Swyddi ar lein
Swyddog Traffig
£37,929 - £40,529 y flwyddyn | Parhaol
- Cyfeirnod personel:
- 25-30404
- Teitl swydd:
- Swyddog Traffig
- Adran:
- Asiant Cefnffyrdd Gogledd a Chanolbarth Cymru
- Gwasanaeth:
- Uned Rheoli Rhwydwaith
- Dyddiad cau:
- 09/04/2026 10:00
- Math Swydd/Oriau:
- Parhaol | 42 Awr
- Cyflog:
- £37,929 - £40,529 y flwyddyn
- Gradd tâl:
- S2
- Lleoliad(au):
- Gweler Hysbyseb Swydd
Manylion
Hysbyseb Swydd
SWYDDOGION TRAFFIG
Graddfa S2 + Goramser Cytundebol (£37,929.64 i £40,529.88) (42 awr yr wythnos flynyddol (Pro Rata)
Sifftiau 12 awr, 4-on-4 off, 365 diwrnod y flwyddyn).
Lleoliad: Llandygai, Conwy, Helygain a Wrecsam (Llai)
Y Gwasanaeth Swyddog Traffig yw wyneb cyhoeddus Llywodraeth Cymru ar y gefnffordd. Bydd disgwyl i’r ymgeisydd batrolio coridor ffyrdd deuol yr A55/A494/A550/A483 yng Ngogledd Cymru, ymateb i ddamweiniau, gwneud y safle yn ddiogel, bydd gennych y pŵer i atal ac ailgyfeirio traffig, cau lonydd, gosod arwyddion traffig a symud cerbydau sydd wedi'u gadael neu sydd wedi torri i lawr, ac felly chwarae rôl hanfodol yn niogelwch ein lonydd.Byddwch yn gyfrifol am hyrwyddo a meithrin perthynas waith da gyda’r holl randaliadau allweddol i sicrhau cyflawni’r amcanion o leihau tagfeydd yn dilyn damweiniau. Yn ogystal, bydd angen cynorthwyo trwy nodi lle gellir gwella neu atgyweirio'r isadeiledd priffyrdd, gan gynnwys wyneb y lôn ac arwyddion, i wella diogelwch defnyddwyr y ffordd ac anfon y wybodaeth yn brydlon a chywir i’r person(au) perthnasol.
Mae profiad o weithio mewn amgylchedd cyswllt wyneb y wyneb a chwsmeriaid yn ddymunol. Cydnabyddir ei bod yn bosib na fydd yr ymgeisydd yn cyrraedd yr holl ofynion sydd wedi eu rhestru yn y swydd ddisgrifiad a manylion person ar gyfer y rôl - ond fel rhan o’r broses dethol bydd hyn yn cael ei gymryd i ystyried. Bydd disgwyl i’r ymgeisydd llwyddiannus fynychu hyfforddiant llawn fydd yn cael ei ddarparu ar eu cyfer cyn dechrau ar y swydd. Bydd disgwyl i’r ymgeisydd weithio patrymau sift 12 awr (yn cynnwys penwythnosau a Gŵyl y Banc) a bod ar gael i weithio oriau goramser fel bo’r angen. Mae'r swydd yn destun cyfnod prawf a bydd rhaid i’r deilydd fyw o fewn 45 munud o'u safle gweithredol. Bydd rhaglen hyfforddiant achrededig gorfodol am 6 wythnos yn ofynnol.
Noder Bydd cyflogaeth barhaus o fewn y gwasanaeth yn dibynnu ar gwblhau'r hyfforddiant ac cyfnod prawf yn llwyddiannus. Mae’r gallu i gyfathrebu yn y Gymraeg a’r Saesneg yn ddymunol ar gyfer y swyddi hyn.
Disgwylir i’ch cyflogaeth ddechrau ar 7 Medi 2026, yn amodol ar gwblhau’n foddhaol archwiliad meddygol cyn-cyflogaeth, gwiriadau CRB, a geirdaon boddhaol.
Ffurflenni cais a manylion pellach am y swydd hon ar gael drwy wefan Cyngor Gwynedd www.gwynedd.llyw.cymru neu drwy gysylltu dros y ffôn 01286 679076. Os oes gennych unrhyw gwestiynau am y swydd, cysylltwch â: 0300 123 1213 neu drwy e-bost swyddivacancies@nmwtra.org.uk
Dyddiad Cau: 10.00 yb, 09/04/26
Bydd ymgeiswyr a ddewisir ar gyfer y Ganolfan Asesu yn cael gwybod ym mis Mai. Byddwn yn cysylltu â chwi drwy’r cyfeiriad E BOST. Mae angen i chwi sicrhau eich bod yn gwirio eich E-BOST yn rheolaidd.
