Pwrpas y Swydd.
Cefnogi Pennaethiaid Ysgolion Uwchradd y Cyngor i ddatrys problemau hefo’u hadeiladau, cynorthwyo i lunio rhaglenni gwaith a chomisiynu gwaith i wella cyflwr ein Hysgolion Uwchradd yn unol â’r cyllidebau sydd ar gael.
Bydd disgwyl i’r Swyddog osod targedau a llunio sustemau i fonitro gwariant a chynnydd y rhaglenni, ac adrodd ar hynny yn rheolaidd i Uwch Swyddogion a Phennaethaid yr Ysgolion Uwchradd.
Gweithredu fel dolen gyswllt rhwng Penaethiaid Ysgolion Uwchradd y Sir, yr Adran Addysg a Swyddogion Technegol Arbenigol.
Sicrhau bod pobl Gwynedd yn ganolog i bopeth yr ydym yn ei wneud.
Cyfrifoldeb am Adnoddau. e.e. staff, cyllid, offer
Offer mesur, camera, ffôn symudol, monitro gwariant.
Prif Ddyletswyddau.
Gweithredu fel pwynt cyswllt ar gyfer Pennaethiaid yr Ysgolion Uwchradd mewn cyswllt â materion Eiddo.
Gweithredu fel Pencampwr Adeilad ar gyfer Ysgolion Uwchradd y Sir trwy gynghori ar gynlluniau sy’n cael eu cyllido gan y Rheolwyr Safle, cynorthwyo a chynghori ar adroddiadau Iechyd a Diogelwch, delio efo ceisiadau am ganiatâd i wneud gwaith (C1+C2) gan Reolwyr Safle a delio gyda galwadau cynnal a chadw cymhleth yr adeiladau hynny.
Comisiynu arolygon cyflwr ar Ysgolion Uwchradd y Sir.
Llunio gweledigaeth a rhaglen tymor canol/hir ar gyfer gwelliannau ac addasiadau i’r ysgolion uwchradd ar y cyd gyda rheolwr safle, tîm rheoli a llywodraethwyr pob ysgol.
Cynorthwyo’r Rheolwr Cynnal a Chadw â chydymffurfiaeth, i lunio rhaglen waith i ymdrin â’r ôl-groniad cynnal a chadw gan gymryd i ystyriaeth gofynion a blaenoriaethau’r Adran Addysg.
Llunio rhaglen ar y cyd â’r Penaethiaid i gyd-redeg â’r gwaith rhaglenedig i atal tŵf yn yr ôl-groniad a chyfarch gwelliannau ar gais y Penaethiaid a Swyddogion yr Adran Addysg.
Cyfathrebu cynnwys y rhaglenni gyda’r Penaethiaid yn rheolaidd.
Cyd-gordio’r Rhaglenni gan gyfathrebu’r cynnwys a diweddariadau gyda Pennaethiaid yr Ysgolion Uwchradd.
Ymgymryd ac archwiliadau Diogelwch eiddo ar Ysgolion Uwchradd a diweddaru system rheoli asedau’r Cyngor (Civica/ TF )
Cyd-weithio gyda Swyddogion o’r Uned Diogelwch Adeiladau i gyd-blethu gwaith yn deillio o asesiadau’r Uned Diogelwch.
Cyd-weithio gyda swyddogion technegol arbenigol yn yr Uned Cynnal a Chadw mewn cyswllt a gwaith arbenigol.
Cyd-weithio gyda Swyddogion yr Uned Cadwraeth Ynni i gyd-blethu gwaith yn deillio o’i rhaglen waith hwy.
Cyd-weithio gyda Swyddogion yr Uned Ddatblygu i gyd-gordio unrhyw welliannau yn yr adeiladau.
Llunio briffiau i ymgymryd â’r gwaith sydd wedi’i gynnwys yn y Rhaglen waith.
Comisiynu ymgynghorwyr mewnol / allanol i ddylunio prosiectau cynnal a chadw sylweddol.
Sefydlu sustem i fonitro cynnydd yn y gwaith ar sail ariannol a gwaith wedi’i gwblhau.
Paratoi adroddiadau cynnydd i Uwch Swyddogion yn yr Adran Tai ac Eiddo ac Addysg yn ogystal a Phenaethiaid yr ysgolion.
