Pwrpas y swydd
•Sicrhau bod pobl Gwynedd yn ganolog i bopeth yr ydym yn ei wneud.
•Cyfrifol am reoli’r gwasanaeth strategol sydd yn gyfrifol am ddadansoddi a rheoli’r holl wybodaeth yn ymwneud â gweithgareddau Tai Cyngor Gwynedd ac yn gweithredu fel Rheolwr Gweithredol dros y meysydd canlynol:
-Uned Grant Cymorth Tai
-Grant Tai Cymdeithasol a’r PDP
-Polisïau a Strategaethau Tai ar gyfer yr Adran Tai ac Eiddo
-Gwasanaeth Sipsiwn a Theithwyr
-Dogfennau strategol yn ymwneud â thai megis y Prosbectws Tai a’r LHMA
-Grŵp Tai Arbenigol
-Maes Ail-gartrefu Cyflym
•Sicrhau gwasanaeth effeithiol ac effeithlon i ymgeiswyr a thrigolion, yn unol a polisiau’r Cyngor a’i threfniadau gwasanaeth, unrhyw ddeddfwriaeth perthnasol neu god arweiniad gan Lywodraeth Cymru.
Cyfrifoldeb am adnoddau e.e. staff, cyllid, offer
•Cyllideb
Grant Cymorth Tai : Grant refeniw gwerth dros £8miliwn y flwyddyn
Grant Tai Cymdeithasol: Grant cyfalaf gwerth £12.5 miliwn y flwyddyn
•Adnoddau - Pob cerbyd, offer, eiddo neu gyfleusterau perthnasol i’r gwaith.
Prif ddyletswyddau
•Sicrhau amgylchedd o fewn y tîm sy’n hyrwyddo ac annog llesiant staff
•Sicrhau fod y tîm yn cyfrannu at amcanion y gwasanaeth a chynlluniau’r Cyngor
•Sicrhau ymwybyddiaeth o’r hinsawdd gyfreithiol a gwleidyddol sy’n effeithio ar y Maes Tai gan sicrhau fod aelodau’r tîm yn ymwybodol o’r cyd-destun ehangach.
•Sicrhau fod trefniadau addas mewn lle i weithio ar y cyd â’r Cymdeithasau Tai a phartneriaid eraill gan gynnwys arwain ar feysydd gwaith yn yr Is-grwp Bartneriaeth Tai yn ôl y gofyn gan gynnwys cadeirio cyfarfodydd perthnasol yn ôl yr angen.
•Sicrhau fod cwynion yn derbyn sylw priodol a bod y tîmau yn ystyried unrhyw wersi sy’n codi er mwyn gwella gwasanaeth.
•Ymdrin gydag unrhyw bryderon a godir gan Aelodau Etholedig ynglŷn â’r meysydd gwaith penodol.
•Cynorthwyo’r Pennaeth Cynorthwyol i sicrhau fod polisïau a chynlluniau perthnasol mewn lle i wireddu amcanion strategol y Gwasanaeth
•Ymgymryd â gwaith ar bolisïau tai yn rhanbarthol a lleol a pharatoi canllawiau a’u gweithredu ar ran Cyngor Gwynedd ac mewn cydweithrediad â phartneriaid eraill.
•Cyfrannu at ddatblygu a gweithredu gweithdrefnau a phrotocolau i ddarparu nodau cynlluniau cyflawni a strategaethau'r Adran Dai a sicrhau cydymffurfiaeth statudol.
•Cymell a/neu mentora y tîmau i adnabod a gweithredu’n amserol er mwyn dileu rhwystrau sy'n atal y gallu i gyflawni yr hyn sy’n bwysig i bobl Gwynedd
•Cyfrifoldeb am fonitro a diweddaru’r Polisi Gosod Cyffredin gan sicrhau gweithrediad ac ystyriaeth priodol i’r gofynion cyfreithiol.
•Sicrhau fod trefniadau priodol af effeithlon mewn lle i sefydlu, datblygu a gwireddu rhaglen wario Grant Cymorth Tai y Cyngor cyfwerth â £8.2 miliwn y flwyddyn.
•Sicrhau bod asesiadau anghenion tai ac asesiadau statudol eraill yn cael eu cyflawni’n amserol ac i’r safon uchaf.
•Cyfrifoldeb am y gwasanaeth sydd yn darparu cymorth tenantiaeth i'r gymuned Sipsiwn a Theithwyr sy'n byw ar safleoedd awdurdodau lleol.
•Cyfrifoldeb am gydlynu’r trefniadau ar gyfer paratoi y GTAA ac asesiadau angen amrywiol gan hefyd weithredu ar unrhyw argymhellion.
•Cynrychioli’r Adran mewn gweithgorau, grwpiau a chyfarfodydd mewnol ac allanol perthnasol, gan gynnwys cyfarfodydd y tu allan i oriau gwaith arferol yn ôl y gofyn.
•Cyfrifoldeb am drefniadau’r Grwpiau Tai Arbenigol, gan gydweithio'n agos â'r Gwasanaethau Cymdeithasol i gynorthwyo i ddarparu tai i bobl ag anghenion arbenigol.
