DIBEN Y SWYDD
Darparu cefnogaeth fusnes gyffredinol i GwE, dan gyfarwyddyd/arweiniad uwch staff, gan ddefnyddio amrywiaeth o becynnau TGCh.
 
 
PRIF GYFRIFOLDEBAU
 
Darparu cefnogaeth fusnes cyffredinol e.e. llungopïo, ffeilio, cwblhau ffurflenni safonol, ymateb i ohebiaeth arferol gan Awdurdodau Addysg, Llywodraeth Cymru, Ysgolion, Llywodraethwyr, Cynghorwyr, Rhieni/Gwarcheidwaid a rhanddeiliaid eraill.
Dilysu a chynnal cofnodion/systemau rheoli gwybodaeth a gedwir â llaw ac yn gyfrifiadurol.
Defnyddio pecynnau TGCh (e.e. Office 365, Outlook, Word, Excel, Access, TEAMS, Zoom, Wordpress, Padlet, Jamboard, Hwb) a chynhyrchu rhestrau/gwybodaeth/data yn unol â’r gofyn.
Trefnu cyfarfodydd, cyrsiau hyfforddi a digwyddiadau (wyneb yn wyneb a rhithiol) – gan gynnwys y broses gofrestru, cadw cofnod o’r mynychwyr.
Trefnu rhaglenni cyfarfodydd a chymryd cofnodion.
Cymryd rhan mewn hyfforddiant a gweithgareddau dysgu eraill ynghyd â datblygiad perfformiad yn unol â’r gofyn.
Cyflenwi ar ran cydweithwyr ar yr un raddfa (neu uwch) yn ystod cyfnodau gwyliau, salwch ac adegau na ellir eu rhagweld.
Ymgymryd â dyletswyddau derbynfa, ateb ymholiadau cyffredinol ar y ffôn ac wyneb yn wyneb.
Ymgymryd â gweinyddu ariannol gan gynnwys archebu nwyddau / gwasanaethau, prosesu anfonebau ar gyfer eu talu a chofnodi archebion / gwariant.
Bod yn gyfrifol am weinyddu a chefnogi meysydd neu fentrau penodol o fewn y gwasanaeth. Bydd y dyletswyddau’n cynnwys yr holl drefniadau busnes, h.y. casglu data, cynnal yr holl gofnodion i safon uchel, olrhain a chofnodi gwariant, prif bwynt cyswllt ar gyfer yr holl randdeiliaid.
Diweddaru gwefan GwE pan fo angen.
Fel aelod o dîm, cynghori ar faterion busnes er mwyn sicrhau trefn fusnes effeithlon y gwasanaeth.
Bydd angen i’r deilydd swydd gymryd cyfrifoldeb ac arwain ar waith penodol o fewn y gwasanaeth.
Cysylltu â’r holl staff yn GwE, gan gynnwys uwch swyddogion, a chyda gwasanaethau allanol yn ôl yr angen i sicrhau y darperir gwasanaeth effeithiol.
Cynorthwyo â chydgysylltu prosiectau penodol yn unol â’r gofyn.
Cynnal safonau uchel o ran sgiliau TGCh er mwyn darparu gwasanaeth effeithlon.
Defnyddio pecynnau meddalwedd er mwyn gallu cwblhau gwaith brys penodol yn gyflym, pan fo angen.
 
CYFFREDINOL
Cyfrifoldeb am hunanddatblygiad.
 
Cyfrifoldeb cyffredinol i gyfrannu i weithrediad llwyddiannus GwE trwy gydnabod mai diben y gwasanaeth yw hwyluso a chefnogi dysgu yn y chwe Awdurdod Lleol. Mae hyn yn ei gwneud hi’n ofynnol i staff weithio gyda’i gilydd mewn timau ac i dderbyn hyblygrwydd rolau er mwyn bodloni gofynion ac amgylchiadau sy’n newid.
 
Bydd deilydd y swydd yn arddel ac yn arddangos y safonau uchaf o ymddygiadau a gwerthoedd y gwasanaeth.
 
Sicrhau cydymffurfiaeth â rheolau Iechyd a Diogelwch yn y gweithle yn unol â’r cyfrifoldebau a nodir yn Neddf Iechyd a Diogelwch yn y Gweithle 1974 a Pholisi Diogelwch y gwasanaeth.
 
Gweithredu o fewn polisïau’r gwasanaeth yng nghyswllt cyfle cyfartal a chydraddoldeb.
 
Cyfrifoldeb am reoli gwybodaeth yn unol â safonau a chanllawiau rheoli gwybodaeth y gwasanaeth. Sicrhau bod gwybodaeth bersonol yn cael ei thrin mewn cydymffurfiaeth â deddfwriaeth Diogelu Data.
 
Ymrwymiad i leihau allyriadau carbon unol â’r Cynllun Rheoli Carbon ac annog eraill i weithredu’n gadarnhaol tuag at leihau ôl-troed carbon.
 
Ymgymryd ag unrhyw ddyletswydd arall cyfatebol a rhesymol sy’n cyd-fynd â lefel cyfrifoldeb y swydd.
 
Cyfrifoldeb i adrodd ar bryder neu amheuaeth bod plentyn neu oedolyn bregus yn cael ei gam-drin.
 
 
Amlinelliad o’r dyletswyddau yn unig yw’r uchod. Disgwylir i ddeilydd y swydd ymgymryd â chyfrifoldebau eraill sy’n berthnasol i natur a graddfa’r swydd, yn unol â cheisiadau rhesymol gan y Rheolwr Llinell.