Pwrpas y swydd
•Sicrhau bod pobl Gwynedd yn ganolog i bopeth rydym yn ei wneud.
•Cynorthwyo'r Rheolwr Archwilio i ddatblygu, gweithredu a rheoli strategaeth a rhaglen Archwilio gynhwysfawr ar gyfer yr ystod gyfan o swyddogaethau a gweithgareddau'r Asiant.
•Cynorthwyo gyda swyddogaeth Archwilio Mewnol yr Asiant gan ddarparu sicrwydd ar effeithiolrwydd yr amgylchedd rheoli a'r trefniadau llywodraethu.
•Cynorthwyo'r Rheolwr Archwilio i ymgymryd ag archwiliadau cyfrinachol/sensitif ac ymchwiliadau ar ran Uwch Dîm Rheoli’r Asiant.
•Cynorthwyo’r Rheolwr Archwilio gyda ‘Systems Thinking’ / Gweithio Darbodus (LEAN working).
Cyfrifoldeb am adnoddau e.e. staff, cyllid, offer
•Cyfrifiadur Personol, Gliniadur, Ffeiliau Archwilio.
•Poblogi a chynnal a chadw y gronfa ddata archwilio.
Prif ddyletswyddau
•Cynnal ymchwiliadau, adolygiadau, ac archwiliadau o systemau gweinyddol, contractau, prosiectau a sefydliadau sy'n ymwneud â fframweithiau llywodraethu, rheoli risg a rheoliadau mewnol, yn unol â Safonau Archwilio Mewnol y Sector Cyhoeddus, dan gyfarwyddyd y Rheolwr Archwilio.
•Cynorthwyo'r Rheolwr Archwilio gydag archwiliadau ymatebol neu arbennig, gan gynnwys anghysondebau, twyll a materion disgyblu gan roi gwybod ar unwaith i'r Rheolwr Archwilio am unrhyw anghysondebau.
•Cyfathrebu gyda rhanddeiliaid gan gynnwys Penaethiaid Gwasanaeth, Uwch Reolwyr, Rheolwyr, staff craidd a defnyddwyr gwasanaeth yn ystod adolygiadau archwilio.
•Paratoi rhaglenni archwilio.
•Cynhyrchu papurau gwaith a pharatoi adroddiadau archwilio i bob adolygiad, gan adnabod risgiau posib mewn llywodraethu, rheoli risg a rheoliadau mewnol, a thrafod canfyddiadau gyda'r swyddogion/rheolwyr perthnasol i gytuno ar gamau lliniaru.
•Yn gyfrifol am sicrhau bod gwaith maes archwilio, adroddiadau drafft a'r adroddiadau terfynol yn cael eu cyflawni'n brydlon.
•Yn gyfrifol am sicrhau bod penderfyniadau’n cael eu gwneud ar sail tystiolaeth.
•Cyfrannu at, a chynnal astudiaethau gwerth am arian.
•Cynorthwyo'r Rheolwr Archwilio gyda datblygiad cynllun adfer ar gyfer yr holl wendidau lle nad oes cydymffurfio/gwendidau rheoli a dilyn hyn drwy weithredu camau cywiro.
•Cynghori a rhoi arweiniad i gleientiaid am reoliadau mewnol, trefniadau llywodraethu a gweinyddiaeth ariannol gadarn.
•Cynorthwyo'r Rheolwr Archwilio i adeiladu a chynnal perthynas gref gyda rhanddeiliaid mewnol (uwch swyddogion, Tîm Rheoli'r Asiant) a rhanddeiliaid allanol (Swyddogion Llywodraeth Cymru, BSi, ac ati).
•Cynorthwyo’r Rheolwr Archwilio i fonitro datblygiadau cyfreithiol, rheoleiddio a pholisi sydd yn effeithio ar weithrediadau archwilio, cyllid a llywodraeth leol (yn cynnwys rheoliadau Llywodraeth Cymru ac ati).
•Cynorthwyo'r Rheolwr Archwilio i sicrhau bod egwyddorion polisïau corfforaethol yn treiddio drwy'r gwasanaeth.
•Cynorthwyo'r Rheolwr Archwilio i weithredu newid yn y maes gwasanaeth lle bo'n angenrheidiol gwneud hynny.
•Cynorthwyo'r Rheolwr Archwilio i sicrhau bod cwynion yn derbyn sylw priodol a bod y tîm yn ystyried unrhyw wersi a gyfyd i wella'r gwasanaeth.
•Cynorthwyo'r Rheolwr Archwilio i ymgymryd ag archwiliadau cyfrinachol/sensitif ac ymchwiliadau ar ran Uwch Dîm Rheoli’r Asiant mewn perthynas â pherfformiad Awdurdod Partner/perfformiad cyflenwr sector preifat a materion disgyblu mewnol (fel bo angen).
•Cynrychioli'r Rheolwr Archwilio mewn cyfarfodydd a gweithgorau pan fo angen.
