Pwrpas y Swydd.
Arwain y tim(au) mae’n gyfrifol amdano (ynt) i gyflawni yn effeithiol ac effeithlon yr hyn sy’n bwysig i bobl Gwynedd drwy greu a chynnal amgylchedd o barch ac ymddiriedaeth gan rymuso, arfogi ac ysbrydoli’r staff
Sicrhau bod pobl Gwynedd yn ganolog ym mhopeth rydym yn ei wneud.
Cynorthwyo pobl Gwynedd i fyw bywyd yn y modd y dymunant, drwy weithio gyda hwy yn ystod cyfnodau anodd, i gael gofal a chefnogaeth. Sicrhau bod gwasanaethau cymdeithasol oedolion, ar y cyd â’r Bwrdd Iechyd a phartneriaid eraill, yn cynorthwyo pobl i gynnal eu hannibyniaeth a byw bywydau llawn, hyd yn oed pan mae rhywun angen pecyn dwys o gefnogaeth neu lety arbenigol er mwyn cyfarch eu hanghenion.
Dod o hyd i ddatrysiadau i gynorthwyo pobl sydd yn debygol o fod angen cymorth am gyfnod estynedig, a gweithio gyda phobl a’u gofalwyr i’w galluogi i gyflawni eu deilliannau personol yn y ffordd orau er mwyn bodloni eu hamgylchiadau eu hunain.
Cynorthwyo’r Gwasanaeth i sefydlu egwyddorion gweithredu gan ystyried deddfau perthnasol (e.e. Iechyd a Diogelwch, Deddf Rheoleiddio ac arolygu Gofal Cymdeithasol (Cymru),Deddf Llesiant a Chenedlaethau’r Dyfodol, Deddf Gwasanaethau Cymdeithasol a Llesiant) a sicrhau eu bod yn cadw atynt. Sicrhau bod staff yn cadw at y Codiau ymarfer a chanllawiau Arolygaeth Gofal Cymru
Edrych ar gyfleoedd i weithio’n fwy effeithiol ar draws gwasanaethau, ac ar y cyd â’r bwrdd iechyd a phartneriaid eraill.
Arwain a rheoli holl faterion gweithredol o ran darparu Gwasanaethau Preswyl a Chymunedol .
Cyfrifoldeb am Adnoddau.  . e.e. staff, cyllid, offer
Staff -  Cyfrifoldeb am reolaeth  uniongrychol oddeutu 10  - 12 o staff ond cyfrifoldeb ehangach cyffredinol am oddeutu 400 o staff,  cartrefi preswyl, gofal cymunedol a chanolfannau dydd  oedolion yn yr ardal.
Offer -  Cyfrifoldeb Uwch am ddiogelwch a defnydd addas o holl adeiladau, cerbydau, ac offer yn ymwnud a darparu’r gwasanaeth o fewn yr ardal benodol mae y cyfrifoldeb dydd i ddydd am y materion yma wedi ei dirprwyo i Reolwyr Cofrestredig.
Cyllid – Cyfrifoldeb am gyllideb refeniw y gwasanaeth am gyllid ynghlwm a phrosiectau corfforaethol neu draws-adrannol ac am unrhyw gyllid cyfalaf/refeniw priodol a gaiff ei neilltuo ar gyfer y Tim.     
Prif Ddyletswyddau.
ARWAIN
Bod yn atebol am y Gwasanaeth a’r defnydd mwyaf effeithiol ac effeithlon o’r adnoddau sydd ar gael
Arwain staff y Gwasanaeth drwy annog a chymell i berchnogi egwyddorion Ffordd Gwynedd a bod yn atebol am sicrhau fod hynny’n digwydd
Sicrhau amgylchedd o fewn y tîm sy’n hyrwyddo ac annog llesiant staff
Cynorthwyo’r tîm i sefydlu egwyddorion gweithredu gan ystyried deddfau perthnasol (e.e. Iechyd a Diogelwch, Deddf Llesiant a Chenedlaethau’r Dyfodol, Deddf Gwasanaethau Cymdeithasol a Llesiant) a sicrhau eu bod yn cadw atynt
Bod yn ymwybodol o sut y mae systemau’r tîm yn gweithio a hwyluso i’w herio ple bo’r angen
Sicrhau fod y tîm yn cyfrannu at amcanion gwasanaethau neu sefydliadau eraill sy’n ceisio cyflawni’r hyn sy’n bwysig i bobl Gwynedd.
