Swyddi ar lein
Cydlynydd Addysg, Hyfforddiant a Chyflogaeth
£19,177 - £20,492 y flwyddyn | Dros dro
- Cyfeirnod personel:
- 26-32918
- Teitl swydd:
- Cydlynydd Addysg, Hyfforddiant a Chyflogaeth
- Adran:
- Plant a Chefnogi Teuluoedd
- Gwasanaeth:
- Gwasanaeth Cyfiawnder Ieuenctid
- Dyddiad cau:
- 24/07/2026 03:00
- Math Swydd/Oriau:
- Dros dro blwyddyn | 22.5 Awr
- Cyflog:
- £19,177 - £20,492 y flwyddyn
- Gradd tâl:
- S2
- Lleoliad(au):
- Gwasanaethau Cyfiawnder Ieuenctid Gwynedd a Môn (YOTS), Y Felinheli
Manylion
Hysbyseb Swydd
Mae gan Cyngor Gwynedd becyn cyflogaeth deniadol, am ragor o wybodaeth cliciwch ar y Pecyn Gwybodaeth
Mae Cyngor Gwynedd yn gweithredu’n fewnol trwy gyfrwng y Gymraeg ac yn cynnig ei holl wasanaethau yn ddwyieithog. Bydd angen i’r ymgeisydd gyrraedd y lefel ieithyddol sy’n cael ei nodi fel un o’r sgiliau hanfodol yn y Manylion Person.
Rydym yn annog pob ymgeisydd am swydd gyda’r Cyngor i gyflwyno ceisiadau yn Gymraeg neu yn ddwyieithog.
(Bydd ceisiadau sydd yn cael eu cyflwyno yn uniaith Gymraeg neu Saesneg yn cael eu trin yn gwbl gyfartal, ond gofynnir i’r ymgeisydd ystyried yn ofalus beth yw gofynion iaith y swydd a’r sefydliad ac a fyddai cyflwyno cais yn uniaith Gymraeg yn fwy addas.)
Am sgwrs anffurfiol neu manylion pellach gellir cysylltu ag Owain Llyr Peters ar 01248 679183 neu drwy e-bost LlyrPeters@gwynedd.llyw.cymru
Rhagwelir cynnal cyfweliadau ar y 04/08/2026.
Ffurflenni cais ar gael gan, Gwasanaeth Cefnogol, Cyngor Gwynedd, Swyddfa'r Cyngor, Stryd y Jêl, Caernarfon, LL55 1SH
Ffôn: 01286 679076 eBost: Swyddi@gwynedd.llyw.cymru
DYDDIAD CAU: 15:00 o'r gloch - 24/07/2026
Bydd y Cyngor yn gofyn am ddadleniad gan y Swyddfa Cofnodion Troseddol ar gyfer yr ymgeisydd llwyddiannus
Os yn llwyddiannus i fod ar y rhestr fer am gyfweliad, byddwn yn cysylltu a chwi drwy’r cyfeiriad E-BOST a gofnodwyd gennych ar eich ffurflen gais. Mae angen i chwi sicrhau eich bod yn gwirio eich E-BOST yn rheolaidd.
Manylion Person
NODWEDDION PERSONOL
HANFODOL
Yn dangos gwydnwch wrth weithio mewn sefyllfaoedd cymhleth a heriol
Yn dangos awydd I fentro a chael barn broffesiynol.
Yn dangos ymrwymiad i wella canlyniadau i blant a phobl ifanc.
Sgiliau trefniadaeth a rheoli amser da.
Gallu i weithio yn ôl cymhelliant personol o fewn fframwaith cytunedig.
Gweithiwr tîm effeithiol.
Gallu i weithio mewn amgylchedd amlbroffesiynol.
Yn ddibynadwy .
Gallu i weithio’n annibynnol.
Gallu i ddatblygu rhaglenni newydd a syniadau yn effeithiol.
Barod i ddysgu a datblygu.
DYMUNOL
Y gallu i gysylltu â datblygu perthynas waith effeithiol ag asiantaethau allanol chynrychiolwyr o sefydliadau eraill.
