Pwrpas y Swydd.
Sicrhau bod plant a phobl ifanc Gwynedd yn ganolog i bopeth yr ydan ni yn ei wneud.
Gweithredu fel Rheolwr Gwasanaeth ar ran Adran Addysg Gwynedd gan gyfrannu at ddatblygiad disgyblion oddi fewn a thu allan i ysgolion gan gyd weithio â gwasanaethau plant cysylltiedig, i'r perwyl hwnnw. Cyfrannu’n sylweddol at brif nod yr Awdurdodau sef gofalu bod ein holl ddisgyblion yn cyflawni eu potensial llawn.
Arwain ar faes Arbenigol Proffesiynol o fewn y Gwasanaeth ADY a Chynhwysiad.
Bydd efo cyfrifoldeb am reoli cyllideb dydd i ddydd gwasanaethau penodol yn cynnwys canolfannau ADY yr ALla’r dysgwyr sydd yn derbyn mewnbwn o fewn y canolfannau (Canolfannau ABC a Chyfathrebu a Rhyngweithio).
Sicrhau bod ansawdd yr addysg a rheolaeth gadarn i ganolfannau arbenigol ADY yr AALl.
Cyfrifoldeb am y cwricwlwm a’r trosolwg dros yr ymyraethau sydd yn cael eu cynnig o fewn y canolfannau, strwythur a phwrpas sesiynau’r canolfannau a meini prawf mynediad a gadael y canolfannau.
Sicrhau iechyd a diogelwch o fewn canolfannau ADY yr AALl, a gweithredu fel rheolwr safle ar gyfer y canolfannau, ar y cyd gyda'r penaethiaid ble mae’r canolfannau wedi eu lleoli.
Sicrhau bod y timau ADY yn gyson, ac yn cydweithio’n agos gyda’i gilydd, ynghyd a thimau eraill yr AALl a thu hwnt.
Cymryd rhan mewn arolygiadau ffurfiol a hefyd yn gyfrifol am ymweld yn rheolaidd ag ysgolion fel rhan o drefn ragweithiol gan adrodd ar gryfderau a meysydd sydd angen sylw.
Cynorthwyo ysgolion yn eu hunan arfarnu eu hunain
Datblygiad a gweithredu rôl yr awdurdodau lleol o ran codi safonau drwy herio a chefnogi ysgolion.
Cyfrifoldeb am Adnoddau. e.e. staff, cyllid, offer
Cyfrifoldeb am Staff, cyllid ac adnoddau’r canlynol:
Tîm Blynyddoedd Cynnar
Tîm ABC
Tîm Cyfathrebu a Rhyngweithio
Tîm Nam Synhwyraidd/ Meddygol Corfforol
Tîm ADY Penodol
Canolfannau ADY yr Awdurdod.
Prif Ddyletswyddau.
CYFRIFOLDEBAU RHEOLI
Arwain a Rheoli Pobl
Ysgogi, annog a grymuso eich staff trwy ddirprwyo gwaith yn effeithiol a thrwy greu awyrgylch o barch, cydweithio a chymryd risgiau.  Rhoi cyfeiriad ac adborth i’ch staff trwy drosglwyddo gweledigaeth yn effeithiol wrth ganolbwyntio ar ddarparu gwasanaeth.
Rheoli Adnoddau
Cynllunio a monitro er mwyn sicrhau gwasanaeth o safon a gwella parhaus.  Darparu gwerth am arian trwy brynu, blaenoriaethu, rheoli a monitro defnydd effeithiol o adnoddau gan gydnabod bod gwybodaeth, gallu a sgiliau yn adnoddau hefyd.
Rheoli Ansawdd
Ymweld yn rheolaidd ag ysgolion fel rhan o drefn ragweithiol gan adrodd ar gryfderau a meysydd sydd angen sylw yn y ddarpariaeth ar gyfer disgyblion efo Anghenion Dysgu Ychwanegol.
Perfformiad a Datblygiad
Adnabod cryfderau a meysydd datblygu eich staff trwy oruchwyliaeth gyson a phroses werthuso’r Cyngor.  Canolbwyntio ar wella perfformiad drwy reoli a datblygu effeithiol a thrwy fesur, monitro ac arfarnu perfformiad.  Gweithredu a datblygu cynlluniau busnes sy’n adlewyrchu hyn.
Datrys Problemau
Gwneud i bethau ddigwydd trwy wneud penderfyniadau ystyrlon ac ymateb yn effeithiol i flaenoriaethau fel maent yn newid.
