Staff Cyngor Gwynedd yn unig all ymgeisio am y swydd hon. Os ydych yn aelod o staff y Cyngor ond methu ymgeisio am y swydd yna ar-lein yna e-bostiwch swyddi@gwynedd.llyw.cymru am ffurflen gais a manylion pellach.
Swyddi ar lein
[Mewnol] Cydlynydd Gofal Cymunedol (Ardal Dwyfor)
£34,434 - £36,363 y flwyddyn | Dros dro 31/03/2027
- Cyfeirnod personel:
- 26-31497
- Teitl swydd:
- Cydlynydd Gofal Cymunedol (Ardal Dwyfor)
- Adran:
- Oedolion, Iechyd a Llesiant
- Gwasanaeth:
- Gwasanaethau Darparu
- Dyddiad cau:
- 20/04/2026 10:00
- Math Swydd/Oriau:
- Dros dro | 31/03/2027 | 37 Awr
- Cyflog:
- £34,434 - £36,363 y flwyddyn
- Gradd tâl:
- S3
- Lleoliad(au):
- Gweler Hysbyseb Swydd
Manylion
Hysbyseb Swydd
*DALIER SYLW*
Mae Cyngor Gwynedd wedi ymrwymo i fod yn gyflogwr cynhwysol ac i wella amrywiaeth ein gweithlu.
Bydd eich ffurflen gais yn cael ei hasesu yn ddienw. Ni fydd eich teitl, enw na chyfeiriad e-bost yn cael ei rannu â’r panel sy’n penodi at bwrpas llunio rhestr fer. Dylech ystyried hyn yn ofalus wrth ysgrifennu amdanoch eich hun yn y rhan gwybodaeth pellach.
Lleoliad: Ardal Dwyfor
Mae gan Cyngor Gwynedd becyn cyflogaeth deniadol, am ragor o wybodaeth cliciwch ar y Pecyn Gwybodaeth
Mae Cyngor Gwynedd yn gweithredu’n fewnol trwy gyfrwng y Gymraeg ac yn cynnig ei holl wasanaethau yn ddwyieithog. Bydd angen i’r ymgeisydd gyrraedd y lefel ieithyddol sy’n cael ei nodi fel un o’r sgiliau hanfodol yn y Manylion Person.
Rydym yn annog pob ymgeisydd am swydd gyda’r Cyngor i gyflwyno ceisiadau yn Gymraeg neu yn ddwyieithog.
(Bydd ceisiadau sydd yn cael eu cyflwyno yn uniaith Gymraeg neu Saesneg yn cael eu trin yn gwbl gyfartal, ond gofynnir i’r ymgeisydd ystyried yn ofalus beth yw gofynion iaith y swydd a’r sefydliad ac a fyddai cyflwyno cais yn uniaith Gymraeg yn fwy addas.)
Am sgwrs anffurfiol neu manylion pellach gellir cysylltu â Elliw Haf Thomas ar 07767498644
Ffurflenni cais ar gael gan, Gwasanaeth Cefnogol, Cyngor Gwynedd, Swyddfa'r Cyngor, Stryd y Jêl, Caernarfon, LL55 1SH
Ffôn: 01286 679076 eBost: Swyddi@gwynedd.llyw.cymru
DYDDIAD CAU: 20/04/2026
Bydd y Cyngor yn gofyn am ddadleniad gan y Swyddfa Cofnodion Troseddol ar gyfer yr ymgeisydd llwyddiannus
Os yn llwyddiannus i fod ar y rhestr fer am gyfweliad, byddwn yn cysylltu a chwi drwy’r cyfeiriad E-BOST a gofnodwyd gennych ar eich ffurflen gais. Mae angen i chwi sicrhau eich bod yn gwirio eich E-BOST yn rheolaidd.
I ymgeisio am y swydd cliciwch ar y linc yma
Bydd angen sicrhau eich fod wedi lawrlwytho ‘Adbobe Reader DC’ er mwyn gallu cwblhau ffurflen gais.
Manylion Person
NODWEDDION PERSONOL
HANFODOL
Cyfathrebu
- Unigolyn gyda sgiliau cyfathrebu cryf, gyda’r gallu i gyfathrebu gyda defnyddwyr gwasanaeth, eu teuluoedd, ein gweithwyr gofal cymunedol, a gweithwyr proffesiynol eraill sydd ynghlwm a’r gofal.
