Pwrpas y swydd
Sicrhau bod pobl Gwynedd yn ganolog ym mhopeth rydym yn ei wneud.
Cynorthwyo gyda sicrhau y darperir gwasanaeth o safon dda ym mhob agwedd o'r ddarpariaeth gwasanaeth i gwsmeriaid yn harbwr Pwllheli.
Cynorthwyo i sicrhau bod Hafan Pwllheli a Harbwr Pwllheli yn gosod safon uchel o fewn y diwydiant morol.
Sicrhau y dyrennir yr angorfa briodol i gychod - i ddalwyr angorfa flynyddol ac i gychod sy'n ymweld.
Sicrhau bod y cyfleusterau yn yr Hafan yn cael eu cynnal i safon uchel.
Rheoli'r holl brosesau gweithredol ar gyfer Hafan Pwllheli gan sicrhau eu bod yn ddiogel, yn cydymffurfio ac yn effeithlon.
Cyfrifoldeb am adnoddau e.e. staff, cyllid, offer
Cyllid – Cyfrifoldeb am sicrhau'r gwerth gorau am arian wrth brynu neu dderbyn gwasanaethau.  
Offer – defnyddio'r holl offer a chyfleusterau yn yr Hafan a'r harbwr yn gyfrifol a rheoli system gadarn i sicrhau bod yr holl gyfundrefnau arolygu wythnosol/misol yn cael eu cwblhau'n ddiwyd.  
Staff – Rheolwr llinell ar gyfer rôl y Prif Fosun (Arweinydd Tîm) **** a'u tîm (Rolau Bosun).
Yn gyfrifol am oruchwylio rheolaeth y Prif Fosun (Arweinydd Tîm) o'r ardal storio cychod (ar y lan) ac am fonitro symudiad yr holl gychod, trelars ac offer yn Hafan Pwllheli. Yn benodol gyfrifol am anfonebu ar gyfer storio cychod ar y lan.
Yn gyfrifol am sicrhau y dyrennir yr angorfa briodol i ddalwyr angorfa flynyddol ac i gychod sy'n ymweld.
Cydymffurfiaeth - Yn gyfrifol am sicrhau bod cyfleuster a safle Hafan Pwllheli yn cydymffurfio â'r cyfarwyddebau rheoli gwastraff cyfredol.
Offer - Yn gyfrifol am stoc (ailwerthu) ac ail-archebu yr holl eitemau traul (ac eithrio cyflenwadau swyddfa), e.e. canisters nwy, pecyn gollwng olew, cyflenwadau glanhau, pecyn cymorth cyntaf.
Prif ddyletswyddau
Rheoli'r holl brosesau gweithredol ar gyfer Hafan Pwllheli gan sicrhau eu bod yn ddiogel, yn cydymffurfio ac yn effeithlon. Bydd hyn yn golygu gweithio'n agos gyda'r Prif Fosun tra hefyd yn aelod allweddol o uwch dîm rheoli Hafan Pwllheli.
Bydd bod yn aelod allweddol o dîm rheoli Hafan Pwllheli yn cynnwys amrywiaeth o dasgau o adolygu prosesau a gweithdrefnau i wneud penderfyniadau mewn proses dendro ac arwain mentrau i wella gweithrediadau.
Rheoli system ddiogel o waith ar gyfer y pontŵn i sicrhau bod yr holl gychod ar angorfeydd pontŵn yn cael eu diogelu gan ddefnyddio llinellau a ffenderau cywir sy'n cynnwys cynnal gwiriadau rheolaidd o'r pontŵn a'r cychod sydd wedi'u hangori ar y pontŵn. Rhaid i'r system hon gynnwys gwiriadau ychwanegol cyn ac yn ystod tywydd garw.
Cynnal archwiliad wythnosol o'r cychod ar angorfeydd y pontŵn a chofnodi unrhyw newidiadau. ⁠
Rheoli system i sicrhau bod manylion yr holl berchnogion cychod sy'n ymweld yn cael eu cofnodi a bod eu cyfrifon ymweld yn cael eu talu.
