Pwrpas y Swydd.
Sicrhau bod pobl Gwynedd yn ganolog i bopeth yr ydym yn ei wneud.
Derbyn profiadau a chefnogaeth yn y gweithle i gwblhau cymhwyster uwch a datblygu i fod yn arweinydd ac yn arbenigwr yn y maes.
Mae’r Gwasanaeth Budd-daliadau a Threthi Gwynedd yn prosesu ceisiadau am gymorth ariannol fel Budd-dal Tai, Gostyngiad Treth Cyngor a chymorth addysg, yn ogystal â chasglu trethi’n effeithlon i helpu dinasyddion dalu eu costau hanfodol.
Cyfrifoldeb am Adnoddau. e.e. staff, cyllid, offer
-
Prif Ddyletswyddau.
Prif bwrpas y Gwasanaeth Trethi yw i gasglu trethi yn brydlon ac effeithlon.  Maent yn gyfrifol am gasglu Treth Cyngor (yn cynnwys y Premiwm ar eiddo gwag ac ail gartrefi), Ardrethi Annomestig ac ardoll Ardaloedd Gwella Busnes. 
Prif bwrpas y Gwasanaeth Budd-daliadau yw i brosesu ceisiadau Budd-dal Tai, Cynllun Gostyngiad Treth Cyngor, Budd-daliadau Addysg (Cinio am Ddim a Grant Datblygu Disgyblion) a Taliadau Tai Dewisol yn brydlon a chywir. 
Bydd yr hyfforddai yn cefnogi gweinyddu ystod o wasanaethau trethi a budd-daliadau, prosesu grantiau a biliau, rhedeg adroddiadau ar systemau arbenigol, ac ymateb i ymholiadau, ohebiaeth ac apeliadau.
Prif ddyletswyddau y rôl fydd i:
Gweithio gyda systemau arbenigol megis MRI ac Opentext, a chynorthwyo gyda phrofi ac uwchraddio meddalwedd.
Cefnogi archwiliadau mewnol ac allanol, gan gynnwys paratoi ymatebion a dogfennau perthnasol.
Delio’n uniongyrchol â’r cyhoedd ar faterion Budd-daliadau, Treth Cyngor a Threthi Annomestig, gan gynnwys trafod materion sensitif.
Mynychu apeliadau budd-dal a chynorthwyo gyda pharatoi dogfennau llys ac achosion sy’n ymwneud â thwyll neu ôl-ddyledion treth.
Cysgodi Arolygwyr Trethi Lleol ac ymgysylltu ag ystod eang o asiantaethau allanol.
Cyfrannu at brosiectau’r gwasanaeth, casglu data, ymateb i geisiadau Rhyddid Gwybodaeth a hyrwyddo gwasanaethau megis hunanwasanaeth ar-lein.
Cymhwyso’r gyfraith berthnasol i sefyllfaoedd trigolion Gwynedd a chael profiad o unedau eraill yn yr Adran Cyllid.
Dilyn polisïau’r Cyngor o ran iechyd a diogelwch, cydraddoldeb, diogelu data a lleihau carbon.
Cyfrifoldeb am hunan ddatblygiad
Sicrhau cydymffurfiaeth â rheolau Iechyd a Diogelwch yn y gweithle yn unol â’r cyfrifoldebau a nodir yn Neddf Iechyd a Diogelwch yn y Gweithle 1974 a Pholisi Iechyd a Diogelwch y Cyngor.
Gweithredu o fewn polisïau’r Cyngor yng nghyswllt cyfle cyfartal a chydraddoldeb.
Cyfrifoldeb am reoli gwybodaeth yn unol â safonau a chanllawiau rheoli gwybodaeth y Cyngor. Sicrhau bod gwybodaeth bersonol yn cael ei thrin mewn cydymffurfiaeth â deddfwriaeth Diogelu Data
Ymrwymiad i leihau allyriadau carbon y Cyngor yn unol â’r Cynllun Rheoli Carbon ac annog eraill i weithredu’n gadarnhaol tuag at leihau ôl-troed carbon y Cyngor.
Ymgymryd ag unrhyw ddyletswydd arall cyfatebol a rhesymol sy’n cyd-fynd â lefel cyflog a lefel cyfrifoldeb y swydd.
Cyfrifoldeb i adrodd am bryder neu amheuaeth bod plentyn neu oedolyn bregus yn cael ei gamdrin.
Amgylchiadau Arbennig. e.e. angen i weithio oriau anghymdeithasol, trefniadau gwaith arbennig, a.y.y.b.
-