- Yn gallu gwrando yn agored, gydag agwedd hyblyg, a gyda dealltwriaeth glir o bwysigrwydd llais yr unigolyn wrth gynllunio a darparu gofal.
Datrys problemau
- Yn gallu delio gyda problemau all godi ar fyr rybudd, gan feddwl tu allan i’r bocs i ddatrys problemau, neu dynnu ar arbenigedd unigolion eraill i helpu i ddatrys problem.
Gweithio gydag eraill
- Yn gallu gweithio yn rhan o dîm ac yn annibynnol, gan fod yn aelod o gyfarfodydd tîm, ac yn rhan o Dîm Adnoddau Cymunedol.
- Yn unigolyn gall staff a defnyddwyr gwasanaeth ymddiried ynddynt, gan ddangos empathi tuag at anghenion unigolion gwahanol, a pharodrwydd i helpu.
Technoleg Gwybodaeth
- Yn hyderus yn defnyddio Technoleg Gwybodaeth, ac yn gallu gweithio oddi ar gyfrifiadur / gliniadur.
Sgiliau eraill
- Unigolyn trefnus a dibynadwy sydd gyda’r gallu i drefnu gwaith ar gyfer y gweithwyr gofal cymunedol mewn modd effeithiol.
- Yn gallu blaenoriaethu tasgau a gweithio dan bwysau i gyrraedd targedau.
- Unigolyn sydd yn gallu gweithio i fanylder, gan sicrhau fod cynlluniau gofal yn cael eu dilyn a’u diweddaru fel sydd angen.
- Ymroddiad i wella ansawdd y gwasanaeth.
DYMUNOL
Technoleg Gwybodaeth
- Yn barod i ddysgu sut mae defnyddio systemau penodol o fewn Cyngor Gwynedd, e.e., Outlook, CACI (system gynllunio)
CYMWYSTERAU A HYFFORDDIANT PERTHNASOL
HANFODOL
- Yn fodlon gweithio tuag at y cymhwyster QCF Lefel 3 Iechyd a Gofal Cymdeithasol ym mewn amser penodol.
- Yn meddu ar drwydded yrru ddilys a mynediad at gar er mwyn gallu gyrru a gweithio yn annibynnol o fewn ardal waith penodol.
DYMUNOL
- QCF Lefel 3 Iechyd a Gofal Cymdeithasol neu gymhwyster cyfatebol ym maes gofal/rheoli.
- Ymwybyddiaeth mewn Cynllunio Person-ganolog
PROFIAD PERTHNASOL
HANFODOL
- Profiad yn y maes gofal
- Y gallu i ddefnyddio offer technoleg gwybodaeth
- Ymwybyddiaeth o gynlluniau gofal person-ganolog
- Yn gyfarwydd gydag asesiadau risg
DYMUNOL
- Profiad o weithio yn y maes gofal cymunedol.
- Profiad o gydweithio gyda gwahanol asiantaethau.
- Profiad o gyfathrebu gydag unigolion, eu teuluoedd a gweithwyr proffesiynol.
- Profiad o arwain tîm, gyda’r gallu i’w ysgogi a’u cefnogi yn eu gwaith.
- Profiad o oruchwylio a rheoli staff.
- Profiad o drefnu rota gwaith ar gyfer unigolyn/tîm.
- Dealltwriaeth o weithdrefnau llywodraeth leol.
SGILIAU A GWYBODAETH ARBENIGOL
HANFODOL
- Dealltwriaeth o egwyddorion iechyd a diogelwch
- Dealltwriaeth o bwysigrwydd cadw cyfrinachedd
- Ymwybyddiaeth o ddiogelu oedolion
- Yn awyddus i ddysgu a datblygu eu hunain, gan fod yn barod i fynychu unrhyw hyfforddiant perthnasol i’r rôl, a chymryd cyfrifoldeb dros eu datblygiad personol
DYMUNOL
- Dealltwriaeth dda o reoliadau yn y sector gofal Cymdeithasol
- Gwybodaeth dda o Ddeddf Iechyd a Gofal Cymdeithasol
- Ymwybyddiaeth o symud a thrin, meddyginiaeth, rheolaeth heintiau, a gweithdrefnau perthnasol eraill
- Yn gyfarwydd ag egwyddorion arwain a rheoli
- Gwybodaeth am gyfleusterau ac adnoddau all gyfrannu tuag at gyfoethogi gofal yr unigolyn.