Manylion Person
NODWEDDION PERSONOL
HANFODOL
Bod yn hyblyg wrth weithio patrymau shifft a gallu gweithio oriau goramser
rhesymol yn ôl y gofyn
Bydd yn disgwyl i'r deilydd fyw o fewn 45 munud o'u safle gweithredol
CYMWYSTERAU A HYFFORDDIANT PERTHNASOL
HANFODOL
Profiad mewn rôl weithredol / sy’n canolbwyntio ar y cwsmer
Trwydded yrru gyfredol ddilys
PROFIAD PERTHNASOL
HANFODOL
Profiad Gwaith:
Profiad o gweithio gyda eraill mewn gwasanaeth cwsmeriad gweithredol lle mae’n rhaid wynebu’r cyhoedd
Cyfathrebu:
Cyfathrebu anghenion a chyfarwyddiadau yn glir;
Siarad gydag awdurdod a hyder;
Delio â materion yn uniongyrchol; yn newid arddull cyfathrebu i ddiwallu anghenion y gynulleidfa
Gwytnwch:
Yn ddibynadwy mewn sefyllfaoedd, gan allu meddwl yn glir a pheidio â chynhyrfu;
Ymateb yn rhesymegol i amgylchiadau sy’n newid;
Yn parhau i ganolbwyntio ac mewn rheolaeth o’r sefyllfa;
Rheoli sefyllfaoedd o wrthdaro;
Deilio â gelyniaeth a chythrudd mewn modd digynnwrf a phwyllog;
Rheoli pwysau a thensiwn mewn sefyllfaoedd anodd
Cynllunio a Threfnu:
Penderfynu ar flaenoriaethau a threfnu baich gwaith;
Llwyddo i weithio i derfynau amser tynn drwy gynllunio’n ofalus;
Glynu wrth nodau;
Dibynadwy a phrydlon
Gwaith Tîm:
Cefnogi a chynorthwyo’r tîm yn weithredol er mwyn iddynt gyflawni eu hamcanion;
Cydweithredu gydaf eraill a’u cefnogi;
Cyfrannu at amcanion y tîm
Hunan-gymhelliant:
Dangos blaengaredd a chymhelliant, gan ymgymryd â thasgau heb i neb ofyn;
Gallu cymell ei hun, gan ddangod brwdfrydedd ac yrwymiad i’w rôl;
Gallu ei wybodaeth broffesiynol ei hun a chadw’r wybodaeth yn ddiweddar
Amrywiaeth:
Cwrtais, goddefgar ac amyneddgar gyda phbl y tu mewn a’r tu allan I’r sefydliad, gan eu trin â pharch as urddas.
Yn defnyddio iaith mewn ffordd briodol ac yn sensitif i'r ffordd y gallai effeithio ar bobl;
Yn deall beth sy'n tramgwyddo eraill ac yn addasu ei weithredoedd ei hun yn unol â hynny
Yn parchu ac yn cynnal cyfrinachedd, lle bynnag y bo'n briodol
Iechyd a Diogelwch:
Cydnabod manteision amgylchedd gwaith diogel;
Sicrhau y rhoddir sylw digonol i iechyd a diogelwch;
Sicrhau ei ddiogelwch ei hun;
Sicrhau diogelwch ei gydweithwyr
Technoleg Gwybodaeth:
Rhaid dangos profiad o weithio gydag ystod o raglenni TG e.e Microsoft Word/Excel/Outlook
ANGHENION IEITHYDDOL
DYMUNOL
Gwrando a Siarad
Yn gallu ymdrin â holl agweddau’r swydd yn llafar mewn modd hyderus yn y Gymraeg a’r Saesneg.
Darllen a Deall
Yn gallu defnyddio a dehongli unrhyw wybodaeth yn gywir o amrywiaeth eang o ffynonellau, yn y Gymraeg a’r Saesneg, er mwyn gallu ymdrin â phob agwedd o’r swydd.
Ysgrifennu
Yn gallu cyflwyno gwybodaeth ysgrifenedig yn hollol hyderus yn y Gymraeg a’r Saesneg gan ddefnyddio’r iaith a’r arddull fwyaf priodol i ddiwallu anghenion y darllenydd.
Dylid disgrifio'r nodweddion rheiny a ddisgwylir gan ddeilydd y swydd. Defnyddir rhain fel meini prawf wrth asesu pob ymgeisydd
Swydd Ddisgrifiad
Pwrpas y Swydd
Prif Swyddogaethau
Bod yn wyneb cyhoeddus i Lywodraeth y Cynulliad o ran patrolio ac ymateb i reoli digwyddiadau ar yr rhwydwaith cefnffyrdd Gogledd a Chanolbarth Cymru.