Cyfathrebu
Rhannu a gwrando ar wybodaeth, barn a syniadau heb ragdybiaeth trwy ddefnyddio dulliau cyfathrebu priodol.  Cynyddu cymhelliant trwy ddefnyddio cyfathrebu cynhwysol sy’n gwerthfawrogi teimladau eraill.
Ymwybyddiaeth o’r cyd-destun
Deall a gweithio’n effeithiol o fewn fframwaith gwleidyddol y Cyngor a bod yn ymwybodol o’r materion sy’n cael effaith ar ddarparu gwasanaeth ar wahanol lefelau.  Meithrin cysylltiadau gydag eraill i elwa o’r arferion gorau er mwyn gwella darpariaeth i ddefnyddwyr y gwasanaeth.
Hunan reoli
Dangos esiampl i eraill trwy fod yn rhagweithiol, gonest a sefydlog a chymryd cyfrifoldeb am eich gweithredoedd a’ch datblygiad eich hun.  Sicrhau cydymffurfiaeth â safonau proffesiynol.
PRIF DDYLETSWYDDAU A THASGAU ALLWEDDOL
Tîm Rheoli’r Adran ADYaCh
Cydweithio efo’r Pennaeth Cynorthwyol ADYaCH er mwyn pennu a chryfhau cyfeiriad strategol yr Adrannau a darparu arweiniad i’r swyddogion.
Cyfrannu i’r grwpiau strategol cynradd ac uwchradd.
Tîm Rheoli’r Adran Addysg
Arwain trafodaethau ar agweddau penodol o Gynllun Busnes yr Adrannau.
Cyfrannu at ystod eang o ddatblygiadau strategol a drafodir gan yr aelodau gan arwain a gweithredu fel bo’r galw.
Cyflwyno meysydd penodol i’r aelodau ac arwain trafodaethau.
Cyfrannu at y gweithdrefnau hunan arfarnu adrannol gan hybu a meithrin diwylliant o adolygu ansawdd gwasanaethau a pherfformiad yn rheolaidd.
Gwasanaeth Anghenion Dysgu Ychwanegol
Bod yn ymarferydd blaengar, arloesol a chreadigol sydd gyfarwydd â’r ddeddfwriaeth ddiweddaraf, yn cynnwys cyfrifoldebau sy’n gysylltiedig ag adnabod, asesu a chreu darpariaeth effeithlon ar gyfer dysgwyr gyda ADY.
Gweithredu fel arweinydd ar gyfer y Canolfannau ADY, gan gyd-gynhyrchu pecynnau gwaith penodol, adnoddau arbenigol ar gyfer yr ysgolion a’r canolfannau.
Cydlynu a chyfrannu at HMS staff o fewn y canolfannau, ac ysgolion.
Sicrhau bod gweithdrefnau diogelu yn cael ei gweithredu yn gyson ar draws y canolfannau.
Sicrhau arweiniad clir i staff y timau ADY.
Gweithredu fel Rheolwr sydd â chyfrifoldeb uniongyrchol dros y maes cymhleth hwn gan barhau i’w drefnu a’i ddatblygu ar y cyd a’r Pennaeth Cynorthwyol ADYaCh er mwyn darparu gwasanaeth o ansawdd uchel i ddisgyblion ein hysgolion.
Gweithredu fel rheolwr i Arweinyddion Tîm y timau ADY gan gynnwys arweiniad proffesiynol i athrawon o fewn y gwasanaeth.
Rheoli cyllideb dydd i ddydd sydd ynghlwm â’r maes hwn.
Cyfrifoldeb dros y cwricwlwm sydd yn cael ei gynnig gan y timau o fewn y canolfannau, a’r ymyraethau sydd yn cael eu cynnig i’r ysgolion.
Sicrhau ansawdd y ddarpariaeth sydd yn cael ei ddarparu o fewn y Canolfannau ADY, a sicrhau bod y ddarpariaeth sydd yn cael ei gynnig yn cyd-fynd a’r angen.
Cymryd trosolwg arweiniol o gwricwlwm a map darpariaeth y canolfannau.
Asesu cynnydd y dysgwyr sydd yn mynychu’r canolfannau ar y cyd a staff eraill a chymryd cyfrifoldeb am adrodd ar eu cynnydd.
Cymryd gofal uniongyrchol dros ganolfannau yn ôl yr angen.
Corfforaethol
Cydweithio efo’r Pennaeth Cynorthwyol ADYaCH yn y meysydd corfforaethol sydd yn ymwneud a phlant a phobl ifanc.
