Pwrpas y swydd
•Sicrhau bod pobl Gwynedd yn ganolog i bopeth yr ydym yn ei wneud.
•Gyrru cerbydau arbenigol hyd at 7.5T sy’n berthnasol i waith y Gwasanaeth
•Glanhau strydoedd, gwagio biniau cyhoeddus a chasglu gwastraff tipio anghyfreithlon
Cyfrifoldeb am adnoddau e.e. staff, cyllid, offer
•Cyfrifoldeb am gerbydau ac offer sy’n gysylltiedig a’r gwaith
Prif ddyletswyddau
Gyrru a bod yn gyfrifol am gerbydau arbenigol hyd at 7.5T, glanhau ffyrdd a thiroedd cyhoeddus yn ogystal â gwagio biniau cyhoeddus a chasglu gwastraff tipio anghyfreithlon yn unol â rhaglenni gwaith, polisïau perthnasol a chyfarwyddiadau.
Cerbyd a Gyrru
•Gyrru cerbydau Categori C1 (hyd at 7.5T o bwysau) e.e. ysgubwyr bach, i fodloni gofynion y Gwasanaeth.
•Gyrru cerbydau eraill yn ôl yr angen i fodloni gofynion y Gwasanaeth.
•Mynychu hyfforddiant CPC a sicrhau fod pob modiwl perthnasol wedi’i gwblhau.
•Cydymffurfio ag unrhyw anghenion cyfreithiol mewn perthynas â chofnodi amseroedd gyrru, cyfnodau gorffwys ac ati, boed hynny trwy dacograff neu lyfr log.
•Gyrru cerbydau ‘left hand drive’ fel bo’r angen.
•Cydymffurfio â rheoliadau gyrru domestig.
•Cynnal archwiliadau dyddiol ar unrhyw gerbyd bob bore er mwyn sicrhau ei fod yn ddiogel i fod ar y ffordd.
•Cofnodi pob gwiriad ac adrodd ar unrhyw ddiffygion yn syth i’r modurdy.
•Gwneud gwaith cynnal a chadw arferol yn rheolaidd gan gynnwys gwirio lefelau olew a dŵr y cerbyd.
•Sicrhau fod cerbydau’n cael eu cadw’n lan, y tu mewn a thu allan.
•Gyrru unrhyw gerbyd a ddarperir gan y Gwasanaeth mewn modd diogel a chwrtais yn unol â chyfyngiadau cyflymder y ffordd ac o fewn gofynion y gyfraith.
•Ymgymryd ag asesiad risg dynamig o ran gwneud gwaith glanhau neu wagio a phenderfynu ar y lleoliad mwyaf diogel i leoli’r cerbyd ar y ffordd tra mae’r gwaith yn cymryd lle.
Tasg
•Defnyddio cerbydau arbenigol hyd at 7.5T o bwysau i lanhau strydoedd a ffyrdd, yn benodol o fewn trefi a phentrefi.
•Cyfrifoldeb am osod a chodi arwyddion ffyrdd, naill ai'n unigol neu gan drydydd parti.
•Codi man ysbwriel ac ysgubo strydoedd, ffyrdd, caeau chwarae, mynwentydd ac ati ac unrhyw leoliad arall yn unol â chyfarwyddyd gan yr arweinydd tîm neu swyddog cyfrifol arall.
•Gwagio cyfres o finiau stryd, biniau baw ci, biniau amlbwrpas a biniau ailgylchu yn unol a rhaglenni gwaith perthnasol.
•Ymdrin â nodwyddau hypodermig, anifeiliaid wedi’u lladd ar y ffordd, baw anifeiliaid, baw dynol ac ati.
•Cynorthwyo gyda’r gwaith o glirio eitemau sydd wedi’u tipio’n anghyfreithlon.
•Gweithio o fewn yr amseroedd a nodir gan y cyflogwr i sicrhau bod y gwasanaeth mwyaf effeithiol ac effeithlon yn cael ei gyflwyno i breswylwyr.
•Bod yn hyblyg i weithio ar draws y sir fel bo’r angen.
•Ymgymryd â gwaith chwynnu fel bo’r angen.
•Gweithio mewn ardaloedd trefol a gwledig, gan gynnwys ffyrdd cyflym a ffyrdd o fewn cyfyngiadau cyflymder cenedlaethol, ym mhob tywydd.
•Defnyddio unrhyw offer a ddarperir gan y Gwasanaeth i gynorthwyo gyda gwaith glanhau o ddydd i ddydd, gan gynnwys offer arbenigol fel ysgubwyr pedestraidd ‘walk behind’, ysgubwyr 'ride-on' ysgafn, ceirt glanhau strydoedd neu debyg.
•Sicrhau cydymffurfiaeth a gofynion y ddogfen ganllaw statudol ‘Y Cod Ymarfer ar Sbwriel’ (The Code of Practice on Litter and Refuse – CoPLaR).
•Sicrhau fod y lefelau glanweithdra perthnasol yn cael eu cadw atynt er mwyn bodloni safonau archwiliadau glendid allanol a gynhelir drwy gydol y flwyddyn.
•Mynychu unrhyw hyfforddiant perthnasol sy’n cael ei ddarparu gan y Gwasanaeth.
•Defnyddio unrhyw systemau technoleg gwybodaeth a allai gael eu cyflwyno gan y Gwasanaeth i gynorthwyo gyda darparu gwasanaeth, adrodd yn ôl ac ati.
•Cynorthwyo gyda’r broses o fentora aelodau newydd o'r tîm.
•Ymateb i geisiadau adweithiol am wasanaeth e.e. casglu gwastraff tipio anghyfreithlon, cwynion am lefelau glanweithdra ac ati o fewn yr amser a nodwyd a gan ystyried unrhyw risgiau ychwanegol a wynebir.
