Pwrpas y swydd
•Sicrhau bod pobl Gwynedd yn ganolog i bopeth yr ydym yn ei wneud.
•Bod yn gyfrifol am oruchwylio a chydlynu holl brosiectau cynnal a chadw gwerthusiad Palmentydd a Chyfalaf yr Asiant o ran sicrhau y cânt eu cyflawni yn unol â'r gofynion costau, amser ac ansawdd.⁠⁠
•Cynorthwyo gyda chydlynu a rhaglennu rhaglen flynyddol a rhaglen bum mlynedd yr Asiant o gynlluniau adnewyddu, uwchraddio a diogelwch.
•Cefnogi Noddwyr Prosiect yr Asiant gyda datblygu a chyflawni rhaglen gyffredinol yr Asiant o brosiectau refeniw a chyfalaf.
•Gweithredu fel arbenigwr Palmentydd yr Asiant ⁠⁠a chynghori ar adroddiadau diffygion wyneb y ffordd yn ôl yr angen.
•Sicrhau y caiff prosiectau ar y rhwydwaith eu cyflawni'n unol â'r contract gan gydymffurfio â gofynion LlC.
•Cynorthwyo i ddatblygu a gweithredu polisi a gweithdrefnau caffael prosiectau, gan gynnwys datblygu a gweithredu’r system rheoli prosiectau SharePoint a’r gronfa ddata gysylltiedig.
•Cynorthwyo yng nghyswllt agweddau technegol a chytundebol y sefydliad, monitro ac adnewyddu contractau fframwaith yr Asiant.
•Gweithredu fel Noddwr Prosiect a Chleient CDM ar brosiectau fel y cytunwyd.
•Caffael a bod yn rheolwr prosiect ar wasanaethau dylunio ymgynghorol a chontractwyr yn unol â gweithdrefnau’r Asiant, gan sicrhau cydymffurfiaeth â gofynion perfformiad.
Cyfrifoldeb am adnoddau e.e. staff, cyllid, offer
•Rheoli darparwyr gwasanaethau allanol (darparwyr gwasanaethau LlC, Awdurdodau Partner ac ymgynghorwyr a chontractwyr sector preifat).
•Rheoli’r holl gyllidebau ar gyfer prosiectau priffyrdd perthnasol
•Rheoli system a chronfa ddata Sharepoint yr Asiantaeth.
Prif ddyletswyddau
Rheolaeth Prosiect
•Ymgymryd â rôl oruchwylio a chydlynu ar gyfer gweinyddu holl brosiectau'r Asiant sy'n ymwneud â phalmentydd a sicrhau y cânt eu cyflawni yn unol â’r gofynion costau, amser ac ansawdd, gan gynnwys:
•Cynnal a monitro’r brif raglen ar gyfer holl brosiectau’r Asiant, gyda phwyslais benodol ar sicrhau y cânt eu cyflawni.
•Cynghori a gweithio’n agos gyda Noddwyr Prosiect yng nghyswllt paratoi brîff prosiect, gweithdrefnau tendro cystadleuaeth fach, rhaglenni/cynlluniau rheoli prosiect a chyflawni’r prosiect.
•Cymhwyso egwyddorion system rheoli prosiect PRINCE2.
•Cynrychioli’r Asiant mewn mentrau gwella wynebu'r ffordd
•Adolygu argymhellion dylunio palmentydd ac adroddiadau technegol yn ôl yr angen. Darparu cyngor i Reolwyr Llwybrau ar ddiffygion wyneb y ffordd.
•Cynghori ar ymholiadau sy'n ymwneud â Phalmentydd ar gynlluniau gwelliant mawr fel bo'r gofyn.
•Adolygu adroddiadau arolygu a data arbed Carbon i adnabod cyfleoedd gwella a chymryd camau priodol fel bo'r angen.
•Trafod gyda darparwyr Awdurdodau Partner a'r sector preifat ynghylch prosiectau, gan gynnwys darparu Dangosyddion Perfformiad Allweddol.
•Cysylltu gyda’r Uned Fusnes yng nghyswllt rheoli perfformiad prosiectau.
•Cynorthwyo Noddwyr Prosiect i ddod â phrosiectau i ben, gan gynnwys comisiynu, cofnodion ‘fel y'u hadeiladwyd’ a diweddaru’r rhestr eiddo.
•Gweithredu fel arbenigwr yr Asiant ar weinyddu contractau a chaffael prosiectau.
•Sicrhau y caiff prosiectau ar y rhwydwaith eu cyflawni'n unol â'r contract gan gydymffurfio â gofynion LlC.
