Pwrpas y swydd
•Sicrhau bod pobl Gwynedd yn ganolog i bopeth rydym yn ei wneud.
•Rhoi arweiniad gweithredol ac arwain/rheoli newid i weithlu sy’n gyflogedig gan Gyngor Gwynedd i sicrhau fod plant a theuluoedd yn yr ardal yn cael mynediad i’r person cywir ar yr amser cywir a derbyn y gefnogaeth gywir i’w galluogi i barhau i fyw eu bywydau eu hunain.
•Arwain, rheoli a goruchwylio Swyddogion o fewn yr Uned diogelu
Cyfrifoldeb am adnoddau e.e. staff, cyllid, offer
•STAFF - cyfrifoldeb proffesiynol am swyddogion fydd yn gweithio o fewn y tîm.
•CYLLID – monitro a rheoli cyllideb ar gyfer yr ardal.
•OFFER – cyfrifoldeb am offer arbenigol a ddefnyddir gan staff y tîm.
Prif ddyletswyddau
CYFRIFOLDEBAU RHEOLI
•Dileu rhwystrau i alluogi darpariaeth gwasanaeth effeithiol.Gwneud i bethau ddigwydd trwy wneud penderfyniadau ystyrlon ac ymateb yn effeithiol i flaenoriaethau fel maent yn newid.
•Arwain a Rheoli Pobl - Ysgogi, annog a grymuso staff trwy ddirprwyo gwaith yn effeithiol a chreu awyrgylch o barch, cydweithio a chymryd risgiau. Rhoi cyfeiriad ac adborth i staff trwy drosglwyddo gweledigaeth yn effeithiol wrth ganolbwyntio ar ddarparu gwasanaeth.
•Perfformiad a Datblygiad – Adnabod cryfderau a meysydd datblygu staff trwy oruchwyliaeth a gwerthuso cyson. Canolbwyntio ar wella perfformiad trwy reoli a datblygu effeithiol a thrwy fesur, monitro ac arfarnu perfformiad. Gweithredu a datblygu cynlluniau busnes sy’n adlewyrchu hyn.
•Cyfathrebu – Rhannu a gwrando ar wybodaeth, barn a syniadau heb ragdybiaeth trwy ddefnyddio dulliau cyfathrebu priodol. Cynyddu cymhelliant trwy ddefnyddio cyfathrebu cynhwysol sy’n cydnabod teimladau eraill. Cyfleu gwybodaeth ac argymhellion i staff a chynulleidfaoedd eraill yn glir ac yn hyderus. Cyfathrebu gweledigaeth y gwasanaeth yn effeithiol.
•Ymwybyddiaeth o’r cyd-destun – Deall a gweithio’n effeithiol o fewn fframwaith gwleidyddol y Cyngor a bod yn ymwybodol o’r materion sy’n cael effaith ar ddarparu gwasanaeth ar wahanol lefelau. Meithrin cysylltiadau gydag eraill i elwa o ymarfer gorau er mwyn gwella darpariaeth i ddefnyddwyr Gwasanaeth.
•Hunan reoli – Dangos esiampl i eraill trwy fod yn rhagweithiol, yn onest ac yn sefydlog a chymryd cyfrifoldeb am eich gweithredoedd eich hun. Sicrhau cydymffurfiaeth â safonau proffesiynol. Cyfrifoldeb am hunan ddatblygiad.
CYFRIFOLDEBAU PENODOL
•Darparu cyngor, cyfarwyddyd, cefnogaeth a mentora proffesiynol i ymarferwyr a datblygu ymarfer proffesiynol o fewn eu timau a’r gwasanaeth yn gyffredinol. Ymgymryd â pheth gwaith uniongyrchol gyda phlant, pobl ifanc, teuluoedd a gofalwyr a goruchwylio’r gwaith a wneir gan y tîm wrth ddarparu ymyraethau sy’n seiliedig ar deilliannau a thystiolaeth.
