Pwrpas y swydd
•Sicrhau bod pobl Gwynedd yn ganolog i bopeth yr ydan ni yn ei wneud.
•Cyfrifol am redeg y ganolfan o ddydd i ddydd.
Cyfrifoldeb am adnoddau e.e. staff, cyllid, offer
•Cynorthwyo mewn cyrraedd targedau mewn perthynas ag Incwm, Gwariant a Defnydd.
•Ymgymryd â rôl Swyddog ar Ddyletswydd, gan fod yn gyfrifol am sicrhau bod y staff a’r cyhoedd yn defnyddio’r cyfleusterau a’r offer yn ddiogel, a bod yn gyfrifol am ddiogelwch cyfleusterau, offer, stoc ac arian tra mae yn gofalu am yr allweddi, yn cynnwys cael ei alw allan mewn argyfwng.
•Bydd y Rheolwr ar Ddyletswydd hefyd yn gyfrifol am drin arian, cofnodi’r arian a gymerir, cyfrif a bancio derbyniadau yn ddiogel.
•Sicrhau y cynhelir arolygiaeth ddiogel o’r Pwll Nofio ac y caiff peiriannau’r pwll eu monitro, eu profi a’u rheoli’n effeithiol yn rheolaidd.
•Sicrhau y cynhelir lefelau staffio effeithiol ac effeithlon drwy’r amser. Bydd y Rheolwr ar Ddyletswydd yn cyfrannu tuag at y broses o Recriwtio a Dethol o fewn y Ganolfan tra’n sicrhau y caiff y staff eu hyfforddi trwy anwythiad a hyfforddiant a datblygiad parhaus.
•Disgwylir i’r Rheolwr ar Ddyletswydd ddilyn cynllun hyfforddi’r ganolfan a chadw cofnodion manwl-gywir.
•Dynodir Y Rheolwr ar Ddyletswydd yn Hyfforddwr/Asesydd dros y Ganolfan.
•Bydd deilydd y swydd hefyd yn gyfrifol am sicrhau bod staff yn cyflawni eu dyletswyddau hyd at y safonau uchaf, yn ogystal â dechrau ar weithdrefn ddisgyblu ar y cyd â Rheolwr y Ganolfan.
•Sicrhau y caiff y cyfleusterau a’r offer eu paratoi a’u cynnal hyd at safon uchel trwy baratoi trefnlenni wedi eu cynllunio ar lanhau, cynnal a chadw, profi ac atgyweirio gan roi blaenoriaeth i reolau Iechyd a Diogelwch.
Prif ddyletswyddau
•Bydd y Rheolwr ar Ddyletswydd yn ymwneud â/trefnu Timau Rheoli’r Ganolfan fel bo angen.
•Sicrhau y cydymffurfir â pholisïau cytunedig Cyfadrannol a pholisïau’r Cwmni.
•Sicrhau bod yr holl staff yn derbyn hyfforddiant/gwybodaeth ynglyn â’u cyfrifoldebau ynghylch popeth yn ymwneud â Iechyd a Diogelwch. Bydd hyn yn cynnwys sicrhau y glynir at yr holl Gynlluniau Gweithredu mewn Argyfwng a’r Gweithdrefnau Gweithredu Arferol, yn ogystal â sicrhau y gweithredir cyfleusterau yn unol â’r holl ddeddfwriaeth Iechyd a Diogelwch priodol.
•Cynnal Arfarniadau Staff fel bo’n briodol.
•Cynorthwyo Rheolwr y Ganolfan mewn cynnal rhaglen o weithgareddau arloesol a chreadigol yn y ganolfan, a ddylai ddefnyddio anghenion presennol a phosibl cwsmeriaid. Bydd deilydd y swydd hefyd yn gyfrifol am roi cyhoeddusrwydd i raglenni a chyfleusterau yn y ffordd fwyaf effeithiol er mwyn sicrhau y gwneir y defnydd mwyaf posibl ohonynt. Ymgymryd yn ymarferol â throsglwyddo’r rhaglen ble bo angen, gan gynnwys bod yn achubwr bywydau a hyfforddi mewn gweithgareddau.
•Paratoi adroddiadau ar gyfer Rheolwr y Ganolfan.
•Sicrhau y cynhelir yr holl weithdrefnau a’r cofnodion gweinyddol drwy’r amser, yn cynnwys manylion derbynfa, staff a chwsmeriaid, incwm a gwariant, rhestru stoc, stoc restri, cyflogau, gwyliau ayb.
•Sicrhau bod peiriannau ac offer yn gweithio’n iawn, a hysbysu ynghylch unrhyw ddiffygion.
•Cyflawni unrhyw ddyletswyddau eraill perthnasol ar gais y rheolwyr, yn cynnwys unrhyw gyfrifoldebau ychwanegol, gan ddefnyddio medrau neu brofiad penodol yr unigolyn.
•Cyfrifol am ddatblygu staff y Ganolfan.
•Cyfrifoldeb am hunan ddatblygiad
•Sicrhau cydymffurfiaeth â rheolau Iechyd a Diogelwch yn y gweithle yn unol â’r cyfrifoldebau a nodir yn Neddf Iechyd a Diogelwch yn y Gweithle 1974 a Pholisi Iechyd a Diogelwch y Cwmni.
•Gweithredu o fewn polisïau’r Cwmni yng nghyswllt cyfle cyfartal a chydraddoldeb.
•Cyfrifoldeb am reoli gwybodaeth yn unol â safonau a chanllawiau rheoli gwybodaeth y Cwmni.  Sicrhau bod gwybodaeth bersonol yn cael ei thrin mewn cydymffurfiaeth â deddfwriaeth Diogelu Data
•Ymrwymiad i leihau allyriadau carbon y Cwmni yn unol â’r Cynllun Rheoli Carbon ac i annog eraill i weithredu’n gadarnhaol tuag at leihau ôl-troed carbon y Cwmni.
•Ymgymryd ag unrhyw ddyletswydd arall cyfatebol a rhesymol sy’n cyd-fynd â lefel cyflog a lefel cyfrifoldeb y swydd.
•Cyfrifoldeb i adrodd ar bryder neu amheuaeth bod plentyn neu oedolyn bregus yn cael ei gamdrin
Amgylchiadau arbennig
•Rhaid gallu gweithio shifftiau yn cynnwys gyda’r nosau ac ar benwythnosau.
•Bod o fewn cyrraedd ffôn.