ADRAN ADDYSG GWYNEDD
YSGOLION UWCHRADD
Ysgol Dyffryn Nantlle – (Cyfun 11 - 18; 444 o ddisgyblion)
Gyrrwr Bws Mini Achlysurol
Dechrau:Ionawr 2027 (neu cyn gynted â phosib wedi hynny)
Cyflog: £ 13.48
Rydym yn edrych i benodi gyrrwr bws mini achlysurol i gludo disgyblion Ysgol Dyffryn Nantlle i leoliadau rheolaidd (e.e. coleg, teithiau addysgiadol, gemau chwaraeon, a.y.y.b.)
Cyfrifoldebau’r gyrrwyr:
- Cofrestru yn yr ysgol ar gyfer y daith (derbynfa ysgol)
- Cydlynu efo trefnwr y daith ynglyn â’r amseru / lleoliad
- Sicrhau fod y bws yn gyfreithiol o ran teiars, olew, drychau a.y.y.b. ac adrodd yn ôl i reolwyr yr ysgol os oes problemau. Sicrhau fod digon o danwydd ar gyfer y daith, a/neu ffordd o brynu mwy pe bai’r gofyn yn codi.
- Cadw cofnod o’r teithwyr ar y bws (yno ac adref) wrth gydweithio â threfnwr y daith fydd â chofrestr o’r teithwyr.
- Ar ddechrau’r daith, sicrhau fod yr holl deithwyr yn gwisgo gwregys diogelwch ac yn ymddwyn yn briodol ar y daith. Y gyrrwr i adrodd yn ôl ar unrhyw broblemau i reolwyr yr ysgol.
Mae’r gallu i weithio trwy gyfrwng y Gymraeg a Saesneg yn hanfodol ar gyfer y swydd hon.
Gwahoddir unrhyw un sydd â diddordeb a/neu angen mwy o wybodaeth i drafod yn anffurfiol â’r Pennaeth, Mrs Rhian Parry Jones. Gellir cyflwyno cais am y swydd yma ar-lein ar wefan Cyngor Gwynedd neu mae pecyn cais i’w cael gan Ms. Elen Williams, Swyddog Gweinyddol, Ysgol Dyffryn Nantlle, Penygroes, Caernarfon, Gwynedd, LL54 6AA, (Rhif ffôn 01286 880345)
e-bost: sg@dyffrynnantlle.ysgoliongwynedd.cymru Os dymunir dychwelyd y cais drwy’r post, dylid ei ddychwelyd i’r cyfeiriad uchod erbyn y dyddiad cau.
Os dymunir dychwelyd y cais drwy’r post, dylid ei ddychwelyd i’r cyfeiriad uchod erbyn y dyddiad cau.
DYDDIAD CAU: HANNER DYDD, DDYDD LLUN, TACHWEDD 30ain, 2026.
Bydd y Cyngor yn gofyn am gopi o’r dadleniad gan Wasanaeth Datgelu a Gwahardd gan yr ymgeisydd llwyddiannus cyn y gallant gychwyn yn y swydd yma.
Mae’r awdurdod hwn wedi ymrwymo i ddiogelu a hyrwyddo lles plant a phobl ifanc ac mae’n disgwyl y bydd pob un o’i staff a’i wirfoddolwr yn rhannu’r ymrwymiad hwn. This authority is committed to safeguarding and promoting the welfare of children and young people and expects all staff and volunteers to share this commitment.
(This is an advertisement for a temporary/occasional mini bus driver for which the ability to work through the medium of Welsh and English is essential)