Pwrpas y swydd
•Arwain y tîm(au) y mae’n gyfrifol amdano (ynt) i gyflawni yn effeithiol ac effeithlon yr hyn sy’n bwysig i bobl Gwynedd drwy greu a chynnal amgylchedd o barch ac ymddiriedaeth gan rymuso, arfogi ac ysbrydoli’r staff.
Prif ddyletswyddau
ARWAIN
•Bod yn atebol am y Gwasanaeth a’r defnydd mwyaf effeithiol ac effeithlon o’r adnoddau sydd ar gael
•Arwain staff y Gwasanaeth drwy annog a chymell i berchnogi egwyddorion Ffordd Gwynedd a bod yn atebol am sicrhau fod hynny’n digwydd
•Sicrhau amgylchedd o fewn y tîm sy’n hyrwyddo ac annog llesiant staff
•Cynorthwyo’r tîm i sefydlu egwyddorion gweithredu gan ystyried deddfau perthnasol (e.e. Iechyd a Diogelwch, Deddf Llesiant a Chenedlaethau’r Dyfodol, Deddf Gwasanaethau Cymdeithasol a Llesiant) a sicrhau eu bod yn cadw atynt
•Bod yn ymwybodol o sut y mae systemau’r tîm yn gweithio a hwyluso i’w herio ple bo’r angen
•Sicrhau fod y tîm yn cyfrannu at amcanion gwasanaethau neu sefydliadau eraill sy’n ceisio cyflawni’r hyn sy’n bwysig i bobl Gwynedd.
•Hyrwyddo’r angen i adnabod a gweithredu ar fygythiadau a chyfleoedd y dyfodol gan gynnwys camau ataliol
•Sicrhau ymwybyddiaeth o’r hinsawdd gyfreithiol a gwleidyddol sy’n effeithio ar y gwasanaeth gan sicrhau fod aelodau’r tîm yn ymwybodol o’r elfennau angenrheidiol.
•Bod yn fyw i ymarfer da o fewn y maes gwasanaeth a sicrhau fod y tîm yn ystyried priodoldeb yr ymarfer da hwnnw iddynt hwy.
•Arwain newid o fewn y maes gwasanaeth lle mae angen gwneud hynny
•Ymdrin gyda phryderon a godir gan Aelodau Etholedig ynglŷn â’r Gwasanaeth.
•GALLUOGI A GRYMUSO
•Recriwtio a datblygu unigolion a thimau i sicrhau bod ganddynt y sgiliau angenrheidiol i gyflawni’r rolau sydd eu hangen rwan ac i’r dyfodol
•Arfogi’r tîm i sefydlu beth sy’n bwysig i bobl Gwynedd a thrwy hynny sefydlu pwrpas y tîm a’i gadw’n gyfredol
•Sicrhau fod penderfyniadau yn cael eu gwneud ar sail tystiolaeth.
•Helpu’r tîm i adolygu a herio ei berfformiad
•Creu a chynnal awyrgylch sy’n galluogi pob aelod o’r tîm i gyfrannu a chymryd penderfyniadau er mwyn darparu’r gwasanaethau gorau posib
•Sicrhau awyrgylch o ymddiriedaeth ac atebolrwydd o fewn y tîm gan sicrhau cyfathrebu priodol gyda ac o fewn y tîm.
•CYFLAWNI
•Arfogi’r tîm i ystyried pa fesurau sy’n dangos perfformiad yn erbyn y pwrpas ac i berchnogi’r mesurau hynny
•Annog y tîm i arloesi, mentro a dysgu o brofiad er mwyn gwella perfformiad
•Cymell a/neu mentora y tîm i adnabod a gweithredu’n amserol er mwyn dileu rhwystrau sy'n atal y gallu i gyflawni yr hyn sy’n bwysig i bobl Gwynedd
•Datrys unrhyw rwystrau na all y tîm eu datrys
•Sicrhau fod cwynion yn derbyn sylw priodol a bod y tîm yn ystyried unrhyw wersi sy’n codi er mwyn gwella gwasanaeth.
•Gweithredu mewn ffordd rhagweithiol; bod yn agored i feddwl yn wahanol; yn egnïol ac ymroddedig gydag integriti personol er mwyn cyflawni’r swyddogaethau isod gan sicrhau bod staff yr Adran yn cael eu datblygu i arddangos yr un nodweddion.
•HUNAN ADLEWYRCHU - ar gyflawniad personol yr hyn sydd yn y swydd-ddisgrifiad.
•MEYSYDD PENODOL Y SWYDD
•Arwain y gwaith o ddatblygu ac adolygu amodau gwaith y Cyngor
•Arwain ar a chyfrannu i brosiectau sy’n datblygu’r gwasanaeth adnoddau dynol o fewn y Cyngor
•Arwain ar faterion yn ymwneud â’r maes cydraddoldeb gan ganolbwyntio yn benodol ar yr agweddau hynny sy’n effeithio ar faterion cyflogaeth.
•Cefnogi swyddogion y Gwasanaeth i roi cyngor i reolwyr ar ystod eang o faterion yn ymwneud â chyflogi staff, gan gynnwys materion yn ymwneud â chynllunio’r gweithlu, ymdrin â chwynion, ymchwiliadau disgyblaeth, absenoldebau, ail strwythuro gwasanaethau, diswyddiadau gorfodol, trosglwyddiadau TUPE.
•Sicrhau fod y swyddogion / ymgynghorwyr adnoddau dynol yn ymwybodol o’r newidiadau diweddaraf mewn deddfwriaeth, amodau gwaith, polisïau a gweithdrefnau, a hynny trwy gyd-gysylltu cyson a chyfarfodydd tîm rheolaidd
•Cynghori aelodau’r Pwyllgor Apelau Cyflogaeth ac adrodd i bwyllgorau eraill y Cyngor yn ôl y gofyn
•Cymryd rhan yn y negodi rhwng y cyflogwr a’r undebau llafur, gan gynnal perthynas dda ac effeithiol
•Goruchwylio cynllun arfarnu swyddi’r Cyngor, fel sail i sicrhau amddiffyniad cyflog cyfartal
•Datblygu rhaglenni hyfforddiant perthnasol i reolwyr ar bynciau yn ymwneud â’r maes adnoddau dynol
Amgylchiadau arbennig
-