Pwrpas y Swydd.
 
1. Bod yn gyfrifol am oruchwylio a chydlynu holl brosiectau technoleg gwaith cynnal a chadw mecanyddol a thrydanol twneli'r Asiant a'r prosiectau cyfalaf o ran sicrhau y cânt eu cyflawni yn unol â’r gofynion costau, amser ac ansawdd.
2. Rheoli tîm cynnal a chadw'r twneli gan gynnwys ymgymryd â'r cyfrifoldebau perfformiad ac awdit.
3. Cynorthwyo i gydlynu a rhaglennu cynlluniau adnewyddu, uwchraddio a chynlluniau diogelwch blynyddol a phob pum mlynedd yr Asiant.
4. Monitro cydymffurfiaeth a datblygiad parhaus y Dogfennaeth Diogelwch Twneli yn unol â'r adborth gweithredu a'r gofynion deddfwriaethol. 
5. Cefnogi'r Rheolwr Gweithrediadau Twneli gyda datblygu a chyflawni'r rhaglen gyffredinol o brosiectau cyfalaf a gweithgareddau refeniw.
6. Gweithredu fel arbenigwr prosiectau twneli a chynnal a chadw yr Asiant gan gynghori ar faterion diogelwch y twneli gan gynnwys gofynion cynnal a chadw ac archwilio i offer twneli. 
7. Cynorthwyo Rheolwr Gweithrediadau'r Twneli i gadw Ffeil Iechyd a Diogelwch ar gyfer twneli'r A55. 
8. Rheoli a gweinyddu system rheoli asedau'r twneli (AMX).
9. Sicrhau bod y gwaith o weinyddu contractau ar gyfer prosiectau a gweithgareddau cynnal a chadw'r twneli ar y rhwydwaith yn cydymffurfio â gofynion LlC.
10. Cynorthwyo i ddatblygu a gweithredu polisïau diogelwch twneli a gweithdrefnau gan gynnwys rheoli, datblygu a gweithredu’r Dogfennaeth Diogelwch RTSR. 
11. Cynorthwyo yng nghyswllt agweddau technegol a chytundebol y sefydliad, monitro ac adnewyddu contractau fframwaith yr Asiant a'r contractau cyfnod gwasanaeth. 
12. Gweithredu fel Noddwr Prosiect a Chleient CDM ar brosiectau a gwaith cynnal a chadw pan fo angen cau, fel bo'r angen. 
13. Caffael a bod yn rheolwr prosiect ar wasanaethau contractwyr arbenigol a gwasanaethau ymgynghorwyr yn unol â gweithdrefnau’r Asiant, gan sicrhau cydymffurfiaeth â gofynion perfformiad.
 
Cyfrifoldeb am swyddogaethau . e.e. staff, cyllidebau, offer
 
• Rheoli darparwyr gwasanaethau allanol (darparwyr gwasanaethau LlC, Awdurdodau Partner ac ymgynghorwyr a chontractwyr sector preifat).
• Rheoli holl gyllidebau prosiectau cyfalaf a refeniw perthnasol y Twneli. 
• Rheoli’r holl systemau diogelwch peirianyddol bywyd y twneli. 
• Rheolaeth o systemau rheoli data a bas data y Twneli a Thechnoleg, 
Prif Ddyletswyddau .
 Rheoli Prosiect
Ymgymryd â rôl oruchwylio a chydlynu ar gyfer holl weithgareddau twneli yr Asiant (archwilio/cynnal a chadw a phrosiectau cyfalaf) o ran sicrhau y cânt eu cyflawni yn unol â’r gofynion costau, amser ac ansawdd, gan gynnwys:
• Cynnal a monitro’r brif raglen ar gyfer holl weithgareddau prosiectau a chynnal a chadw twneli'r Asiant (prosiectau, archwilio a cynnal a chadw), gyda phwyslais benodol ar sicrhau y cânt eu cyflawni.
• Ymgymryd â gwaith i baratoi briffiau prosiectau, gweithdrefnau tendro cystadleuaeth fach, rhaglenni/cynlluniau rheoli prosiect a chyflawni’r prosiect. 