ANGHENION IEITHYDDOL
Gwrando a Siarad - Lefel Uwch
Gallu dilyn sgwrs neu drafodaeth drwy gyfrwng y Gymraeg a’r Saesneg ar lefel broffesiynol a thrafod pynciau cyffredinol bob dydd yn y maes er mwyn cyflwyno gwybodaeth a mynegi barn. Gallu darparu cyflwyniad wedi'i baratoi o flaen llaw ac ymateb i unrhyw sylwadau a chwestiynau arno drwy gyfrwng y Gymraeg a’r Saesneg.
Darllen a Deall - Lefel Uwch
Gallu deall Cymraeg a Saesneg ysgrifenedig safonol, ffurfiol ac anffurfiol. Medru casglu gwybodaeth o amrywiol ffynonellau megis llythyrau, adroddiadau, erthyglau, drwy gyfrwng y Gymraeg a’r Saesneg er mwyn cyflawni'r swydd.
Ysgrifennu - Lefel Uwch
Cyflwyno gwybodaeth ysgrifenedig gyda hyder ar ffurf llythyr, adroddiad mwy manwl a thechnegol ac ymateb i geisiadau ysgrifenedig gan gyfleu gwybodaeth, syniadau a barn drwy gyfrwng y Gymraeg a’r Saesneg. (Mae'n bosib cael cymorth i wirio'r iaith).
Swydd Ddisgrifiad
Pwrpas y Swydd.
- Sicrhau bod pobl Gwynedd yn ganolog i bopeth yr ydym yn ei wneud.
- Arwain tîm o Weithwyr Gofal Cymunedol (Gwasanaeth Gofal Cartref) ar lefel lleol i ddarparu Gwasanaeth Gofal Cartref Cymunedol sydd yn cynorthwyo unigolion i fyw eu bywydau yn eu cartrefi eu hunain, ac hynny yn y modd maent eisiau ei fyw.
Cyfrifoldeb am Adnoddau. . e.e. staff, cyllid, offer
- Staff – Cyfrifoldeb rheolaethol dros y Gweithwyr Gofal Cymunedol (Gwasanaeth Gofal Cartref) yn yr is-ardal.
- Cyllid – Cyfrifoldeb dros fonitro gwariant yn unol a’r disgwyliadau ar lefel lleol (e.e. rheoli’r galw, a sicrhau defnydd priodol o amser staff).
- Offer – Cyfrifoldeb am unrhyw offer personol, ac offer y staff, a ddefnyddir i gyflawni’r swydd. Cyfrifoldeb dros asesu, a lle bo’n briodol, archebu offer addas yn unol â gofynion y cymhwyster BTEC darparu mân offer.
Prif Ddyletswyddau.
- Cydweithio gyda’r unigolion sy’n derbyn gwasanaeth, eu gofalwyr, a gweithwyr allweddol eraill sydd yn ymwneud a’r gofal, i adnabod ‘Beth sy’n bwysig iddynt’ a dod o hyd i ffyrdd i gwrdd a’u hamcanion personol.
- Grymuso llais yr unigolyn. Cefnogi unigolion i gael cefnogaeth adfocatiaeth pan fo angen, gan sicrhau fod anghenion a dymuniadau’r unigolyn yn cael ei glywed a’i gyfarch.
- Cefnogi unigolion i gymeryd rhan weithredol mewn gwneud penderfyniadau am ofal a chefnogaeth yn eu bywyd.
- Cydweithio gydag unigolion a’u gofalwyr i gynllunio amrediad o wasanaethau i gwrdd a’u hamcanion personol.
- Asesu oedolion ac anghenion llai cymhleth pan yn berthnasol, gan ymgymryd â chyfrifoldebau cydlynydd achos yn unol â Deddf Gwasanaethau Cymdeithasol a Llesiant 2014, a dwyn i mewn arbenigedd proffesiynol fel bo’r angen.
- Cyfrifoldeb dros gyfrannu at, a datblygu cynllun gofal ar y cyd, gyda’r unigolyn a’r TAC, gan ystyried y risgiau, wrth ymgymryd â’r rôl cydlynydd achos.
- Cynorthwyo unigolion a’u gofalwyr i gwrdd ag amcanion personol drwy ddarparu gwybodaeth, cyngor a chymorth.
- Ymchwilio a sicrhau dealltwriaeth o adnoddau cymunedol sydd yn bodoli o fewn yr ardal waith er mwyn gallu hwyluso llesiant yr unigolion. Cyfrifoldeb dros rannu’r wybodaeth yma ac annog y Gweithwyr Gofal Cymunedol i wneud y defnydd gorau o’r adnoddau sydd ar gael.
