Pwrpas y Swydd
Sicrhau bod pobl Gwynedd yn ganolog i bopeth yr ydan ni yn ei wneud.
Cynnig cefnogaeth glerigol effeithiol i’r Gwasanaeth Blynyddoedd Cynnar. Cynnig gwasanaeth derbynfa o ansawdd ar y safleoedd gan gynnig gofal cwsmer ardderchog i ddefnyddwyr.
 
Prif Ddyletswyddau
Cyflawni gofynion clerigol drwy ffeilio papur ac electroneg, ateb y ffôn, cofnodi negeseuon, cynnal dyddiaduron staff yr Uned, archebu adnoddau, llungopïo, casglu a dosbarthu post, trefnu cyfarfodydd gan gyhoeddi agenda a chofnodion, prosesu geiriau, prosesu a thracio anfonebau a mewnbynnu cronfeydd data.
Cofnodi a gwirio rhestrau Iechyd a Diogelwch ar y safle.
Gofalu am y dderbynfa Tŷ Cegin trwy ymateb i ymholiadau ymwelwyr sydd yn dewis galw heibio a hefyd ymateb i alwadau ffôn neu e-bost a chyfeirio ymlaen fel bo angen. Sicrhau safon uchel o ofal Cwsmer gan gymryd a throsglwyddo negeseuon yn glir a chryno a thrin yr ymholwyr pob amser yn gwrtais. Cadw’r dderbynfa a’r adeilad yn daclus bob amser. Bydd angen hefyd rhoi gwasanaeth derbynfa mewn canolfannau eraill hefyd fel Plas Pawb.
Cyfrifoldeb am drefn o logi’r cyfleusterau'r Uned drwy ateb ymholiadau, cadw dyddiadur, trefnu ar gyfer anghenion y cwsmer e.e. defnydd o’r offer T.G., gosodiad yr ystafell, trefnu lluniaeth a.y.b. , cynnig cyfarwyddiadau a chodi anfonebau am y defnydd.
Paratoi’r ystafelloedd ar gyfer cyrsiau a chyfarfodydd yn unol â dymuniad y cwsmer gan drefnu dodrefn neu offer, paratoi diodydd a chlirio a glanhau cwpanau, gosod bwyd pan fod angen a chlirio ar ôl y digwyddiad.
Cyfrifoldeb dros weinyddu llogi adnoddau
Cyfrifoldeb am hunan ddatblygiad.
Sicrhau cydymffurfiaeth â rheolau Iechyd a Diogelwch yn y gweithle yn unol â’r cyfrifoldebau a nodir yn Neddf Iechyd a Diogelwch yn y Gweithle 1974 a Pholisi Iechyd a Diogelwch y Cyngor.
Gweithredu o fewn polisïau’r Cyngor yng nghyswllt cyfle cyfartal a chydraddoldeb.
Cyfrifoldeb am reoli gwybodaeth yn unol â safonau a chanllawiau rheoli gwybodaeth y Cyngor. Sicrhau bod gwybodaeth bersonol yn cael ei thrin mewn cydymffurfiaeth â deddfwriaeth Diogelu Data
Ymrwymiad i leihau allyriadau carbon y Cyngor yn unol â’r Cynllun Rheoli Carbon ac i annog eraill i weithredu’n gadarnhaol tuag at leihau ôl-troed carbon y Cyngor.
Ymgymryd ag unrhyw ddyletswydd arall cyfatebol a rhesymol sy’n cyd-fynd â lefel cyflog a lefel cyfrifoldeb y swydd.
Cyfrifoldeb i adrodd ar bryder neu amheuaeth bod plentyn neu oedolyn bregus yn cael ei gamdrin
 
Amgylchiadau Arbennig
Cyflogaeth: Contract dros dro
Oriau Gwaith: 29 awr yr wythnos ond gofynnir i weithio ar rota sy’n hyblyg . Yn achlysurol bydd angen gweithio oriau anghymdeithasol