•Sicrhau bod gwaith yn cael ei wneud yn unol â deddfwriaeth, polisi, cyfarwyddyd ac ymarfer da a dderbynnir sy’n berthnasol ac arwain ar faterion diogelu o fewn y tîm yn unol â gofynion statudol a pholisïau a gweithdrefnau’r cyngor.
•Hyrwyddo perfformiad proffesiynol, atebol drwy weithio gyda gweithwyr cymdeithasol ac ymarferwyr eraill i wella perfformiad ac ansawdd gwasanaethau drwy’r adran, gan ddatblygu a darparu ymarfer effeithiol a phroffesiynol o fewn y tîm. Sicrhau y rheolir baich gwaith, safonau ymarfer proffesiynol a pherfformiad a chlustnodi adnoddau yn effeithiol.
•Cyfrifoldeb am recriwtio a rheoli staff yn cynnwys arfarnu, cynlluniau datblygu, rheoli perfformiad, salwch ac absenoldeb a materion yn ymwneud â chwynion a disgyblaeth.
•Cynnal arbenigedd a sgiliau proffesiynol ar draws y gwasanaeth plant er gwaethaf cyfrifoldeb y gwasanaeth/tîm penodol a medru cynnig cyngor rheolaethol ac argymhellion sy’n gyfatebol i lefel cyflog a lefel cyfrifoldeb y swydd.
•Sicrhau bod anghenion hyfforddi a datblygu unigolion a thimau yn cael eu nodi a gweithio arnynt gyda’r Uned Datblygu Gweithlu i ganfod ffyrdd o ateb yr anghenion hynny.
•Cyfrifoldeb goruchwylio
•Arwain yn lleol i ddarparu gwasanaethau y mae dinasyddion eu hangen sydd yn gynaliadwy ac o ansawdd uchel.
•Arwain amrediad o gyfarfodydd a phrosesau i sicrhau ymarfer proffesiynol effeithiol.
•Hybu integreiddio yn effeithiol ar draws Gwynedd. Meithrin cysylltiadau cadarn ag asiantaethau allanol, partneriaid Mewnol a’r trydydd sector er mwyn darparu gofal integredig effeithlon.
•Cyfleu ymdeimlad o weithio i’r un amcan.
•Gyrru diwylliant o newid, arloesi a moderneiddio i hwyluso gwelliannau gwasanaeth.
•Cefnogi’r tîm i fapio prosesau llif gwaith. Ail gynllunio gwasanaethau a rhoi newidiadau ar waith.
•Cydweithio’n agos gydag arweinwyr eraill yn y tîm i ddileu rhwystrau. Adrodd ar rwystrau mewn cyfarfodydd arweinwyr.
•Cysylltu’n effeithiol gyda staff ar bob lefel o fewn y gwasanaeth ac ar draws asiantaethau a sefydliadau partner perthnasol.
•Arwain ar sicrhau fod y tîm yn gweithredu egwyddorion Deddf Gwasanaethau Cymdeithasol a Llesiant 2014.
•Sicrhau fod sgyrsiau ‘Yr hyn sy’n bwysig i mi’ a phennu canlyniadau personol yn cael eu gweithredu ar draws y gwasanaeth.
•Grymuso staff i wneud penderfyniadau y gallent eu hamddiffyn.
•Arwain ar faterion diogelu o fewn yr ardal yn unol â gofynion statudol a pholisïau a gweithdrefnau’r Cyngor.
•Yn meddu ar werthoedd personol yn seiliedig ar egwyddorion sy’n galluogi i ddinasyddion fyw eu bywydau fel maent yn ei ddymuno.
•Hyrwyddo hawl dinasyddion i fyw eu bywyd fel y maent yn ei ddymuno a darparu gwasanaethau i gyflawni hynny.
•Dylanwadu newid ac ysbrydoli pobl gyda gweledigaeth am y dyfodol. Ysbrydoli pobl trwy weithredu a bod yn esiampl gan herio arferion traddodiadol ac annog staff i ddatrys problem yn arloesol gyda phwyslais ar ganlyniadau.
•Sicrhau llif cyfathrebu effeithiol ac agored o fewn y tîm integredig i sicrhau gwasanaeth effeithiol.
