Pwrpas y swydd
Prif amcan y swydd yw cyfrannu at ymdrechion i ddileu digartrefedd ymysg pobl ifanc. Bydd y swydd yn gyfrifol am arwain dull partneriaethol i fapio, cyd-lynu, monitro a gwella systemau a llwybrau i bobl ifanc 11-25 oed sydd ‘dan risg o wynebu digartrefedd neu sydd yn ddigartref.
•Datblygu llwybrau addas i bobl ifanc sydd wedi ei adeiladu ar fethodoleg gwaith ieuenctid a dull sy’n canolbwyntio ar y person ifanc.
•Gweithio’n agos gyda’r Arweinydd Tîm Cymorth Ieuenctid 16-25 oed ac Arweinydd Tîm Digartrefedd i sicrhau bod y gwaith hwn yn cyrraedd gofynion y Grant Atal Digartrefedd Pobl Ifanc ac yn adlewychu dull cyfredol o ddarparu Fframwaith Ymgysylltu a Datblygiad Ieuenctid yng Ngwynedd.
•Cydweithio gyda gweddill Tîm y Gwasanaeth Ieuenctid a’r Gwasanaeth Tai yn ogystal â phartneriaid/sefydliadau allweddol i gyflawni deilliannau llwyddiannus i bobl ifanc o fewn y grŵp targed
•Sicrhau bod pobl Gwynedd yn ganolog i bopeth yr ydym yn ei wneud.
Cyfrifoldeb am adnoddau e.e. staff, cyllid, offer
•Cyfrifoldeb am arolygaeth a threfniadaeth y prosiectau.
•Mynediad i gyllideb ar gyfer prosiectau/adnoddau penodol.
•Offer Personol (offer TGCh, ffôn symudol ac ati).
•Cyfrifol am sicrhau bod ei g/chostau teithio ei hun yn ddilys ac yn briodol.
Prif ddyletswyddau
•Cefnogi’r Cyd-lynydd Ymgysylltiad a Datblygiad Pobl Ifanc i adnabod ac asesu dangosyddion o ddigartrefedd a datblygu teclyn adnabod cynnar sy’n gallu adnabod pobl ifanc sydd mewn pergyl o ddod yn ddigartref.
•Cefnogi’r Cyd-lynydd Ymgysylltiad a Datblygiad Pobl Ifanc i fonitro ac asesu’r cydberthynas rhwng pobl ifanc sydd ‘dan fwyaf o perygl o ddod yn ddigartref a pobl ifanc sydd ‘dan fwyaf o risg o beidio ymgysylltu efo addysg, hyfforddiant neu waith.
•Cefnogi’r Cyd-lynydd Ymgysylltiad a Datblygiad Pobl Ifanc i weithio gyda partneriaid i sicrhau bod nifer y bobl ifanc sy’n dod yn ddigartref yn hysbys, a gweithio tuag at ostyngiad mewn digartrefedd ymhlith pobl ifanc.
•Gweithio gyda phartneriaid a gwasanaethau allweddol, gan gynnwys Tai, Iechyd, Addysg, Gofal Cymdeithasol, Cyfiawnder Ieuenctid a’r Trydydd Sector, i ddatblygu dull cydweithredol a chydlynol i sicrhau bod y bobl ifanc hynny sydd mewn perygl o fod yn ddigartref yn cael eu cynorthwyo i gael y gefnogaeth a’r llety sy’n gwneud gwahaniaeth iddyn nhw.
•Ymgysylltu a chefnogi pobl ifanc sydd wedi eu hadnabod ‘dan risg o ddigartrefedd NEU gweithio gyda phobl ifanc 11-25 oed, yn enwedig pobl ifanc sydd mewn perygl o ddod yn NEET, y rhai sy’n NEET ac sydd mewn gofal / ôl ofal a cyflwyno ymyriadau gyda’r nod o adnabod rhwystrau unigolion a cyd-lynu pecyn cefnogaeth i leihau’r risg o ddigartrefedd.
•Gweithredu fel eiriolwr dros y bobl ifanc, gan gynrychioli eu barn a’u hawliau lle bo hynny’n briodol.
•Cydweithio â phartneriaid allweddol i ddadansoddi llety a chefnogaeth ar draws yr Awdurdod fel bod darlun clir o ba mor dda y mae’r ddarpariaeth yn diwallu anghenion pobl ifanc y Sir.
•Cynnal a datblygu panel aml-asiantaethol (Fforwm Digartrefedd Ieuenctid) i nodi, olrhain a darparu cefnogaeth biriodol i bobl ifanc sydd wedi eu nodi mewn perygl o ddod yn ddigartref neu sy’n ddigartref ar hyn o bryd. Bydd hyn yn cynnwys datblygu polisiau, protocolau a gweithdrefnau i gefnogi gwaith y panel.
