Pwrpas y swydd
•Sicrhau bod pobl Gwynedd yn ganolog i bopeth yr ydym yn ei wneud.
•Arwain y tîm y mae’n gyfrifol amdano i gyflawni yn effeithiol ac effeithlon yr hyn sy’n bwysig i bobl Gwynedd drwy greu a chynnal amgylchedd o barch ac ymddiriedaeth gan rymuso, arfogi ac ysbrydoli’r staff
Cyfrifoldeb am adnoddau e.e. staff, cyllid, offer
•Staff – Cyfrifoldeb am staff Hafan a Harbwr Pwllheli
•Cyllid – Cyfrifoldeb am reolaeth cyllidebau Hafan ac Harbwr Pwllheli
•Offer – Cyfrifoldeb am reolaeth holl offer a chyfleusterau Hafan a Harbwr Pwllheli
Prif ddyletswyddau
ARWAIN
•Bod yn atebol am y Gwasanaeth a’r defnydd mwyaf effeithiol ac effeithlon o’r adnoddau sydd ar gael
•Arwain staff y Gwasanaeth drwy annog a chymell i berchnogi egwyddorion Ffordd Gwynedd a bod yn atebol am sicrhau fod hynny’n digwydd
•Sicrhau amgylchedd o fewn y tîm sy’n hyrwyddo ac annog llesiant staff
•Cynorthwyo’r tîm i sefydlu egwyddorion gweithredu gan ystyried deddfau perthnasol (e.e. Iechyd a Diogelwch, Deddf Llesiant a Chenedlaethau’r Dyfodol, Deddf Gwasanaethau Cymdeithasol a Llesiant) a sicrhau eu bod yn cadw atynt
•Bod yn ymwybodol o sut y mae systemau’r tîm yn gweithio a hwyluso i’w herio ple bo’r angen
•Sicrhau fod y tîm yn cyfrannu at amcanion gwasanaethau neu sefydliadau eraill sy’n ceisio cyflawni’r hyn sy’n bwysig i bobl Gwynedd.
•Hyrwyddo’r angen i adnabod a gweithredu ar fygythiadau a chyfleoedd y dyfodol gan gynnwys camau ataliol
•Sicrhau ymwybyddiaeth o’r hinsawdd gyfreithiol a gwleidyddol sy’n effeithio ar y gwasanaeth gan sicrhau fod aelodau’r tîm yn ymwybodol o’r elfennau angenrheidiol.
•Bod yn fyw i ymarfer da o fewn y maes gwasanaeth a sicrhau fod y tîm yn ystyried priodoldeb yr ymarfer da hwnnw iddynt hwy.
•Arwain newid o fewn y maes gwasanaeth lle mae angen gwneud hynny
•Ymdrin gyda phryderon a godir gan Aelodau Etholedig ynglŷn â’r Gwasanaeth.
GALLUOGI A GRYMUSO
•Recriwtio a datblygu unigolion a thimau i sicrhau bod ganddynt y sgiliau angenrheidiol i gyflawni’r rolau sydd eu hangen rwan ac i’r dyfodol
•Arfogi’r tîm i sefydlu beth sy’n bwysig i bobl Gwynedd a thrwy hynny sefydlu pwrpas y tîm a’i gadw’n gyfredol
•Sicrhau fod penderfyniadau yn cael eu gwneud ar sail tystiolaeth.
•Helpu’r tîm i adolygu a herio ei berfformiad
•Creu a chynnal awyrgylch sy’n galluogi pob aelod o’r tîm i gyfrannu a chymryd penderfyniadau er mwyn darparu’r gwasanaethau gorau posib
•Sicrhau awyrgylch o ymddiriedaeth ac atebolrwydd o fewn y tîm gan sicrhau cyfathrebu priodol gyda ac o fewn y tîm.
CYFLAWNI
•Arfogi’r tîm i ystyried pa fesurau sy’n dangos perfformiad yn erbyn y pwrpas ac i berchnogi’r mesurau hynny
•Annog y tîm i arloesi, mentro a dysgu o brofiad er mwyn gwella perfformiad
•Cymell a/neu mentora y tîm i adnabod a gweithredu’n amserol er mwyn dileu rhwystrau sy'n atal y gallu i gyflawni yr hyn sy’n bwysig i bobl Gwynedd
•Datrys unrhyw rwystrau na all y tîm eu datrys
•Sicrhau fod cwynion yn derbyn sylw priodol a bod y tîm yn ystyried unrhyw wersi sy’n codi er mwyn gwella gwasanaeth.
•Gweithredu mewn ffordd rhagweithiol; bod yn agored i feddwl yn wahanol; yn egnïol ac ymroddedig gydag integriti personol er mwyn cyflawni’r swyddogaethau isod gan sicrhau bod staff yr Adran yn cael eu datblygu i arddangos yr un nodweddion.
HUNAN ADLEWYRCHU - ar gyflawniad personol yr hyn sydd yn y swydd-ddisgrifiad.