- Sefydlu a chynnal cysylltiadau cadarnhaol yn y gymuned (e.e. darparwyr trydydd sector) a gallu cyfeirio unigolion at y gwasanaethau cefnogol ehangach yn ôl yr angen.
- Monitro’r defnydd a’r trefniadau sydd mewn lle o ran cael offer arbenigol i’r cartref er mwyn hybu cyfleoedd i alluogi pobl i fyw mor annibynnol phosibl yn y gymuned/yn eu cartrefi yn unol â’u dymuniadau.
- Gweithio mewn partneriaeth â chydweithwyr ym maes iechyd a gofal, gan gynnwys gweithwyr cymdeithasol, nyrsys cymunedol, therapyddion galwedigaethol, ffisiotherapi, meddygon teulu, partneriaid 3ydd sector, ac unrhyw weithiwr perthnasol arall.
- Adrodd ar ganlyniadau llesiant personol unigolion, a’r ffyrdd y gellir eu cefnogi, mewn sgyrsiau aml ddisgyblaethol, gan eu helpu i helpu eu hunain a defnyddio’r holl adnoddau sydd ar gael.
- Adnabod anghenion nad yw’n bosib eu diwallu, neu rwystrau i gyflawni beth sydd yn bwysig i unigolion. Dadansoddi a chrynhoi’r angen, gyda chyfrifoldeb dros adrodd a thrafod datrysiadau posib ar y cyd hefo’r TAC.
- Goruchwylio staff yn effeithiol yn unol a rheoliadau RISCA, gan gynnwys monitro llwyth gwaith aelodau staff, a chwblhau gwerthusiad blynyddol yn unol â pholisi’r Cyngor.
- Sicrhau fod gan y staff y sgiliau angenrheidiol i ymgymryd a’r gwaith yn saff ac yn ddigonol, gan fonitro’r rhaglen hyfforddiant a chyfrifoldeb dros ddatblygu’r staff.
- Sicrhau bod y drefn cofrestru staff yn cael ei ddilyn, yn unol a unrhyw ofynion Gofal Cymdeithasol Cymru, a bod y staff yn ymwybodol o’r cod proffesiynol.
- Cydweithio gydag aelodau o’r TAC i gynnal asesiad parhaus o’r galw a’r adnoddau yn lleol.
- Yn ddibynnol ar y galw, a’r gallu i flaenoriaethu yn lleol, cyfrifoldeb ar y cyd gyda’r Rheolwr Cofrestredig dros hysbysebu, penodi ac anwytho staff newydd o fewn yr is-ardal.
- Sicrhau fod gan bob aelod staff ddadleniad DBS priodol.
- Cyfrifoldeb dros ddefnyddio system y gwasanaeth e.e. CACI, gan fewn-fwydo gwybodaeth am ddefnyddwyr gwasanaeth, cynllunio gwaith i’r Gweithwyr Gofal Cymunedol, a chofnodi gwybodaeth yn gywir ar y system.
- Sicrhau fod y Gweithwyr Gofal Cymunedol yn gwneud y defnydd cywir o’r PDA. Gall hyn gynnwys hyfforddi staff newydd ar sut i’w defnyddio, a monitro defnydd cywir yn barhaus.
- Sicrhau fod y patrymau gwaith yn cael eu trefnu i wneud y defnydd gorau o amser ac adnoddau staff sydd ar gael yn lleol, ac yn cwrdd ag anghenion gofal yr unigolion.
- Gallu delio gyda materion sydd yn codi ‘ar alwad’, gan ddefnyddio’r sgiliau a’r wybodaeth priodol i wneud hynny.
- Sicrhau arweiniad a chefnogaeth addas i staff, pan byddant yn cysylltu mewn sefyllfaoedd o argyfwng, drwy wneud defnydd o unrhyw ganllawiau perthnasol.
- Cymryd cyfrifoldeb am gasglu ac adrodd ar ddata rheolaethol ar lefel lleol e.e. adrodd ar salwch yn fisol, gan ddiweddaru’r wybodaeth yn electroneg i gofnodi a pharatoi adroddiadau yn unol â gofynion.
- Cyfrannu at fonitro ac adolygu safon y gwasanaeth, gan sicrhau cysondeb i’n trefniadau a’r ddarpariaeth i’n trigolion.