Hyrwyddo’r angen i adnabod a gweithredu ar fygythiadau a chyfleoedd y dyfodol gan gynnwys camau ataliol
Sicrhau ymwybyddiaeth o’r hinsawdd gyfreithiol a gwleidyddol sy’n effeithio ar y gwasanaeth gan sicrhau fod aelodau’r tîm yn ymwybodol o’r elfennau angenrheidiol.
Bod yn fyw i ymarfer da o fewn y maes gwasanaeth a sicrhau fod y tîm yn ystyried priodoldeb yr ymarfer da hwnnw iddynt hwy.
Arwain newid o fewn y maes gwasanaeth lle mae angen gwneud hynny
Ymdrin gyda phryderon a godir gan Aelodau Etholedig ynglŷn â’r Gwasanaeth.
GALLUOGI A GRYMUSO
Recriwtio a datblygu unigolion a thimau i sicrhau bod ganddynt y sgiliau angenrheidiol i gyflawni’r rolau sydd eu hangen rwan ac i’r dyfodol
Arfogi’r tîm i sefydlu beth sy’n bwysig i bobl Gwynedd a thrwy hynny sefydlu pwrpas y tîm a’i gadw’n gyfredol
Sicrhau fod penderfyniadau yn cael eu gwneud ar sail tystiolaeth.
Helpu’r tîm i adolygu a herio ei berfformiad
Creu a chynnal awyrgylch sy’n galluogi pob aelod o’r tîm i gyfrannu a chymryd penderfyniadau er mwyn darparu’r gwasanaethau gorau posib
Sicrhau awyrgylch o ymddiriedaeth ac atebolrwydd o fewn y tîm gan sicrhau cyfathrebu priodol gyda ac o fewn y tîm.
CYFLAWNI
Arfogi’r tîm i ystyried pa fesurau sy’n dangos perfformiad yn erbyn y pwrpas ac i berchnogi’r mesurau hynny
Annog y tîm i arloesi, mentro a dysgu o brofiad er mwyn gwella perfformiad
Cymell a/neu mentora y tîm i adnabod a gweithredu’n amserol er mwyn dileu rhwystrau sy'n atal y gallu i gyflawni yr hyn sy’n bwysig i bobl Gwynedd
Datrys unrhyw rwystrau na all y tîm eu datrys
Sicrhau fod cwynion yn derbyn sylw priodol a bod y tîm yn ystyried unrhyw wersi sy’n codi er mwyn gwella gwasanaeth.
Gweithredu mewn ffordd rhagweithiol; bod yn agored i feddwl yn wahanol; yn egnïol ac ymroddedig gydag integriti personol er mwyn cyflawni’r swyddogaethau isod gan sicrhau bod staff yr Adran yn cael eu datblygu i arddangos yr un nodweddion.
HUNAN ADLEWYRCHU - ar gyflawniad personol yr hyn sydd yn y swydd-ddisgrifiad.
MEYSYDD PENODOL Y SWYDD
Arwain y Tîm mewn modd sydd yn cynorthwyo pobl i fyw bywyd fel y dymunant, yn unol ag egwyddorion a nodweddion arweinyddiaeth dull Ffordd Gwynedd.
Cyfrifoldeb gweithredol dros ymarfer y Gwasanaeth Preswyl a Gofal Cartref gan sicrhau safonau proffesiynol o’r radd flaenaf a gwasanaeth sy’n rhoi’r unigolyn yn ganolog ym mhopeth.
Cynnal perthynas waith adeiladol ac effeithiol gyda swyddogion perthnasol o’r Bwrdd Iechyd, gan gymryd mantais o gyfleoedd i gydweithio ac integreiddio er budd pobl Gwynedd.
Sefydlu trefniadau effeithiol o fewn deddfwriaeth berthnasol, er mwyn diogelu a gwarchod pobl, ac ymateb mewn modd priodol ac amserol pan gyfyd achosion o gamdriniaeth neu esgeulustod.
Arwain datblygiad strategaethau, ar y cyd â phartneriaid allweddol, er mwyn ymateb mewn cyfnodau o argyfwng mawr allai gael effaith negyddol ar ofal a chefnogaeth arferol pobl.
Grymuso a chefnogi timau drwy gyfnodau o newid, gan sicrhau eu bod yn rhan greiddiol o’r gwaith angenrheidiol i drawsnewid gwasanaethau.
Adnabod anghenion pobl sydd ag anghenion dwys a hirdymor, fel sylfaen ar gyfer cynlluniau comisiynu strategol / categori, ac annog ymarferwyr i rannu eu syniadau am wasanaethau a chefnogaeth y dylem ystyried eu datblygu o fewn ein cymunedau.