•Ymdrin a chwynion ac ymholiadau gyda chefnogaeth y swyddog gofal cwsmer, gan gynnwys ymchwilio cwynion cam 1 a’u dilyn drwodd i’w datrysiad.
•Datblygu hinsawdd o ddidwylledd a gonestrwydd mewn perthynas â rheoli risg a llywodraethu.
•Gweithio gydag ansicrwydd, amwysedd a natur anochel newid.
•Datblygu ac adolygu polisïau, gweithdrefnau a chanllawiau.
•Cyfrannu tuag at arferion gweithredol a datblygiad strategol gwasanaethau.
•Cyfrannu at yr Asesiad Anghenion Poblogaeth.
•Cyfrannu at siapio trefn gomisiynu ar gyfer gofal cymdeithasol i blant a theuluoedd. Cyfrannu gwybodaeth a syniadau i ddatblygu strategaeth gomisiynu
•Hyrwyddo ymwybyddiaeth gyhoeddus a phroffesiynol o’r gwasanaeth trwy gyflwyniadau a darparu adroddiadau a gwybodaeth ysgrifenedig yn ôl yr angen.
•Llunio amrywiaeth o adroddiadau o ansawdd uchel.
•Arwain a rheoli rhaglenni gwaith penodol lleol ac ar draws y Sir.
•Rôl trosolwg dros y gwasanaeth Gwybodaeth, Cyngor a Chymorth.
•Cynrychioli’r Adran mewn cyfarfodydd lleol, rhanbarthol a chenedlaethol fel bo’r angen.
•Cynrychioli, arwain a rheoli rhaglenni gwaith penodol mewn sefyllfaoedd lleol, rhanbarthol a chenedlaethol fel sydd angen
•Gwella deilliannau i ddefnyddwyr gwasanaeth a medru arddangos hyn o fewn fframwaith rheoli perfformiad.
•Arwain ar ddatblygu mesurau sy’n mesur llwyddiant. Dadansoddi a gwerthuso’r wybodaeth i sicrhau fod yr ymyraethau yn cwrdd ag amcanion personol dinasyddion a bod adnoddau’r tîm yn cael eu defnyddio yn effeithlon ac yn effeithiol.
•Adrodd ar fesurau mewn cyfarfodydd perfformiad adrannol.
•Cynorthwyo a dirprwyo ar gyfer y Pennaeth Cynorthwyol wrth fonitro meysydd cyfrifoldeb y tîm i sicrhau safonau uchel o ymarfer proffesiynol a sicrhau presenoldeb mewn cyfarfodydd (e.e. Pwyllgorau, Asesiad Risg, Archwilio).
•Sicrhau bod asesiadau risg y gweithle yn cael ei cwblhau a’i gweithredu
•Rheoli blaenoriaethau gan bod newid cyson i’r Gwaith diogelu, Rheoli ac adrodd.
•Cydweithio gyda gwasanaethau ac asiantaethau eraill i sicrhau agwedd integredig at gyflenwi gwasanaethau
•Pontio rhwng polisïau strategol a gweithredol
•Hwyluso newid mewnol ac adolygu/datblygu gwasanaeth
•Hybu diwylliant un Cyngor
•Cyfrannu at ddatblygiad strategol
•Arwain, rheoli a goruchwylio Swyddogion o fewn yr Uned diogelu
•Sicrhau bod anghenion hyfforddi a datblygu unigolion a thimau yn cael eu nodi a gweithio arnynt gyda’r Uned Datblygu Gweithlu i ganfod ffyrdd o ateb yr anghenion hynny. Sicrhau fod pob aelod o’r tîm yn derbyn goruchwyliaeth ddigonol a rheolaidd.
•I hyrwyddo’r agenda perfformiad proffesiynol drwy gynorthwyo’r tîm i fodloni eu dangosyddion perfformio allweddol.
•Cwblhau archwiliadau rheolaidd ar arfer diogelu a chyflwyno adroddiadau chwarterol rheolaidd yn ôl dull systematig a thynnu sylw at themâu a materion y mae angen ymdrin â nhw yn ogystal â phwyntiau dysgu.
