Pwrpas y swydd
•Sicrhau bod pobl Gwynedd yn ganolog i bopeth yr ydan ni yn ei wneud.
•Hybu a chefnogi ffordd iach o fyw i’r sawl sy’n defnyddio’r Canolfannau Hamdden a’r gymuned ehangach.
•Sicrhau bod y sawl sy’n ymweld â’r Ganolfan yn gallu ei ddefnyddio’n ddiogel, tra’n cynnig gofal cwsmer o safon uchel.
•Cyfrifol am redeg y Ganolfan o ddydd i ddydd.
Cyfrifoldeb am adnoddau e.e. staff, cyllid, offer
•Bydd y Rheolwr ar Ddyletswydd yn gyfrifol am drin arian, cofnodi’r arian a gymerir, a bancio’r cyfrif a derbyniadau yn ddiogel.
•Cynorthwyo mewn cyrraedd targedau mewn perthynas ag incwm, gwariant a defnydd.
•Sicrhau y cynhelir lefel staffio effeithio a effeithlon drwy’r amser. Bydd y Rheolwr ar Ddyletswydd yn cyfrannu tuag at y broses o recriwtio o fewn y Ganolfan, tra’n sicrhau y caiff y staff eu hyfforddi trwy anwythiad, hyfforddiant a ddatblygiad parhaus.
•Dynodi’r Rheolwr ar Ddyletswydd yn hyfforddwr/asesydd dros y Ganolfan.
•Sicrhau y cynhelir arolygaeth ddiogel o’r pwll nofio ac y caiff peiriannau’r pwll eu monitro, eu profi a’u rheoli’n effeithiol yn rheolaidd.
•Sicrhau y caiff y cyfleusterau a’r offer eu paratoi a’u cynnal hyd at safon uchel trwy baratoi trefnlenni wedi eu cynllunio ar lanhau, cynnal a chadw, profi ac atgyweirio gan roi blaenoriaeth i rheolau iechyd a diogelwch.
•Ymgymryd â rôl Swyddog ar Ddyletswydd, gan fod yn gyfrifol am sicrhau bod y staff a’r cyhoedd yn defnyddio’r cyfleusterau a’r offer yn ddiogel, a bod yn gyfrifol am ddiogelwch cyfleusterau, offer, stoc ac arian tra mae’n gofalu am allweddi, yn cynnwys cael ei alw allan mewn argyfwng.
•Sicrhau y cynhelir arolygaeth diogel o’r pwll nofio ac y caiff peiriannau’r pwll eu monitro, eu profi, a’u rheoli yn effeithiol yn rheolaidd.
Prif ddyletswyddau
•Cynorthwyo’r Rheolwr Ardal mewn cynnal rhaglen o weithgareddau arloesol a chreadigol. Bydd deilydd y swydd hefyd yn gyfrifol gyfathrebu gyda’r Swyddog Marchnata er mwyn sicrhau’r cyhoeddusrwydd gorau posib i’r rhaglen. Cymryd rhan ymarferol yn cyflwyno’r rhaglen lle bo angen, gan gynnwys bod yn achubwr bywydau a hyfforddi mewn gweithgareddau.
•Ymgymryd â dyletswyddau rheoli aelodau o staff, a’u hysbrydoli i’w gwrdd â’u llawn botensial.
•Bod yn model rôl i staff y Ganolfan a’u cymell i ddatrys eu problemau eu hunain yn y gweithle.
•Paratoi adroddiadau ar gyfer y Rheolwr Ardal.
•Cynnal sesiynau gwerthuso staff yn unol â pholisi’r Cyngor.
•Bydd y Rheolwr ar Ddyletswydd yn ymwneud â trefnu timau Rheoli’r Ganolfan fel bo angen.
•Sicrhau bod staff newydd yn dilyn trefn anwytho’r adran.
•Sicrhau y cynhelir yr holl weithdrefnau a chofnodion gweinyddol drwy’r amser, yn cynnwys manylion derbynfa, staff a chwsmeriaid, incwm a gwariant, rhestri stoc, cyflogau, gwyliau, ayyb.
•Sicrhau bod peiriannau ac offer yn gweithio’n iawn, a hysbysu ynghylch unrhyw ddiffygion.