•Cynnal cyfrinachedd lem mewn perthynas â holl weithgareddau'r Asiant yn unol â Chod Moeseg Archwilio Mewnol y Sector Cyhoeddus.
‘Systems Thinking’ / Gweithio'n Ddarbodus (LEAN working)
•Cynorthwyo'r Rheolwr Archwilio ar brosiectau 'Systems Thinking' ar draws yr Asiant er mwyn gwella gwasanaethau, lleihau gwastraff a chyflawni yn unol â Deddf Llesiant Cenedlaethau’r Dyfodol (Cymru) 2015.
•Gweithio ar y cyd ag uwch arweinwyr, rheolwyr a staff i ail-ddylunio gwasanaethau o safbwynt y cwsmer, gan ddefnyddio data, dealltwriaeth ac ymgysylltu i ddeall ac ymdrin gydag achosion gwraidd y galw.
•Cefnogi'r Rheolwr Archwilio drwy hyrwyddo 'Systems Thinking' fel dull craidd sefydliadol ar gyfer gwella, gan sicrhau ei fod yn cyd-fynd â pholisïau corfforaethol ac amcanion llesiant.
•Gwreiddio dysgu parhaus ac ymarfer myfyriol ar draws yr asiant.
•Cynorthwyo'r Rheolwr Archwilio i ddylunio a chyflawni adolygiadau trawsbynciol i adnabod materion , aneffeithlonrwydd a chyfleoedd i wella ar draws y system.
•Cefnogi'r Rheolwr Archwilio drwy hyrwyddo gweithdai a sesiynau dysgu i ddatblygu capasiti mewnol yn 'systems thinking'.
Iechyd a Diogelwch a’r Amgylchedd
•Mae'n gyfrifoldeb ar bob gweithiwr yn yr Asiant i gydymffurfio â'r polisïau Iechyd a Diogelwch, amgylcheddol ac ansawdd fel y cânt eu diffinio yn System Rheoli Busnes Integredig yr Asiant.
•Sicrhau y glynir yn gaeth at bolisïau a deddfwriaethau amgylcheddol ac Iechyd a Diogelwch yn y Gwaith.
•Cymryd cyfrifoldeb am Iechyd a Diogelwch personol bob amser.
Cyffredinol
•Cyd-gysylltu, fel bo’n briodol, â swyddogion yr Asiant, Swyddogion LlC, Awdurdodau Partner a chyrff perthnasol eraill.
•Meithrin diwylliant o arloesi a gwella'n barhaus. Yn y cyd-destun hwn, monitro datblygiadau technolegol, cytundebol a datblygiadau eraill yn y diwydiant, gan gynnwys dulliau newydd, gyda’r nod o fabwysiadu’r arfer gorau pan fo hynny’n briodol.
•Darparu cefnogaeth i swyddogion eraill yr Asiantaeth wrth iddynt gyflawni eu dyletswyddau.
•Cynrychioli buddiannau’r Asiant yn gyffredinol mewn cyfarfodydd gyda rhanddeiliaid.
•Dyletswyddau rheolaethol, gweinyddol, technegol a phroffesiynol sy’n gymesur â statws y swydd.
•Cyfrifoldeb am hunan ddatblygiad
•Sicrhau cydymffurfiaeth â rheolau Iechyd a Diogelwch yn y gweithle yn unol â’r cyfrifoldebau a nodir yn Neddf Iechyd a Diogelwch yn y Gweithle 1974 a Pholisi Iechyd a Diogelwch y Cyngor.
•Gweithredu o fewn polisïau’r Cyngor yng nghyswllt cyfle cyfartal a chydraddoldeb.
•Cyfrifoldeb am reoli gwybodaeth yn unol â safonau a chanllawiau rheoli gwybodaeth y Cyngor. Sicrhau bod gwybodaeth bersonol yn cael ei thrin mewn cydymffurfiaeth â deddfwriaeth Diogelu Data
•Ymrwymiad i leihau allyriadau carbon y Cyngor yn unol â’r Cynllun Rheoli Carbon ac annog eraill i weithredu’n gadarnhaol tuag at leihau ôl-troed carbon y Cyngor.
•Ymgymryd ag unrhyw ddyletswydd arall cyfatebol a rhesymol sy’n cyd-fynd â lefel cyflog a lefel cyfrifoldeb y swydd.
•Cyfrifoldeb i adrodd am bryder neu amheuaeth bod plentyn neu oedolyn bregus yn cael ei gamdrin
Amgylchiadau arbennig
•Y gallu i weithredu'n briodol os darganfyddir achos o dwyll, gan gynnwys cyd-gysylltu gyda'r Heddlu a pharatoi adroddiadau a thystiolaeth yn ôl y gofyn.
•Yr angen i weithio tu allan i oriau gwaith arferol i fodloni gofynion y Gwasanaeth.
•Ymweld â safleoedd adeiladu.
•Mynychu cyfarfodydd mewn rhannau eraill o'r DU (e.e. Llandrindod, Caerdydd).
