Pwrpas y Swydd.
Sicrhau bod pobl Gwynedd yn ganolog i bopeth yr ydym yn ei wneud.
Cyfrifoldeb am Adnoddau. e.e. staff, cyllid, offer
Cynorthwyo’r Rheolwr Gwasanaeth i reoli holl adnoddau’r Gwasanaeth gan gynnwys monitro cyllidebau gwasanaeth.
Prif Ddyletswyddau.
Cynorthwyo'r Rheolwr Gwasanaeth i arwain a rheoli'r Tîm Iechyd Galwedigaethol, trwy gyflawni'r dyletswyddau a chyfrifoldebau canlynol:
ARWAIN
Arwain staff y Gwasanaeth drwy annog a chymell i berchnogi egwyddorion Ffordd Gwynedd a bod yn atebol am sicrhau fod hynny’n digwydd.
Sicrhau amgylchedd o fewn y tîm sy’n hyrwyddo ac annog llesiant staff.
Cynorthwyo’r tîm i sefydlu egwyddorion gweithredu gan ystyried deddfau perthnasol (e.e. Iechyd a Diogelwch, Deddf Llesiant a Chenedlaethau’r Dyfodol, Deddf Gwasanaethau Cymdeithasol a Llesiant) a sicrhau eu bod yn cadw atynt.
Bod yn ymwybodol o sut y mae systemau’r tîm yn gweithio a hwyluso i’w herio ple bo’r angen.
Sicrhau fod y tîm yn cyfrannu at amcanion gwasanaethau neu sefydliadau eraill sy’n ceisio cyflawni’r hyn sy’n bwysig i bobl Gwynedd.
Hyrwyddo’r angen i adnabod a gweithredu ar fygythiadau a chyfleoedd y dyfodol gan gynnwys camau ataliol.
Sicrhau ymwybyddiaeth o’r hinsawdd gyfreithiol a gwleidyddol sy’n effeithio ar y gwasanaeth gan sicrhau fod aelodau’r tîm yn ymwybodol o’r elfennau angenrheidiol.
Bod yn fyw i ymarfer da o fewn y maes gwasanaeth a sicrhau fod y tîm yn ystyried priodoldeb yr ymarfer da hwnnw iddynt hwy.
Arwain newid o fewn y maes gwasanaeth lle mae angen gwneud hynny.
Ymdrin gyda phryderon a godir ynglŷn â’r Gwasanaeth a’u uchafu at sylw y Meddyg Iechyd Galwedigaethol ble fo pryderon am ymarfer clinigol.
Sicrhau goruchwyliaeth briodol, datblygiad proffesiynol parhaus a chefnogaeth i’r tîm; ac os nad yn nyrs cofrestredig, trefnu goruchwyliaeth broffesiynol briodol drwy unigolyn cymwys.
GALLUOGI A GRYMUSO
Recriwtio a datblygu unigolion a thimau i sicrhau bod ganddynt y sgiliau angenrheidiol i gyflawni’r rolau sydd eu hangen rwan ac i’r dyfodol.
Arfogi’r tîm i sefydlu beth sy’n bwysig i bobl Gwynedd, a thrwy hynny sefydlu pwrpas y tîm a’i gadw’n gyfredol.
Sicrhau fod penderfyniadau yn cael eu gwneud ar sail tystiolaeth.
Helpu’r tîm i adolygu a herio ei berfformiad.
Creu a chynnal awyrgylch sy’n galluogi pob aelod o’r tîm i gyfrannu a chymryd penderfyniadau er mwyn darparu’r gwasanaethau gorau posib.
Sicrhau awyrgylch o ymddiriedaeth ac atebolrwydd o fewn y tîm gan sicrhau cyfathrebu priodol gyda ac o fewn y tîm.
CYFLAWNI
Arfogi’r tîm i ystyried pa fesurau sy’n dangos perfformiad yn erbyn y pwrpas ac i berchnogi’r mesurau hynny.
Annog y tîm i arloesi, mentro a dysgu o brofiad er mwyn gwella perfformiad.
Cymell a/neu mentora y tîm i adnabod a gweithredu’n amserol er mwyn dileu rhwystrau sy'n atal y gallu i gyflawni yr hyn sy’n bwysig i bobl Gwynedd.
Datrys unrhyw rwystrau na all y tîm eu datrys.
Sicrhau fod cwynion yn derbyn sylw priodol a bod y tîm yn ystyried unrhyw wersi sy’n codi er mwyn gwella gwasanaeth.
Gweithredu mewn ffordd rhagweithiol; bod yn agored i feddwl yn wahanol; yn egnïol ac ymroddedig gydag integriti personol er mwyn cyflawni’r swyddogaethau isod gan sicrhau bod staff yr Adran yn cael eu datblygu  i arddangos yr un nodweddion.
Cydlynu a threfnu data perthnasol, a chyflwyno’r broses o reoli perfformiad y tîm, gan gynnwys gosod amcanion a darparu adborth rheolaidd a ffurfiol.
Defnyddio data perfformiad a gwybodaeth iechyd galwedigaethol i lywio gwelliant parhaus a datblygiad y gwasanaeth.
MEYSYDD PENODOL Y SWYDD Sicrhau
Sicrhau gweithrediad effeithiol yr Uned Iechyd Galwedigaethol o ran amserlenni a staffio clinigau gan gynllunio ymlaen am gyfnodau gwyliau a gweithredu ar frys ble fo angen ail drefnu neu ohirio clinig.