Rheoli'r cei tanwydd i sicrhau ein bod yn darparu gwasanaeth cyson i'n cwsmeriaid. Mae hyn yn cynnwys, ond heb fod yn gyfyngedig i, monitro stoc tanwydd, archebu tanwydd, sicrhau cydymffurfiaeth â rheoliadau o ran storio a dosbarthu tanwydd.
Cynorthwyo a chefnogi tîm y Prif Fosun yn ôl yr angen, sy'n cynnwys diogelu; cynnal yr offer; blocio a gosod cychod mewn crud a/neu ar standiau cychod. Gweithredu'r hoist cychod, lansio a gweithredu tractor y cwch o fewn yr arferion gweithio diogel cyfredol.
Yn absenoldeb y Prif Fosun, rheoli gweithrediadau y tîm dociau o ddydd i ddydd.
Cynorthwyo a chynghori cwsmeriaid gydag angori cychod. Rhoi arweiniad neu gymorth ar gyfer sicrhau cyflenwadau dŵr a thrydan i gychod fel bo'n briodol.
Defnyddio ardal lansio'r Hafan at ba bynnag bwrpas sy'n angenrheidiol i sicrhau rheolaeth ddiogel yn yr Harbwr fel bo'r angen.  Bydd hyn yn cynnwys ymhlith pethau eraill, gweithrediadau tynnu, gwiriadau ac arolygiadau diogelwch, adfer offer/deunydd/anifeiliaid/carcasau, a symud cychod i'r doc ac oddi yno a/neu yr angorfa pontŵn neu angori perthnasol.  Hyrwyddo Hafan Pwllheli a Harbwr Pwllheli a rhoi cyngor ar yr angorfeydd sydd ar gael i ddarpar gwsmeriaid newydd.
Ymgymryd ag unrhyw waith perthnasol arall fel sy'n ofynnol gan Reolwr yr Hafan a'r Harbwr. Gall hyn weithiau gynnwys gweithredu prosiect, meddwl yn arloesol i ddatblygu systemau a ffyrdd newydd o weithio a chadw i fyny â newidiadau yn y diwydiant.  
Prosesu cofrestriadau Cychod Pŵer a Chychod Dŵr Personol a chasglu ffioedd yn swyddfa'r marina.
Ymateb i unrhyw ddigwyddiadau neu sefyllfaoedd brys yn briodol, gan ddilyn gweithdrefnau'r Hafan a rhoi gwybod i bobl/awdurdodau angenrheidiol yn gyflym, gan gysylltu ag asiantaethau yn ôl yr angen, e.e. RNLI, Gwylwyr y Glannau, Gwasanaeth Ambiwlans Cymru.  Rheoli system cynnal a chadw a monitro lleoli Cymhorthion Llywio.
Rheoli system i fonitro dyfnderoedd ym Masn y Marina a sianel ddynesu'r harbwr.
Rheoli system i fonitro taclusrwydd cyffredinol y safle ledled yr Hafan a'r Harbwr sy'n cynnwys rheoli'r contract glanhau allanol.
Rheoli system i fonitro cynnal a chadw'r pontŵn – pontŵn golchi â phŵer; ymgymryd â gwaith atgyweirio'r deciau; cynnal a chadw cyfyngedig o bwyntiau trydan ac unedau golau lle bo'n bosibl. Yn ogystal â chynnal a chadw asedau cyffredinol a chynnal a chadw'r safle yn gyffredinol.
Defnyddio system gyfrifiadurol y marina (system Havenstar) i drefnu archebion angorfeydd; cynhyrchu anfonebau; prosesu taliadau ar gyfer angorfa; prynu nwy; log cyrraedd ac ymadael cychod. Diweddaru'r system angorfeydd gyfrifiadurol a'r manylion yn unol â'r gwiriadau archwilio angorfeydd pontŵn.
