Pwrpas y swydd
•Sicrhau bod pobl Gwynedd yn ganolog i bopeth yr ydan ni yn ei wneud.
•Arwain ar ddatblygu a gweithredu fframwaith Cynllunio Gweithlu Strategol y Cyngor, gan ddefnyddio tystiolaeth a data i sicrhau bod gan y Cyngor y gweithlu cywir, gyda'r sgiliau cywir, yn y lle cywir ac ar yr adeg gywir.
•Darparu arweiniad arbenigol ym maes cynllunio gweithlu, gan gefnogi gwasanaethau i ragweld anghenion gweithlu'r dyfodol a datblygu cynlluniau gweithredu cynaliadwy i ymateb i heriau demograffig, deddfwriaethol a gwasanaethol.
•Bydd y rôl hon yn rhoi blaenoriaeth i’r Gwasanaethau Cymdeithasol ond yn gweithio o fewn fframwaith Cynllunio Gweithlu Strategol y Cyngor er mwyn sicrhau cynlluniau gweithredu tymor canolig a hir dymor.
Cyfrifoldeb am adnoddau e.e. staff, cyllid, offer
•-
Prif ddyletswyddau
•P Arwain ar ddatblygu a gweithredu rhaglen Cynllunio Gweithlu Strategol y Cyngor, gan ddefnyddio dulliau rheoli prosiect a rheoli newid priodol i sicrhau cyflawni'r canlyniadau a'r buddion disgwyliedig
•Gweithio ar y cyd rhwng Adnoddau Dynol a’r Gwasanaethau Cymdeithasoli gyflawni amcanion y rhaglen waith.
•Arwain ar gasglu, dadansoddi a dehongli data gweithlu er mwyn asesu tueddiadau, risgiau a chyfleoedd sy'n effeithio ar gynaliadwyedd y gweithlu.
•Datblygu modelau rhagfynegi gweithlu i adnabod rolau critigol a chefnogi gwasanaethau i gynllunio tymor canolig a hirdymor – bydd blaenoriaeth penodol i'r Gwasanaethau Cymdeithasol.
•Arwain ar gynhyrchu asesiadau bylchau gweithlu, gan nodi risgiau o ran capasiti, sgiliau, recriwtio a chadw staff, a datblygu cynlluniau lliniaru priodol.
•Defnyddio sgiliau ymchwil a dadansoddeg i ragfynegi anghenion y gweithlu gan adnabod bylchau sgiliau a heriau recriwtio
•Cydweithio â rheolwyr gwasanaeth ac arweinwyr strategol i ddatblygu cynlluniau gweithlu sy'n cyd-fynd â blaenoriaethau corfforaethol y Cyngor a gofynion gwasanaethau'r dyfodol.
•Datblygu a gweithredu dull systematig o gynllunio olyniaeth er mwyn sicrhau parhad gwasanaethau a datblygu talent ar gyfer swyddi allweddol.
•Cydweithio’n agos gyda budd-ddeiliaid perthnasol, gan feithrin perthynas effeithiol a dylanwadol – Gofal Cymdeithasol Cymru, Colegau Addysg bellach, Prifysgolion ac ati.
•Darparu cyngor ac arweiniad proffesiynol gyda budd-ddeiliad perthnasol ar strategaethau recriwtio, cadw staff, datblygu sgiliau ac ail-lunio'r gweithlu.
•Sefydlu a monitro dangosyddion perfformiad allweddol ar gyfer cynllunio gweithlu, gan sicrhau bod penderfyniadau'n cael eu llywio gan dystiolaeth gadarn.
•Cynhyrchu adroddiad cynhwysfawr sy’n darparu asesiad o anghenion gweithlu ac argaeledd i lunio rhaglen waith i’r adrannau
•Cyflwyno dadansoddiadau ac argymhellion i’r Gweithgor Cynllunio Gweithlu, timau rheoli adrannol, tim rheoli corfforaethol, aelodau cabinet a byrddau llywodraethu perthnasol yn ôl y gofyn.
•Sicrhau bod y rhaglen waith yn cyrraedd at yr holl allbynnau a chanlyniadau angenrheidiol, a hynny o fewn terfynau cost, amser ac ansawdd
•Monitro datblygiadau cenedlaethol a rhanbarthol sy'n ymwneud â'r gweithlu a sicrhau bod arferion y Cyngor yn adlewyrchu arfer gorau.
•Cyfrifoldeb am hunan ddatblygiad
•Sicrhau cydymffurfiaeth â rheolau Iechyd a Diogelwch yn y gweithle yn unol â’r cyfrifoldebau a nodir yn Neddf Iechyd a Diogelwch yn y Gweithle 1974 a Pholisi Iechyd a Diogelwch y Cyngor.
•Gweithredu o fewn polisïau’r Cyngor yng nghyswllt cyfle cyfartal a chydraddoldeb.
•Cyfrifoldeb am reoli gwybodaeth yn unol â safonau a chanllawiau rheoli gwybodaeth y Cyngor.  Sicrhau bod gwybodaeth bersonol yn cael ei thrin mewn cydymffurfiaeth â deddfwriaeth Diogelu Data
•Ymrwymiad i leihau allyriadau carbon y Cyngor yn unol â’r Cynllun Rheoli Carbon ac annog eraill i weithredu’n gadarnhaol tuag at leihau ôl-troed carbon y Cyngor.
•Ymgymryd ag unrhyw ddyletswydd arall cyfatebol a rhesymol sy’n cyd-fynd â lefel cyflog a lefel cyfrifoldeb y swydd.
•Cyfrifoldeb i adrodd am bryder neu amheuaeth bod plentyn neu oedolyn bregus yn cael ei gamdrin
Amgylchiadau arbennig
•-