•Gweithredu fel Noddwr Prosiect ar brosiectau fel y cytunir. Yn rhinwedd y swydd hon, ymgymryd â’r swyddogaethau a ganlyn: -
•adnabod anghenion prosiect, sicrhau cyllid prosiect a pharatoi brîff y prosiect.
•sicrhau y caiff pob comisiwn ei ddyrannu yn unol â Phrotocol Gwasanaeth Ymgynghorol yr Awdurdod Partner a Gweithdrefnau Fframwaith Wynebu ACGCC.
•cytuno ar raglen a brîff y prosiect
•cymeradwyo ffioedd ymgynghori, prisiadau Contractwyr a chynigion y tîm cyflawni
•trafod â staff perthnasol LlC.
•bod â chyfrifoldeb cyffredinol am gyflawni prosiectau a rheoli’r gyllideb.
•cytuno ar iawndal a'i gymeradwyo
•adolygu a chytuno ar gyflwyniadau misol ar gyfer talu
•derbyn, adolygu, addasu a chymeradwyo Dangosyddion Perfformiad Allweddol y prosiect.
•cychwyn prosesau diffyg perfformiad.
•adrodd ar y gwariant hyd yma, a phroffil gwariant y dyfodol i Uned Fusnes yr Asiant.
•trefnu a chadeirio cyfarfodydd cynnydd prosiect.
•adolygu a chadarnhau unrhyw gyflwyniad sy’n gysylltiedig â phrosiect cyn eu cyflwyno i LlC.
•sicrhau y caiff prosiectau eu cau'n briodol ac yn unol â gweithdrefnau diffiniedig.
•Gweithredu fel Cleient CDM ar brosiectau fel y cytunir. Cynghori a chynorthwyo Noddwyr Prosiect ar rôl y Cleient CDM.
•Rheoli’r holl gyllidebau ar gyfer prosiectau priffyrdd perthnasol sy’n gysylltiedig â’r uchod.
Rheoli Rhaglen
•Cynorthwyo i gydlynu’r broses o adnabod, hyrwyddo a blaenoriaethu rhaglenni blynyddol a rhaglenni pum mlynedd yr Asiant o gynlluniau adnewyddu, uwchraddio a chynlluniau diogelwch.
•Cefnogi Noddwyr Prosiect yr Asiant i ddatblygu a chyflawni rhaglen gyffredinol yr Asiant o brosiectau refeniw a chyfalaf ar draws y rhwydwaith Cefnffyrdd yng ngogledd Cymru yn unol â gofynion Llywodraeth Cymru (LlC).
•Galluogi cyflawni’r rhaglenni o brosiectau drwy gaffael gwasanaethau ymgynghorol cefnffyrdd a gwaith adeiladu yn unol â gweithdrefnau’r Asiant.
Dyletswyddau Technegol Eraill
•Cynorthwyo yng nghyswllt agweddau technegol a chytundebol y sefydliad, monitro ac adnewyddu contractau fframwaith yr Asiant.
•Cynorthwyo i ddatblygu a gweithredu polisi a gweithdrefnau caffael prosiectau, gan gynnwys datblygu a gweithredu’r system rheoli prosiectau SharePoint a’r gronfa ddata gysylltiedig. Bydd hyn yn cynnwys materion hyfforddi a datblygu staff o fewn yr Asiant a gyda darparwyr gwasanaeth.
•Sicrhau bod egwyddorion 'Rethinking Construction' yn cael eu hyrwyddo gan yr Asiant yn ei weithdrefnau caffael.
•Datblygu ac adolygu prosesau fel rhan o raglen wella barhaus i sicrhau bod dyraniadau cyllidebol yn cael eu defnyddio’n effeithiol ac yn effeithlon, ac y cwblheir gwaith ar amser ac yn unol â gofynion costau ac ansawdd, heb ymateb diangen gan y cyhoedd neu’r cyfryngau.
•Cynorthwyo â rheoli, casglu, paratoi a chyflwyno bidiau cynlluniau drwy broses fidio’r Asiant.
•Sicrhau cydymffurfiaeth â’r holl ofynion deddfwriaethol sy’n berthnasol i’r swydd.
•Sicrhau bod darparwyr gwasanaeth Awdurdodau Partner yr Asiant a’r Fframwaith yn cydymffurfio â pholisïau a safonau'r DU / LlC, gan gynnwys:
•Canllaw Dylunio ar gyfer Ffyrdd a Phontydd
•Manyleb ar gyfer Gwaith ar Briffyrdd
•Dull Mesur Gwaith ar Briffyrdd
•Pennod 8, Canllaw Arwyddion Traffig
•Canllaw Cynnal a Chadw Cefnffyrdd LlC
•Contractau NEC4
•Rheolau Sefydlog Cyngor Gwynedd
•Dogfennau perthnasol eraill y cyfeirir atynt yn y cytundeb WGMAA
Rheoli Perfformiad
•Cynorthwyo’r Rheolwr Busnes ac Ansawdd a staff perthnasol i ddatblygu systemau a gweithdrefnau ar gyfer System Rheoli Busnes yr Asiant.