CYMWYSTERAU A HYFFORDDIANT PERTHNASOL
HANFODOL
Gradd berthnasol, cymhwyster proffesiynol neu brofiad cyfatebol
Hyfforddiant Diogelu Lefel 3 statudol neu barodrwydd i'w gyflawni o fewn amserlen y cytunir arni.
DYMUNOL
Addysgu (SAC) neu Ddiploma mewn Gwaith Ieuenctid
Gwaith Cyfiawnder Ieuenctid
Gwaith Cymdeithasol Preswyl
CQSW / Diploma mewn Gwaith Cymdeithasol Gwasanaeth Lles Addysg
Tystiolaeth o bresenoldeb ar gyrsiau hyfforddi achrededig yn ymwneud â Phlant a Phobl Ifanc.
PROFIAD PERTHNASOL
HANFODOL
Profiad o weithio gyda phlant a/neu deuluoedd o fewn amgylchedd addysg, gyrfaoedd, gwaith ieuenctid neu waith cymdeithasol.
Profiad o reoli a blaenoriaethu baich achosion ac ymateb i amrediad eang o flaenoriaethau.
Profiad o ymwneud yn sensitif â defnyddwyr gwasanaeth gyda phroblemau cymhleth ac o gyfrannu at agwedd tîm.
Profiad o baratoi cyngor a gwybodaeth broffesiynol eglur i rieni/gofalwyr, prif penaethiaid athrawon, swyddogion Cyfiawnder Ieuenctid a swyddogion Lles Addysg.
Profiad o ymdrin â materion megis presenoldeb ysgol, gwaharddiadau, Cynlluniau Dysgu Unigol, anghenion dysgu ychwanegol, a chysylltiad â’r Gwasanaeth Cyfiawnder Ieuenctid.
Profiad o Bolisïau Cyfle Cyfartal ac Amrywiaeth yng nghyd-destun darparu gwasanaeth, materion cyflogaeth ac ymroddiad i arferion gofal cwsmeriaid
DYMUNOL
Profiad o Reoli Prosiectau, datblygu a gweithredu protocolau a gweithdrefnau prosiect.
Profiad o baratoi a chyflwyno adroddiadau.
Profiad o weithio gyda Phlant a Phobl Ifanc sydd mewn perygl o fod neu sydd dan anfantais gymdeithasol
Profiad o weithio gyda Phlant a Phobl Ifanc anodd eu cynnwys.
Profiad o waith Cyfiawnder Troseddol
SGILIAU A GWYBODAETH ARBENIGOL
HANFODOL
Dealltwriaeth o’r ffactorau sy’n effeithio ar blant sy’n ymwneud â’r System Cyfiawnder Ieuenctid.
Dealltwriaeth o ddulliau sy’n seiliedig ar drawma ac sy’n canolbwyntio ar y plentyn wrth weithio gyda phlant a phobl ifanc.
Gallu i gymryd rhan mewn cynllunio, datblygu ac arfarnu gwasanaeth.
Gallu i reoli a blaenoriaethu baich achosion/llwyth gwaith.
Sgiliau mewn adeiladu perthynas gyda phobl ifanc, a all ysgogi newid mewn ymddygiad.
Gallu i gyfathrebu’n effeithiol, ar lafar ac yn ysgrifenedig, gyda phobl ifanc, eu gofalwyr, dioddefwyr, aelodau o’r cyhoedd, cydweithwyr a chynrychiolwyr o asiantaethau eraill.
Lefel uchel o sgiliau cyfathrebu, rhyngbersonol a chyflwyno gan gynnwys profiad o ysgrifennu adroddiadau cywir a chryno.
Dealltwriaeth o waith aml-asiantaeth a'r gallu i weithio'n effeithiol ac yn greadigol yn y lleoliad hwn.
Y gallu i gofnodi'n gryno ond yn gywir ar system wybodaeth.
Yn gallu teithio’n annibynnol ledled Gwynedd ac Ynys Môn er mwyn cyflawni gofynion y rôl.