Lleihau tagfeydd sy’n gysylltiedig â digwyddiadau drwy ymateb i ddigwyddiadau, peryglon a damweiniau ar y rhwydwaith, a'u rheoli.
Rhoi cefnogaeth broffesiynol effeithiol i'r Heddlu ac i asiantaethau eraill.
Cynrychioli Llywodraeth y Cynulliad drwy gyfleu delwedd gadarnhaol a phroffesiynol sy’n cryfhau gwerthoedd ac amcanion Llywodraeth Cynulliad Cymru.
Hyrwyddo a meithrin perthynas waith dda gyda’r rhanddeiliaid allweddol er mwyn sicrhau cyrraedd y nod gyffredin o leihau tagfeydd sy’n gysylltiedig â digwyddiadau.
Nodi lle gallai seilwaith y ffordd, gan gynnwys yr arwyneb a’r arwyddion, gael ei wella neu’i drwsio, lle bo angen, er mwyn gwella diogelwch i ddefnyddwyr y ffordd, a rhoi gwybodaeth o'r fath yn ddi-oed a chywir i'r bobl briodol.
Hyrwyddo diogelwch ar y ffyrdd drwy ddarparu gwybodaeth a chyngor i ddefnyddwyr y ffordd, lle bo’n briodol, i geisio gwella eu diogelwch ar y ffyrdd.
Swyddogaethau Eilaidd
Cynnal patrolau ac archwiliadau i sicrhau bod y rhwydwaith yn ddiogel.
Nodi a chefnogi lle bo angen i ymgymryd â gwaith cynnal a chadw rheolaidd,.
Patrolio, monitro a rhoi gwybod am y traffig a'r tywydd ar y rhwydwaith.
Sicrhau lle y bo modd bod diffygion ar y briffordd yn ddiogel.
Safonau Perfformiad
Cyflawni amcanion cerrig milltir a therfynau amser ycytunwyd arnynt yn foddhaol.
Cefnogi y datblygiad parhaus o ran rheoli’r darpariaeth yr Asiantaeth Cefnffyrdd.
Ymgymryd ag unrhyw hyfforddiant angenrheidiol sy’n gysylltiedig â Datblygiad Proffesiynol Parhaus.
Sicrhau y glynir yn llym wrth Bolisïau Iechyd a Diogelwch yn y Gwaith.
Sicrhau cysylltiadau da drwy gynnig gofal cwsmeriaid o safon.
Datblygu a chynnal perthynas waith dda a chynhyrchiant da yn unol ag amcanion sefydliadol a phersonol.
Bod yn gyfrifol am Iechyd a Diogelwch personol bob amser.
Sicrhau bod pobl Gwynedd yn ganolog i bopeth yr ydan ni yn ei wneud
Cyfrifoldeb am swyddogaethau .e.e. staff, cyllidebau, offer
Cerbyd, radio, camera fideo, ffôn, tabled
Prif Ddyletswyddau .
1. Cynnal patrolau amlwg iawn er mwyn darparu'r ymateb cychwynnol a threfnu cyngor arbenigol yn y man lle bu'r digwyddiad, y perygl neu'r ddamwain ar y ffordd.
2. Ymateb i ddigwyddiadau a gweithio’n ddiogel, yn unol â pholisi’r cwmni a hyfforddiant, i hwyluso clirio yn fuan ar ôl y digwyddiad neu gael gwared ar y perygl drwy roi systemau rheoli traffig brys ar waith.
3. Rhoi gwybod am y camau gweithredu a gymerir, a’u cofnodi gyda'r Ganolfan Reoli, yn ogystal â’r cyfarwyddiadau a roddir.
4. Cysylltu â’r Ganolfan Reoli i ofyn am adnoddau ychwanegol pan fydd angen.
5. Yn y gweithle, ymddwyn mewn ffordd nad yw’n peryglu eich iechyd a’ch diogelwch chi, nac eraill, gan gyflawni arferion gwaith yn unol â gofynion gweithredol a chyfreithiol.
6. Nodi a rheoli risg weithredol drwy gyfrwng asesiadau risg safonol a deinamig.
7. Rhoi Systemau Rheoli Traffig Brys ar waith yn unol â pholisïau, gweithdrefnau a datganiadau ynghylch dulliau.
8. Cyfathrebu yn ysgrifenedig, yn electronig ac ar lafar ar ffurf adroddiadau a chofnodion yn ôl y gofyn.
9. Cynnal archwiliadau ar gerbydau, a’u cofnodi, a llenwi llyfrau oriau gyrwyr yn gywir ac yn unol â gweithdrefnau’r cwmni.
