Lleoliad - Bangor, Conwy, Llandrindod, Helygain, Aberystwyth, Y Drenewydd
Pwrpas y Swydd .
Rheoli a chydlynu prosiectau sy'n berthnasol i Bennaeth yr Asiantaeth ac Uwch Dîm Rheoli'r Asiantaeth, a rhai mewn cydweithrediad ag Awdurdodau Partner yr Asiantaeth (PA), Llywodraeth Cymru, a phartneriaid allanol.
Cyfrifoldeb am swyddogaethau . . . .e.e. staff, cyllid, offer
Bydd yr Uwch Swyddog Gweithredol yn darparu cefnogaeth strategol i Uwch Dîm Rheoli'r Asiantaeth trwy arwain a chydlynu prosiectau allweddol, gyrru perfformiad a gweithgarwch gwella, a sicrhau llywodraethu cadarn ar draws meysydd risg, parhad gwasanaeth, rheoli data ac adrodd corfforaethol.
Bydd yr Uwch Swyddog Gweithredol yn adrodd yn uniongyrchol i'r Pennaeth Gwasanaeth.
Cyfrifoldeb cyffredinol am yr offer TG (Gliniadur a Ffôn Symudol) a'r cronfeydd data sydd eu hangen i ymgymryd â'r rôl.
Prif Ddyletswyddau .
• Datblygu, sefydlu a rheoli prosiectau a fydd yn darparu fframwaith y bydd rheolwyr Uned a Thîm yn gweithredu oddi mewn iddo.
• Gweithredu fel arbenigwr i Bennaeth yr Asiantaeth mewn perthynas â Rheoli Prosiectau a chynnig cyngor o ansawdd uchel ar sut maent yn datblygu a gweithredu fframwaith a systemau rheoli prosiect yr Asiant.
• Ymgymryd ag ymchwil a nodi tueddiadau allweddol mewn gwahanol feysydd gan ddarparu cymorth a diweddariadau rheolaidd.
• Darparu dogfennau o ansawdd uchel (gan gynnwys adroddiadau i amrywiol fforymau a phwyllgorau, papurau trafod/tystiolaeth ac adolygiadau) a sicrhau eu bod yn addas i gynulleidfaoedd mewnol ac allanol.
• Rhedeg rhaglenni neu brosiectau unigol mewn amrywiol feysydd gan gynnwys ymgymryd â gwahanol rolau o dan drefniadau rheoli prosiectau'r Asiant.
• Cefnogi Pennaeth yr Asiantaeth gydag adrodd a chefnogi perfformiad, gan gynnwys adroddiad perfformiad y Cyd Bwyllgor, Adroddiad Perfformiad Chwarterol yr Asiantaeth, a dogfennau eraill tebyg.
• Cydlynu a diweddaru cofrestr risg yr Asiantaeth a chefnogi Pennaeth yr Asiantaeth ac Uwch Dîm Rheoli'r Asiantaeth wrth gyflwyno a gweithredu mesurau lliniaru.
• Cefnogi Pennaeth yr Asiantaeth ac Uwch Dîm Rheoli'r asiantaeth i sicrhau bod Cynllunio Parhad Busnes a'r cynlluniau Ymateb Brys yn gyfredol, yn ymarferol ac yn effeithiol.
• Sicrhau bod gan yr Asiantaeth fynediad at ddata cyfredol a pherthnasol er mwyn rheoli perfformiad yn effeithiol.
• Ymchwilio i ymarfer da mewn sefydliadau eraill a chymharu perfformiad mewn meysydd gwaith penodol yn erbyn perfformiad sefydliadau eraill cyfatebol er mwyn canfod cyfleoedd i ddysgu gwersi.
• Arwain ar faterion cyfathrebu ac ymgynghori cyhoeddus i sicrhau ein bod yn codi ymwybyddiaeth am gynnydd mewn meysydd gwaith unigol.
• Cefnogi Pennaeth yr Asiantaeth ac Uwch Dîm Rheoli'r Asiantaeth i ymateb i sefyllfaoedd sy'n gofyn am datrysiadau unigryw neu gyfuniad o ddatrysiadau sy'n torri ar draws nifer o feysydd gwaith yr Asiantaeth.
• Cefnogi Pennaeth yr Asiantaeth ac Uwch Dîm Rheoli'r Asiantaeth i sefydlu'r achos dros newid, creu achosion busnes a chyflwyno newid mewn meysydd penodol o waith gan gynnwys cyflwyno Cynllun Busnes 5-mlynedd yr Asiantaeth.
• Ymchwilio i gwynion a sicrhau bod yr asiantaeth yn dysgu gwersi pan fydd cyfle i wneud hynny.
• Gweithio'n agos â rhanddeiliaid mewn amrywiol feysydd, gan adeiladu perthnasoedd effeithiol a dylanwadol gyda swyddogion allweddol yn Llywodraeth Cymru ac Awdurdodau Partner a rhanddeiliaid allweddol yn ôl yr angen.
Cyffredinol:
• Mae'n gyfrifoldeb ar bob gweithiwr o fewn Asiantaeth Cefnffyrdd Gogledd Cymru i gydymffurfio â Pholisïau Iechyd a Diogelwch, Amgylcheddol ac Ansawdd fel sydd wedi’u diffinio o fewn System Reoli Busnes Integredig ACGChC.
• Sicrhau bod polisïau a deddfwriaethau amgylcheddol ac Iechyd a Diogelwch yn y Gwaith yn cael eu dilyn yn gaeth.
• Cymryd cyfrifoldeb am Iechyd a Diogelwch personol bob amser.
• Cyfrifoldeb am reoli gwybodaeth yn unol â safonau a chanllawiau rheoli gwybodaeth y Cyngor.
• Sicrhau y caiff gwybodaeth bersonol ei thrin mewn modd sy’n cydymffurfio â deddfwriaeth Diogelu Data.
• Cyfrifoldeb am hunan ddatblygiad.
• Sicrhau cydymffurfiaeth â rheolau Iechyd a Diogelwch yn y gweithle yn unol â’r cyfrifoldebau a nodir yn Neddf Iechyd a Diogelwch yn y Gwaith 1974 a Pholisi Iechyd a Diogelwch y Cyngor.
• Gweithredu oddi mewn i bolisïau a gweithdrefnau’r Cyngor yng nghyswllt cyfle cyfartal a chydraddoldeb.
• Ymrwymiad i leihau allyriadau carbon y Cyngor yn unol â’r Cynllun Rheoli Carbon ac annog eraill i weithio'n gadarnhaol tuag at leihau ôl-troed carbon y Cyngor.
Ymgymryd ag unrhyw ddyletswydd arall rhesymol sy’n cyfateb â lefel cyflog a lefel cyfrifoldeb y swydd.
Amgylchiadau Arbennig. . . . e.e. angen gweithio oriau anghymdeithasol, trefniadau gwaith arbennig, ac ati.
Bydd angen gwneud gwaith o bryd i'w gilydd y tu allan i oriau gwaith i ymateb i anghenion gwasanaeth a digwyddiadau brys.
Amlinelliad o ddyletswyddau'r swydd a geir uchod, er mwyn rhoi syniad o lefel y cyfrifoldeb dan sylw. Nid yw'r swydd ddisgrifiad hwn yn gynhwysfawr, a gall dyletswyddau'r swydd newid o bryd i'w gilydd heb newid ei natur sylfaenol a lefel y cyfrifoldeb.