Sgiliau TG i lefel broffesiynol alluog.
DYMUNOL
Gwybodaeth fanwl am y System Cyfiawnder Ieuenctid a’r ddeddfwriaeth gysylltiedig, gan gynnwys Deddf Trosedd ac Anhrefn 1998, Deddf Gwasanaethau Cymdeithasol a Llesiant (Cymru) 2014, deddfwriaeth diogelu a gofynion cyflogaeth plant.
Gwybodaeth am Ddeddf Addysg 2011 ac yn arbennig cyfrifoldeb rhieni / gofalwyr i sicrhau bod eu plant yn derbyn addysg amser llawn.
Gwybodaeth am ddeddfwriaeth a chanllawiau ar Gynhwysiad Cymdeithasol.
Ymwybyddiaeth o faterion cydraddoldeb mewn perthynas â grwpiau sydd dan anfantais o fewn y system gyfiawnder troseddol a’r gallu i herio arferion gwahaniaethol.
Gwybodaeth o systemau Gwasanaethau Cymdeithasol a Phlant sy’n Derbyn Gofal.
Ymwybyddiaeth o brosesau Amddiffyn Plant.
Profiad o weithio gyda phlant a phobl ifanc o fewn y system cyfiawnder.
Gwybodaeth am Ddatblygiad Plant mewn perthynas â glaslencyndod.
Gwybodaeth am ymddygiad troseddol a ffactorau sy’n cyfrannu at droseddu ac ail droseddu.
ANGHENION IEITHYDDOL
HANFODOL
Gwrando a Siarad - Lefel Uwch
Gallu dilyn sgwrs neu drafodaeth drwy gyfrwng y Gymraeg a’r Saesneg ar lefel broffesiynol a thrafod pynciau cyffredinol bob dydd yn y maes er mwyn cyflwyno gwybodaeth a mynegi barn. Gallu darparu cyflwyniad wedi'i baratoi o flaen llaw ac ymateb i unrhyw sylwadau a chwestiynau arno drwy gyfrwng y Gymraeg a’r Saesneg.
Darllen a Deall - Lefel Uwch
Gallu deall Cymraeg a Saesneg ysgrifenedig safonol, ffurfiol ac anffurfiol. Medru casglu gwybodaeth o amrywiol ffynonellau megis llythyrau, adroddiadau, erthyglau, drwy gyfrwng y Gymraeg a’r Saesneg er mwyn cyflawni'r swydd.
Ysgrifennu - Lefel Uwch
Cyflwyno gwybodaeth ysgrifenedig gyda hyder ar ffurf llythyr, adroddiad mwy manwl a thechnegol ac ymateb i geisiadau ysgrifenedig gan gyfleu gwybodaeth, syniadau a barn drwy gyfrwng y Gymraeg a’r Saesneg. (Mae'n bosib cael cymorth i wirio'r iaith)
Swydd Ddisgrifiad
Pwrpas y Swydd
• Sicrhau bod pobl Gwynedd yn ganolog i bopeth yr ydym yn ei wneud.
• I gyfranu tuag at sicrhau fod pob plentyn/pherson ifanc sy’n ymwneud â’r Gwasanaeth Cyfiawnder Ieuenctid yn cael mynediad llawn at gyfleoedd addysg, hyfforddiant a chyflogaeth priodol.
• Sicrhau try gweithio ar y cyd â phartneriaid ag asiantaethau allweddol, gan gynnwys ysgolion, Gyrfa Cymru a rhieni/gofalwyr, er mwyn cefnogi pob plentyn a pherson ifanc i gyrraedd ei lawn botensial.
• Cymryd rôl arweiniol wrth hyrwyddo’r Cynllun Addysg, Hyfforddiant a Chyflogaeth (AHCh) a monitro perfformiad er mwyn gwella canlyniadau i blant a phobl ifanc sy’n hysbys i’r Gwasanaeth Cyfiawnder Ieuenctid.
