Pwrpas y Swydd.
• Cyfrannu at y gwaith o ddatblygu, adolygu a chyflwyno'r strategaeth gomisiynu ar gyfer yr holl gaffael/comisiynu sy’n gysylltiedig â Pobl (y categori Pobl) i fodloni gofynion busnes y cyngor
• Cynorthwyo'r gwaith o bennu gofynion comisiynu gwasanaeth a busnes diffiniedig i sicrhau canlyniadau a gofynion ar gyfer holl wariant sy'n gysylltiedig â'r categori Pobl
• Cynnal adolygiadau parhaus o wariant a gweithgaredd caffael a chomisiynu y categorïau penodol i adnabod cyfleoedd a gwireddu buddion
• Arwain ar y gwaith o adnabod anghenion gofal a lles poblogaeth Gwynedd trwy ddadansoddi data, ymchwilio a chyfathrebu hefo pobl
• Cyfrannu at y gwaith o ddatblygu, rheoli ac adrodd ar fesurau perfformiad strategol a chontractio allweddol yn unol â fframwaith rheoli perfformiad y Cyngor
• Sicrhau bod pobl Gwynedd yn ganolog i bopeth yr ydan ni yn ei wneud.
 
Cyfrifoldeb am Adnoddau. e.e. staff, cyllid, offer
• Dim - Ond yn gyfrifol am gefnogi'r Rheolwr Comisiynu, Contractau a Phrosiectau i siapio rhagleni gwaith y Swyddog Comisiynu a Chontractau
 
Prif Ddyletswyddau.
 1. Llunio a cyflawni cynlluniau categori a comisiynu penodol y categori Pobl fydd yn arwain i wasanaethau gael eu comisiynu sydd yn helpu pobl fyw eu bywydau yn y ffordd y maent yn dymuno ei fyw.
2. Sicrhau fod cynlluniau gweithredu clir yn deillio o'r cynlluniau categori a chomisiynu; eu monitro yn effeithiol a chyson ac adrodd ar gynnydd cynnwys y cynllun categori a chomisiynu i'r Rheolwr Categori a/neu Reolwr Caffael Corfforaethol.
3. Datblygu dealltwriaeth o'r farchnad a chefnogi'r gwasanaethau i ddatblygu gwybodaeth fanwl am ofynion ac ansawdd ddarpariaeth. Defnyddio'r dystiolaeth fel sail i gyflwyno achos busnes ar gyfer cyflawni anghenion y gwasanaethau perthnasol ar gyfer categorïau penodol.
4. Cydlynu a hwyluso’r drefn rheolaeth categori a chomisiynu gan sicrhau mewnbwn perthnasol gan yr holl randdeiliaid.
5. Cyfrannu at y gwaith o ddatblygu strategaeth caffael a chomisiynu y categori Pobl sydd yn cynnwys:
• Paratoi asesiadau anghenion poblogaeth leol a chyfrannu at yr asesiad rhanbarthol
• Paratoi cynlluniau ar gyfer categorïau penodol fydd yn cynnwys asesiad anghenion manwl ar gyfer grwpiau penodol o unigolion a'r dewisiadau posib o ran comisiynu gwasanaeth i gyfarch eu hanghenion.
• Paratoi Datganiadau Sefyllfa'r Farchnad
6. Ble mae'r angen, cynnal unrhyw broses caffael gan gynnwys llunio dogfennau tendr, datblygu a gosod cytundebau a negodi telerau gyda’r darparwyr ar ran y gwasanaethau.
7. Cydlynu a gweithredu systemau rheoli/monitro cytundebau a darparwyr yn unol â chamau rheolaeth categori, ar gyfer ystod o drefniadau caffael/comisiynu o fewn y categori Pobl gan gynnwys y rhai hynny ar y cyd gydag Iechyd neu bartneriaid eraill. Rhannu’r wybodaeth monitro yma, ble’n briodol, gyda’r Tîm Diogelu a Sicrwydd Ansawdd er mwyn hwyluso eu gwaith nhw o ran monitro ansawdd.
8. Adnabod, cyflawni, perchnogi ac adrodd ar gynlluniau effeithlonrwydd categorïau neu gomisiynu penodol. Gall hyn gynnwys paratoi gwaith dadansoddol penodol ar ran y gwasanaeth a chynnig datrysiadau posib y gallai'r gwasanaethau dan sylw weithredu arnynt.
9. Cadw’n gyfredol gyda datblygiadau caffael a chomisiynu sy’n effeithio ar y cynlluniau categori a chomisiynu y categori Pobl. Mae hyn yn cynnwys cynnal ymwybyddiaeth o'r hyn syn digwydd mewn ardaloedd eraill a manteisio ar rwydweithiau y tu hwnt i Gyngor Gwynedd er mwyn sicrhau bod cysondeb rhwng strategaethau lleol a rhai trawsadrannol, isranbarthol neu ranbarthol.
10. Gweithredu mewn modd sydd yn hybu diwylliant sydd wedi ei wreiddio yn y syniad o “un Cyngor”.
11. Ddatblygu a chynnal perthynas waith ardderchog gyda rhan-ddeiliaid allweddol yn y cylch comisiynu a chaffael, sy’n cynnwys:
• rheolwyr gwasanaeth a thimau perthnasol,
• cyflenwyr yn y sector gyhoeddus, annibynnol a’r trydydd sector
• defnyddwyr gwasanaeth a'u teuluoedd
• partneriaid rhanbarthol / siroedd eraill
12. Dilyn egwyddorion Ffordd Gwynedd ym mhob agwedd o’r gwaith, gan ganolbwyntio ar y cwsmer, ac ar ddatblygu gwasanaethau a strategaethau o’r gwaelod i fyny er mwyn sicrhau darpariaeth effeithiol o wasanaethau sy’n canolbwyntio ar ddeilliannau fydd yn cyfarch anghenion poblogaeth Gwynedd i’r dyfodol.
