PWRPAS Y SWYDD
Prif bwrpas y swydd ydi ategu gwaith athrawon, staff ac asiantaethau eraill drwy gymryd cyfrifoldeb am ennyn diddordeb disgyblion mewn gweithgareddau dysgu cytûn a’u harwain i fod yn unigolion iach, hyderus ac yn ddysgwyr uchelgeisiol. Bydd hyn yn golygu meithrin perthynas a disgyblion a’u rhieni; cynllunio , paratoi ac arwain eraill i gyflwyno gweithgareddau dysgu i unigolion/grwpiau’ monitro ac asesu; cofnodi cynnydd a datblygiad disgyblion. Cefnogi unigolion a grwpiau o ddisgyblion i alluogi mynediad i ddysgu. Gallai hyn gynnwys y rhai sydd angen gwybodaeth fanwl ac arbenigol mewn meysydd penodol.
Gweithio o dan arweiniad athrawon, CADY ac/neu aelodau o dîm rheoli yr ysgol o fewn cyfundrefn gytûn o oruchwyliaeth.
Goruchwylio dosbarthiadau cyfan yn ystod absenoldeb tymor byr yr athro/athrawes. Prif ffocws cyflenwi o’r fath fydd ymateb i gwestiynau, cynorthwyo disgyblion i ymgymryd â gweithgareddau a osodwyd ac aros ar y dasg a chynnal trefn.
PRIF DDYLETSWYDDAU
Cefnogaeth i Ddisgyblion
Cydweithio gyda staff cefnogaeth yr ysgol i hyrwyddo addysg, ymddysgiad a llesiant disgyblion.
Cydweithio i ddarparu goruchwyliaeth i ddisgyblion yn y Porth.
Defnyddio sgiliau/hyfforddiant/profiad arbenigol (cwricwlaidd/dysgu) i gefnogi disgyblion.
Cynorthwyo gyda datblygu a gweithredu CAU a CYU.
Sefydlu perthynas weithio bwrpasol gyda’r disgyblion ac ennyn disgwyliadau uchel.
Hybu cynhwysiad a derbyniad pob disgybl o fewn y dosbarth.
Rhoi sylw i anghenion personol disgyblion a gweithredu rhaglenni personol perthynol, yn cynnwys rhai cymdeithasol, iechyd, corfforol, hylendid, cymorth cyntaf, toiledu, bwydo a symudoledd.
Cefnogi disgyblion yn gyson gan adnabod ac ymateb i’w hanghenion unigol.
Annog disgyblion i ryngweithio a chydweithio gydag eraill.
Hybu annibyniaeth a defnyddio strategaethau ar gyfer adnabod a gwobrwyo cyflawni hunanddibyniaeth.
Darparu adborth effeithlon i ddisgyblion mewn perthynas â rhaglenni ac adnabod a gwobrwyo cyflawniad, yn cynnwys ymddygiad a phresenoldeb.
Cefnogaeth i’r Athro/Athrawes
Gweithio gyda’r athro/athrawes i gynllunio gwersi, gwerthuso ac addasu gwersi/cynlluniau gwaith fel y bo’n briodol ar gyfer disgyblion unigol neu grwpiau bach o ddisgyblion.
Cydweithio gydag athrawon i ymateb i anghenion disgyblion sydd yn cael trafferth gyda gwaith.
Darparu adborth lafar ac ysgrifenedig i’r athro/athrawes ar gynnydd a chyflawniad disgyblion.
Cefnogaeth i’r Cwricwlwm
Gweithredu gweithgareddau dysgu a rhaglenni addysgu y cytunwyd arnynt.
Trefnu a gweithredu ymyraethau ar gyfer disgyblion.
Cynorthwyo disgyblion i gael mynediad i weithgareddau dysgu drwy gefnogaeth arbenigol.
Gweithredu rhaglenni cysylltiedig â strategaethau dysgu lleol, e.e. llythrennedd, rhifedd, Cymhwysedd Digidol.
Cefnogaeth i’r Ysgol
Bod yn ymwybodol o’r polisïau a’r gweithdrefnau perthynol i gynhwysiad, amddiffyn plant, iechyd, diogelwch a diogeledd, cyfrinachedd ac amddiffyn data, a chydymffurfio â hwy, gan adrodd am bob pryder wrth y person priodol.
Cyfrannu i anwythiad disgyblion newydd.
Cyfrannu at gynnal safonau ymddygiad uchel ymysg y disgyblion.
Cyfrannu at ethos/gwaith/amcanion cyffredinol yr ysgol, yn cynnwys y Cwricwlwm Cymreig.
Sefydlu perthynas bwrpasol a chyfathrebu gydag asiantaethau/proffesiynolwyr eraill, mewn cysylltiad â’r athro/athrawes, i gefnogi cyflawniad a chynnydd y disgyblion.
Sefydlu a chynnal perthynas weithiol dda gyda’r cartref.
Mynychu cyfarfodydd fel yn briodol a chyfranogi ynddynt.
Cymryd rhan mewn hyfforddiant a gweithgareddau dysgu eraill, fel y bo’n ofynnol.
Adnabod cryfderau a meysydd arbenigedd yr hunan a defnyddio’r rhain i gynghori a chefnogi eraill.
Casglu gwyboaeth am ddisgyblion unigol gan eu hathrawon.
Cydweithio gydag athrawon i gynorthwyo gyda disgyblion sydd angen dal i fyny gyda gwaith.
GORUCHWYLIO
Arolygu arholiadau mewnol ac allanol fel bo’r gofyn.
Goruchwylio dosbarthiadau yn achlysurol pan fo athro yn absennol:
Cysylltu â’r athro/athrawes mewn perthynas â gwaith cyflenwi.
Cyfarwyddo myfyrwyr ynghylch y gwaith a adawyd gan eu hathro/hathrawes.
Creu amgylchedd briodol dle gall disgyblion gwblhau gwaith a osodwyd gan yr athro dosbarth.
Dilyn cyfundrefnau a gweithdrefnau ysgol ar reoli ymddygiad.