Pwrpas y Swydd .
 • Rheoli agweddau cynnal a chadw a gweithredol y rhwydwaith cefnffyrdd yn uniongyrchol, yn unol â gofynion statudol (e.e. Deddf Priffyrdd), Cytundeb Asiantaeth Reoli Llywodraeth Cymru (WGMAA) a Llawlyfr Cynnal a Chadw Cefnffyrdd Llywodraeth Cymru (WGTRMM).
• Gweithio’n agos â, a chefnogi, y Rheolwr Rhanbarthol er mwyn sicrhau rhwydwaith cyson a diogel mewn perthynas â chynnal a chadw a gweithrediadau ar draws Ardal yr Asiantaeth.
• Ymgymryd â rôl Rheolwr (Tactegol) Arian yr Asiantaeth wrth reoli digwyddiadau a digwyddiadau o argyfwng.
• Rheoli Rheolwyr Llwybr Cynorthwyol a’r Darparwyr Gwasanaeth yn uniongyrchol, ac mae hyn yn cynnwys ymweliadau rheolaidd â'r rhwydwaith.
• Rheoli gweithgarwch cynnal a chadw arferol a chylchol wedi’i raglennu yn uniongyrchol, ac mae hyn yn cynnwys gweithgarwch cynnal a chadw adweithiol a brys.
• Darparu cefnogaeth a chyngor i Llywodraeth Cymru ac Unedau eraill o fewn ACGCC. 
Cyfrifoldeb am swyddogaethau . e.e. staff, cyllidebau, offer
 • Cyfrifol am reoli dyraniadau Cyfalaf a Refeniw, a'u gweithrediad.
• Comisiynu a rheoli contractwyr ac ymgynghorwyr sector cyhoeddus a phreifat yn y gadwyn gyflenwi.
• Cyfrifoldeb am fonitro'r rhwydwaith cefnffyrdd ac asedau cysylltiedig.
• Cyfrifol am reoli cofnodion a llawlyfrau cynnal a chadw priffyrdd 'fel yr adeiladwyd' Llywodraeth Cymru.
• Cyfrifol am gynorthwyo'r Gwasanaethau Brys fel Rheolwr Arian (Tactegol) yr Asiantaeth.
• Bod yn Reolwr llinell i Rheolwyr Llwybrau Cynorthwyol a staff cysylltiedig ar gyfer y ffordd gerbydau sengl a deuol Canolbarth Cymru,
• Dirprwyo ar ran y Rheolwr Rhanbarthol.
• Offer ategol cefnffyrdd eraill ac asedau cysylltiedig.
• Gliniadur, ffôn symudol, allweddi i gael mynediad at asedau a swyddfeydd Llywodraeth Cymru / ACGCC 
Prif Ddyletswyddau 
 Rheoli Rhwydwaith
Rheoli’n uniongyrchol pob agwedd o gynnal a chadw’r WGTRMM ar gyfer y rhwydwaith cefnffyrdd perthnasol gan gynnwys:
• Swyddogaethau cynnal a chadw cylchol arferol (gwaith wedi’i raglennu)
• Gweithgarwch cynnal a chadw adweithiol a brys
• Ail-wynebu ac adnewyddiadau eraill.
Arwain ar gydlynu rheolaeth traffig y rhwydwaith, gan gynnwys blaenoriaeth arwynebedd y ffordd, gydag Unedau a Thimau eraill yr ACGCC, Darparwyr Gwasanaeth, Ymgynghorwyr Fframwaith, Cyfleustodau a Datblygwyr.
Cyfrannu at ddatblygiad a gweithrediad cynlluniau gwella cefnffyrdd, gan gynnwys prosiectau dan y Cynllun Trafnidiaeth Cenedlaethol.
Cynorthwyo Llywodraeth Cymru i asesu’r gofynion am gynnal a chadw yn seiliedig ar wybodaeth a gesglir o archwiliadau technegol ac archwiliadau eraill i ystyried a gwerthuso’r opsiynau gwaith, a datblygu rhaglenni gwaith blynyddol a flaenoriaethwyd.
Cysylltu a chydweithredu â Pheiriannydd Traffig ACGCC, neu eraill, wrth ymchwilio i faterion yn ymwneud â thraffig, gan fynychu archwiliadau diogelwch ffyrdd a datblygu cynlluniau a chynigion.
