Pwrpas y Swydd.
 • Cynorthwyo'r Rheolwr Diogelwch a Rhaglenedig i sicrhau fod gweithdrefnau Cydymffurfiaeth a pholisïau Cynorthwyo'r Rheolwr Ynni a Gwasanaethau Masnachol i sicrhau fod gweithdrefnau Cydymffurfiaeth a pholisïau Iechyd a Diogelwch y Cyngor yn cael eu dilyn i sicrhau fod adeiladau corfforaethol y Cyngor yn addas yw defnyddio.
• Cefnogi rheolwyr safle i gyflawni eu dyletswyddau o ran rheoli a chynnal adeiladau’r Cyngor. Cynorthwyo i ddatblygu system cynnal a chadw cylchol ar gyfer holl asesu’r Cyngor.(yn benaf mewn perthynas a system cudymffurfio Clefyd y Lleng Filwyr)
• Sefydlu a chynnal proses profi gwasanaethau ac offer mewn adeiladau i sicrhau cydymffurfiaeth statudol, a threfnu fod gwaith adfer yn cael ei gwblhau yn brydlon ac yn gost effeithlon. (Yn benaf ar drefniadau mewnol ar rheolaeth rhag clefyd y lleng filwyr)
• Sicrhau bod pobl Gwynedd yn ganolog i bopeth yr ydan ni yn ei wneud.
Cyfrifoldeb am Adnoddau. . e.e. staff, cyllid, offer
 Offer - Offer mesur, camera, ffôn symudol ayyb.
Prif Ddyletswyddau.
 • Cynorthwyo i reoli a datblygu gweithdrefnau’r Cyngor I sicrhau Cydymffurfiaeth gyda deddfwriaeth Iechyd a Diogelwch mewn perthynas ag eiddo’r Cyngor
• Cynnal archwiliadau Eiddo manwl o adeiladau’r Cyngor, mewn ymgynghoriad â defnyddwyr yr adeiladau.
• Dehongli canlyniadau adroddiadau “gwasanaethau Mecanyddol a thrydanol a defnyddio’r wybodaeth i helpu llunio rhaglen waith gwasanaethu cylchol.
• Dehongli data galwadau am waith a defnyddio’r wybodaeth i helpu llunio rhaglen waith gwasanaethu cylchol.
• Cefnogi paratoi rhaglenni gwaith rhaglenedig cynnal a chadw 
• Diweddaru a dadansoddi data cyflwr y stoc adeiladau yn gyson
• Prisio a chreu briff ar gyfer comisiynu gwaith rhaglenedig a chydymffurfiaeth
• O bryd i’w gilydd cynorthwyo a chynghori ar drefn hawl i weithio'r Cyngor.
• Sicrhau fod rheolwyr safle yn ymwybodol o’u cyfrifoldebau cynnal a chadw fel sydd wedi ei gytuno yn y Cytundeb lefel Gwasanaeth 
• Sicrhau fod rheolwyr safle yn ymwybodol o’r materion a adnabyddir yn yr archwiliadau cyflwr neu dystysgrifau gwasanaethu sy’n gyfrifoldeb arnyn nhw i’w gweithredu a monitor. A'u bod yn ymgymryd â’r gwaith i safon ac yn amserol.
• Sicrhau bod sustemau gwybodaeth eiddo’r Cyngor yn cael eu diweddaru wedi i unrhyw waith gael ei wneud ar adeilad, fel eu bod yn gyfredol.
• Comisiynu gwaith gan dimau eraill o fewn y Cyngor neu gan ymgynghorwyr allanol i ychwanegu gwerth pan fo’r angen. Dadansoddi argymhellion yr ymgynghorwyr, dod i gasgliadau a gweithredu’n briodol.
• Paratoi manylebau gwaith, dyluniadau ac apwyntio contractwyr a neu ymgynghorwyr, yn unol â rheoliadau ariannol y Cyngor..
• Archwilio gwaith i sicrhau ei fod yn cwrdd â safonau, yn unol â rheoliadau iechyd a diogelwch ac yn cynrychioli gwerth am arian gan gynnwys ymgymryd â rôl clerc gwaith ar rhai cynlluniau
• Cynghori gweithwyr ar safleoedd ynglŷn â beth i’w wneud pan fo problemau hefo’r adeiladau.
• Comisiynu contractwyr gan ddilyn canllawiau’r Cyngor o ran comisiynu a rheoli contractwyr..
• Tynnu ar gefnogaeth sy’n ychwanegu gwerth os nad ydy’r sgiliau a’r wybodaeth ganddoch i ddatrys y materion eich hun.
• Dod i ddeall y galw am y gwasanaeth drwy dystiolaeth. Gweithredu ar y dystiolaeth i wella a datblygu’r system a newid natur y galw.
• Adnabod rhwystrau i ddarparu gwasanaeth effeithiol a chost effeithlon a chefnogi cael gwared á’r rhwystrau.
• Sicrhau bod ansawdd yn rhan greiddiol o bob cam o’r gwaith.
• Ymdrin ag anfonebau gan gontractwyr gan dilyn prosesau gweithredu cyllidol y Cyngor.
• Sicrhau bod gwaith yn cael ei gynllunio a’i gyflawni i safon uchel o ran diogelwch
• Cyfrifoldeb am hunan ddatblygiad.
• Sicrhau cydymffurfiaeth â rheolau Iechyd a Diogelwch yn y gweithle yn unol â’r cyfrifoldebau a nodir yn Neddf Iechyd a Diogelwch yn y Gweithle 1974 a Pholisi Iechyd a Diogelwch y Cyngor.
• Gweithredu o fewn polisïau’r Cyngor yng nghyswllt cyfle cyfartal a chydraddoldeb.
• Cyfrifoldeb am reoli gwybodaeth yn unol â safonau a chanllawiau rheoli gwybodaeth y Cyngor. Sicrhau bod gwybodaeth bersonol yn cael ei thrin mewn cydymffurfiaeth â deddfwriaeth Diogelu Data.
• Ymrwymiad i leihau allyriadau carbon y Cyngor yn unol â’r Cynllun Rheoli Carbon ac annog eraill i weithredu’n gadarnhaol tuag at leihau ôl-troed carbon y Cyngor.
• Ymgymryd ag unrhyw ddyletswydd arall cyfatebol a rhesymol sy’n cyd-fynd â lefel cyflog a lefel cyfrifoldeb y swydd.
• Cyfrifoldeb i adrodd am bryder neu amheuaeth bod plentyn neu oedolyn bregus yn cael ei gam-drin.
Amgylchiadau Arbennig. . e.e. angen i weithio oriau anghymdeithasol, trefniadau gwaith arbennig, a.y.y.b.
 • Gofyn i weithio o swyddfeydd eraill y Cyngor yn ôl yr angen. Mae’r gwasanaeth cynnal a chadw yn wasanaeth 24/7 a bydd aelodau’r tim yn rhan o rota i ddarparu gwasanaeth tu allan i oriau swyddfa arferol.