Ymateb i geisiadau i gynrychioli’r Adrannau ar bwyllgorau/gweithgorau
Cyfrannu at weithgorau a chyfarfodydd a sefydlir gan Awdurdodau Gwynedd a Môn i bwrpasau arbennig ac i strategaethau’r ddau Awdurdod mewn perthynas â datblygiadau ym maes ADY.
Paratoi a chyflwyno adroddiadau i sylw’r Pennaeth Cynorthwyol a fydd yn ei dro i sylw  pwyllgorau’r Cynghorau gan gynnwys Pwyllgorau Craffu fel bo’n briodol.
Cydweithio efo’r Aelodau Cabinet/ Portffolio a’r Aelodau Etholedig, a chynnig arweiniad a chyngor proffesiynol yn ôl y gofyn.
Sicrhau cydymffurfiaeth â rheolau Diogelu ac Iechyd a Diogelwch yn y gweithle yn unol ag arweiniad Canllawiau Diogelu Plant Cymru Gyfan, Deddf Iechyd a Diogelwch yn y Gweithle 1974 a Pholisi Iechyd a Diogelwch Y Cyngor
Gweithredu yng nghyd-destun polisi a gweithdrefnau’r Cyngor o safbwynt Cyfle Cyfartal a Chydraddoldeb.
4.1     
Rheoli a chyfrannu at ddatblygiad proffesiynol y timau canolog a swyddogion penodol o fewn y gwasanaethau ADY.
Cyfrannu at yr wybodaeth angenrheidiol yn ôl yr angen mewn prosesai datrys anghydfod ac ach apeliadau gerbron y Tribiwnlys ADY.
Gwneud arfarniadau rheolaidd o effeithiolrwydd ac effeithlonrwydd y Gwasanaethau ADY perthnasol, a chynnydd y dysgwyr sydd yn derbyn mewnbwn.
Sicrhau bod y Gwasanaeth bob amser yn ymateb i ofynion ei defnyddwyr.
Ymgymryd â hyfforddiant proffesiynol pellach a fydd yn angenrheidiol i weithrediad effeithiol ac effeithlon y Gwasanaeth Addysg yn unol â chynllun datblygu proffesiynol.
Bod yn barod i wireddu datblygiadau yn y maes hwn yn lleol, ar lefel Gwynedd ac oddi fewn i Gonsortiwm y Gogledd.
Dirprwyo i’r Pennaeth Cynorthwyol ADYaCH i gynrychioli’r Awdurdodau yn y trafodaethau datblygol ar lefel ranbarthol a chenedlaethol.
Cadeirio a hyrwyddo gwaith grwpiau a gweithgorau penodol.
Dirprwyo i’r Pennaeth Cynorthwyol ADYaCH yn ôl yr angen er mwyn sicrhau cydweithio efo Rheolwyr  eraill i gyd-ddatblygu arweiniad strategol ymhob agwedd o waith aml asiantaeth.
Cydweithio agos gyda Phennaeth yr UCD er mwyn hybu cysondeb rhwng y ddarpariaeth yn y canolfannau a’r UCD yng nghyd-destun datblygiad y cynnig cwricwlaidd ac ymyraethau ADYaCH.
Cyfrifoldeb am hunan ddatblygiad.
Sicrhau cydymffurfiaeth â rheolau Iechyd a Diogelwch yn y gweithle yn unol â’r cyfrifoldebau a nodir yn Neddf Iechyd a Diogelwch yn y Gweithle 1974 a Pholisi Iechyd a Diogelwch y Cyngor.
Gweithredu o fewn polisïau’r Cyngor yng nghyswllt cyfle cyfartal a chydraddoldeb.
Cyfrifoldeb am reoli gwybodaeth yn unol â safonau a chanllawiau rheoli gwybodaeth y Cyngor. Sicrhau bod gwybodaeth bersonol yn cael ei thrin mewn cydymffurfiaeth â deddfwriaeth Diogelu Data
Ymrwymiad i leihau allyriadau carbon y Cyngor yn unol â’r Cynllun Rheoli Carbon ac i annog eraill i weithredu’n gadarnhaol tuag at leihau ôl-troed carbon y Cyngor.
Ymgymryd ag unrhyw ddyletswydd arall cyfatebol a rhesymol sy’n cyd-fynd â lefel cyflog a lefel cyfrifoldeb y swydd.
Cyfrifoldeb i adrodd ar bryder neu amheuaeth bod plentyn neu oedolyn bregus yn cael ei gam-drin.
Amgylchiadau Arbennig. e.e. angen i weithio oriau anghymdeithasol, trefniadau gwaith arbennig, a.y.b.
Cynhelir rhai cyfarfodydd ar ôl oriau gwaith arferol.