Pwrpas y Swydd.
Cynorthwyo’r Tîm Newid Hinsawdd ac Amgylcheddol i weithredu gofynion polisi Llywodraeth Cymru (LlC) a deddfwriaeth amgylcheddol megis Deddf Cefn Gwlad a Bywyd Gwyllt 1980 ac Adran 6 Deddf Amgylchedd Cymru.
Darparu cyngor a chefnogaeth ecolegol broffesiynol i ACGCC a'n partneriaid yn ymwneud â'r asesiad effaith a mesurau lliniaru ein gweithredoedd ar ecoleg a bioamrywiaeth, gan sicrhau fod ACGCC yn cydymffurfio gyda deddfwriaeth ac yn gwneud y mwyaf o gyfleoedd bioamrywiaeth.
Darparu cymorth ecolegol uniongyrchol a chyngor technegol i dimau cyflawni cyfalaf a chynnal a chadw ACGChC, gan gynnwys adolygu dogfennau mewnol ac allanol, arolygon ac adroddiadau, rhoi cyngor technegol, mynychu cyfarfodydd a goruchwylio safleoedd.
Gweithio gyda'r Ecolegydd a'r Tîm Newid Hinsawdd a'r Amgylchedd i reoli prosiectau sy'n ymwneud â gwaith gwella ecolegol a mesurau lliniaru.
Gweithio o fewn y Tîm Newid Hinsawedd ac Amgylchedd i reoli rhestr eiddo stadau meddal gan gynnwys adnabod lleoliad a chyflwr yr asedau ecolegol.
Cynnig, dylunio a rheoli rhaglen o brosiectau gwella ecolegol wedi'u datblygu o weithgareddau cynnal a chadw arferol ac ymatebol sy'n gysylltiedig â rheolaeth stadau meddal ac amgylcheddol.
Cynorthwyo’r Timau Ecoleg ac Amgylchedd a staff arall ACGCC i gael trwyddedau CNC lle bo’r angen a chyflawni unrhyw amodau a gofynion megis arolygon, monitro ac adrodd i sicrhau cydymffurfiaeth.
Gweithio gyda Ecolegydd ACGChC i ddatblygu rhaglen o Drwyddedau Gwaith ar gyfer Rhywogaethau Gwarchodedig hyd at foddhad CNC.
Gweithio gyda Ecolegydd ACGChC a CNC i ddatblygu system adrodd ar-lein ar gyfer cydymffurfiaeth gyda thrwyddedau.
Gweithio gyda Ecolegydd ACGChC i ddatblygu'r System Gwirio Amgylcheddol Cefnffyrdd ar gyfer yr holl raddfa o waith i sicrhau fod ACGCC yn parhau i gydymffurfio'n gyfreithiol.
Gweithio gydag ACGCC a LlC a phartneriaid i ddatblygu a chyfrannu at unrhyw Gynlluniau Gweithredu Bioamrywiaeth y dyfodol.
Gweithredu arolygon safle ac ymweliadau monitro fel bo'n ofynnol i sicrhau fod staff ACGCC/ partneriaid/ ymgynghorwyr a Phrosiectau Mawr Trafnidiaeth LlC i gyd yn gweithio mewn cydymffurfiaeth â deddfwriaeth, polisi, arfer gorau a dogfennau cysylltiedig e.e. CEMP, HEMP, EIA ac ymrwymiadau trwydded CNC.
Manylu, rhaglennu ac ymgymryd neu gaffael arolygon ecolegol arbenigol ac ymweliadau monitro ac adroddiad.
Datblygu systemau cofnodi a chronfeydd data i gasglu gwybodaeth am arolygon ecolegol.
Cyfrifoldeb am swyddogaethau. e.e. staff, cyllidebau, offer
Camera a monocwlar thermol - trefnu gwiriadau a graddnodiad rheolaidd
Canfodyddion ystlumod - trefnu gwiriadau a graddnodiad rheolaidd
Camerâu arbrofol
Endosgopau ar gyfer arolygon ystlumod
Ysbienddrych
Tabled / gliniadur
Ffôn symudol
Cronfeydd data a rheoli asedau amgylcheddol Llywodraeth Cymru ac ACGCC.
Prif Ddyletswyddau.
Rheoli
Darparu cefnogaeth ecolegol uniongyrchol i staff ACGCC yn cynnwys Cynnal a Chadw, Archwilio a Thimau Prosiect yn cynnwys adolygu dogfennau mewnol ac allanol, arolygon ac adrodd, cyngor technolegol a mynychu cyfarfodydd.
Dirprwyo i’r Ecolegydd neu'r Cydlynydd Amgylcheddol pan fo'r angen.
Rheoli darparwyr gwasanaeth allanol (ymgynghorwyr / dylunwyr fel Noddwr Prosiect a chontractwyr).
Gweithredu fel 'Clerc Gwaith Ecolegol' crwydrol ar brosiectau ACGCC i sicrhau fod gwaith yn cael ei wneud i fanyleb ac yn unol â'r gofynion trwydded.
Rheoli perthnasau a chysylltu â phartneriaid a rhanddeiliaid amgylcheddol.