Datblygu systemau, prosesau gwaith a chanllawiau gweithredu effeithiol o fewn yr Uned i gael eu cymeradwyo gan y Meddyg er mwyn sicrhau cydymffurfiaeth â gofynion BMA / NMC o ran ymarfer meddygol, a threfnu sesiynau Goruchwyliaeth Glinigol i staff yr Uned gyda’r Meddyg Iechyd Galwedigaethol.
Cynorthwyo i gomisiynu a rheoli gwasanaethau allanol arbenigol (e.e. cwnsela, ffisiotherapi a darpariaeth feddygol), gan sicrhau ansawdd y gwasanaeth a gwerth am arian, a chydlynu darpariaeth gwasanaethau iechyd galwedigaethol i gwsmeriaid mewnol ac allanol, gan gyfrannu at ddatblygiad masnachol y gwasanaeth a chefnogi cyflawni targedau incwm.
Gweithredu fel Rheolwr Practis (Practice Manager) ar yr Uned.
Bod yn berson cyfrifol tros gofnodion meddygol y mae’r Uned yn eu cadw gan sicrhau cydymffurfiaeth gyda GDPR.
Hybu lechyd a llesiant
Cyfrifoldeb am gynnwys a gweithredu y rhaglen llesiant staff gorfforaethol a’r Safon Iechyd Corfforaethol.
Trefnu a gweithredu amserlen ar gyfer ymweld a chanolfannau gwaith y Cyngor er mwyn cynnal profion/ymgyrchoedd iechyd.
Dylunio, datblygu a chyflwyno rhaglenni hyfforddiant ac ymwybyddiaeth ar faterion iechyd galwedigaethol, gan sicrhau bod y cynnwys yn gyfredol, yn seiliedig ar dystiolaeth ac yn diwallu anghenion y gweithlu.
Cynnal profion e.e. pwysau gwaed, cholesterol, siwgr a gwiriadau iechyd a Ilês cyffredinol.
Cynghori ar les ac iechyd unigolion a chyfeirio materion priodol i sylw'r Meddyg lechyd Galwedigaethol.
Sicrhau adnoddau digonol ar gyfer gweithredu'r cynllun hwn.
Cadw cofnodion ac adrodd ar Iwyddiant y cynllun yn rheolaidd.
Cyfrifoldeb tros raglenni brechu staff a gweinyddu brechiadau yn ôl yr angen, o dan oruchwyliaeth yr Ymgynghorydd Iechyd Galwedigaethol.
Gwyliadwriaeth lechyd
Trefnu a gweithredu rhaglen gwyliadwriaeth iechyd i gynnwys adolygiadau amserol.
Ymgymryd a phrofion gwyliadwriaeth iechyd penodol e.e. clyw, anadl, croen.
Cadw cofnodion priodol yng nghyswllt y profion gwyliadwriaeth iechyd.
Holiaduron lechyd
Asesu datganiadau iechyd / holiaduron cyn cyflogaeth er mwyn dod i gasgliad ynglÿn a chyflwr iechyd staff, gan gyfeirio ymlaen i'r Meddyg ple bo angen.
Ymddeoliadau ar Sail lechyd
Cydlynu a gweithredu ceisiadau ymddeoliad salwch.
Ymgynghoriadau meddygol
Ymgymryd ag asesiad o gyflwr meddygol staff sy'n absennol (achosion penodol) o dan gyfarwyddyd y Meddyg lechyd Galwedigaethol, gan awgrymu rhaglenni dychwelyd i'r gwaith pan yn addas.
Cynghori rheolwyr a staff ar faterion iechyd galwedigaethol penodol o dan gyfarwyddyd y Meddyg Iechyd Galwedigaethol.
Cyffredinol
Cyfrifoldeb am hunan ddatblygiad.
Cyfrannu at a chefnogi trefniadau llywodraethu clinigol yr Uned, gan gynnwys sicrhau ansawdd, archwilio, rheoli risg a chydymffurfiaeth â safonau proffesiynol perthnasol.
Sicrhau cydymffurfiaeth â rheolau Iechyd a Diogelwch yn y gweithle yn unol â’r cyfrifoldebau a nodir yn Neddf Iechyd a Diogelwch yn y Gweithle 1974 a Pholisi Iechyd a Diogelwch y Cyngor.
Gweithredu o fewn polisïau’r Cyngor yng nghyswllt cyfle cyfartal a chydraddoldeb.
Cyfrifoldeb am reoli gwybodaeth yn unol â safonau a chanllawiau rheoli gwybodaeth y Cyngor. Sicrhau bod gwybodaeth bersonol yn cael ei thrin mewn cydymffurfiaeth â deddfwriaeth Diogelu Data.
Ymrwymiad i leihau allyriadau carbon y Cyngor yn unol â’r Cynllun Rheoli Carbon ac annog eraill i weithredu’n gadarnhaol tuag at leihau ôl-troed carbon y Cyngor.
Ymgymryd ag unrhyw ddyletswydd arall cyfatebol a rhesymol sy’n cyd-fynd â lefel cyflog a lefel cyfrifoldeb y swydd.
Cyfrifoldeb i adrodd am bryder neu amheuaeth bod plentyn neu oedolyn bregus yn cael ei gamdrin.
Amgylchiadau Arbennig. e.e. angen i weithio oriau anghymdeithasol, trefniadau gwaith arbennig, a.y.y.b.
-