•Sicrhau y gweithredir systemau a gweithdrefnau er mwyn archwilio, monitro a rheoli perfformiad y gadwyn gyflenwi wrth gyflawni’r prosiectau.
•Gweithredu dulliau o adolygu perfformiad a gweithio mewn partneriaeth er mwyn darparu gwelliant parhaus.
•Mynd i’r afael â meysydd lle ceir diffyg perfformiad ar ran y darparwr gwasanaeth.
Iechyd a Diogelwch a’r Amgylchedd
•Mae'n gyfrifoldeb ar bob gweithiwr yn yr Asiant i gydymffurfio â'r polisïau Iechyd a Diogelwch, amgylcheddol ac ansawdd fel y cânt eu diffinio yn System Rheoli Busnes Integredig yr Asiant.
•Sicrhau y glynir yn gaeth at bolisïau a deddfwriaethau amgylcheddol ac Iechyd a Diogelwch yn y Gwaith.
•Cymryd cyfrifoldeb am Iechyd a Diogelwch personol ⁠bob amser.
Cyffredinol
•Cyd-gysylltu, fel bo’n briodol, â swyddogion yr Asiant, Swyddogion LlC, Awdurdodau Partner a chyrff perthnasol eraill.
•Meithrin diwylliant o arloesedd a gwelliant parhaus. Yn y cyd-destun hwn, monitro datblygiadau technolegol, cytundebol a datblygiadau eraill yn y diwydiant, gan gynnwys dulliau newydd, gyda’r nod o fabwysiadu’r arfer gorau pan fo hynny’n briodol.
•Cynorthwyo a chefnogi'r Uned Rheoli Rhwydwaith. Darparu cefnogaeth i swyddogion eraill yr Asiant wrth iddynt gyflawni eu dyletswyddau.
•Cynrychioli buddiannau’r Asiant yn gyffredinol mewn cyfarfodydd gyda rhanddeiliaid.
•Dyletswyddau rheolaethol, gweinyddol, technegol a phroffesiynol sy’n gymesur â statws y swydd.
•Cyfrifoldeb am reoli gwybodaeth yn unol â safonau a chanllawiau rheoli gwybodaeth y Cyngor. Sicrhau y caiff gwybodaeth bersonol ei thrin mewn modd sy’n cydymffurfio â deddfwriaeth Diogelu Data.
•Amlinelliad yn unig yw’r rhestr uchod o ddyletswyddau. Disgwylir i ddeilydd y swydd ymgymryd ag unrhyw ddyletswyddau eraill sy’n berthnasol i natur a graddfa’r swydd, yn unol â cheisiadau rhesymol gan y Rheolwr Llinell.
•Cyfrifoldeb am hunan ddatblygiad
•Sicrhau cydymffurfiaeth â rheolau Iechyd a Diogelwch yn y gweithle yn unol â’r cyfrifoldebau a nodir yn Neddf Iechyd a Diogelwch yn y Gweithle 1974 a Pholisi Iechyd a Diogelwch y Cyngor.
•Gweithredu o fewn polisïau’r Cyngor yng nghyswllt cyfle cyfartal a chydraddoldeb.
•Cyfrifoldeb am reoli gwybodaeth yn unol â safonau a chanllawiau rheoli gwybodaeth y Cyngor.  Sicrhau bod gwybodaeth bersonol yn cael ei thrin mewn cydymffurfiaeth â deddfwriaeth Diogelu Data
•Ymrwymiad i leihau allyriadau carbon y Cyngor yn unol â’r Cynllun Rheoli Carbon ac annog eraill i weithredu’n gadarnhaol tuag at leihau ôl-troed carbon y Cyngor.
•Ymgymryd ag unrhyw ddyletswydd arall cyfatebol a rhesymol sy’n cyd-fynd â lefel cyflog a lefel cyfrifoldeb y swydd.
•Cyfrifoldeb i adrodd am bryder neu amheuaeth bod plentyn neu oedolyn bregus yn cael ei gamdrin
Amgylchiadau arbennig
•Yr angen i weithio y tu allan i oriau gwaith arferol er mwyn diwallu gofynion y Gwasanaeth.
•Ymweld â safleoedd adeiladu.
•Mynychu cyfarfodydd mewn rhannau eraill o'r DU (e.e., ⁠Llandrindod, Caerdydd).