Pwrpas y Rôl
Darparu arweiniad a chyfeiriad ar lefel uwch i gyflawni Cynllun Twf Gogledd Cymru yn unol â gweledigaeth hirdymor y rhanbarth ar gyfer Lles Economaidd.
Gyrru a hyrwyddo cydweithio ar draws chwe awdurdod lleol Gogledd Cymru, addysg bellach ac uwch, y sector preifat, ynghyd â Llywodraethau Cymru a'r DU i wneud y mwyaf o'r effaith economaidd a chymdeithasol.
Arwain y gwaith o gynllunio rheoli a chyflawni portffolio'r Cynllun Twf, gan sicrhau gwerth am arian a chyflawni canlyniadau y cytunwyd arnynt.
Hyrwyddo twf economaidd cynhwysol a chynaliadwy drwy arloesi, datblygu sgiliau, creu swyddi, buddsoddiad sector preifat a'r trawsnewid i economi carbon-isel.
Datblygu a chynnal perthnasau gwaith cadarn gyda rhanddeiliaid rhanbarthol, cenedlaethol a'r DU, gan gefnogi'r Prif Weithredwr wrth ddylanwadu ar bolisi, denu buddsoddiad, ynghyd â chryfhau safle economaidd Gogledd Cymru.
Sicrhau safonau uchel o lywodraethu, tryloywder ac atebolrwydd ym mhob agwedd o gyflawni'r portffolio.
Gweithredu fel uwch gynrychiolydd y sefydliad, gan hyrwyddo cyfleoedd a llwyddiannau'r rhanbarth i bartneriaid, buddsoddwyr a chymunedau.
Cyfrifoldebau Arweinyddiaeth Craidd
Cyfrifoldeb ar y cyd fel rhan o'r Tîm Arweinyddiaeth i osod strategaeth, cyflawni a rheoli perfformiad ar draws y sefydliadau.
Cyfrifoldeb am ymgorffori gwerthoedd ac ymddygiadau Uchelgais Gogledd Cymru fel unigolyn ac ymysg y staff mewn timau.
Cyfrifoldeb am gefnogi cydweithwyr ac aelodau'r tîm i gyflawni blaenoriaethau Uchelgais Gogledd Cymru a chefnogi eu datblygiad.
Rheolaeth matrics o staff ac adnoddau ar draws y Cyd-bwyllgor Corfforedig yn ôl yr angen i gyflawni blaenoriaethau.
Gweithredu fel llysgennad i Uchelgais Gogledd Cymru a'r rhanbarth
Cyfrifoldebau Penodol i'r Swydd
1. Arweinyddiaeth a Gweledigaeth Strategol
-Bod yn atebol i Is-bwyllgor Lles Economaidd Gogledd Cymru i ddatblygu a chyflawni ei Weledigaeth ar gyfer Lles Economaidd, gan roi cyngor a chyfeiriad strategol er mwyn gwneud y gorau o'r cyfleoedd i gyflawni twf economaidd cynaliadwy a chynhwysol ar draws y rhanbarth.
- Darparu arweiniad ac argymhellion arbenigol i'r Is-bwyllgor ar y strategaethau a'r systemau sy'n angenrheidiol i greu twf a ffyniant, gan sicrhau bod cyflogaeth a sgiliau, trafnidiaeth, a chynllunio defnydd tir yn cael eu hintegreiddio fel rhan ehangach o swyddogaeth Lles Economaidd y Cyd-bwyllgor Corfforedig.
- Adnabod a mynd ar drywydd cyfleoedd i ddylanwadu ar bolisi Llywodraeth y DU a Llywodraeth Cymru a denu buddsoddiad allanol, gan hyrwyddo anghenion a photensial Gogledd Cymru ar lwyfan rhanbarthol a chenedlaethol.
- Hyrwyddo dull gweithredu cyd-gysylltiedig a chydweithredol ymhlith partneriaid allweddol yn y rhanbarth i fynd i'r afael â materion economaidd strategol a gwneud y gorau o unrhyw gyfleoedd twf.
- Cynnal perthynas gadarn a chefnogol gyda Pherchennog Cyfrifol (SRO) a Phrif Weithredwr Uchelgais gogledd Cymru, gan dynnu sylw at risgiau a materion yn briodol.
2. Cyflawni'r Rhaglen a'r Portffolio
- Arwain a chydlynu'r gwaith o gyflawni Cynllun Twf Gogledd Cymru, gan sicrhau bod yr holl rhaglenni a phrosiectau yn cael eu cyflawni'n effeithiol gan y partneriaid perthnasol, wedi eu cefnogi gan gynllun rhaglen cynhwysfawr gydag adnoddau, trefniadau rheoli prosiect cadarn a monitro perfformiad clir.
- Bod yn gyfrifol am berfformiad, rheolaeth risgiau, ac allbynnau rhaglenni a Phrosiectau'r Cynllun Twf, ynghyd â mentrau ehangach sy'n cyd-fynd â'r Strategaeth a'r Weledigaeth Corfforaethol.