Cysylltu a chydweithredu â thimoedd Amgylcheddol, Strwythurau a Thechnegol ACGCC i ddatblygu a gweithredu gofynion WGTRMM.
Cynorthwyo Llywodraeth Cymru ac Uned Fusnes ACGCC i ymchwilio ac ymateb i ymholiadau gan y cyhoedd, cwynion a cheisiadau Rhyddid Gwybodaeth.
Rheolaeth Weithredol
Rheoli darpariaeth a pherfformiad Darparwyr Gwasanaeth ACGCC er mwyn sicrhau y darperir gwasanaeth diogel, effeithiol, effeithlon a chyson gan y rhwydwaith cefnffyrdd ffyrdd sengl neu ddeuol yn unol â'r gofynion.
Cysylltu â Thîm Gweithredol ACGCC (e.e. mewn perthynas â rhyddhau Unedau Swyddogion Traffig) o ran cynnal a chadw ac ymateb i ddigwyddiadau.
Ymgymryd â rôl Rheolwr (Tactegol) Arian yr Asiantaeth wrth reoli digwyddiadau a digwyddiadau o argyfwng. Cydlynu a dosbarthu adnoddau ar draws yr Asiantaeth mewn ymateb i ddigwyddiadau critigol a digwyddiadau mawr a chysylltu â Thîm Gweithredol ACGCC, y Gwasanaethau Brys a bod yn rhan o brosesau ôl-gyfarfod mewnol ACGCC ac Amlasiantaethol.
Cefnogi'r Rheolwr Llwybrau Cynorthwyol gydag arrchwiliadau ffyrdd a gofynion arolygu'r Ddeddf Ffyrdd Newydd a Gwaith Stryd (NRSWA) a gweithredu'r Codau Ymarfer perthnasol ar y rhwydwaith cefnffyrdd ar ran Tîm Meddiannaeth y Rhwydwaith ACGCC.
Sicrhau cyswllt â Rheolwyr Gwaith Stryd priodol yr Awdurdod Lleol a budd-ddeiliaid eraill mewn perthynas ag arwynebedd ffordd, rhaglennu gwaith a dargyfeiriadau cysylltiedig.
Darparu gwybodaeth gyfathrebu i'r cyhoedd a budd-ddeiliaid eraill gan gynnwys cysylltu â Gwasanaeth Traffig Cymru.
Cysylltu â'r Heddlu mewn perthynas ag ymchwiliadau i ddamweiniau angheuol ar rwydwaith y cefnffyrdd ac ymgymryd â phrosesau cysylltiedig.
Cynorthwyo i sicrhau cydymffurfiaeth gyda darpariaethau gorfodaeth a thrwyddedu Deddf Priffyrdd 1980.
Cysylltu â Rheolwyr Rhwydwaith Awdurdodau Lleol, National Highways (gynt Highways England) a Chyfleustodau yn ystod gweithgareddau gweithredol arferol ac yn ystod ymateb a rheoli digwyddiad o argyfwng.
Rheoli Datblygu, Hawliadau Trydydd Parti a Materion Tir
Cynorthwyo swyddog(ion) arweiniol ACGCC mewn perthynas â Rheoli Datblygu, Hawliadau Trydydd Parti a Materion Tir a bod yn gyfrifol am ddarparu gwybodaeth weithredol a chyngor technegol.
Darparu Llywodraeth Cymru â chyngor gweithredol a chefnogaeth dechnegol i alluogi i Lywodraeth Cymru gyflawni ei swyddogaeth statudol mewn perthynas â materion rheolaeth cynllunio a datblygu dan y Ddeddf Cynllunio Gwlad a Thref.
Cysylltu â datblygwyr, tirfeddianwyr, cyfleustodau a Network Rail o ran materion datblygu a gweithredol ar y rhwydwaith ffordd ddeuol ac sengl neu’n gyfochrog ag o.
Darparu gwybodaeth a chyngor ynglŷn â hawliadau trydydd parti a hawliadau ad-dalu.
Rôl Rheoli Risgiau
Cynorthwyo Dylunwyr, Prif Ddylunwyr, Contractwyr a Phrif Gontractwyr wrth gyflawni eu dyletswyddau o dan Reoliadau CDM.