MEYSYDD PENODOL Y SWYDD
•Sicrhau y darperir gwasanaeth safon uchel i gwsmeriaid ynglŷn â holl agweddau o ddarpariaeth gwasanaeth Harbwr Pwllheli
•Cyfrifoldeb am reolaeth gyffredinol cyfleusterau'r Harbwr a Hafan, rheoli staff; rheoli offer a gwasanaethau cysylltiedig; rheoli cynnal a chadw cyffredinol a glendid yr holl gyfleusterau sydd ar gael i gleientiaid Harbwr a Hafan Pwllheli
•Cyfrifoldeb am holl agweddau masnachol o’r harbwr a Hafan Pwllheli gan adnabod cyfleon masnachol newydd a gwarchod trefniadau a chytundebau masnachol cyfredol
•Arwain ar ddatblygu Strategaeth Fasnachol ar gyfer Hafan Pwllheli er mwyn sicrhau fodyr Hafan yn gweithredu’n effeithlon mewn marchnad gystadleuol, ac yn cynnig y budd mwyaf i’r Cyngor a’r gymuned leol
•Cyfrifoldeb dros holl gyllideb yr harbwr a chyllideb Hafan Pwllheli gan sicrhau cwrdd a targedau incwm a gwariant
•Hyrwyddo proffil uchel i'r gwasanaeth, gan sicrhau ei fod yn bwynt cyswllt i gymunedau a phobl Gwynedd, a chryfhau cysylltiadau efo gwasanaethau, sefydliadau a’r gymunedau leol
•Ymgysylltu gyda holl fusnesau lleol sydd yn gysylltiedig a’r Harbwr a’r Hafan
•Cyfrifoldeb am reoli ardal awdurdodaeth Harbwr Pwllheli gan sicrhau cydymffurfiaeth a gweledigaeth y Cyngor, safonau diogelwch a threfniadau amgylcheddol perthnasol
•Sicrhau cydymffurfiaeth a gofynion Tŷ’r Drindod.
•Cyfrifoldeb am sicrhau bod y cyfleusterau a thiroedd oddi fewn awdurdodaeth holl ardal Harbwr a Hafan Pwllheli yn cael eu cynnal a'u cadw i safon uchel.
•Cyfrifoldeb dros oruchwylio ac archwilio safleoedd amgylcheddol bregus a strwythurau ac adeiladau
•Sicrhau bod trigolion lleol, ymwelwyr ac yr economi leol yn elwa o'r gwasanaeth.
•Cyfrifoldeb am sicrhau trefn trwyddedu cychod, dyrannu angorfeydd, trafod gyda thirfeddiannwr a busnesau cyfagos, ymgysylltu gyda defnyddwyr, cwsmeriaid ac eraill sydd yn gysylltiedig a’r Hafan.
•Sicrhau cydymffurfiaeth gyda trefn pwrcasu cyflenwadau, nwyddau a gwasanaethau sy'n ymwneud â gwaith cynnal a chadw tiroedd, ffyrdd, llwybrau, pontŵn, angorfeydd a strwythurau eraill fel yn berthnasol.
•Sicrhau bod holl anfonebau yn cael eu gweinyddu yn unol â threfn y Cyngor.
•Sicrhau bod trefniadau mewn grym ar gyfer sicrhau ansawdd holl gyfarpar gan sicrhau bod offer yn addas ar gyfer y pwrpas a chael ei archwilio a'i gynnal a chadw yn unol â rhaglen waith ac argymhellion gwneuthurwr.
•Amnewid cyfarpar sydd wedi dyddio â theclynnau addas yn mwy diogel drwy drafodaeth a staff.
•Cyfrifoldeb dros holl Asesiadau Risg y safle. Sicrhau bod holl staff gyda darpariaeth dilladau diogelwch ODP addas ar gyfer y pwrpas. Sicrhau bod offer diogelwch personol yn cael ei archwilio a'i gynnal a chadw yn rheolaidd.
•Arwain a Rheoli Prosiectau er mwyn denu adnoddau ychwanegol ar gyfer sicrhau gwellhad parhaus yn ansawdd y Gwasanaeth a gwneud y defnydd gorau o’r adnoddau sydd ar gael
•Cyfrifoldeb am drefniadau dyletswyddau Rheolwr Safle ar gyfer eiddo Hafan ac Harbwr Pwlheli
•Meithrin a datblygu cysylltiadau a gweithdrefnau effeithiol ar draws wasanaethau’r Cyngor, yn enwedig o ran cefnogaeth gyllidol, personél, eiddo a chyfreithiol i feysydd gwaith y Gwasanaeth
•Cyfrifoldeb am hunan ddatblygiad
•Sicrhau cydymffurfiaeth â rheolau Iechyd a Diogelwch yn y gweithle yn unol â’r cyfrifoldebau a nodir yn Neddf Iechyd a Diogelwch yn y Gweithle 1974 a Pholisi Iechyd a Diogelwch y Cyngor.
•Gweithredu o fewn polisïau’r Cyngor yng nghyswllt cyfle cyfartal a chydraddoldeb.
•Cyfrifoldeb am reoli gwybodaeth yn unol â safonau a chanllawiau rheoli gwybodaeth y Cyngor.  Sicrhau bod gwybodaeth bersonol yn cael ei thrin mewn cydymffurfiaeth â deddfwriaeth Diogelu Data
•Ymrwymiad i leihau allyriadau carbon y Cyngor yn unol â’r Cynllun Rheoli Carbon ac annog eraill i weithredu’n gadarnhaol tuag at leihau ôl-troed carbon y Cyngor.
•Ymgymryd ag unrhyw ddyletswydd arall cyfatebol a rhesymol sy’n cyd-fynd â lefel cyflog a lefel cyfrifoldeb y swydd.
•Cyfrifoldeb i adrodd am bryder neu amheuaeth bod plentyn neu oedolyn bregus yn cael ei gamdrin
Amgylchiadau arbennig
•Bydd yn ofynnol i weithio ar benwythnosau a Gwyliau Banc.
•Bydd yn ofynnol i weithio y tu allan i fframwaith gwaith arferol 08.00 hyd at 18.00 fel bo'r angen.
•Bydd yn ofynnol i arwain ac i gynorthwyo gydag achosion argyfwng
•Bydd gofyn i weithio mewn unrhyw rhan arall o’r gwasanaeth fel y gofyn