• Defnyddio egwyddorion system rheoli prosiect PRINCE2.
• Paratoi a threfnu gweithredu Gorchmynion Traffig parhaol ble bo’r angen. Darparu cyngor i Reolwyr Llwybrau ynghylch paratoi Gorchmynion / Rhybuddion Traffig dros dro.
• Rhoi cyngor ar faterion yn ymwneud â diogelwch twneli o ran cynlluniau gwelliant mawr fel bo’r gofyn.
• Ymchwilio i ddamweiniau agos, damweiniau a dadansoddi data asedau twneli i adnabod patrymau, a chymryd y camau priodol fel bo angen gan ddefnyddio cronfeydd data LlC a basau data eraill.
• Rheoli darparwyr yr Awdurdodau Partner a'r sector preifat o ran prosiectau, gan gynnwys darparu Dangosyddion Perfformiad Allweddol a delio gydag unrhyw broblemau perfformiad.
• Cyd-gysylltu gyda Uned Fusnes y Tîm Masnachol yng nghyswllt rheoli perfformiad prosiectau.
• Cynorthwyo gyda chau prosiectau gan gynnwys comisiynu, cofnodion ‘fel yr adeiladwyd’ a diweddaru’r rhestr eiddo. 
• Cynorthwyo swyddog diogelwch y twneli gyda rheoli a gweithredu ymarferion argyfwng rheoleiddio'r twneli. 
• Adolygu a diweddaru rhestrau cynnal a chadw ac archwilio'r twneli yn unol ag argymhellion gwneuthurwyr yr offer.
Cynorthwyo'r Asiant gyda gweinyddu contractau a chaffael prosiect i brosiectau twneli a gweithgareddau cynnal a chadw.
Sicrhau bod y gwaith o weinyddu contractau ar gyfer prosiectau ar y rhwydwaith yn cydymffurfio â gofynion LlC.
Gweithredu fel Noddwr Prosiect ar brosiectau fel y cytunwyd. Yn rhinwedd y swydd hon, ymgymryd â’r swyddogaethau a ganlyn: -
• adnabod anghenion prosiect, sicrhau cyllid prosiect a pharatoi briff prosiect.
• sicrhau y caiff pob comisiwn ei ddyrannu yn unol â Phrotocol Gwasanaeth Ymgynghorol yr Awdurdod Partner.
• cytuno ar raglen a brîff y prosiect.
• cymeradwyo ffioedd ymgynghori a chynigion y tîm cyflawni.
• cyd-gysylltu â staff perthnasol LlC.
• bod yn gyfrifol am gyflawni’r prosiect yn ei gyfanrwydd a rheoli’r gyllideb.
• cytuno ar digwyddiadau iawndal a'u cymeradwyo;
• adolygu a chytuno ar gyflwyno taliadau’n fisol.
• derbyn, adolygu, addasu a chymeradwyo Dangosyddion Perfformiad Allweddol y prosiect.
• cychwyn prosesau diffyg perfformiad.
• adrodd ar y gwariant hyd yma, a phroffil gwariant y dyfodol i Uned Fusnes yr Asiant.
• trefnu a chadeirio cyfarfodydd cynnydd prosiect.
• adolygu a chadarnhau cyflwyniadau sy’n gysylltiedig â'r prosiect cyn eu cyflwyno i LlC.
• sicrhau y caiff prosiectau eu terfynu'n briodol ac yn unol â gweithdrefnau diffiniedig.
Gweithredu fel Cleient CDM ar brosiectau fel bo angen. 
Rheoli’r holl gyllidebau perthnasol gyda cynnal a chadw'r twneli sy'n gysylltiedig gyda twneli'r A55, yn cynnwys prosiectau ble fo deilydd y swydd yn gweithredu fel noddwr y prosiect.
Rheoli'r Rhaglen
Cynorthwyo i gydlynu’r broses o adnabod, hyrwyddo a blaenoriaethu rhaglenni blynyddol a rhaglenni pum mlynedd yr Asiant o gynlluniau adnewyddu, uwchraddio a chynlluniau diogelwch.
