor yng nghyswllt cyfle cyfartal a chydraddoldeb.
Cyfrifoldeb am reoli gwybodaeth yn unol â safonau a chanllawiau rheoli gwybodaeth y Cyngor.  Sicrhau bod gwybodaeth bersonol yn cael ei thrin mewn cydymffurfiaeth â deddfwriaeth Diogelu Data
Ymrwymiad i leihau allyriadau carbon y Cyngor yn unol â’r Cynllun Rheoli Carbon ac i annog eraill i weithredu’n gadarnhaol tuag at leihau ôl-troed carbon y Cyngor.
Ymgymryd ag unrhyw ddyletswydd arall cyfatebol a rhesymol sy’n cyd-fynd â lefel cyflog a lefel cyfrifoldeb y swydd.
Cyfrifoldeb i adrodd ar bryder neu amheuaeth bod plentyn neu oedolyn bregus yn cael ei gamdrin
 
 Amgylchiadau Arbennig.  . e.e. angen i weithio oriau anghymdeithasol, trefniadau gwaith arbennig, a.y.y.b.
Swydd rhan amser a gall yr oriau fod yn hyblyg drwy gytundeb efo’r rheolwr, lle mae hynny’n cyfarfod gofynion rheoli’r uned.
 
Dim ond amlinelliad o ddyletswyddau’r swydd a ddangosir uchod, a hynny er mwyn rhoi syniad o’r lefel cyfrifoldeb sydd ynghlwm â hi. Nid yw’r swydd ddisgrifiad hon yn fanwl gynhwysfawr, ac fe all dyletswyddau’r swydd newid o bryd i’w gilydd heb newid ei natur sylfaenol a’r lefel cyfrifoldeb.