Pwrpas y Swydd .
• Bod yn gyfrifol am oruchwylio a chydlynu holl brosiectau Technoleg a phrosiectau Peirianneg Trydanol a Mecanyddol yr Asiant a sicrhau y cânt eu cyflawni yn unol â’r gofynion diogelwch, costau, amser ac ansawdd.
• Cynorthwyo i gydlynu a rhaglennu rhaglen flynyddol ac aml-flwyddyn yr Asiant o gynlluniau adnewyddu, uwchraddio a diogelwch. 
• Cefnogi'r Rheolwr Uned Twnneli a Thechnoleg gyda datblygu a chyflawni rhaglen gyffredinol yr Uned o brosiectau refeniw a chyfalaf.
• Cynorthwyo i ddatblygu a gweithredu polisi a gweithdrefnau caffael prosiectau, gan gynnwys datblygu a gweithredu system rheoli prosiectau SharePoint a’r gronfa ddata gysylltiedig.
• Cynorthwyo yng nghyswllt agweddau technegol a chytundebol y sefydliad, monitro ac adnewyddu contractau fframwaith yr Asiant. 
• Gweithredu fel Noddwr Prosiect a Chleient CDM ar brosiectau fel y cytunwyd. 
• Caffael a bod yn rheolwr prosiect ar wasanaethau dylunio a chontractio yn unol â gweithdrefnau’r Asiant, gan sicrhau cydymffurfiaeth â gofynion perfformiad.
• Mae asedau technoleg ar y Gefnffordd yn cynnwys, (ond nid yn gyfyngedig) i oleuadau twnnel ffordd, offer monitro amgylcheddol, offer awyru twnnel, Systemau Rheoli, Goruchwylio a Chaffael Data (SCADA), rheolyddion/cyfarpar rhesymegol rhaglenadwy, cyfarpar canfod digwyddiad, systemau pŵer mewn argyfwng, gorsafoedd pwmpio, arwyddion negeseuon amrywiol (VMS), Teledu Cylch Cyfyng (TCC), cyfathrebiadau ffeibr optig, switshys a llwybrydd rhwydwaith, dyfeisiau diogelwch TG, gorsafoedd tywydd, teleffonau cefnffordd, systemau adnabod platiau rhif yn awtomatig, cyfarpar trosglwyddo fideo, offer swits foltedd isel ac uchel, arwyddion traffig, goleuo stryd, cyfarpar monitro llygredd, systemau dosbarthiad traffig, gwasanaeth twnnel ac adeiladau trosglwyddo (ddim Canolfan Rheoli Traffig). 
 
Cyfrifoldeb am Adnoddau . e.e. staff, cyllidebau, offer
• Rheoli darparwyr gwasanaethau allanol (darparwyr gwasanaethau LlC, Awdurdodau Partner ac ymgynghorwyr a chontractwyr sector preifat).
• Rheoli’r holl gyllidebau prosiect perthnasol.
• Rheoli staff
• Rheoli system a chronfa ddata Sharepoint yr Asiant.
• Rheoli cronfeydd data y Contract Fframwaith 
• Gliniadur
• Ffôn symudol
• Cyfarpar Diogelu Personol (PPE) 
Prif Ddyletswyddau 
Rheoli Prosiect 
Ymgymryd â rôl oruchwylio a chydlynu ar gyfer gweinyddu holl gontractau’r Asiant a sicrhau y cânt eu cyflawni yn unol â’r gofynion costau, amser ac ansawdd, gan gynnwys:
• Cynnal a monitro’r brif raglen ar gyfer holl brosiectau’r Asiant, gyda phwyslais benodol ar sicrhau y cânt eu cyflawni
• Ymgymryd â gwaith i baratoi briffiau prosiectau, gweithdrefnau tendro cystadleuaeth fach, rhaglenni/cynlluniau rheoli prosiect a chyflawni’r prosiect. 
• Defnyddio egwyddorion system rheoli prosiect PRINCE2.
• Cysylltu gyda darparwyr yr Awdurdodau Partner a'r sector preifat ynghylch prosiectau, gan gynnwys darparu Dangosyddion Perfformiad Allweddol
• Cysylltu gyda’r Uned Arolygu a Chyflawni o ran rheoli perfformiad prosiectau
• Gweithredu cau prosiectau gan gynnwys comisiynu, cofnodion ‘fel yr adeiladwyd’ a diweddaru’r rhestr eiddo.
Gweithredu fel gweinyddiaeth contract yr Asiant ac arbenigwr caffael i brosiectau ar sail Technoleg
Sicrhau bod y gwaith o weinyddu contractau ar gyfer prosiectau ar y rhwydwaith yn cydymffurfio â gofynion LlC.
Gweithredu fel Noddwr Prosiect ar brosiectau fel y cytunwyd. I’r perwyl hwn, ymgymryd â’r swyddogaethau a ganlyn:-
• adnabod anghenion prosiect, sicrhau cyllid prosiect a pharatoi brîff prosiect.