•Ymgymryd â rôl blaenllaw i baratoi a diweddaru’r Strategaeth Digartrefedd y Cyngor gan hefyd sicrhau ei fod yn cydfynd â chynlliau strategol eraill y Cyngor.
•Arwain ar waith ymchwil i adnabod ffactorau strategol sy'n dylanwadu ar y farchnad dai yn y sir.
•Datblygu ac arwain ar gynlluniau perthnasol fel a nodir gan y Pennaeth Tai Cynorthwyol.
•Cynorthwyo gyda pharatoi cynigion ariannu ar gyfer grantiau perthnasol i’r Maes Tai ac Adfywio (lle yn berthnasol).
•Cyfrifoldeb am sicrhau fod Grant Tai Cymdeithasol yn cyflawni nodau strategol yr Adran ynghyd uchafu’r gwariant i gymhorthi prosiectau sydd yn cyfrannu at anghenion tai y sir.
•Gweithio mewn partneriaeth â’r Cymdeithasau Tai i alluogi datblygu cynlluniau tai fforddiadwy sy'n mynd i'r afael â blaenoriaethau strategol fel a nodwyd ym Mhrosbectws Tai Cyngor Gwynedd.
•Cynorthwyo mewn trafodaethau gyda’r Cymdeithasau Tai a’r Uned Gynllunio i sicrhau fod ystyriaeth teg yn cael ei roi i’r ddarpariaeth o dai fforddiadwy drwy'r system gynllunio ynghyd â pholisïau eraill perthnasol.
•Cynorthwyo gyda gwerthuso gwybodaeth ynglŷn â pherfformiad a ddarperir gan y Bwrdd Partneriaeth.
•Cynorthwyo gyda chynhyrchu a dadansoddi'r Asesiad Marchnad Tai Lleol (LHMA) ynghyd ag ymchwil berthnasol i asesu'r angen am dai a'r farchnad dai.
•Dirprwyo dros y Pennaeth a’r Pennaeth Cynorthwyol yn ôl yr angen i ddarparu cymorth i swyddogion ac i fynychu cyfarfodydd perthnasol.
•Cymryd rhan yn y gwaith o reoli a datblygu systemau a threfniadau perfformiad sydd yn cael eu mabwysiadu gan yr Adran yn cynnwys adrodd ar targedau perthnasol i’r fforwm Herio Perfformiad.
•Cynorthwyo gyda recriwtio, dethol a sefydlu staff yn ôl yr angen.
•Gwneud argymhellion ar gyfer newid trwy werthuso ac ymchwil, i sicrhau bod y gwaith o gyflawni’r rôl strategol tai yn cael ei lywio gan y datblygiadau diweddaraf mewn arferion a pholisi tai.
•Datblygu fframweithiau effeithiol ar gyfer trefniadau gwaith partneriaeth effeithiol gydag ystod o sefydliadau i fynd i'r afael â blaenoriaethau strategol ar gyfer tai.
•Gweithredu fel y swyddog arweiniol ar faterion technegol a phroffesiynol yn ymwneud â threfniadau a pholisiau Tai Cymdeithasol o fewn y Cyngor.
•Sicrhau arweiniad i’r Siop un Stop er mwyn sicrhau fod Cyngor Gwynedd yn gweithredu yn unol â deddfwriaeth, rheoliadau, canllawiau a pholisïau perthnasol.
•Cyfrifoldeb am hunan ddatblygiad
•Sicrhau cydymffurfiaeth â rheolau Iechyd a Diogelwch yn y gweithle yn unol â’r cyfrifoldebau a nodir yn Neddf Iechyd a Diogelwch yn y Gweithle 1974 a Pholisi Iechyd a Diogelwch y Cyngor.
•Gweithredu o fewn polisïau’r Cyngor yng nghyswllt cyfle cyfartal a chydraddoldeb.
•Cyfrifoldeb am reoli gwybodaeth yn unol â safonau a chanllawiau rheoli gwybodaeth y Cyngor.  Sicrhau bod gwybodaeth bersonol yn cael ei thrin mewn cydymffurfiaeth â deddfwriaeth Diogelu Data
•Ymrwymiad i leihau allyriadau carbon y Cyngor yn unol â’r Cynllun Rheoli Carbon ac annog eraill i weithredu’n gadarnhaol tuag at leihau ôl-troed carbon y Cyngor.
•Ymgymryd ag unrhyw ddyletswydd arall cyfatebol a rhesymol sy’n cyd-fynd â lefel cyflog a lefel cyfrifoldeb y swydd.
•Cyfrifoldeb i adrodd am bryder neu amheuaeth bod plentyn neu oedolyn bregus yn cael ei gamdrin
Amgylchiadau arbennig
Bydd angen gweithio tu allan i oriau gwaith ar rhai achlysuron, megis mynychu Pwyllgorau’r Cyngor neu gyfarfodydd gyda thrigolion, ymgeiswyr neu partneriaid perthnasol. Hefyd gall sefyllfaoedd godi lle bo angen mewnbwn neu ymateb deilydd y swydd i sefyllfa gwasanaeth brys neu argyfwng tu allan i oriau gwaith.