Rheoli cyflenwadau holl nwyddau traul y safle (ac eithrio cyflenwadau swyddfa); bydd hyn yn cynnwys ond heb fod yn gyfyngedig i nwy, tanwydd, pecyn cymorth cyntaf, deunyddiau glanhau, pecyn trin gollyngiadau olew, a chofnodi stoc a'r defnydd yn ôl yr angen.
Ymgyfarwyddo â phob dyletswydd Derbynfa a chymryd rhan ynddynt yn ôl yr angen. Bydd hyn yn cynnwys, ond heb ei gyfyngu i, gyfathrebu drwy VHF, ffôn ac e-bost. Gwaith rheoli allweddau - cychod. Rheoli system ar gyfer archebion gan gwsmeriaid sy'n gofyn am hoist; neu wasanaeth storio.
Yn uniongyrchol gyfrifol i'r Rheolwr, i gymryd cyfrifoldeb am redeg y marina yn absenoldeb y Rheolwr. Ochr yn ochr â'r Dirprwy Reolwr Cyfrifon a Gofal Cwsmer rheoli rhestrau aros angorfeydd, dyraniadau angorfeydd a chofnodi symudiadau cychod ar angorfeydd.
Ynghyd â Rheolwr yr Harbwr a'r Marina rheoli'r defnydd a wneir o'r gweithdrefnau tân, cymorth cyntaf a gollyngiadau olew.
Ochr yn ochr â Rheolwr yr Harbwr a'r Marina, rheoli risg ar y safle, gan nodi a rheoli risgiau a fydd yn cynnwys ysgrifennu asesiadau risg.
Cyfrifoldeb am hunan ddatblygiad.
Aros yn gyfredol a chadw i fyny ag unrhyw hyfforddiant/cymwysterau sy'n ofynnol i gyflawni'r rôl, e.e. MCA 2P (gollyngiadau olew), Cymorth Cyntaf, cymhwyster Cychod Pŵer RYA Lefel 2 (wedi'i gymeradwyo'n fasnachol). Nodi unrhyw feysydd hyfforddi newydd i wella'r gwasanaeth.  
Sicrhau cydymffurfiaeth â rheolau Iechyd a Diogelwch yn y gweithle yn unol â’r cyfrifoldebau a nodir yn Neddf Iechyd a Diogelwch yn y Gwaith 1974 a Pholisi Iechyd a Diogelwch y Cyngor.
Gweithredu o fewn polisïau a gweithdrefnau’r Cyngor yng nghyswllt cyfleoedd cyfartal a chydraddoldeb.
Cyfrifoldeb am reoli gwybodaeth yn unol â chanllawiau rheoli gwybodaeth y Cyngor. Sicrhau yr ymdrinnir â gwybodaeth bersonol mewn modd sy’n cydymffurfio â deddfwriaeth Diogelu Data.
Ymrwymiad i leihau allyriadau carbon y Cyngor yn unol â’r Cynllun Rheoli Carbon, gan annog eraill i weithio'n gadarnhaol tuag at leihau ôl-troed carbon y Cyngor.
Ymgymryd ag unrhyw ddyletswydd arall rhesymol sy’n cyfateb â lefel cyflog a lefel cyfrifoldeb y swydd.
Cyfrifoldeb i adrodd am unrhyw bryder neu amheuaeth bod plentyn neu oedolyn bregus yn cael ei gam-drin.
Amgylchiadau arbennig
Angen gweithio ar benwythnosau a Gwyliau Banc.  
Bydd gofyn gweithio y tu allan i'r oriau arferol o 08.00 i 18.00 yn ôl yr angen.  
Angen arwain a chefnogi yn ystod argyfyngau. 
Ar sail rota ochr yn ochr â Rheolwr yr Harbwr a'r Marina a'r Dirprwy Reolwr Cyfrifon a Gofal Cwsmeriaid, fe fyddwch yn rheolwr ar ddyletswydd 24/7.
Ar adegau, efallai y bydd yn ofynnol i ddeiliad y swydd ddefnyddio ei g/cherbyd ei hun/trafnidiaeth gyhoeddus i deithio y tu allan i Bwllheli at ddibenion gwaith.