Pwrpas y Swydd
Rheoli a chydlynu materion Coedyddiaeth dechnegol / gwarchod coed ar gyfer Asiant Cefnffyrdd Gogledd a Chanolbarth Cymru, ac ar ran Llywodraeth Cymru (LlC), er mwyn sicrhau bod materion o'r fath yn cael eu hystyried ym mhob agwedd ar waith yr Asiant.    
Cyfrifoldeb am swyddogaethau  .e.e. staff, cyllidebau, offer
Cyfrifoldeb am ddatblygu a chynnal systemau a phrosesau i sicrhau bod materion Coedyddiaeth dechnegol sy'n ymwneud â gwarchod coed yn cael eu hystyried yn ddigonol ar draws pob ffrwd waith ar ran yr Asiant.
Cynnal a goruchwylio gwaith Coedyddiaeth dechnegol ar ran timau amrywiol (draenio, goleuadau, cyflawni cyfalaf ac ati) ar draws yr Asiant (e.e., cynhyrchu pob agwedd ar arolygon ac adroddiadau BS5837 a goruchwylio gwaith adeiladu i sicrhau cydymffurfiaeth; goruchwylio gwaith coed i safon BS3998, goruchwylio gwaith plannu coed, ac ati).
Cyfrifoldeb am gyllidebau sy'n ymwneud â rheoli materion Coedyddiaeth Dechnegol / gwarchod coed ar draws y Rhwydwaith Ffyrdd Strategol (SRN).
Cyfrifoldeb am gefnogi, cysylltu a gweithio gydag eraill ar draws ACGCC a Llywodraeth Cymru mewn perthynas â materion coedyddiaeth dechnegol / gwarchod coed ar y rhwydwaith cefnffyrdd.
Cynorthwyo gydag arolygiadau diogelwch coed yn ôl yr angen.
Cyfrifoldeb am eitemau o offer amgylcheddol gan gynnwys PICUS, residrill, gliniadur, ffôn symudol, gwybodaeth rheoli asedau Llywodraeth Cymru ac offer a llyfrau arolygu eraill ac ati.
 Prif Ddyletswyddau 
Arwain ar gyflawni a chydlynu materion Coedyddiaeth Dechnegol / gwarchod coed ar gyfer yr Asiant yng Nghanolbarth a Gogledd Cymru gan sicrhau cydymffurfiaeth yr asiant â gofynion ansawdd safonol gan gynnwys NJUG, BS5837, BS 3998 a BS8545.
Sicrhau bod gwarchod coed yn cael ei ystyried yn briodol ym mhob un o weithgareddau'r Asiant. ⁠
Cynghori ar faterion technegol sy'n gysylltiedig â choed megis atafaelu carbon, datrysiadau naturiol a rheoli llifogydd naturiol.
Bod yn ymwybodol o, ac yn gwbl gyfarwydd â pholisi a deddfwriaeth coedyddiaeth dechnegol, amgylcheddol a chysylltiedig presennol ac yn y dyfodol, cynghori staff yr Asiant a Llywodraeth Cymru fel bo'n briodol, a chydlynu unrhyw gamau angenrheidiol.
Cyflawni a goruchwylio gwaith coedyddiaeth dechnegol / gwarchod coed (e.e. arolygon ac adroddiadau BS 5837) ar draws ystod o dimau o fewn yr Asiant.
Caffael, rheoli a goruchwylio ymgynghorwyr a chontractwyr arbenigol ar faterion cefnffyrdd sy'n ymwneud â materion coedyddiaeth dechnegol yn ôl yr angen, megis arolygiadau dringo, arolygon PICUS, arolygon BS5837 ac ati.
Datblygu, gweithredu a chynnal proses ar gyfer rheoli'r rhaglen waith coedyddiaeth dechnegol / gwarchod coed ar gyfer yr Asiant.
Cynorthwyo'r Cydlynydd Coedyddiaeth a'r Rheolwr Newid Hinsawdd ac Amgylcheddol gyda datblygu a gweithredu strategaeth Coed yr Asiant a'r Strategaeth Diogelwch Coed.
Cynorthwyo i ddatblygu dogfennau canllawiau technegol fel rhan o'r System Rheoli Ansawdd ar gyfer yr Asiant, ac yn benodol, arwain a chynghori ar sicrhau cydymffurfiaeth â materion coedyddiaeth dechnegol yn unol ag ISO 14001, Systemau Rheoli Amgylcheddol a gofynion Cytundeb Asiantaeth Rheoli Llywodraeth Cymru (WMMAA)
Cynghori a chysylltu ag Ymgynghorwyr ac Awdurdodau Partner mewn perthynas â materion Coedyddiaeth Dechnegol gyda'r nod o gysoni trefniadau ledled yr Asiant ac ar draws yr ystod gyfan o weithrediadau a gweithgareddau.