Rheoli atodlenni rheolaeth cau'r twneli, gweithio gyda ITS ACGCC a'r Rheolwr Trydanol i gytuno ar bresenoldeb ar gyfer y gwaith rheoli cau. 
Cefnogi'r Rheolwr Uned Twneli a Thechnoleg yn natblygiad cyffredinol a chyflawni'r rhaglen o brosiectau refeniw a chyfalaf ar draws rhwydwaith Cefnffyrdd yng ngogledd a chanolbarth Cymru yn unol â gofynion Llywodraeth Cymru (LlC).
Galluogi cyflawni’r rhaglenni o brosiectau drwy gaffael gwasanaethau ymgynghorol cefnffyrdd a gwaith adeiladu yn unol â gweithdrefnau’r Asiant.

Dyletswyddau Technegol Eraill
Cynorthwyo yng nghyswllt agweddau technegol a chytundebol y sefydliad, monitro ac adnewyddu contractau fframwaith yr Asiant. 
Cynorthwyo i ddatblygu a gweithredu polisi caffael prosiectau a gweithdrefnau.
Datblygu a gweithredu dogfennaeth diogelwch twneli. 
Bydd hyn yn cynnwys materion hyfforddi a datblygu staff o fewn yr Asiant a gyda darparwyr gwasanaeth.
Sicrhau bod egwyddorion 'Rethinking Construction' yn cael eu hyrwyddo gan yr Asiant yn ei weithdrefnau caffael.
Datblygu ac adolygu prosesau fel rhan o raglen wella barhaus i sicrhau bod dyraniadau cyllidebol yn cael eu defnyddio’n effeithiol ac yn effeithlon, ac y cwblheir gwaith ar amser ac yn unol â gofynion costau ac ansawdd, heb ymateb diangen gan y cyhoedd neu’r cyfryngau. 
Cynorthwyo yn rheolaeth, casglu, paratoi a chyflwyno amcangyfrifon cost a rhaglennu i'r gweithgareddau prosiect a cynnal a chadw i LlG.
Sicrhau cydymffurfiaeth â’r holl ofynion deddfwriaethol sy’n berthnasol i’r swydd gan gynnwys: -
• Canllaw Dylunio ar gyfer Ffyrdd a Phontydd
• Manyleb ar gyfer Gwaith ar Briffyrdd
• Dull Mesur Gwaith ar Briffyrdd
• Pennod 8, Canllaw Arwyddion Traffig
• Canllaw Cynnal a Chadw Cefnffyrdd LlC
• NEC3 contractau cyfnod gwasanaeth a NEC4 contractau opsiwn A ac E. 
• Rheolau Sefydlog Cyngor Gwynedd
• Rheoliadau Trydan yn y Gwaith (EAWR)
• Rheoliadau Diogelwch Twneli Ffyrdd (RTSR)
• Rheoliadau CDM
• Dogfennau perthnasol eraill y cyfeirir atynt yn y cytundeb WGMAA.
• Dogfennaeth berthnasol mewn perthynas â cynnal a chadw ac archwilio offer sy'n gysylltiedig â thwneli'r A55.
Sicrhau bod darparwyr gwasanaeth yr Asiant, yr Awdurdodau Partner a’r Fframwaith yn cydymffurfio â pholisïau a safonau y DU / LlC.
Rheoli Perfformiad
Cynorthwyo’r Rheolwr Busnes ac Ansawdd a staff perthnasol i ddatblygu systemau a gweithdrefnau ar gyfer System Rheoli Busnes yr Asiant. 
Sicrhau y gweithredir systemau a gweithdrefnau er mwyn archwilio, monitro a rheoli perfformiad y gadwyn gyflenwi wrth gyflawni’r prosiectau. 
Gweithredu dulliau o adolygu perfformiad a gweithio mewn partneriaeth er mwyn darparu gwelliant parhaus.
Mynd i’r afael â meysydd lle ceir diffyg perfformiad ar ran y darparwr gwasanaeth.