Ymgysylltu a chyfathrebu’n effeithiol gyda budd-ddeiliaid yn unol ag ymarfer gorau, gyda chefnogaeth gan arbenigwyr corfforaethol ac arweiniad y Gwasanaeth Busnes a Rheoli Ansawdd.
Cyfrannu tuag at creu model o ddatrysiadau cyd-gynhyrchu gyda phobl a chymunedau, a gweithio i greu diwylliant lle nad yw’r Cyngor ac asiantaethau eraill yn darparu gwasanaeth hyd oni bod pob cyfle i gwrdd ag anghenion o fewn rhwydweithiau personol a chymunedol wedi’u hystyried.
Cyfrannau tuag at strategaethau fydd yn cefnogi’r weledigaeth mai dim ond ar becynnau gofal dwys a llety arbenigol y byddwn yn dibynnu arnynt (ar draws pob grŵp cleient) pan fo’r holl opsiynau eraill wedi’u hystyried.
Cefnogi a gwireddu strategaethau traws-adrannol penodol.
Datblygu a diweddaru polisïau yn y meysydd a gaiff eu harwain gan y Tîm a chyfrannu at bolisïau trawsadrannol ac aml-asiantaethol, yn ôl yr angen.
Cynrychioli’r Cyngor mewn grwpiau is-ranbarthol, rhanbarthol a chenedlaethol, pan fyddai gwneud hynny’n cynnig cyfleoedd i weithio’n fwy effeithiol a gwella profiadau pobl Gwynedd.
Rheoli cyllidebau’r Tîm yn effeithiol a chyfrannu at iechyd a strategaethau ariannol yr Adran gyfan.
Sicrhau bod y Tîm yn cydymffurfio ag egwyddor y cynnig rhagweithiol yng nghyd-destun anghenion ieithyddol pobl a diwallu holl anghenion strategaeth ‘Mwy na Geiriau’.
Arwain ar / neu reoli prosiectau neu raglenni i drawsnewid neu wella gwasanaethau, a bod yn fodlon cynnig cefnogaeth mewn meysydd tu hwnt i rai’r Gwasanaeth neu’r Adran.
Rheoli perfformiad y Tîm, gyda chefnogaeth y Gwasanaeth Busnes, i ddarparu gwybodaeth reolaethol a gwybodaeth sicrwydd ansawdd.
Darparu arweiniad i aelodau etholedig, adrodd i weithgorau neu bwyllgorau yn ôl yr angen, a gweithredu’n unol â phenderfyniadau gwleidyddol.
Cefnogi’r Pennaeth Cynorthwyol i arwain a sicrhau llwyddiant y Gwasanaeth a bod yn barod i ddirprwyo iddo/iddi, yn ôl yr angen.
CYFRIFOLDEBAU ERAILL
Cyfrifoldeb am hunan ddatblygiad
Sicrhau cydymffurfiaeth â rheolau Iechyd a Diogelwch yn y gweithle yn unol â’r cyfrifoldebau a nodir yn Neddf Iechyd a Diogelwch yn y Gweithle 1974 a Pholisi Iechyd a Diogelwch y Cyngor.
Gweithredu o fewn polisïau’r Cyngor yng nghyswllt cyfle cyfartal a chydraddoldeb.
Cyfrifoldeb am reoli gwybodaeth yn unol â safonau a chanllawiau rheoli gwybodaeth y Cyngor. Sicrhau bod gwybodaeth bersonol yn cael ei thrin mewn cydymffurfiaeth â deddfwriaeth Diogelu Data
Ymrwymiad i leihau allyriadau carbon y Cyngor yn unol â’r Cynllun Rheoli Carbon ac annog eraill i weithredu’n gadarnhaol tuag at leihau ôl-troed carbon y Cyngor.
Ymgymryd ag unrhyw ddyletswydd arall cyfatebol a rhesymol sy’n cyd-fynd â lefel cyflog a lefel cyfrifoldeb y swydd.
Cyfrifoldeb i adrodd am bryder neu amheuaeth bod plentyn neu oedolyn bregus yn cael ei gamdrin
Amgylchiadau Arbennig.  . e.e. angen i weithio oriau anghymdeithasol, trefniadau gwaith arbennig, a.y.y.b.
Oherwydd natur y Gwasanaeth, bydd yn anorfod ar adegau bod deilydd y swydd angen mynychu digwyddiadau neu’r angen i fonitro safleoedd a gwaith y Tîm ar benwythnosau.
Ymateb i unrhyw Argyfwng yn ymwneud â’r Gwasanaeth tu allan i oriau arferol y swydd.