Gofynion Y Swydd 
Darparu cymorth teithio ar fws ysgol 442 o Dalybont, Bangor i Ysgol Y Garnedd, Penrhosgarnedd.
Goruchwylio a gofalu am ddisgyblion oed cynradd ar gludiant ysgol. 
Cynorthwyo disgyblion i fynd ar gerbydau cludiant, a mynd oddi arnynt, yn yr ysgol a'u cartrefi, neu mewn mannau casglu wedi'u cymeradwyo. 
Gwirio fod y dysgwyr yn defnyddio a gwisgo gwregys diogelwch yn gywir. 
Bydd yn angenrheidiol i ddeilydd y swydd gwneud trefniadau i fedru teithio i'r fan cychwyn y bws yn y bore yn Nhalybont ac o'r ysgol, ac yr un peth yn y prynhawn.
Dyletswyddau a Chyfrifoldebau 
Cefnogi disgyblion wrth deithio i’w sefydliad Addysgol ac oddi yno, mewn dull sy’n sensitif i’w hanghenion.  Gweithio i gyfarwyddiadau a roddwyd cyn dechrau'r daith. 
Gweithio mewn cydweithrediad â’r gyrrwr, i sicrhau bod y gwasanaeth yn cael eu ddarparu’n broffesiynol ac yn effeithlon, ac i ymateb yn gadarnhaol i unrhyw gais rhesymol am newidiadau a ddaw i law gan y swyddogion Cludiant addysg. 
Bydd disgwyl i’r cymhorthydd teithio gadw unrhyw wybodaeth a rennir am amgylchiadau’r plentyn neu’r teulu’n gwbl gyfrinachol. Disgwylir i chwi weithredu gyda thact a diplomyddiaeth wrth siarad gyda rhieni / gwarcheidwaid a staff yr ysgol. 
Efallai y bydd yn rhaid i’r cymhorthydd gludo eitemau rhwng y cartref a’r ysgol. Gall y rhain gynnwys meddyginiaeth, offer, arian ac eitemau cyfathrebu.  Dylid cadw eitemau’n ddiogel wrth deithio, a’u rhoi i’r aelod o staff sy’n gyfrifol ar ôl cyrraedd.  Dylid cadw cofnod yn cofrestru’r holl eitemau a drosglwyddwyd rhwng y cymhorthydd a’r person y gwnaethant drosglwyddo’r eitemau iddynt, a rhaid cael llofnod.  
Bydd rhaid i’r cymhorthydd roi gwybod am unrhyw ddamwain neu ddigwyddiad sy'n codi wrth wneud eu dyletswyddau i'r Rheolwr Cludiant Addysg, a lle gwneir cais, rhaid llenwi a dychwelyd ffurflen sy'n rhoi gwybod am y digwyddiad. Bydd disgwyl i’r cymhorthydd ymateb yn briodol hefyd i unrhyw gamymddwyn gan ddysgwyr. 
I fynd ar gyrsiau hyfforddi perthnasol yn ôl y gofyn, gan gynnal gwybodaeth a dealltwriaeth drylwyr o dechnegau trin penodol, wrth gludo teithwyr gydag anghenion arbennig.