Pwrpas y Swydd
Darparu cefnogaeth emosiynol, gymdeithasol a bugeiliol i ddisgyblion sy'n profi gorbryder, problemau iechyd meddwl ysgafn, trafferthion presenoldeb, problemau cyfeillgarwch, effaith negyddol cyfryngau cymdeithasol neu anawsterau personol sy'n effeithio ar eu gallu i ymgysylltu'n llawn â bywyd ysgol.
Bydd deiliad y swydd yn gweithredu fel oedolyn dibynadwy a chyson i ddisgyblion bregus, gan helpu i gryfhau eu hymlyniad at yr ysgol, gwella eu lles a chynyddu eu presenoldeb.
Bydd hefyd yn gyfrifol am ddatblygu, addasu a defnyddio adnoddau a strategaethau ymarferol i gefnogi plant a phobl ifanc sy'n wynebu heriau emosiynol, cymdeithasol a llesiant. Bydd disgwyl iddo/iddi ddarparu cymorth sy'n diwallu anghenion unigol disgyblion, gan weithio'n agos gyda staff, rhieni, gofalwyr a gweithwyr proffesiynol perthnasol.
Bydd cyfleoedd ar gael i ddatblygu'n broffesiynol drwy fynychu hyfforddiant arbenigol megis ELSA (Emotional Literacy Support Assistant), Tyfu Trwy'r Tymhorau, Cymorth Cyntaf Iechyd Meddwl a rhaglenni perthnasol eraill, er mwyn cryfhau sgiliau a gwybodaeth i gefnogi lles emosiynol disgyblion yn effeithiol.
Prif Gyfrifoldebau
Lles Emosiynol
Bod yn bwynt cyswllt cyntaf ar gyfer disgyblion sydd angen cymorth emosiynol.
Helpu disgyblion i ddatblygu strategaethau ymarferol ar gyfer rheoli emosiynau.
Cefnogi disgyblion yn ystod cyfnodau anodd megis profedigaeth, gwahanu teuluol neu newidiadau sylweddol yn eu bywydau.
Datblygu gweithgareddau sy'n hyrwyddo lles emosiynol a gwydnwch.
Presenoldeb ac Ymgysylltu
Gweithio'n benodol gyda disgyblion sydd â phresenoldeb isel neu sy'n trwantu'n fewnol oherwydd gorbryder neu bryderon lles.
Datblygu cynlluniau dychwelyd i ddosbarthiadau neu'r ysgol ar gyfer disgyblion sydd wedi bod yn absennol am gyfnodau estynedig.
Cynnal cyfweliadau lles a phresenoldeb gyda disgyblion.
Cysylltu'n rheolaidd â rhieni a gofalwyr.
Cefnogi trosglwyddiadau rhwng ysgolion cynradd ac uwchradd.
Gweithio gyda staff i nodi rhwystrau i bresenoldeb a datblygu strategaethau priodol i'w goresgyn.
Cefnogaeth Ddyddiol
Bod ar gael i ddisgyblion mewn cyfnodau allweddol megis:
dechrau'r diwrnod
gwersi
diwedd y dydd
Cynnal "gwirio i mewn" dyddiol gyda disgyblion targed.
Darparu lle tawel, diogel a chefnogol i ddisgyblion pan fo angen.
Gweithio fel oedolyn allweddol ar gyfer disgyblion bregus sydd angen cefnogaeth gyson.
Gweithio mewn Partneriaeth
Cydweithio'n agos gyda'r Tîm Cynhwysiad (Yr Uned Cynhwysiad), Penaethiaid Blwyddyn, Anogwr Dysgu, staff addysgu a staff cymorth ADY.
Cyfrannu at gyfarfodydd amlasiantaethol pan fo angen.
Cysylltu a gweithio gyda gwasanaethau allanol perthnasol er budd disgyblion.
Trafod yn rheolaidd gyda Penaethiaid Blwyddyn ar gynnydd, pryderon ac ymyriadau perthnasol sy'n ymwneud â disgyblion unigol trwy mynychu cyfarfodydd bugeilol.
Gweithio gyda'r Uned Gynhwysiad i baratoi a chefnogi disgyblion i ailintegreiddio'n llwyddiannus i wersi prif ffrwd
Monitro 
Cadw cofnodion cywir o ymyriadau a chynnydd.
Monitro effaith ymyriadau ar:
bresenoldeb
lles
ymgysylltiad
perthnasoedd cymdeithasol
Datblygiad Proffesiynol
Cymryd rhan mewn hyfforddiant a datblygiad proffesiynol parhaus.
Datblygu arbenigedd mewn cefnogi iechyd meddwl a lles emosiynol plant a phobl ifanc.
Rhannu arferion effeithiol ac adnoddau gyda chydweithwyr.
Cadw'n gyfredol â chanllawiau, ymchwil a datblygiadau ym maes lles, cynhwysiant a phresenoldeb.
Mae'r swydd hon yn cynnig cyfle i wneud gwahaniaeth gwirioneddol i fywydau pobl ifanc drwy eu helpu i oresgyn rhwystrau emosiynol a chymdeithasol, gwella eu lles a sicrhau eu bod yn gallu ffynnu o fewn cymuned yr ysgol.
Atebolrwydd a Rheolaeth Llinell
Bydd yn atebol yn uniongyrchol i'r Pennaeth Cynorthwyol (Bugeiliol) am gyflawni ei ddyletswyddau a datblygu'r ddarpariaeth lles a chynhwysiant.