Iechyd a Diogelwch a’r Amgylchedd
Mae’n gyfrifoldeb ar bob gweithiwr yr Asiant i gydymffurfio â’r polisïau Iechyd a Diogelwch, amgylcheddol ac ansawdd fel y cânt eu diffinio yn System Rheoli Busnes Integredig yr Asiant.
Sicrhau y glynir yn gaeth at bolisïau a deddfwriaethau amgylcheddol ac Iechyd a Diogelwch yn y Gwaith.
Cymryd cyfrifoldeb am Iechyd a Diogelwch personol bob amser. 
Cynorthwyo tîm archwilio iechyd a diogelwch ACGCC gyda mynediad pan fo'r twneli wedi eu cau i gynnal archwiliadau gan wedyn adolygu i weithredu datrysiadau i unrhyw faterion a nodwyd sydd ddim yn cydymffurfio.
Cyffredinol
Cyd-gysylltu, fel bo’n briodol, â swyddogion yr Asiant, Swyddogion LlC, Awdurdodau Partner a chyrff perthnasol eraill.
Meithrin diwylliant o arloesedd a gwelliant parhaus. Yn y cyd-destun hwn, monitro datblygiadau technolegol, cytundebol a datblygiadau eraill yn y diwydiant, gan gynnwys dulliau newydd, gyda’r nod o fabwysiadu’r arfer gorau pan fo hynny’n briodol. 
Cynorthwyo a chefnogi'r Uned Twneli a Thechnoleg. Darparu cefnogaeth i swyddogion eraill yr Asiant wrth iddynt gyflawni eu dyletswyddau.
Cynrychioli buddiannau’r Asiant yn gyffredinol mewn cyfarfodydd gyda rhanddeiliaid.
Dyletswyddau rheolaethol, gweinyddu contractau, technegol a phroffesiynol sy’n gymesur ag awdurdod y swydd. 
Cyfrifoldeb am reoli gwybodaeth yn unol â safonau a chanllawiau rheoli gwybodaeth y Cyngor. Sicrhau y cedwir gwybodaeth bersonol yn unol â deddfwriaeth Diogelu Data.
• Cyfrifoldeb am hunan-ddatblygiad. 
• Sicrhau cydymffurfiaeth â rheoliadau Iechyd a Diogelwch yn y gweithle yn unol â’r cyfrifoldebau a nodir yn Neddf Iechyd a Diogelwch yn y Gwaith 1974 a Pholisi Iechyd a Diogelwch y Cyngor.
• Gweithredu yn unol â pholisïau a gweithdrefnau’r Cyngor yng nghyswllt cyfle cyfartal a chydraddoldeb.
• Cyfrifoldeb am reoli gwybodaeth yn unol â safonau a chanllawiau rheoli gwybodaeth y Cyngor. Sicrhau y cedwir gwybodaeth bersonol yn unol â deddfwriaeth Diogelu Data.
Amlinelliad yn unig yw’r rhestr uchod o ddyletswyddau. Disgwylir i ddeilydd y swydd ymgymryd ag unrhyw ddyletswyddau eraill sy’n berthnasol i natur a graddfa’r swydd, yn unol â cheisiadau rhesymol gan y Rheolwr Llinell.
 
Amgylchiadau Arbennig . e.e. yr angen i weithio oriau anghymdeithasol, trefniadau gwaith arbennig ac ati
 • Yr angen i weithio tu allan i oriau gwaith arferol (dros nos ac ar benwythnosau) i fodloni gofynion y Gwasanaeth. 
• Bod yn bresennol pan fo'r twneli yn cau dros nos, efallai ar fyr rybudd pe byddai unrhyw ddigwyddiad yn y twneli. 
• Ymgymryd â rôl peiriannydd technoleg ar-alwad ar sail system rota 
Dim ond amlinelliad o’r dyletswyddau yw'r uchod i roi syniad o lefel y cyfrifoldeb sydd ynghlwm â’r swydd. Nid yw’r swydd ddisgrifiad yn gyflawn o ran y manylion, a gall dyletswyddau’r swydd newid o bryd i'w gilydd heb newid natur a lefel cyfrifoldeb sylfaenol y swydd.