Pwrpas y swydd
•Sicrhau bod pobl Gwynedd yn ganolog i bopeth yr ydan ni yn ei wneud.
•Rhoi cefnogaeth weinyddol ac ysgrifenyddol lawn i’r Pennaeth Adran a’i g/chynorthwyo gyda rheolaeth a threfn ei swyddogaeth mewn dull proffesiynol, sensitif a chyfrinachol. Gweithredu gyda theyrngarwch i amcan proffesiynol y Pennaeth Adran. Bydd deilydd y swydd hefyd yn gyfrifol am swyddogaethau penodol cyffredinol yr Adran.
Cyfrifoldeb am adnoddau e.e. staff, cyllid, offer
-
Prif ddyletswyddau
• Darparu cefnogaeth weinyddol lawn o safon uchel i Bennaeth yr Adran, ac fel bod angen i Benaethiaid Cynorthwyol yr Adran a rheolwyr yr Adran.
• Cadw dyddiadur a threfnu cyfarfodydd i Bennaeth yr Adran, ac fel bod angen i Benaethiaid Cynorthwyol yr Adran a rheolwyr yr Adran.
• Sicrhau gweinyddiaeth effeithiol a chymryd cofnodion cywir a manwl mewn cyfarfodydd yn ôl yr angen.
• Cadw trefn ar systemau swyddfa gan gynnwys ffeilio a thracio gohebiaeth.
• Bod y cyswllt cyntaf ar gyfer aelodau etholedig y Cyngor, aelodau’r Cynulliad a ‘r Senedd ac asiantaethau eraill.
• Llunio ymatebion i ohebiaeth fel bo’r angen ar ran y Pennaeth Adran.
• Casglu gwybodaeth ar ofyn y Pennaeth Adran.
• Darparu cefnogaeth yn absenoldeb ysgrifenyddesau eraill fel bo’r angen
• Cyfrifoldeb am agweddau penodol o weinyddiaeth y gwasanaeth.
• Cydgordio adroddiadau pwyllgor yr Adran/Gwasanaeth gan gynnwys paratoi a chyfieithu adroddiadau a deunydd perthnasol os bydd angen.
• Prosesu taliadau a bilio am wasanaeth fel bo angen.
• Cyfrifoldeb am hunan ddatblygiad.
• Sicrhau cydymffurfiaeth â rheolau Iechyd a Diogelwch yn y gweithle yn unol â’r cyfrifoldebau a nodir yn Neddf Iechyd a Diogelwch yn y Gweithle 1974 a Pholisi Iechyd a Diogelwch y Cyngor.
• Gweithredu o fewn polisïau’r Cyngor yng nghyswllt cyfle cyfartal a chydraddoldeb.
• Cyfrifoldeb am reoli gwybodaeth yn unol â safonau a chanllawiau rheoli gwybodaeth y Cyngor. Sicrhau bod gwybodaeth bersonol yn cael ei thrin mewn cydymffurfiaeth â deddfwriaeth Diogelu Data
• Ymrwymiad i leihau allyriadau carbon y Cyngor yn unol â’r Cynllun Rheoli Carbon ac i annog eraill i weithredu’n gadarnhaol tuag at leihau ôl-troed carbon y Cyngor.
• Ymgymryd ag unrhyw ddyletswydd arall cyfatebol a rhesymol sy’n cyd-fynd â lefel cyflog a lefel cyfrifoldeb y swydd.
• Cyfrifoldeb i adrodd ar bryder neu amheuaeth bod plentyn neu oedolyn bregus yn cael ei gamdrin.
Amgylchiadau arbennig
-