- Ymarfer mewn modd sy’n egwyddorol yn unol â chod ymarfer proffesiynol ar gyfer gofal cymdeithasol.
- Gweithio fel rhan o dîm gan gefnogi cydweithwyr ar bob lefel, a gwneud cysylltiadau yn lleol ac ar draws y gwasanaeth.
- Trefnu ac arwain cyfarfodydd staff, a chofnodi yn unol a gofynion RISCA, gyda chyfrifoldeb dros adrodd yn ôl ar unrhyw faterion sydd angen dod i sylw’r Rheolwr Cofrestredig.
- Bod yn barod i gyfrannu at ddatblygu polisïau a chanllawiau ar gyfer y gwasanaeth.
- Bod yn rhan o’r broses i ddelio gyda chwynion a chanmoliaethau, a chyfrannu at y broses ymchwilio.
- Sicrhau bod holl absenoldebau staff yn cael eu cofnodi yn unol a polisiau’r gwasanaeth/Adnoddau Dynol.
- Cyfrifoldeb dros gynnal asesiadau risg sydd yn berthnasol i’r gwaith, y staff, a darpariaeth gofal yr unigolyn.
- Sicrhau cydymffurfiaeth gydag unrhyw drefniadau rheoli risg a adnabyddir mewn asesiadau risg sy’n berthnasol i’r gwaith.
- Cymeryd rhan weithredol mewn cyfarfodydd tîm a chyfarfodydd eraill perthnasol yn ôl yr angen er mwyn cyfrannu at ddatblygiad y gwasanaeth.
- Cyfrifoldeb dros faterion diogelu, gan roi ystyriaeth i risg, diogelu ac amddiffyn oedolion. Delio ac unrhyw bryderon amddiffyn oedolion yn brydlon a phriodol drwy ddilyn y weithdrefn a gytunwyd a hysbysu’r swyddogion proffesiynol perthnasol heb oedi.
CYFRIFOLDEBAU ERAILL
- Cyfrifoldeb am hunan ddatblygiad, ac ymgymryd ag unrhyw hyfforddiant sydd wedi ei adnabod yn berthnasol i’r swydd e.e. Cymhwyster Proffesiynol perthnasol, B-tech Asesu mân offer.
- Sicrhau cydymffurfiaeth â rheolau Iechyd a Diogelwch yn y gweithle yn unol â’r cyfrifoldebau a nodir yn Neddf Iechyd a Diogelwch yn y Gweithle 1974 a Pholisi Iechyd a Diogelwch y Cyngor.
- Gweithredu o fewn polisïau’r Cyngor yng nghyswllt cyfle cyfartal a chydraddoldeb.
- Cyfrifoldeb am reoli gwybodaeth yn unol â safonau a chanllawiau rheoli gwybodaeth y Cyngor.
- Sicrhau bod gwybodaeth bersonol yn cael ei thrin mewn cydymffurfiaeth â deddfwriaeth Diogelu Data.
- Ymrwymiad i leihau allyriadau carbon y Cyngor yn unol â’r Cynllun Rheoli Carbon ac annog eraill i weithredu’n gadarnhaol tuag at leihau ôl-troed carbon y Cyngor.
- Ymgymryd ag unrhyw ddyletswydd arall cyfatebol a rhesymol sy’n cyd-fynd â lefel cyflog a lefel cyfrifoldeb y swydd.
- Cyfrifoldeb i adrodd am bryder neu amheuaeth bod plentyn neu oedolyn bregus yn cael ei gamdrin.
Amgylchiadau Arbennig. . e.e. angen i weithio oriau anghymdeithasol, trefniadau gwaith arbennig, a.y.y.b.
- Disgwyliad i weithio y tu hwnt i ffiniau ardal waith yn achlysurol.
- Ar brydiau, mewn amgylchiadau arbennig, bydd gofyn bod yn barod i ymgymryd â dyletswyddau cydweithiwr er mwyn sicrhau parhad gwasanaeth (e.e. cyfnod salwch neu wyliau).
- Bod yn barod i ymgymryd â dyletswyddau allan o oriau’r gwasanaeth, drwy fod yn rhan o rota ‘ar alwad’.
- Yn unôl â’r galw o fewn y gwasanaeth, derbynnir bydd angen, ar brydiau, i’r unigolyn weithio yn hyblyg, gan roi mwy o bwyslais a’r rai agweddau o’r swydd ddisgrifiad nac eraill e.e. rôl cynllunio neu oruchwylio.