Cynorthwyo'r Timau Cyflawni Cyfalaf, Rheoli Llwybrau, Technoleg, Cyflenwi ac eraill i ddatblygu prosesau a rhaglenni gwaith priodol, gyda'r nod o sicrhau bod materion Coedyddiaeth Dechnegol / gwarchod coed yn cael eu hystyried yn llawn.
Galluogi a gweithredu rhaglenni rheoli Coedyddiaeth Dechnegol â blaenoriaeth barhaus ar gyfer rhwydwaith cefnffyrdd yr Asiant, cynorthwyo yn y broses briffio, dyrannu a bidio, a rheoli cyllidebau fel bo'n briodol.
Bod yn gyfrifol am sicrhau bod unrhyw hyfforddiant angenrheidiol ar faterion Coedyddiaeth Dechnegol yn cael ei drefnu a'i ddarparu ar gyfer staff Ymgynghorol, Asiant ac Awdurdod Partner fel bo'n briodol a allai gynnwys darparu hyfforddiant.
Rheoli trefniadau presennol i sicrhau bod gan yr Asiant fynediad at ymgynghorwyr a chontractwyr Coedyddiaeth Dechnegol arbenigol yn ôl yr angen.
Sicrhau bod gofynion adrodd amgylcheddol Llywodraeth Cymru yn cael eu bodloni.
Darparu mewnbwn Coedyddiaeth Dechnegol, ar ran yr Asiant, i'r adolygiad o bolisïau a safonau sy'n berthnasol i fusnes yr Asiant, a sefydlu a monitro targedau perfformiad yn ôl yr angen
Darparu cyngor ar gyfeiriad a chynnwys dogfennau Coedyddiaeth Dechnegol a dogfennau eraill a gynhyrchir mewn perthynas â gweithredu a gwella rhwydwaith cefnffyrdd Gogledd a Chanolbarth Cymru yn ôl yr angen.
Iechyd a Diogelwch a’r Amgylchedd
Mae'n gyfrifoldeb ar bob gweithiwr yn yr Asiant i gydymffurfio â'r polisïau Iechyd a Diogelwch, amgylcheddol ac ansawdd fel y cânt eu diffinio yn System Rheoli Busnes Integredig yr Asiant.
Sicrhau y cedwir yn gaeth at bolisïau a deddfwriaethau amgylcheddol ac Iechyd a Diogelwch yn y Gwaith.
Cynnal cyfrifoldeb am Iechyd a Diogelwch personol bob amser.
Cyffredinol
Cyd-gysylltu, fel bo’n briodol, â swyddogion yr Asiant, Swyddogion LlC, Awdurdodau Partner a chyrff perthnasol eraill.
Meithrin diwylliant o arloesedd a gwelliant parhaus. Yn y cyd-destun hwn, monitro datblygiadau technolegol, cytundebol a datblygiadau eraill yn y diwydiant, gan gynnwys dulliau newydd, gyda’r nod o fabwysiadu’r arfer gorau pan fo hynny’n briodol.
Cynorthwyo a chefnogi'r Tîm Amgylcheddol. Darparu cefnogaeth i swyddogion eraill yr Asiant wrth iddynt gyflawni eu dyletswyddau.
Cynrychioli buddiannau’r Asiant yn gyffredinol mewn cyfarfodydd gyda rhanddeiliaid
Dyletswyddau rheolaethol, gweinyddol, technegol a phroffesiynol sy’n gymesur ag awdurdod y swydd.
Cyfrifoldeb am hunan ddatblygiad.
Sicrhau cydymffurfiaeth â rheolau Iechyd a Diogelwch yn y gweithle yn unol â’r cyfrifoldebau a nodir yn Neddf Iechyd a Diogelwch yn y Gwaith 1974 a Pholisi Iechyd a Diogelwch y Cyngor
Gweithredu yn unol â pholisïau a gweithdrefnau’r Cyngor yng nghyswllt cyfle cyfartal a chydraddoldeb.
Cyfrifoldeb am reoli gwybodaeth yn unol â safonau a chanllawiau rheoli gwybodaeth y Cyngor. Sicrhau bod gwybodaeth bersonol yn cael ei thrin yn unol â deddfwriaeth Diogelu Data
Amgylchiadau Arbennig  e.e. yr angen i weithio oriau anghymdeithasol, trefniadau gwaith arbennig ac ati
Parodrwydd i weithio oriau achlysurol sydd y tu allan i oriau gwaith arferol (08:00 i 18:00 o'r gloch) yn ôl yr angen
Cynorthwyo'r Rheolwr Newid Hinsawdd a'r Amgylchedd i ddelio ag argyfyngau os oes angen.
Ymweld â safleoedd adeiladu.
Mynychu cyfarfodydd mewn rhannau eraill o'r DU (e.e., Conwy, Caerdydd).