Pwrpas y Swydd
Sicrhau bod pobl Gwynedd yn ganolog i bopeth yr ydym yn ei wneud.
Cynorthwyo i gydlynu a gweithredu ar y gwaith o dderbyn a phrosesu ceisiadau ar draws Gwasanaethau Adran Amgylchedd yn bennaf Gwarchod y Cyhoedd, ceisiadau am wasanaeth, hysbysiadau a cheisiadau am drwyddedau, darparu gwasanaeth pridiannau tir a gweinyddu’r chwiliadau a chofrestr pridiannau tir,
Derbyn ffioedd, sganio a digideiddio gwybodaeth a’r holl ddyletswyddau cysylltiedig.
Gwneud defnydd effeithiol o’r systemau a ddefnyddir yn unol â gofynion y Gwasanaeth Cynllunio a Gwarchod y Cyhoedd.
Sicrhau y darperir gwasanaeth o safon uchel ac yn unol â pholisïau a strategaethau corfforaethol y Cyngor.
Sicrhau bod pobl Gwynedd yn ganolog i bopeth yr ydan ni yn ei wneud.
 
Cyfrifoldeb am Adnoddau
Cyllid – Prosesu ffioedd a dderbynnir gan y Gwasanaeth yn unol a chanllawiau ariannol yr awdurdod a threfniadau gwaith y Gwasanaeth.
Offer – Cyfrifoldeb am offer personol ac offer arbenigol sy’n angenrheidiol i ddarparu gwasanaeth.
 
Prif Ddyletswyddau
Cydlynu a gweithredu ar y gwaith o gofrestru a phrosesu ceisiadau cynllunio, achosion gorfodaeth cynllunio ac apeliadau, cofrestru a prosesu ceisiadau am wasanaeth, hysbysiadau a cheisiadau am drwyddedau, gweithredu a gweinyddu’r chwiliadau a chofrestr pridiannau tir a’r gofrestr tir comin.
Mewnfwydo gwybodaeth i systemau cyfrifiadurol y gwasanaeth a phrosesu’r wybodaeth fel bo’r angenynghyd a sganio, plotio, a chofrestru.
Prosesu arian a dderbynnir gan y gwasanaeth yn unol â chanllawiau’r awdurdod.
Derbyn ac ymdrin â ffioedd y gwasanaeth.
Cynnig cyngor dechreuol i ddefnyddwyr y gwasanaeth ar faterion cynllunio, gwarchod y cyhoedd, a pridiannau tir.
Ymgymryd â gwaith ymchwil a chasglu gwybodaeth ar gyfer anghenion y Gwasanaeth a chyrff allanol.
Cydlynu, chydgordio, ac ymateb i ymholiadau pridiannau tir.
Cyfrifoldeb am gynnal cofrestrau'r gwasanaeth e.e. ardaloedd cadwraeth, adeiladau rhestredig, cadwraethol a choed o fewn yr ardal, pridiannau tir, tir comin, a chynllunio.
Dirprwyo dros y Swyddog Cefnogol fel bo angen.
Ymdrin â gwaith cefnogol arall ar gyfer y Gwasanaeth megis ymdrin â phost, costau teithio, gweinyddu apeliadau, ffeilio a phrosesu anfonebau pan fo angen.
Chwarae rhan llawn wrth i’r gwasanaeth sefydlu yr hyn sy’n bwysig i bobl Gwynedd.
Chwarae rhan llawn wrth ddatblygu egwyddorion gweithredu’r tim ynghyd a chyfrifoldeb personol dros gadw atynt.
Gweithredu’n hyblyg o fewn egwyddorion gweithredu’r Tim i gyflawni yr hyn sy’n bwysig i drigolion Gwynedd.
Edrych yn barhaus am gyfleoedd i wella’r gwasanaeth gan adnabod materion sy’n rhwystro’r tim rhag cyflawni yn effeithiol ac effeithlon a gweithredu er mwyn eu datrys.
Sicrhau fod y wybodaeth sydd ei angen er mwyn profi pa mor dda yr ydym yn cyflawni’r hyn sy’n bwysig yn cael ei gadw gan ddefnyddioi’r wybodaeth honno i wella gwasanaeth.
Cyfranu a chymryd penderfyniadau priodol er mwyn cyflawni’r hyn sy’n bwysig i bobl Gwynedd
Cynorthwyo timau eraill i gyflawni’r hyn sy’n bwysig i bobl Gwynedd
Gweithredu mewn ffordd rhagweithiol; bod yn agored i feddwl yn wahanol;  yn egnïol ac ymroddedig gydag integriti personol er mwyn cyflawni’r swyddogaethau uchod.
Cyfrifoldeb am hunan ddatblygiad
•Sicrhau cydymffurfiaeth â rheolau Iechyd a Diogelwch yn y gweithle yn unol â’r cyfrifoldebau a nodir yn Neddf Iechyd a Diogelwch yn y Gweithle 1974 a Pholisi Iechyd a Diogelwch y Cyngor.
•Gweithredu o fewn polisïau’r Cyngor yng nghyswllt cyfle cyfartal a chydraddoldeb.
•Cyfrifoldeb am reoli gwybodaeth yn unol â safonau a chanllawiau rheoli gwybodaeth y Cyngor.  Sicrhau bod gwybodaeth bersonol yn cael ei thrin mewn cydymffurfiaeth â deddfwriaeth Diogelu Data
•Ymrwymiad i leihau allyriadau carbon y Cyngor yn unol â’r Cynllun Rheoli Carbon ac annog eraill i weithredu’n gadarnhaol tuag at leihau ôl-troed carbon y Cyngor.
•Ymgymryd ag unrhyw ddyletswydd arall cyfatebol a rhesymol sy’n cyd-fynd â lefel cyflog a lefel cyfrifoldeb y swydd.
•Cyfrifoldeb i adrodd am bryder neu amheuaeth bod plentyn neu oedolyn bregus yn cael ei gamdrin
Amgylchiadau Arbennig
Angen gweithio oriau anghymdeithasol ar achlysuron arbennig. Fod yn hyblyg i symud lleodiad dros dro pe bai’r angen yn codi.