Cyfrannu at reoli risgiau ar y rhwydwaith cefnffyrdd drwy adnabod y risgiau. Sicrhau y gweithredir mesurau lleihau risg priodol e.e. ymdrin â rhwystrau neu ddiffygion Categori 1 a 2.
Cynghori'r Rheolwr Rhanbarthol ar fesurau lleihau risg priodol gan gynnwys adnabod gwaith yn y dyfodol a gwelliannau i'r rhwydwaith.
Rôl ‘Rheolwr Prosiect’ dan Ffurflen Gontract NEC3
Ymgymryd â swyddogaeth ffurfiol y ‘Rheolwr Prosiect’ dan Ffurflen Gontract NEC3. Sicrhau bod prosesau yn eu lle i ddatrys materion cytundebol gan gynnwys datrys anghydfod ac achosion o iawndal a ymleddir.
Rôl Noddwr y Prosiect
Rheoli caffael gwaith cefnffyrdd, gwasanaethau ymgynghori a Chontractwyr y Fframwaith neu Gontractwyr eraill gan ddefnyddio gweithdrefnau tryloyw ac effeithlon.
Rheoli’r broses dendro gan gynnwys gwahodd, gwerthuso ac adrodd.
Rheoli amryw o raglenni cynlluniau gwella, e.e. cynlluniau cymunedol a chynlluniau gwella diogelwch lleol.
Datblygu rhaglenni gwaith treigl wedi’u blaenoriaethu ar gyfer y rhwydwaith rhanbarthol yn unol â gofynion LlC ac yn y cyd-destun hwn, cysylltu ag Uned Danfon ac Archwilio ACGCC.
Rhoi cefnogaeth i'r Uned Danfoniadau ac Archwilio i reoli dyraniadau cyfalaf sy'n benodol i brosiectau, i baratoi achosion busnes ac i sicrhau rheolaeth cost ar gyfer prosiectau unigol.
Swyddogaethau Arbenigol
Rheoli a gwella prosesau Rheoli Ansawdd, yn benodol y Llawlyfr Rheoli Llwybrau a dogfennaeth berthnasol.
Cynorthwyo Rheolwyr y Rhwydwaith a Rheolwyr Rhanbarthol i reoli Cytundeb Gweithrediad y Gwasanaeth a'i weithrediad gan yr Awdurdodau Partner.
Rheoli Perfformiad
Gweithredu prosesau archwilio perfformiad yr Asiantaeth; adnabod mannau o ddiffyg cydymffurfio ag Atodlenni Darparwyr Gwasanaeth; mynd i’r afael â materion diffyg perfformiad a gweithio mewn partneriaeth i ddarparu gwelliant parhaus.
Rheoli'r gwaith monitro, archwilio ac ymchwilio ar gyfer gweithgarwch a ymgymerir gan Ddarparwyr Gwasanaeth neu eraill (e.e. cyfleustodau) mewn perthynas ag Adran 65 y NRSWA a WGTRMM.
Sicrhau cydymffurfiaeth â manylebau a safonau.
Rheoli Staff
Goruchwylio a rhoi arweiniad ar waith a wneir gan staff yr ydych yn eu rheoli.
Rheolaeth bob dydd y staff gweithrediadau gan gynnwys:
• Gwerthusiadau
• Eiriolaeth
• Disgyblaeth
• Hyfforddiant a Datblygiad
• Perfformiad
Monitro a goruchwylio Darparwyr Gwasanaeth yn uniongyrchol, neu o bell wrth iddynt ddarparu gwasanaethau o ran swyddogaethau’r Asiantaeth a ganlyn:
• Cyflwyno prosiect
• Gweinyddiaeth Dechnegol
• Gwaith gwella priffyrdd
• Gwaith cynnal a chadw wedi’i raglennu a gwaith adweithiol
• Rheoli digwyddiadau.
Iechyd a Diogelwch a’r Amgylchedd
Rheoli gweinyddiaeth gweithdrefnau Iechyd a Diogelwch gweithredol gan gynnwys gweithdrefnau Iechyd a Diogelwch ACGCC, Rheoliadau Adeiladu (Dylunio a Rheoli) a Rheoliadau Rheoli Iechyd a Diogelwch yn y Gwaith wrth ddarparu prosiectau cynnal a chadw a gwaith ar y rhwydwaith cefnffyrdd.