Paratoi / Comisiynu adroddiadau dichonoldeb ar opsiynau posib o ymdrin â phroblem cynnal a chadw yn yr Ysgolion Uwchradd.
Cofnodi a threfnu ceisiadau am waith ar yr Ysgolion Uwchradd a hysbysu’r Pennaethiaid ar gynnydd y ceisiadau.
Cynorthwyo i ddelio a cheisiadau am waith sy’n deillio o adroddiadau gwasanaethu cylchol
Cynghori Pennaethiaid Ysgolion ynglŷn â beth i’w wneud pan fo problemau hefo adeiladau’r ysgolion.
Dehongli gwybodaeth a phenderfynu ar y trywydd gorau o ran gweithredu.
Comisiynu contractwyr gan ddilyn canllawiau’r Cyngor o ran comisiynu a rheoli contractwyr.
Casglu a chofnodi adborth gan gontractwyr a Phenaethiaid.
Sicrhau bod ansawdd yn rhan greiddiol o bob cam o’r gwaith.
Cymryd perchnogaeth o geisiadau am waith o’r dechrau i’r diwedd.
Prosesu anfonebau gan gontractwyr a dilyn prosesau gweithredu cyllidol y Cyngor.
Gweithredu mewn ffordd ddiogel ac yn unol â rheoliadau iechyd a diogelwch, polisïau’r Cyngor a chynlluniau rheoli risg.
Ymweld â safleoedd Ysgolion Uwchradd i archwilio adeiladau a phenderfynu ar y ffordd orau i ymateb i broblemau, gan gyd-drafod datrysiadau gyda, ac ar ran yr ysgolion.
Archwilio gwaith i sicrhau ei fod yn cwrdd â safonau, yn unol â rheoliadau iechyd a diogelwch, a chytundebau tendr, gan sicrhau gwerth am arian.
Paratoi manylebau gwaith, dyluniadau ac apwyntio contractwyr a neu ymgynghorwyr, yn unol â rheoliadau caffael y Cyngor.
Arwain, rheoli neu gydlynu prosiectau adeiladu ar safleoedd ysgolion uwchradd, boed yn brosiectau cynnal a chadw, addasu, ynni neu ddiogelwch.
Comisiynu ymgynghorwyr i ychwanegu gwerth pan fo’r angen. Dadansoddi argymhellion yr ymgynghorwyr, dod i gasgliadau a gweithredu’n briodol.
Delio gyda cheisiadau am waith cynnal a chadw sy’n golygu gwaredu neu ymdrin ag asbestos.
Cyfrifoldeb am hunan ddatblygiad
Sicrhau cydymffurfiaeth â rheolau Iechyd a Diogelwch yn y gweithle yn unol â’r cyfrifoldebau a nodir yn Neddf Iechyd a Diogelwch yn y Gweithle 1974 a Pholisi Iechyd a Diogelwch y Cyngor.
Gweithredu o fewn polisïau’r Cyngor yng nghyswllt cyfle cyfartal a chydraddoldeb.
Cyfrifoldeb am reoli gwybodaeth yn unol â safonau a chanllawiau rheoli gwybodaeth y Cyngor. Sicrhau bod gwybodaeth bersonol yn cael ei thrin mewn cydymffurfiaeth â deddfwriaeth Diogelu Data
Ymrwymiad i leihau allyriadau carbon y Cyngor yn unol â’r Cynllun Rheoli Carbon ac annog eraill i weithredu’n gadarnhaol tuag at leihau ôl-troed carbon y Cyngor.
Cyfrifoldeb i adrodd am bryder neu amheuaeth bod plentyn neu oedolyn bregus yn cael ei gam-drin.
Mae’r rhestr dyletswyddau uchod yn un amlinellol yn unig. Disgwylir i ddeilydd y swydd weithredu ar unrhyw ddyletswyddau eraill sy’n berthnasol i natur a graddfa’r swydd yn unol â cheisiadau rhesymol gan y Rheolwr Llinell.
Amgylchiadau Arbennig. e.e. angen i weithio oriau anghymdeithasol, trefniadau gwaith arbennig, a.y.y.b.
-