•Sicrhau bod yr holl staff yn derbyn hyfforddiant/gwybodaeth ynglŷn â’u cyfrifoldebau ynghylch popeth yn ymwneud ac iechyd a diogelwch. Bydd hyn yn cynnwys sicrhau y glynir at yr holl gynlluniau gweithredu mewn argyfwng a’r gweithdrefnau gweithredu arferol, yn ogystal â sicrhau y gweithredir cyfleusterau yn unol â’r holl ddeddfwriaeth iechyd a diogelwch priodol.
•Sicrhau fod y drefn anwytho yn y gampfa o safon uchel ac yn ysgogi cwsmeriaid i ddychwelyd i’r Ganolfan yn rheolaidd.
•Hybu pecynnau ffitrwydd y Ganolfan i’r cwsmeriaid ynghyd â throsisgyrsiaucychwynnol gydachwsmeriaidi mewn i werthiant.
•Ymgysylltu gyda’r cwsmeriaid er mwyn adnabod eu hamcanion a’u dyheadau ynglŷn â dilyn ffordd iach o fyw.
•Gweithio hefo’r swyddog marchnata i hyrwyddo’r ganolfan gan annog staff i rhannu syniadau a cymryd rhan mewn gweithgareddau marchnata.
•Ymgysylltu gyda’r cwsmeriaid a’r darpar gwsmeriaid er mwyn adnabod pa dechnegau marchnata sy’n fwyaf effeithiol i ddefnyddio.
•Ymgymryd â dyletswyddau’r dderbynfa fel bo’r angen.
•Sicrhau safon uchel o ofal cwsmer gan hyrwyddo’r berthynas rhwng y Ganolfan a’r cwsmer ar bob achlysur.
•Sicrhau bod glendid y Ganolfan o safon uchel, yn ôl canllawiau’r Ganolfan.
•Sicrhau bod y cyhoedd yn cael eu goruchwylio’n ddiogel mewn ffordd gwrtais a boneddigaidd.
•Sicrhau ffyniant y Ganolfan drwy gynnig adborth a syniadau newydd ar sut i wella’r gwasanaeth.
•Ymgysylltu gyda’r cwsmeriaid hynny ar raglenni arbennig o fewn y Ganolfan, e.e. NERS, er mwyn sicrhau fod y llwybr dilyniant ar ôl gorffen y rhaglenni yn un esmwyth i’r cwsmer.
•Hyrwyddo’r iaith Gymraeg o fewn y Ganolfan gan ddefnyddio’r iaith fel yr un cyntaf yn y gweithlu.
•Cymryd cyfrifoldeb am ddatblygiad personol parhaus.
•Sicrhau cydymffurfiaeth â rheolau Iechyd a Diogelwch yn y gweithle yn unol â’r cyfrifoldebau a nodir yn Neddf Iechyd a Diogelwch yn y Gweithle 1974 a Pholisi Iechyd a Diogelwch y Cyngor
•Gweithredu o fewn polisïau’r Cyngor yng nghyswllt cyfle cyfartal a chydraddoldeb
•Cyfrifoldeb am reoli gwybodaeth yn unol â safonau a chanllawiau rheoli gwybodaeth y Cyngor.  Sicrhau bod gwybodaeth bersonol yn cael ei thrin mewn cydymffurfiaeth â deddfwriaeth Diogelu Data
•Ymgymryd ag unrhyw ddyletswydd arall cyfatebol a rhesymol sy’n cyd-fynd â lefel cyflog a lefel cyfrifoldeb y swydd
•Arddangos gwerthoedd Cyngor Gwynedd yn y gwaith drwy’r adeg.
Amgylchiadau arbennig
•Cymrydrhan yn Rhaglen Hyfforddi’r Ganolfan pan fo angen a bod yn gyfrifol am ddiweddaru cymwysterau er mwyn sicrhau eu bod yn gyfredol.
•Dylai deilydd y swydd fod yn hyblyg ynghylch patrwm/shifftiau gwaith.
•Bydd angen gweithio shifftiau yn cynnwys gwaith gyda’r nos ac ar ben wythnosau.  
•Mae’r Gyfadran yn rhedeg rhaglen barhaus o hyfforddiant a datblygu medrau personol. Gweithredir Cynllun Gwerthuso er mwyn cyfrannu tuag at y ddarpariaeth hon. Disgwylir i ddeilydd y swydd gymryd rhan yn y rhaglen.