Gwerthoedd ac Ymddygiadau
Gwerthoedd y Tîm
Rydym yn Uchelgeisiol – Rydym yn ymdrechu i gyflawni'r gorau i Ogledd Cymru. Rydym yn arweinwyr yn ein meysydd, yn ffurfio barn ac yn ddylanwadwyr, ac rydym yn herio syniadau confensiynol. Rydym yn crefu safonau uchel, yn anelu at fod ein gorau, a datblygu ein hunain yn broffesiynol yn barhaus.
Rydym yn Gweithio ar y Cyd – Rydym yn rhannu dealltwriaeth, sgiliau, gwybodaeth a chefnogaeth a sicrhau ein bod yn rhoi gwybod i'n cydweithwyr am y datblygiadau diweddaraf. Rydym yn helpu ein gilydd bob amser, yn hwyluso cyfleoedd i Ogledd Cymru ac yn cydnabod bod ein heffaith ar y cyd yn fwy sylweddol na'n heffaith yn unigol.
Rydym yn Gwneud y Peth Iawn – Rydym yn gwneud y peth iawn, nid y peth hawsaf. Rydym yn herio ymddygiad anfoesol ac yn codi ein llais pan nad yw pethau'n teimlo'n iawn. Rydym yn barchus, yn deg ac yn ystyriol ac fe ellir ymddiried ynom i gyflawni'r ymrwymiadau sydd wedi'u cytuno ar amser.
Rydym yn Gwneud Gwahaniaeth – Rydym yn canlyn cyfleoedd i wneud gwahaniaeth yng Ngogledd Cymru. Rydym yn bencampwyr yr iaith Gymraeg, treftadaeth a diwylliant Cymru ac yn cefnogi elusennau rhanbarthol. Rydym yn gwarchod yr amgylchedd ac yn chwilio am gyfleoedd i leihau ein hôl-troed.
Ymddygiadau craidd i bob rôl
Arweinyddiaeth – rydym oll yn arwain drwy esiampl ac rydym i gyd yn arweinwyr yn ein meysydd ein hunain.
Cyfrifoldeb – rydym yn cymryd cyfrifoldeb am ein gwaith, ein perfformiad a'n datblygiad.
Parch – rydym yn parchu ein cydweithwyr, ein partneriaid a'n rhanddeiliaid ac yn arddangos hyn drwy ein gwaith ac yn y ffordd yr ydym yn adeiladu perthnasau effeithiol.
Cymwysterau
Addysg i lefel gradd neu gyfwerth neu'n medru arddangos profiad perthnasol.
 
Profiad, Gwybodaeth a Sgiliau
Profiad o arwain gweithgareddau ymgysylltu mewn isadeiledd, telegyfathrebu, cefnogaeth busnes, y sector cyhoeddus, datblygiad economaidd neu debyg, gan gynnwys cydlynu ymgysylltiad nifer o randdeiliaid ar yr un pryd.
Dawn wedi'i phrofi o ran adeiladu perthnasau effeithiol gydag amrediad eang o randdeiliaid, gan gynnwys sefydliadau cyhoeddus a phreifat.
Profiad o gyflwyno a hyrwyddo cynlluniau grant ac/neu fentrau eraill, yn cynnwys arwain ymgeiswyr a rheoli faint sy'n cymryd mantais o'r cynlluniau.
Sgiliau cyfathrebu a chyflwyno cryf, gyda phrofiad o gyflwyno negeseuon i gynulleidfaoedd amrywiol.
Gwybodaeth am, neu brofiad perthnasol yn y sector telegyfathrebu a mentrau isadeiledd digidol ledled y DU.
Gwybodaeth am yr heriau isadeiledd digidol a'r cyfleoedd yng Ngogledd Cymru a'r DU.
Sgiliau trefnu da a'r gallu i weithio ar sawl blaenoriaeth ar yr un pryd.
Dealltwriaeth o arferion rheolaeth ariannol.
Gallu rheoli gwrthdaro, goresgyn gwrthwynebiadau a sgiliau negodi a dylanwadu gwych.
Gallu cynhyrchu gwaith o ansawdd uchel tra'n gweithio i amserlen dynn.
Gofynion Ieithyddol
Ar gyfer y rôl hon, mae'r gofynion a ganlyn yn DDYMUNOL⁠:
Gwrando a Siarad – Yn gallu ymdrin â holl agweddau’r swydd yn llafar mewn modd hyderus yn y Gymraeg a’r Saesneg.
Darllen a Deall – Yn gallu defnyddio a dehongli unrhyw wybodaeth yn gywir o amrywiaeth eang o ffynonellau, yn y Gymraeg a’r Saesneg, er mwyn gallu ymdrin â phob agwedd o’r swydd.
Ysgrifennu – Yn gallu cyflwyno gwybodaeth ysgrifenedig yn hollol hyderus yn y Gymraeg a’r Saesneg gan ddefnyddio’r iaith a’r arddull fwyaf priodol i gwrdd ag anghenion y darllenydd.
Dealltwriaeth o bwysigrwydd yr iaith Gymraeg i'r rhanbarth a pharodrwydd i ddatblygu a gwella eu sgiliau iaith Gymraeg.