•Adrodd ar fannau problemus o ran glendid, tipio anghyfreithlon, lleoliadau nodwyddau ac ati i arweinwyr tîm, wardeniaid gorfodaeth stryd a swyddogion perthnasol eraill.
•Cynorthwyo arweinwyr tîm, wardeniaid gorfodaeth stryd a swyddogion perthnasol eraill gyda’u hymchwiliadau mewn perthynas â darganfod y personau sy’n gyfrifol am e.e. tipio anghyfreithlon.
•Cynorthwyo i symud y Gwasanaeth yn ei flaen drwy gynnig awgrymiadau ar gyfer gwella, dylunio a gweithredu cylchdeithiau glanhau strydoedd/gwagio biniau, cyfrannu at gynnwys asesiadau risg ac ati.
•Cwblhau gwaith gweinyddol sy’n gysylltiedig â’r swydd e.e. taflenni gwaith dyddiol, adroddiadau rhwydwaith, nodiadau trosglwyddo gwastraff ac ati.
•Gwagio cerbydau mewn un o gyfleusterau trin gwastraff y Cyngor neu un sy'n cael ei weithredu gan gwmni allanol, gan ddefnyddio'r mecanwaith ‘tipio’ a sicrhau fod y cerbyd yn gadael y safle yn lan.
Iechyd a Diogelwch
•Cyfrifoldeb am sicrhau diogelwch eich hun, eich cydweithwyr ac aelodau o’r cyhoedd.
•Gweithio yn unol â gweithdrefnau rheoli yn ddiogel, asesiadau risg, polisïau’r Cyngor un unol a chyfrifoldebau’r gweithiwr ac fel y nodir mewn deddfwriaeth iechyd a diogelwch priodol.
•Sicrhau cydymffurfiaeth a’r rheoliadau perthnasol mewn perthynas â rheolaeth traffig, codi arwyddion ac ati.
•Gwisgo siacedi llachar uchel, trowsus balistig, esgidiau diogelwch ac unrhyw ddillad diogelwch neu wisg berthnasol a ddarparwyd gan y cyflogwr.
•Cymryd rhan mewn archwiliadau Iechyd a Diogelwch, BSI ac ati ac arddangos deallusrwydd o’r risgiau a chydymffurfiad.
•Adrodd a chynorthwyo gyda chwblhau adroddiadau damweiniau / digwyddiadau treisgar (ffurflenni HS11) yn ogystal â ffurflenni yswiriant.
•Cydymffurfio gyda rheolau, rheoliadau a chyfarwyddiadau penodol ar safleoedd trosglwyddo gwastraff.
•Mynychu Asesiadau Gwyliadwriaeth Iechyd y Cyngor fel bo’r angen.
Gofal Cwsmer
•Sicrhau'r lefel uchaf posibl o ofal cwsmer.
•Cysylltu yn hyderus a brwdfrydig gydag aelodau o’r cyhoedd a busnesau, a chynghori ar bob agwedd ar faterion gwasanaethau stryd. Hynny i gynnwys ymdrin â sefyllfaoedd anodd, chwsmeriaid blin a modurwyr.
Adrodd a Chydymffurfio
•Adrodd i’r arweinydd tîm am unrhyw faterion neu broblemau sydd wedi cod ar ddiwedd y diwrnod gwaith.
•Cydymffurfio gyda phob polisi a gweithdrefn fewnol mewn perthynas ag adrodd ar salwch a cheisiadau am wyliau blynyddol.
Corfforaethol
•Cyfrifoldeb am hunan ddatblygiad
•Sicrhau cydymffurfiaeth â rheolau Iechyd a Diogelwch yn y gweithle yn unol â’r cyfrifoldebau a nodir yn Neddf Iechyd a Diogelwch yn y Gweithle 1974 a Pholisi Iechyd a Diogelwch y Cyngor.
•Gweithredu o fewn polisïau’r Cyngor yng nghyswllt cyfle cyfartal a chydraddoldeb.
•Cyfrifoldeb am reoli gwybodaeth yn unol â safonau a chanllawiau rheoli gwybodaeth y Cyngor.  Sicrhau bod gwybodaeth bersonol yn cael ei thrin mewn cydymffurfiaeth â deddfwriaeth Diogelu Data
•Ymrwymiad i leihau allyriadau carbon y Cyngor yn unol â’r Cynllun Rheoli Carbon ac annog eraill i weithredu’n gadarnhaol tuag at leihau ôl-troed carbon y Cyngor.
•Ymgymryd ag unrhyw ddyletswydd arall cyfatebol a rhesymol sy’n cyd-fynd â lefel cyflog a lefel cyfrifoldeb y swydd.
•Cyfrifoldeb i adrodd am bryder neu amheuaeth bod plentyn neu oedolyn bregus yn cael ei gamdrin
Amgylchiadau arbennig
•Mae'r gwasanaeth Glanhau Strydoedd yn gweithredu saith diwrnod yr wythnos, rhwng oriau 05:00 a 16:00 gan gynnwys gwyl y banc.
•Bydd deiliad y swydd wedi'i amserlennu i weithio o ddydd Gwener i ddydd Mawrth, gan gynnwys penwythnosau.
•Efallai y bydd angen i weithio goramser yn achlysurol wrth i anghenion gweithredol godi.
•Rhaid i ddeiliad y swydd fod ar gael i gynorthwyo y tu allan i oriau gwaith arferol mewn argyfwng.
•Rhaid trefnu diwrnodau gwyliau blynyddol ar ôl ymgynghori â'r rheolwr llinell.
•Bydd yr wythnos waith cyfartalog yn 37 awr.
•Sylwer mai polisi’r Cyngor yw bod gan bob swydd gyfnod prawf o chwe mis.