Pwrpas y swydd
•Sicrhau bod pobl Gwynedd yn ganolog i bopeth yr ydym yn ei wneud.
•Cydlynu gwaith dyddiol y tîmgyda phwyslais ar berfformiad yn erbyn dangosyddion allweddol a sicrhau safonau gofal cwsmer uchel.
•Cydlynu prosesau ymgeisio, asesu, cyfeirio a monitro a'r gwaith cysylltiedig o weinyddu Grant Cymorth Tai ar draws Sir Gwynedd; cymorth ar sail llety a chymorth hyblyg ar draws yr ystod gyfan o anghenion cymorth tai
Cyfrifoldeb am adnoddau e.e. staff, cyllid, offer
•Unrhyw offer, peiriant neu nwyddau sy’n ymwneud a’r dyletswyddau a nodwyd.
Prif ddyletswyddau
•Gweithio'n agos gyda'r Arweinydd Tîm Siop Un Stop i sicrhau bod prosesau a gweithdrefnau'n rhedeg yn effeithlon ac yn effeithiol.
•Cynnal cyfarfodydd un i un gyda holl Aelodau’r Tîm i sicrhau fod pawb yn cael pa bynnag gefnogaeth sydd ei angen arnynt gyda materion dydd i ddydd.
•Cyfrifoldeb am drefniadau delio gyda’r post dyddiol.
•Cyfrifoldeb am drefniadau gweithredol ar gyfer mewnbynnu ceisiadau newydd ac asesu ceisiadau.
•Sicrhau fod trefniadau gweithredol mewn lle i ddelio gydag ymholiadau cyffredinol a ddaw i sylw’r Tîm (boed nhw dros y ffôn, e-bost, lythyr neu’r wefan).
•Mynychu’r Cyfarfodydd Gweithredol rheolaidd gydag Adra, Grŵp Cynefin a Thai Gogledd Cymru
•Ysgogi aelodau’r Tîm ar feysydd gwaith gweithredol Swyddogion Tîm Opsiynau Tai a Swyddogion SPOA.
•Cynorthwyo a llenwi fewn gyda dyletswyddau arferol swyddogion y Tîm sy’n cynnwys (ond ddim yn gyfyngedig i):
•Darparu cyngor a chymorth opsiynau tai i aelodau’r cyhoedd ar y ffôn, ar e-bost neu drwy gyfweliad, yn swyddfa’r Cyngor neu mewn amgylchiadau arbennig yng nghartrefi’r cleientiaid.
•Asesu a chyfweld unrhyw un sy’n dynodi ei bod mewn angen yng nghyswllt tai, ac asesu eu hamgylchiadau i ddynodi’r opsiynau a’r gweithredoedd priodol.
•Sicrhau bod digon o gyngor a gwybodaeth ar gael gan asiantaethau eraill, cyfeirio’r cleient i’r gwasanaethau hyn pan yn briodol a gweithio gyda’r asiantaethau er mwyn sicrhau’r gefnogaeth orau i bob cleient.
•Asesu a mewnbynnu ffurflenni cais.
•Sicrhau fod ceisiadau am dai yn cael eu gosod ar y Gofrestr Tai, yn cael eu gwirio ac asesu yn unol â’r polisi perthnasol, a bod ymgeiswyr yn cael cadarnhad o statws eu cais.
•Cymryd rhan weithredol i reoli’r Gofrestr Tai, diweddaru ceisiadau a gwneud adolygiadau rheolaidd a sicrhau bod y gofrestr yn gyfoes
•Cyfrifoldeb am ymchwilio / ymateb i ymholiadau penderfyniad cais am eiddo cymdeithasol.
•Cydlynu’r broses o dderbyn a gwerthuso'r holl atgyfeiriadau ar gyfer gwasanaethau SPOA sy’n gysylltiedig ar Grant Cymorth Tai.
•Cyfrifoldeb am oruchwylio fod y swyddogion yn cynnal asesiadau cychwynnol ar gyfer yr holl atgyfeiriadau, a lle bo'r angen, i herio fod y wybodaeth yn gyflawn ac yn gywir.
•Gwneud cyfeiriadau priodol i Wasanaeth Digartrefedd y Cyngor pan fo’r holl opsiynau tai a’r mentrau atal digartrefedd wedi cael eu harchwilio a chyfeirio honiadau o droi allan anghyfreithlon ac aflonyddwch i Dîm Tai’r Sector Breifat.
•Cynorthwyo i gadw safle we'r gwasanaeth yn gyfredol.
•Gweithredu safonau gwasanaeth y Bartneriaeth ar gyfer y Tîm Opsiynau Tai a’r Gofrestr Tai Cyffredin.
Sicrhau cyfrinachedd y cleient, gweithredu a chynnal Protocol Rhannu Gwybodaeth ar gyfer Gwasanaeth y Tîm Opsiynau Tai.
•Cadw dealltwriaeth ddiweddar o’r holl ddeddfwriaethau tai, ac unrhyw ddeddfwriaeth berthnasol arall.
•Sicrhau bod yr holl ymgeiswyr yn medru cael mynediad i’r gwasanaeth drwy sicrhau bod gwybodaeth ar gael mewn ieithoedd a ffurfiau perthnasol eraill.
•Cynnal cofnodion cywir ac adroddiadau ysgrifenedig yng nghyswllt yr holl achosion a archwiliwyd a darparu ystadegau priodol.
•Bod yn rhagweithiol wrth ddatblygu gwaith partneriaeth gydag asiantaethau eraill er mwyn gostwng y nifer o achosion o ddigartrefedd.
•Cyfrannu i’r strategaethau, polisïau a phrosiectau a ddatblygir gan y Bartneriaeth Tai.
•Symbylu dulliau dyfeisgar o ymdrin â phroblemau.
•Sicrhau diogelwch yr holl staff, defnyddwyr gwasanaeth ac eraill yn unol â’r gweithdrefnau a’r darpariaethau iechyd a diogelwch perthnasol.
•Unrhyw ddyletswydd arall, yn ôl cyfarwyddyd, sy’n gymesur â graddfa’r swydd.
•Cyfrifoldeb am hunan ddatblygiad
•Sicrhau cydymffurfiaeth â rheolau Iechyd a Diogelwch yn y gweithle yn unol â’r cyfrifoldebau a nodir yn Neddf Iechyd a Diogelwch yn y Gweithle 1974 a Pholisi Iechyd a Diogelwch y Cyngor.
•Gweithredu o fewn polisïau’r Cyngor yng nghyswllt cyfle cyfartal a chydraddoldeb.
•Cyfrifoldeb am reoli gwybodaeth yn unol â safonau a chanllawiau rheoli gwybodaeth y Cyngor.  Sicrhau bod gwybodaeth bersonol yn cael ei thrin mewn cydymffurfiaeth â deddfwriaeth Diogelu Data
•Ymrwymiad i leihau allyriadau carbon y Cyngor yn unol â’r Cynllun Rheoli Carbon ac annog eraill i weithredu’n gadarnhaol tuag at leihau ôl-troed carbon y Cyngor.
•Ymgymryd ag unrhyw ddyletswydd arall cyfatebol a rhesymol sy’n cyd-fynd â lefel cyflog a lefel cyfrifoldeb y swydd.
•Cyfrifoldeb i adrodd am bryder neu amheuaeth bod plentyn neu oedolyn bregus yn cael ei gamdrin
Amgylchiadau arbennig
•-