• sicrhau y caiff pob comisiwn ei ddyrannu yn unol â Phrotocol Gwasanaeth Ymgynghorol yr Awdurdod Partner.
• cytuno ar raglen a brîff y prosiect
• cymeradwyo ffioedd ymgynghori a chynigion y tîm cyflawni
• cysylltu â staff perthnasol LlC
• bod yn gyfrifol am gyflawni’r prosiect yn ei gyfanrwydd a rheoli’r gyllideb
• cytuno ar iawndal a'i gymeradwyo 
• adolygu a chytuno ar gyflwyno taliadau’n fisol 
• derbyn, adolygu, addasu a chymeradwyo Dangosyddion Perfformiad Allweddol y prosiect.
• cychwyn prosesau diffyg perfformiad gan gynnwys datrys anghydfodau contract.
• adrodd ar y gwariant hyd yma, a phroffil gwariant y dyfodol i Uned Fusnes yr Asiant.
• trefnu a chadeirio cyfarfodydd cynnydd prosiect.
• adolygu a chymeradwyo cyflwyniadau sy’n gysylltiedig â'r prosiect cyn eu cyflwyno i Lywodraeth Cymru
• sicrhau y caiff prosiectau eu terfynu'n briodol ac yn unol â gweithdrefnau diffiniedig.
Gweithredu fel Cleient CDM ar brosiectau fel y cytunwyd. Cynghori a chynorthwyo Noddwyr Prosiect ar rôl y Cleient CDM.
Rheoli’r holl gyllidebau prosiect Technoleg perthnasol sy’n gysylltiedig â’r asedau â ganlyn;
Cynorthwyo'r rheolwyr asedau technoleg eraill i gwrdd gyda amcanion yr uned ar gyfer rhaglenni refeniw a rheoleiddio pan fo rheolwr yr uned yn rhoi cyfarwyddyd i wneud hynny.
Rheoli Rhaglen
Cynorthwyo’r broses i adnabod, hyrwyddo a blaenoriaethu rhaglenni blynyddol a rhaglenni pum mlynedd yr Asiant o gynlluniau adnewyddu asedau Technoleg, uwchraddio a chynlluniau diogelwch.
Cefnogi Rheolwr Uned Twnneli a Thechnoleg yn natblygiad cyffredinol a chyflawni'r rhaglen o brosiectau refeniw a chyfalaf ar draws y rhwydwaith Cefnffyrdd yng ngogledd Cymru yn unol â gofynion Llywodraeth Cymru (LlC).
Galluogi cyflawni’r rhaglenni o brosiectau drwy gaffael gwasanaethau ymgynghorol cefnffyrdd a gwaith adeiladu yn unol â gweithdrefnau’r Asiant.

Dyletswyddau Technegol Eraill
Cynorthwyo yng nghyswllt agweddau technegol a chytundebol y sefydliad, monitro ac adnewyddu contractau fframwaith yr Asiant.
Cynorthwyo i ddatblygu a gweithredu polisi a gweithdrefnau caffael prosiectau, gan gynnwys datblygu a gweithredu system rheoli prosiectau SharePoint a’r gronfa ddata gysylltiedig. Bydd hyn yn cynnwys materion hyfforddi a datblygu staff o fewn yr Asiant a gyda darparwyr gwasanaeth.
Sicrhau bod egwyddorion 'Rethinking Construction' yn cael eu hyrwyddo gan yr Asiant yn ei weithdrefnau caffael.
Datblygu ac adolygu prosesau fel rhan o raglen wella barhaus i sicrhau bod dyraniadau cyllidebol yn cael eu defnyddio’n effeithiol ac yn effeithlon, ac y cwblheir gwaith ar amser ac yn unol â gofynion costau ac ansawdd, heb ymateb diangen gan y cyhoedd neu’r cyfryngau. 
Cynorthwyo gyda rheoli, casglu, paratoi a chyflwyno amcangyfrifon cost a rhaglennu i LlG yn unol â'r prosesau comisiynu a gytunwyd.
Sicrhau cydymffurfiaeth â’r holl ofynion deddfwriaethol sy’n berthnasol i’r swydd.
Sicrhau bod darparwyr gwasanaeth Awdurdodau Partner yr Asiant a’r Fframwaith yn cydymffurfio â pholisïau a safonau y DU / LlC, yn cynnwys:
• Canllaw Dylunio ar gyfer Ffyrdd a Phontydd
• Manyleb ar gyfer Gwaith ar Briffyrdd
• Dull Mesur Gwaith ar Briffyrdd
• Pennod 8, Canllaw Arwyddion Traffig
• Canllaw Cynnal a Chadw Cefnffyrdd LlC
• Contractau NEC3
• Rheolau Sefydlog Cyngor Gwynedd
• Lleiafswm gofynion gweithredu (Twnneli/Priffyrdd) 
• Rheoliadau Trydan yn y Gwaith (EAWR)
• Rheoliadau Diogelwch Twnneli Ffyrdd 
• Dogfennau perthnasol eraill y cyfeirir atynt yn y cytundeb WAGMA
Gweithredu, rheoli ac adolygu polisïau a gweithdrefnau yr adain asedau technoleg sy’n ymwneud ag archwilio, asesu, rheoli a chyflwr asedau technoleg Llywodraeth Cymru yn unol â gofynion y LlC.