Cyfrifol am weithdrefnau gweithredu Iechyd a Diogelwch sy’n ymwneud â’r Rheolwyr Llwybrau Cynorthwyol.
Mae’n gyfrifoldeb i bob gweithiwr yn yr Asiantaeth gydymffurfio â pholisïau Iechyd a Diogelwch, Amgylcheddol ac Ansawdd fel y’u diffinnir yn System Rheoli Busnes Integredig yr Asiantaeth.
Sicrhau y glynir yn gaeth at bolisïau a deddfwriaethau amgylcheddol ac Iechyd a Diogelwch yn y Gwaith.
Gweithredu fel Cleient Rheoliadau CDM.
Cymryd cyfrifoldeb am Iechyd a Diogelwch personol bob amser.
Cyffredinol
Cysylltu, fel bo’n briodol, â swyddogion yr Asiantaeth, Swyddogion LlC, Awdurdodau Partner a chyrff perthnasol eraill.
Sicrhau y glynir at reoliadau a gweithdrefnau ariannol yr Asiant a LlC.
Cyfrannu at ddatblygiad system Sharepoint ACGCC ynghyd â gweithrediad System Reoli Busnes Integredig yr Asiantaeth.
Meithrin diwylliant o arloesedd a gwelliant parhaus. Yn y cyd-destun hwn, monitro datblygiadau technolegol a datblygiadau eraill yn y diwydiant gan gynnwys dulliau newydd gyda’r bwriad o fabwysiadu’r arferion gorau pan fo hynny’n briodol.
Cynrychioli buddiannau’r Asiantaeth yn gyffredinol yn y wasg a’r cyfryngau ac mewn cyfarfodydd gyda, er enghraifft, Cynghorau Cymuned a grwpiau eraill â diddordeb.
Dyletswyddau technegol, gweinyddol a phroffesiynol eraill sy’n gymesur ag awdurdod y swydd.
Ymdrin â chwynion ac ymholiadau yn gwrtais a phroffesiynol.
Cyfrifoldeb am reoli gwybodaeth yn unol â safonau a chanllawiau rheoli gwybodaeth y Cyngor. Sicrhau yr ymdrinnir â gwybodaeth bersonol mewn modd sy’n cydymffurfio â deddfwriaeth diogelu data.
Cyfrifoldeb am hunan ddatblygiad.
Rhestr enghreifftiol yn unig yw hon. Bydd angen efallai i ddeilydd y swydd ymgymryd â dyletswyddau eraill sy’n berthnasol i natur a graddfa’r swydd, yn unol â cheisiadau gan y Rheolwr Rhanbarthol.
 
Amgylchiadau Arbennig e.e. yr angen i weithio oriau anghymdeithasol, trefniadau gwaith arbennig ac ati
 Gofyniad i ddeilydd y swydd weithredu fel Rheolwr Arian (Tactegol) i’r Asiantaeth yn ystod Rheoli Digwyddiad Argyfwng – gall sefyllfaoedd brys godi yn ystod a thu allan i oriau gwaith arferol.
Bydd yn rhaid i ddeilydd y swydd fod yn rhan o drefniadau rota 24awr ar alwad/wrth gefn yn rheolaidd yn ôl yr angen o ran rheoli digwyddiadau neu weithgareddau cynnal a chadw adweithiol.
Rhaid i ddeilydd y swydd weithio oriau y tu allan i oriau gwaith arferol (rhwng 07:00 a 18:00 yn unol â'r cynllun oriau hyblyg) fel bo’r gofyn i gynorthwyo’r Rheolwr Rhanbarthol ag ymdrin â gweithgarwch gweithredol a gynllunnir os oes angen.
Gofyniad i ddeilydd y swydd ymgymryd â hyfforddiant yn ôl y gofyn.
Mynychu cyfarfodydd mewn mannau eraill yn y DU yn achlysurol (e.e. Llandrindod, Caerdydd).
 
Dim ond amlinelliad o’r dyletswyddau yw'r uchod i roi syniad o lefel y cyfrifoldeb sydd ynghlwm â’r swydd. Nid yw’r swydd ddisgrifiad yn gyflawn o ran y manylion, a gall dyletswyddau’r swydd newid o bryd i'w gilydd heb newid natur a lefel cyfrifoldeb sylfaenol y swydd.