•Cyflwyno Hyfforddiant i bartneriaid perthnasol fel eu bod yn gallu datblygu ymwybyddiaeth o ddigartrefedd ymhlith pobl ifanc a deall sut y gallent gefnogi pobl ifanc yn effeithiol.
•Cydweithio â’r holl bartneriaid mewnol ac allanol perthnasol i godi ymwybyddiaeth o ddigartrefedd mewn ysgolion/sefydliadau addysg ôl 16.
•Paratoi, trefnu, cynllunio, gwerthuso, a rheoli adnoddau ar gyfer pob prosiect/rhaglen.
•Darparu'r swyddogaeth froceriaeth ac eiriolwr allweddol ar gyfer pobl ifanc a adnabyddir.
•Gweithio'n agos gyda phartneriaid/sefydliadau a chyfeirio pobl ifanc at gefnogaeth bersonol ychwanegol fel bo angen.
•Cysylltu â rhieni/gwarcheidwaid pobl ifanc i alluogi iddynt gynnig cefnogaeth ddeallus
•Paratoi a chefnogi pobl ifanc yn ystod cyfnodau trosglwyddo allweddol
•Cefnogi’r Arweinydd Tîm Cymorth 16-25/Arweinydd Tîm Digartrefedd i sefydlu mesurau perfformiad addas i alluogi’r Gwasanaeth Ieuenctid i fesur effaith y gefnogaeth a ddarperir i bobl ifanc
•Paratoi adroddiadau cynnydd yn cynnwys monitro a thracio cynnydd a deilliannau pobl ifanc.
•Sicrhau bod cofnod clir a chywir o’r gwaith yn cael ei fwydo i fewn i system reoli gwybodaeth, yn unol â’r systemau cofnodi a monitro y Gwasanaeth Ieuenctid.
•Sicrhau bod holl ddata personol yn cael ei warchod a'i drin yn effeithiol, yn unol â Phrotocol Fframwaith Ymgysylltu a Datblygu Ieuenctid cytunedig.
•Mynychu a chyfrannu at cyfarfodydd cynllunio’r Gwasanaeth Ieuenctid, cyfarfodydd Tîm, Panel Ymgysylltu Ôl 16 /cynadleddau achos/cyfarfodydd Llywodraeth Cymru/cyfarfodydd eraill fel bo angen.
•Cydymffurfio gyda unrhyw weithdrefnau a systemau y Gwasanaeth Ieuenctid.
•Gweithredu a glynu at weithdrefnau diogelu wrth weithio gyda phobl ifanc.
•Cydlynu at y Safonau Galwedigaethol i Waith Ieuenctid a Hawliau’r Plentyn.
•Sicrhau bod Llais person ifanc yn cael ei glywed trwy bopeth sydd yn cael ei gynnig a’i ddatblygu
•Mynychu hyfforddiant i weithwyr ieuenctid a drefnir gan, neu ar ran, y Cyngor
•Cyflawni tasgau a chyfrifoldebau eraill o natur debyg fel sy'n ofynnol o dro i dro gan Arweinydd Tîm Cymorth Ieuenctid 16-25 oed ac Arweinydd Tîm Digartrefedd parthed rhediad esmwyth y gwasanaeth.
•Cyfrifoldeb am hunan ddatblygiad
•Sicrhau cydymffurfiaeth â rheolau Iechyd a Diogelwch yn y gweithle yn unol â’r cyfrifoldebau a nodir yn Neddf Iechyd a Diogelwch yn y Gweithle 1974 a Pholisi Iechyd a Diogelwch y Cyngor.
•Gweithredu o fewn polisïau’r Cyngor yng nghyswllt cyfle cyfartal a chydraddoldeb.
•Cyfrifoldeb am reoli gwybodaeth yn unol â safonau a chanllawiau rheoli gwybodaeth y Cyngor.  Sicrhau bod gwybodaeth bersonol yn cael ei thrin mewn cydymffurfiaeth â deddfwriaeth Diogelu Data
•Ymrwymiad i leihau allyriadau carbon y Cyngor yn unol â’r Cynllun Rheoli Carbon ac annog eraill i weithredu’n gadarnhaol tuag at leihau ôl-troed carbon y Cyngor.
•Ymgymryd ag unrhyw ddyletswydd arall cyfatebol a rhesymol sy’n cyd-fynd â lefel cyflog a lefel cyfrifoldeb y swydd.
•Cyfrifoldeb i adrodd am bryder neu amheuaeth bod plentyn neu oedolyn bregus yn cael ei gamdrin
Amgylchiadau arbennig
•Dylai ddeilydd y swydd feddu ar drwydded yrru llawn a bod yn berchen ar gar.
•Bydd angen i chi weithio ar draws y Sir
•Byddwn yn ail edrych ar y swydd ddisgrifiad ymhen blwyddyn i’r apwyntiad