10. Bod yn gyfrifol dros faterion y gallant effeithio ar weithredu’r rhwydwaith yn ddiogel, a bod yn ymwybodol ohonynt, a rhoi gwybod am faterion o'r fath cyn gynted ag y sylwir arnynt.
11. Sicrhau a chofnodi bod yr arwyddion, yr offer a’r deunyddiau rheoli traffig sydd yn cael eu cludo gan y cerbyd Swyddog Traffig yn iawn ar ddechrau pob shifft, a chymryd camau i gywiro unrhyw ddiffyg yn unol â pholisïau a gweithdrefnau.
12. Ymddwyn mewn modd proffesiynol bob amser gan sicrhau dull o ddelio â’r cyhoedd, yr Heddlu ac asiantaethau eraill sydd bob amser o safon uchel.
13. Cynnal patrolau/archwiliadau ar ddiogelwch y rhwydwaith a chofnodi gwybodaeth gan ddefnyddio dyfeisiau casglu data.
14. Adnabod a chofnodi anghenion o ran gwaith cynnal a chadw lle bo'n bosib.
15. Casglu a darparu gwybodaeth i’w dadansoddi gan y sefydliad ac asiantaethau eraill.
16. Mynychu achosion cyfreithiol i roi tystiolaeth fel tyst yn ôl y gofyn.
17. Mae pob un a gaiff ei gyflogi gydag ACGChC yn gyfrifol am gydymffurfio â'r Polisi Iechyd a Diogelwch, Polisi’r Amgylchedd a’r Polisi Ansawdd, fel y diffinnir yn System Reoli Busnes Asiantaeth Cefnffyrdd Gogledd Cymru.
18. Unrhyw ddyletswyddau eraill sydd yn ofynnol â graddfa y swydd wrth reoli'r rhwydwaith cefnffyrdd.
19. Cyfrifoldeb am hunan ddatblygiad.
20. Sicrhau cydymffurfiaeth â rheolau Iechyd a Diogelwch yn y gweithle yn unol â’r cyfrifoldebau a nodir yn Neddf Iechyd a Diogelwch yn y Gweithle 1974 a Pholisi Iechyd a Diogelwch y Cyngor.
21. Gweithredu o fewn polisïau’r Cyngor yng nghyswllt cyfle cyfartal a chydraddoldeb.
22. Cyfrifoldeb am reoli gwybodaeth yn unol â safonau a chanllawiau rheoli gwybodaeth y Cyngor. Sicrhau bod gwybodaeth bersonol yn cael ei thrin mewn cydymffurfiaeth â deddfwriaeth Diogelu Data
23. Ymrwymiad i leihau allyriadau carbon y Cyngor yn unol â’r Cynllun Rheoli Carbon ac i annog eraill i weithredu’n gadarnhaol tuag at leihau ôl-troed carbon y Cyngor.
24. Ymgymryd ag unrhyw ddyletswydd arall cyfatebol a rhesymol sy’n cyd-fynd â lefel cyflog a lefel cyfrifoldeb
y swydd.
25. Cyfrifoldeb i adrodd ar bryder neu amheuaeth bod plentyn neu oedolyn bregus yn cael ei gamdrin
Amgylchiadau Arbennig . e.e. yr angen i weithio oriau anghymdeithasol, trefniadau gwaith arbennig ac ati
Oriau gweithio:
Gofyniad i weithio sifftiau o 42 awr yr wythnos flynyddol (Pro Rata) sifftiau 12 awr, 4-on-4-off, 365 diwrnod y flwyddyn (07:00hrs to 19:00hrs) er mwyn cwrdd â’r gofynion gweithredol.
Gofyniad am hyblygrwydd ar achlysur yn y patrymau shifft i gwrdd â’r gofynion gweithredol;
Gofyniad ar adegau i weithio goramser ac yn ystod y nos;
Gofyniad i weithio ar Wyliau Banc a Phenwythnosau wrth i’r patrymau sifft cael eu penderfynu;
Gofyniad i weithio o leoliadau gweithredol eraill i gwrdd â’r gofynion gweithredol.
Mae’r uchod yn amlinelliad o’r dyletswyddau, er mwyn rhoi syniad o lefel y cyfrifoldeb sydd ynghlwm â’r swydd. Nid yw’r swydd ddisgrifiad yn gyflawn o ran y manylion, a gall dyletswyddau’r swydd newid o bryd i'w gilydd heb newid natur a lefel cyfrifoldeb sylfaenol y swydd.