Cynorthwyo a chynghori'r tîm Amgylchedd a Llywodraeth Cymru ynglŷn â gwelliannau i reolaeth bioamrywiaeth, tirwedd neu amgylcheddol.
Swyddogaeth Archwilio Manwl
Ymgymryd ag archwiliadau ecolegol arbenigol o'r stadau meddal ar y rhwydwaith cefnffyrdd yn unol ag Arferion Da'r Diwydiant a'r trwyddedau pwrpasol a ddelir.
Lle bo archwiliadau arbenigol ychwanegol yn ofynnol, ond dim arbenigaeth ynglŷn â'r rhywogaeth, grŵp neu gynefin ar gael gan staff ACGCC, llunio briffiau a chaffael arbenigwyr i ymgymryd ag archwiliadau ecolegol neu samplo a chyngor.
Adnabod, asesu risg a blaenoriaethu asedau ecolegol a diffygion cynefin.
Cynorthwyo'r Tîm Amgylcheddol i arolygu a rheoli'r stadau meddal gan gynnwys coed pan yn ofynnol.
Rhaglennu a chynnal arolygon perthnasol (cylchol, ymatebol) i gydymffurfio ag WGTRMM.
Hysbysu tîm Amgylchedd, tîm Gweithrediadau a thimau Rheoli Llwybrau ACGCC cyn gynted ag y bo’n ymarferol i alluogi i ddiffygion blaenoriaeth uchel i gael eu cywiro.
Cysylltu gyda pherchnogion tir neu sefydliadau rhanddeiliaid (e.e. Cyfoeth Naturiol Cymru [CNC] neu awdurdodau lleol) ynglŷn â materion amgylcheddol a leolir gerllaw'r gefnffordd.
Cynorthwyo’r Heddlu, cyrff gorfodi a'r tîm Hawliadau Trydydd Parti drwy ymchwilio i honiadau llygredd, difrod neu aflonyddwch i ecosystemau neu rywogaethau a warchodir.
Swyddogaeth Arolwg Ecolegol ac Amgylcheddol
Cynorthwyo i reoli archwiliadau ecolegol ar y rhwydwaith cefnffyrdd yn unol â gofynion Llawlyfr Cynnal a Chadw Cefnffyrdd Llywodraeth Cymru (WGTRMM) a systemau rheoli asedau Llywodraeth Cymru.
Trefnu arolygon a rheoli cofnodion ar gyfer rhywogaethau a warchodir, peillwyr a chysylltu gyda chyrff allanol, e.e. cofnod.org.uk
Cynorthwyo a chysylltu gydag Uned Cyflawni ac Archwilio ACGCC neu eraill ynglŷn ag arolygon ecolegol gofynnol fel rhan o brosiectau gwella cyfalaf e.e. archwilio safle am Lysiau'r Dial.
Trefnu arolygon ecolegol arbenigol gan gadwyn gyflenwi ACGCC e.e. arolygwyr ystlumod trwyddedig.
Trefnu arolygon amgylcheddol arbenigol gan gadwyn gyflenwi ACGCC e.e. monitro / profi ansawdd dŵr neu ddarganfod llygredd i fodloni gofynion Rheoliadau Amgylchedd y Dŵr (Cyfarwyddeb Fframwaith y Dŵr) (Cymru a Lloegr) 2003.
Swyddogaeth Cynnal a Chadw a Gwella
Rheoli caffael, comisiynu a gweithrediad swyddogaethau cynnal a chadw sy’n gysylltiedig â stadau meddal sydd wedi’u rhaglennu, sy’n arferol ac sy'n rhagweithiol, er enghraifft:
Rhaglen flynyddol ar gyfer rheoli asedau ecolegol e.e. goleuadau ystlum, ffensio bywyd gwyllt, mesurau lliniaru bywyd gwyllt arbenigol
Cynorthwyo a darparu cefnogaeth rheoli mewn argyfwng i'r gwasanaethau brys ac ACGCC pan fo digwyddiad llygru.
Rheoli atgyweiriadau diffygion a swyddogaethau cynnal a chadw arferol o fewn cyllidebau sydd ar gael ac o fewn cyfyngiadau arwynebedd ffordd.
Darparu cefnogaeth i dimau a chadwyn gyflenwi ACGCC i reoli risgiau o niwed neu aflonyddwch i ecosystemau yn enwedig wrth weithredu'r Llawlyfr Dogfennau Contract ar gyfer Gwaith Priffyrdd (MCHW) Cyfres 3000 Tirwedd ac Ecoleg.
Cefnogi Cydlynwyr Amgylcheddol ac Ecolegwyr i gyflawni amcanion bioamrywiaeth a mentrau Gweinidogol Llywodraeth Cymru (e.e. Coridorau Gwyrdd) i fodloni gofynion Deddf yr Amgylchedd (Cymru) 2016.
Cynorthwyo i reoli Cronfa Ddata Risg Amgylcheddol ACGCC.