- Adolygu a threfnu dadansoddiadau demograffig ac economaidd gan bartneriaid a'r sector busnes, er mwyn cyfrannu at gynllunio a blaenoriaethu'r portffolio.
- Datblygu a rheoli'r gyllideb a phortffolio'r Cynllun Twf, mewn partneriaeth â phartneriaid busnes Cyllid, i'w gymeradwyo gan yr Is-bwyllgor – gan sicrhau rheolaeth ariannol gadarn a gwneud y defnydd gorau o'r adnoddau sydd ar gael.
- Sicrhau bod materion yn cael eu codi'n briodol i'r Uwch Berchennog Cyfrifol a'r Prif Weithredwr, gan rannu'r ddealltwriaeth o risgiau a pherfformiad.
3. Llywodraethu, Atebolrwydd a Chydymffurfio
- Cydlynu'r broses o wneud penderfyniadau drwy'r cynghorau partner ac asiantaethau eraill lle nad yw penderfyniadau yn llwyr o fewn cylch gwaith yr Is-bwyllgor. 
- Sicrhau bod materion o fewn cylch gwaith yr Is-bwyllgor Lles Economaidd yn cael eu dwyn ymlaen mewn da bryd i wneud penderfyniadau, gydag adroddiadau perfformiad cynhwysfawr, cywir, o ansawdd uchel, ynghyd ag argymhellion.
- Arwain y gwaith o gyflawni'r Cynllun Twf drwy'r Swyddfa Rheoli Portffolio, sicrhau bod y dull gweithredu yn effeithlon ac yn unol â'r dull llywodraethu y cytunwyd arno, ac y defnyddir adnoddau yn effeithiol i ddiwallu blaenoriaethau'r portffolio.
- Sicrhau bod partneriaid cyflawni a'r ffrydiau gwaith a ddosberthir yn derbyn adnoddau digonol a'u bod yn cael eu dal i gyfrif wrth gyflawni i'r amcanion, amserlenni, a'r cyllidebau a'r deilliannau y cytunwyd arnynt.
- Sicrhau bod mesurau rheoli cadarn ar waith ar gyfer rheoli risgiau, gwireddu'r buddion, datrys materion a rheoli newidiadau ar draws rhaglen y Cynllun Twf.
- Gweithio'n rhagweithiol gyda swyddogion statudol (Adran 151 a Swyddog Monitro) i sicrhau bod holl weithgareddau'r portffolio yn cydymffurfio gyda'r rheoliadau ariannol, cyfreithiol a llywodraethu, ac yn unol â Chyfansoddiad a pholisïau cysylltiedig Uchelgais Gogledd Cymru.
4. Ymgysylltu gyda Rhanddeiliaid a Phartneriaid
- Adeiladu a chynnal perthnasoedd cryf a strategol gyda Llywodraethau Cymru a'r DU, Awdurdodau Lleol cyfagos, Awdurdodau Cyfunol, a rhanddeiliaid eraill rhanbarthol a chenedlaethol.
- Gweithredu fel yr uwch bwynt cyswllt ar gyfer rhanddeiliaid allanol sy'n ymwneud â'r Is-Bwyllgor Lles Economaidd, gan sicrhau bod cyfathrebu ac ymgysylltu wedi'u cydlynu.
- Gweithio'n rhagweithiol gyda'r Bwrdd Busnes Ymgynghorol Rhanbarthol i adnabod cyfleoedd ar gyfer twf, arloesi a buddsoddi - gan sicrhau bod eu cyngor yn derbyn ystyriaeth wrth i'r Is-bwyllgor wneud penderfyniadau.
- Arwain ar ddull o ymgysylltu â rhanddeiliaid sy'n gynhwysol ac yn rhagweithiol ar draws awdurdodau lleol, asiantaethau partner, busnesau a chymunedau.
- Sicrhau bod gan yr Is-bwyllgor strategaeth gyfathrebu sy'n glir ac yn effeithiol, sy'n hyrwyddo'i weledigaeth, blaenoriaethau a llwyddiannau i'r holl ran-ddeiliaid.
5. Arwain Pobl ac Adnoddau
- Darparu arweiniad clir a gweledol sy'n cefnogi datblygiad diwylliant tîm o berfformiad uchel a chymhelliant.
- Arwain a gweithredu fel model rôl ar gyfer gwerthoedd ac ymddygiadau Uchelgais Gogledd Cymru, gan feithrin diwylliant o gydweithio, onestrwydd a rhagoriaeth.
- Cefnogi a datblygu staff drwy rheolaeth llinell a matrics effeithiol, a chyfrannu at arweinyddiaeth ehangach y sefydliad.
6. Dyletswyddau Ychwanegol
- Ymgymryd ag unrhyw ddyletswyddau eraill sy’n gymesur â lefel awdurdod y swydd i gefnogi'r Prif Weithredwr a'r tîm ehangach wrth gyflawni blaenoriaethau sefydliadol a rhanbarthol.