Cyfrifoldeb am Adnoddau. . e.e. staff, cyllid, offer
• Offer TG a gyflenwir iddynt gan y gwasanaeth ar gyfer y rôl, PC, Ffôn symudol (SMART).
• Fe fydd gan deilydd y swydd fynediad a chyfrifoldeb am ddefnydd o geir pŵl y gwasanaeth.
• Fe fydd ganddynt fynediad a chyfrifoldeb am amrywiaeth o adnoddau ar gyfer cyflawni ymyriadau h.y. Gliniaduron, Tabledi, Citrix.
• Cyfrifoldeb am Gyllideb Adnoddau fechan at ddibenion datblygu.
Prif Ddyletswyddau.
• I weithio gyda uwch arweinwyr addysg a staff ysgolion i sicrhau bod pob plentyn a pherson ifanc sy’n hysbys i’r Gwasanaeth Cyfiawnder Ieuenctid yn cael mynediad at ddarpariaeth addysg, hyfforddiant neu gyflogaeth priodol.
• Gweithio gydag aelodau o reolwyr a staff Cyfiawnder Ieuenctid i sicrhau bod pobl ifanc yn cael cymorth i weithio ac ymgysylltu â'u swyddog addysg.
• Cyfrannu at gynllunio strategol ar gyfer addysgu plant sy'n troseddu a hyrwyddo safon uchel o gyfathrebu a chydlynu rhwng yr Adran Addysg, ysgolion, sefydliadau hyfforddi a chyflogaeth a'r Chyfiawnder Ieuenctid.
• Hwyluso cyfathrebu effeithiol rhwng darparwyr addysg a phartneriaid cyfiawnder, gan sicrhau bod trefniadau rheoli risg priodol ar waith i gefnogi plant a phobl ifanc i barhau i ymgysylltu ag addysg lle bynnag y bo modd.
• Hyrwyddo ymwybyddiaeth gorfforaethol o ddatblygiadau mewn ymchwil, deddfwriaeth a chanllawiau sy'n ymwneud ag addysg, hyfforddiant a chyflogi plant a phobl ifanc sydd yn y system gyfiawnder.
• Nodi a lledaenu gwybodaeth i'r GCI am gyfleoedd a phrosiectau addysg, hyfforddiant a chyflogaeth yn yr ardal leol er mwyn gwella presenoldeb, ymgysylltiad a chyrhaeddiad addysg, hyfforddiant a chyflogaeth.
• Darparu adroddiadau i Dîm Rheoli'r GCI a'r Bwrdd Rheoli Strategol yn ymwneud â dangosyddion perfformiad allweddol a dadansoddiad o anghenion pobl ifanc o ran darpariaeth addysg, hyfforddiant a chyflogaeth leol.
• Cyfrannu at ddatblygu, gweithredu ac adolygu’n rheolaidd gynlluniau addysg unigol ar gyfer plant a phobl ifanc.
• Darparu gwybodaeth i swyddogion y GCI am bresenoldeb a chyrhaeddiad ysgol a gweithredu fel swyddog cyswllt rhwng y GCI ac ysgolion.
• Darparu cyngor, arweiniad a chefnogaeth yn ôl yr angen i Rieni, Plant a Phobl Ifanc wrth fynd i'r afael â materion presenoldeb ysgol a lles addysg.
• Sicrhau bod yr holl gysylltiadau sy’n ymwneud ag addysg, hyfforddiant a chyflogaeth person ifanc yn cael eu mewnbynnu’n amserol i System Rheoli Gwybodaeth y GCI (Childview).
• Mynychu a chydlynu Panel Addysg, Hyfforddiant a Chyflogaeth y GCI.
• Monitro'r gwaith o gofnodi nifer yr oriau AHCh (ETE) a gynigir ac a fynychir gan garfan y Gwasanaeth Cyfiawnder Ieuenctid.
• Casglu, dadansoddi a chyflwyno gwybodaeth ystadegol a pherfformiad berthnasol at ddibenion monitro lleol, rhanbarthol a chenedlaethol yn ôl yr angen.