Swyddogaeth Rhestr Eiddo
Gweithio hefo swyddogion Amgylcheddol i gynnal archwiliadau ac arolygon o'r stadau meddal hefo pwyslais penodol ar yr asedau bioamrywiaeth megis bylchau ystlumod, twneli moch daear, hibernacula. Mae data’r arolwg i gael ei gofnodi mewn systemau rheoli asedau LlC.
Cynnal archwiliadau ac arolygon i greu gwybodaeth rhestr eiddo ecolegol gan fanylu ar asedau stadau meddal newydd a phresennol yn unol ag WGTRMM. Mae data’r arolwg i gael ei gofnodi mewn systemau rheoli asedau LlC yn defnyddio Systemau Gwybodaeth Ddaearyddol.
Cyffredinol
Goruchwylio a rhoi arweiniad ar waith a ymgymerir gan ddarparwyr gwasanaeth.
Cyfathrebu’n effeithiol ac yn gwrtais gydag aelodau etholedig, y cyhoedd, aelodau a swyddogion Llywodraeth Cymru yn ogystal â sefydliadau a chyrff allanol eraill.
Ymdrin â chwynion ac ymholiadau yn gwrtais a phroffesiynol ar y safle neu yn y swyddfa.
Cydweithredu a chysylltu â staff o Adrannau eraill o fewn y Cyngor, ac Awdurdodau Partner er mwyn hyrwyddo rheolaeth effeithiol o'r ACGCC.
Bod yn gyfrifol am hunanddatblygiad.
Ymgymryd ag unrhyw ddyletswyddau perthnasol a rhesymol eraill sy’n gymesur â lefel cyflog a lefel cyfrifoldeb y swydd ar gais y rheolwr llinell.
Gweithredu oddi mewn i bolisïau a gweithdrefnau’r Cyngor yng nghyswllt cyfle cyfartal a chydraddoldeb.
Iechyd a Diogelwch ac Amgylcheddol
Cydymffurfio ag agweddau iechyd a diogelwch y tîm archwilio, yn cynnwys rheoli risg drwy gydymffurfio â systemau gwaith diogel wedi’u sefydlu ac asesiadau risg gweithredol er enghraifft.
Sicrhau yr ystyrir prosesau asesu risg iechyd, diogelwch ac amgylcheddol yn llawn ym mhob agwedd o waith y gwasanaeth amgylcheddol megis rheoli traffig.
Mae holl staff yr Asiantaeth yn gyfrifol am gydymffurfio â’r polisïau Iechyd a Diogelwch, amgylcheddol ac ansawdd fel y cânt eu diffinio yn System Rheoli Busnes Integredig yr Asiantaeth.
Sicrhau y cedwir yn gaeth at bolisïau a deddfwriaethau amgylcheddol ac Iechyd a Diogelwch yn y Gwaith.
Cymryd cyfrifoldeb am Iechyd a Diogelwch personol bob amser.
Disgwylir i ddeilydd y swydd fod yn ymwybodol o’r gofynion e.e. deddfwriaeth Iechyd a Diogelwch a chydweithredu gyda Rheolwr Iechyd a Diogelwch y Cyngor er mwyn sicrhau cydymffurfiaeth â’r gofynion perthnasol.
Cyfrifoldeb am hunanddatblygiad.
Sicrhau cydymffurfiaeth â rheoliadau Iechyd a Diogelwch yn y gweithle yn unol â’r cyfrifoldebau a nodir yn Neddf Iechyd a Diogelwch yn y Gwaith 1974 a Pholisi Iechyd a Diogelwch y Cyngor.
Gweithredu oddi mewn i bolisïau’r Cyngor yng nghyswllt cyfle cyfartal a chydraddoldeb.
Cyfrifoldeb am reoli gwybodaeth yn unol â chanllawiau rheoli gwybodaeth y Cyngor. Sicrhau yr ymdrinnir â gwybodaeth bersonol mewn modd sy’n cydymffurfio â deddfwriaeth Diogelu Data.
Ymrwymiad i leihau allyriadau carbon y Cyngor yn unol â’r Cynllun Rheoli Carbon ac annog eraill i weithio'n gadarnhaol tuag at leihau ôl-troed carbon y Cyngor.
Ymgymryd ag unrhyw ddyletswydd resymol arall sy’n cyfateb â lefel cyflog a lefel cyfrifoldeb y swydd.
Amgylchiadau Arbennig e.e., yr angen i weithio oriau anghymdeithasol, trefniadau gwaith arbennig ac ati
Y gofyn i weithio oriau y tu allan i oriau gwaith arferol (rhwng 07:00 a 18:00 yn unol â'r cynllun oriau hyblyg) yn ôl y gofyn, er enghraifft archwiliadau gyda’r nos i gynnal arolygon ystlumod ac / neu ar benwythnosau o fewn rheoli traffig.
Gofyniad i ddeilydd y swydd ymgymryd â hyfforddiant yn ôl y gofyn. Gweithio tuag at gael trwydded rhywogaeth warchodedig os bydd angen.
Mynychu cyfarfodydd mewn mannau eraill yn y DU yn achlysurol (e.e. Llandrindod, Caerdydd).