Cynorthwyo'r rheolwr Uned Twnneli a Thechnoleg gyda isadeiledd trydanol, dulliau trosglwyddo a systemau diogelwch yn unol â EAWR.
Adolygu a derbyn dogfennau technegol fel adroddiadau ac arolygon.
Rheoli Perfformiad
Cynorthwyo’r Rheolwr Busnes a Gweithrediadau Statudol, a staff perthnasol i ddatblygu systemau a gweithdrefnau ar gyfer System Rheoli Busnes yr Asiantaeth.
Sicrhau y gweithredir systemau a gweithdrefnau er mwyn archwilio, monitro a rheoli perfformiad y gadwyn gyflenwi wrth gyflawni’r prosiectau.
Gweithredu dulliau o arolygu perfformiad a gweithio mewn partneriaeth er mwyn darparu gwelliant parhaus.
Mynd i’r afael â meysydd lle mae diffyg perfformiad gan y darparwr gwasanaeth a'r contractwr.
Iechyd a Diogelwch a’r Amgylchedd
Mae pob gweithiwr yr Asiant yn gyfrifol am gydymffurfio â’r polisïau Iechyd a Diogelwch, amgylcheddol ac ansawdd fel y cânt eu diffinio yn System Rheoli Busnes Integredig yr Asiant.
Sicrhau y glynir yn gaeth at bolisïau a deddfwriaethau amgylcheddol a Iechyd a Diogelwch yn y Gwaith.
Cymryd cyfrifoldeb am Iechyd a Diogelwch personol bob amser.
Cyffredinol
Cyd-gysylltu, fel bo’n briodol, â swyddogion yr Asiant, Swyddogion LlC, Awdurdodau Partner a chyrff perthnasol eraill.
Meithrin diwylliant o arloesedd a gwelliant parhaus. Yn y cyd-destun hwn, monitro datblygiadau technolegol, cytundebol a datblygiadau eraill yn y diwydiant, gan gynnwys dulliau newydd, gyda’r nod o fabwysiadu’r arfer gorau pan fo hynny’n briodol.
Cyd-gysylltu gyda Rheolwyr Llwybrau ACGChC am reoli gofod ffordd yn unol â'r Ddeddf Gwaith Stryd.
Cynorthwyo a chefnogi'r Uned Twnneli a Thechnoleg. Darparu cefnogaeth i swyddogion eraill yr Asiant wrth iddynt gyflawni eu dyletswyddau.
Cynorthwyo tîm Cyfathrebu ACGChC / Traffig Cymru drwy ddarparu gwybodaeth mewn perthynas â chynnydd y cynllun a gweithrediadau a all effeithio ar y cyhoedd.
Cynrychioli buddiannau’r Asiant yn gyffredinol mewn cyfarfodydd gyda rhanddeiliaid.
Dyletswyddau rheolaethol, gweinyddol, technegol a phroffesiynol sy’n gymesur ag awdurdod y swydd.
Cyfrifoldeb am reoli gwybodaeth yn unol â safonau a chanllawiau rheoli gwybodaeth y Cyngor. Sicrhau y cedwir gwybodaeth bersonol yn unol â deddfwriaeth Diogelu Data.
• Cyfrifoldeb am hunan ddatblygiad. 
• Sicrhau cydymffurfiaeth â rheolau Iechyd a Diogelwch yn y gweithle yn unol â’r cyfrifoldebau a nodir yn Neddf Iechyd a Diogelwch yn y Gwaith 1974 a Pholisi Iechyd a Diogelwch y Cyngor.
• Gweithredu yn unol â pholisïau a gweithdrefnau’r Cyngor yng nghyswllt cyfle cyfartal a chydraddoldeb.
• Cyfrifoldeb am reoli gwybodaeth yn unol â safonau a chanllawiau rheoli gwybodaeth y Cyngor. Sicrhau y cedwir gwybodaeth bersonol yn unol â deddfwriaeth Diogelu Data.
Amlinelliad yn unig yw’r rhestr uchod o ddyletswyddau. Disgwylir i ddeiliad y swydd ymgymryd ag unrhyw ddyletswyddau eraill sy’n berthnasol i natur a graddfa’r swydd, yn unol â cheisiadau rhesymol gan y Rheolwr Llinell. 
Amgylchiadau Arbennig e.e. yr angen i weithio oriau anghymdeithasol, trefniadau gwaith arbennig ac ati
• Yr angen i weithio tu allan i oriau gwaith arferol i fodloni gofynion y Gwasanaeth. 
• Ymweld â safleoedd adeiladu.
• Mynychu cyfarfodydd mewn mannau eraill o'r DU (e.e. Llandrindod, Caerdydd).