• Nodi plant a phobl ifanc nad ydynt yn cael addysg amser llawn neu nad ydynt yn cael mynediad at hyfforddiant llawn amser neu gyflogaeth o fewn ardaloedd yr awdurdod lleol a sicrhau bod cynllun yn ei le i wella mynediad a phresenoldeb.
• Cydlynu darpariaethau addysg/hyfforddiant yn benodol gyda sefydliadau troseddwyr ifanc ac unedau llety diogel.
• Cynorthwyo i greu a chyflwyno Prosiectau Ymgysylltu ag Ysgolion (Cynradd ac Uwchradd) megis rhaglenni ‘Lleihau Troseddu’, ‘Cadw’n Ddiogel’, ‘Ymwybyddiaeth o’r System Cyfiawnder Troseddol’.
• Gweithio gyda phartneriaid cefnogi ysgolion eraill (Heddlu, Gwasanaethau Ieuenctid, Iechyd) i ddatblygu rhaglenni cydgysylltiedig a chydlynol sy'n atal gwaharddiadau neu amhariad sylweddol ar ddysgu.
• Gweithredu fel ymarferydd eilaidd ar achosion lle mae rhwystrau sylweddol i addysg, hyfforddiant neu gyflogaeth wedi’u nodi, ac lle mae angen mewnbwn arbenigol ym maes AHCh.
• Gweithio ochr yn ochr â Rheolwyr Achos y GCI ac asiantaethau allanol, sy’n ceisio adfer neu gefnogi pobl ifanc i gyflawni eu potensial addysgol neu hyfforddiant.
• Bydd deilydd y swydd yn cynnal llwyth achosion bach ond dwys (tua 6–8 achos) sy’n gofyn am ymyriadau addysg, hyfforddiant a chyflogaeth wedi’u targedu er mwyn mynd i’r afael â rhwystrau sylweddol i gyfranogiad a chyflawniad.
• Cyfrifoldeb am hunan ddatblygiad
• Sicrhau cydymffurfiaeth â rheolau Iechyd a Diogelwch yn y gweithle yn unol â’r cyfrifoldebau a nodir yn Neddf Iechyd a Diogelwch yn y Gweithle 1974 a Pholisi Iechyd a Diogelwch y Cyngor.
• Gweithredu o fewn polisïau’r Cyngor yng nghyswllt cyfle cyfartal a chydraddoldeb.
• Cyfrifoldeb am reoli gwybodaeth yn unol â safonau a chanllawiau rheoli gwybodaeth y Cyngor. Sicrhau bod gwybodaeth bersonol yn cael ei thrin mewn cydymffurfiaeth â deddfwriaeth Diogelu Data
• Ymrwymiad i leihau allyriadau carbon y Cyngor yn unol â’r Cynllun Rheoli Carbon ac annog eraill i weithredu’n gadarnhaol tuag at leihau ôl-troed carbon y Cyngor.
• Ymgymryd ag unrhyw ddyletswydd arall cyfatebol a rhesymol sy’n cyd-fynd â lefel cyflog a lefel cyfrifoldeb y swydd.
• Cyfrifoldeb i adrodd am bryder neu amheuaeth bod plentyn neu oedolyn bregus yn cael ei gamdrin
Amgylchiadau Arbennig. . e.e. angen i weithio oriau anghymdeithasol, trefniadau gwaith arbennig, a.y.y.b.
• Disgwylir y bydd deilydd y swydd ar gael i wneud rhywfaint o waith y tu allan i oriau swyddfa arferol a rhai gweithgareddau ar y penwythnos ar adegau.
Amlinelliad yn unig o ddyletswyddau’r swydd a ddangosir uchod, a hynny er mwyn rhoi syniad o’r lefel cyfrifoldeb sydd ynghlwm â hi. Nid yw’r swydd ddisgrifiad hon yn fanwl gynhwysfawr, ac fe all dyletswyddau’r swydd newid o bryd i’w gilydd heb newid ei natur sylfaenol na’r lefel cyfrifoldeb.