13. Paratoi dogfennau sgopio, papurau briffio a rhaglen, polisïau yn unol a’r gofyn gan y Rheolwr Comisiynu, Contractau a Phrosiectau, Uwch Reolwyr, Penaethiaid Adran neu Gyfarwyddwr Statudol gan gynghori a rhoi arweiniad ar ymarfer da.
14. Ymgysylltu a chydweithio gyda budd-ddeiliaid (mewnol ac allanol) yn gyson gan ddefnyddio dulliau cyd-gynhyrchu i ddatblygu syniadau a chynlluniau categori a chomisiynu er mwyn sicrhau bod llais pobl yn cael ei glywed wrth ddatblygu gwasanaethau i gwrdd ag anghenion y boblogaeth leol.
15. Cydweithio gyda'r Uned Gyllid i adnabod a meincnodi cyfraddau a chostau gwasanaethau (mewnol ac allanol) a chyfrannu at ddatblygu mesurau deilliannau, targedau a dangosyddion perfformiad fydd yn sicrhau bod trefniadau cynllunio ariannol effeithiol yn cael eu sefydlu, a bod cynlluniau ar gyfer comisiynu gwasanaethau gwerth gorau o ansawdd sydd yn cwrdd ag anghenion tra bod yn realistig o fewn y cyllidebau sydd ar gael.
16. Sefydlu ac arwain grwpiau llywio tasg a gorffen a chynhyrchu adroddiadau cynnydd ar weithrediad cynlluniau y cytunwyd arnynt, gan sicrhau bod y gwasanaethau yn cael gwybod am gynnydd bob amser ac yn cael eu hysbysu o unrhyw oedi gyda phroblemau gweithredu cyn gynted ag y bo modd.
17. Cydweithio yn agos gyda gwasanaethau/unedau/timau gwahanol yn unol â’r gofyn ar gynlluniau categori a chomisiynu er mwyn adnabod unrhyw faterion sydd angen eu datrys ar gyfer darparu gwasanaethau a/neu ailfodelu darpariaeth.
18. Cefnogi a/neu ddirprwyo ar ran y Rheolwr Comisiynu, Contractau a Phrosiectau mewn cyfarfodydd gyda rhanddeiliaid allweddol a ble'n briodol gweithredu fel cynrychiolydd Gwynedd ar grwpiau prosiect rhanbarthol fydd yn arwain at welliannau gwasanaeth yn lleol.
19. Cymryd rhan mewn gweithgareddau hyfforddi a datblygu fel y cytunwyd gyda’r Rheolwr Comisiynu, Contractau a Phrosiectau ac annog ymarfer da sy’n sail i drefniadau a darpariaeth gofal cymdeithasol.
20. Sicrhau ymwybyddiaeth o ddeddfwriaeth berthnasol, canllawiau ac ymarfer da a chynnal ymchwil parhaus i fodelau darparu gwasanaeth newydd ac arloesol y gellir eu hystyried fel rhan o gynlluniau categori a chomisiynu y categori Pobl
21. Gweithredu fel pencampwr adrannol ar dechnegau ymgysylltu a chyd-gynhyrchu, a bod yn barod i roi cyngor ac arweiniad i reolwyr a staff yr adrannau
Cyffredinol eraill:
22. Rheoli, monitro risgiau, gan ddatrys problemau a materion sy’n codi, a chymryd camau adferol, neu uchafu materion o bwys i’r rheolwr yn ôl yr egwyddor o reolaeth drwy eithriad.
23. Gwirio a rheoli ansawdd cynnyrch ac allbynnau’r gwaith disgwyliadau’r swydd - gan sicrhau cysondeb, eu bod yn gydnaws a strategaethau eraill y Cyngor, a’u bod yn bodloni unrhyw safonau corfforaethol technegol ac arbenigol eraill.
24. Gweithredu o fewn polisi a gweithdrefnau’r Cyngor yng nghyswllt cyfle cyfartal a chydraddoldeb.
25. Cyfrifoldeb am hunan ddatblygiad.
26. Sicrhau cydymffurfiaeth â rheolau Iechyd a Diogelwch yn y gweithle yn unol â’r cyfrifoldebau a nodir yn Neddf Iechyd a Diogelwch yn y Gweithle 1974 a Pholisi Iechyd a Diogelwch y Cyngor.
27. Cyfrifoldeb am reoli gwybodaeth yn unol â safonau a chanllawiau rheoli gwybodaeth y Cyngor. Sicrhau bod gwybodaeth bersonol yn cael ei thrin mewn cydymffurfiaeth â deddfwriaeth Diogelu Data.
28. Ymrwymiad i leihau allyriadau carbon y Cyngor yn unol â’r Cynllun Rheoli Carbon ac i annog eraill i weithredu’n gadarnhaol tuag at leihau ôl-troed carbon y Cyngor.
29. Ymgymryd ag unrhyw ddyletswydd arall cyfatebol a rhesymol sy’n cyd-fynd â lefel cyflog a lefel cyfrifoldeb y swydd.
30. Cyfrifoldeb i adrodd ar bryder neu amheuaeth bod plentyn neu oedolyn bregus yn cael ei gamdrin
Amgylchiadau Arbennig. e.e. angen i weithio oriau anghymdeithasol, trefniadau gwaith arbennig, a.y.y.b.
• Mynychu cyfarfodydd a phwyllgorau y tu allan i oriau gwaith arferol.