•Chwarae rôl allweddol wrth gyfrannu , gweithredu a monitro fframwaith sicrwydd ansawdd yr Adran.
•Cynorthwyo swyddogion perthnasol gan gynnwys Rheolwyr Tim ac uwch ymarferwyr i arwain , cyfrannu ac adolygu unrhyw gynlluniau gweithredu yn dilyn archwiliadau. Adrodd ar unrhyw gynnydd neu rhwystrau yn rheolaidd i’r Uwch Dim rheoli Plant.
•Datblygu trefniadau diogelu yn strategol a gweithredol, gan sicrhau bod y trefniadau hynny yn rymus, cydnabod a llywio arfer da: sicrhau bod y cyngor yn cyflawni'r cyfrifoldebau hyn yn effeithiol gan ganolbwyntio ar yr unigolyn.
•Cefnogi’r gwaith o ddatblygu trefniadau diogelu grymus yn y gwasanaethau plant a sicrhau eu bod yn cydymffurfio gyda deddfwriaeth berthnasol, canllawiau statudol a gweithdrefnau diogelu Cymru.
•Darparu trosolwg critigol a herio rôl y Gwasanaethau Plant o ran eu harfer sy’n ymwneud ag achosion Diogelu a Plant sy’n Derbyn Gofal.
•Darparu trosolwg a chyngor fel arbenigwr Diogelu Plant.
•Cymryd rhan mewn prosesau diogelu corfforaethol a’u cefnogi.
•Ymgymryd a rôl Swyddog Diogelu Penodedig gan gynorthwyo y Swyddog Penodedig Awdurdod Lleol wrth reoli honiadau a wneir yn erbyn staff a gwirfoddolwyr sy’n gweithio gyda plant ac oedolion sydd yn wynebu risg yn ardal y Cyngor. Mae hyn yn cynnwys cadeirio cyfarfodydd o dan adran 5 gweithdrefnau diogelu Cymru
•Cadeirio cyfarfodydd pan yn ofynnol gan wneud hynny’n effeithiol a phrydlon, gan ddilyn arfer gorau a gweithdrefnau perthnasol.
•Paratoi adroddiadau yn y fformat gofynnol ar gyfer Bwrdd Diogelu Gogledd Cymru, Gwasanaeth Plant a Theuluoedd neu grwpiau eraill, fel bo’n ofynnol.
•Sicrhau bod gwaith yn llifo’n effeithiol ac effeithlon yn y meysydd cyfrifoldeb penodol, fel bod llwyth gwaith yn cael ei ddyrannu mewn ffordd effeithiol, sy’n cyd-fynd â safonau penodol.
•Cefnogi gwaith y Bwrdd Diogelu Rhanbarthol, gan gynnwys darparu gwybodaeth ystadegol, adroddiadau chwarterol a blynyddol a chyfrannu at weithgareddau priodol eraill y bwrdd, gan gynnwys, ond heb fod yn gyfyngedig i, Adolygiadau Ymarfer Plant ac is-grwpiau perthnasol, ar sail leol a rhanbarthol. Cynghori a chyfrannu at ddatblygu a gweithredu polisïau, gweithdrefnau ac arfer drwy fod yn aelod o is-bwyllgorau Bwrdd Diogelu Plant a grwpiau eraill o fewn, a rhwng asiantaethau.
•Gweithio gyda chydweithwyr sy’n fewnol ac yn allanol i’r Gwasanaeth, i fonitro, gwerthuso a datblygu ansawdd y gwasanaeth a ddarperir, a sicrhau bod systemau ar waith er mwy galluogi staff a defnyddwyr i wneud cyfraniadau o bwys ar gyfer datblygu’r gwasanaeth yn y dyfodol.
•Arwain ar sicrhau fod yr adran yn cyfrannu tuag at gynlluniau arbedion effeithlonrwydd. Bydd disgwyl i ddeilydd y swydd ddarparu adroddiadau ysgrifenedig a llafar yn rhoi manylion am wariant y tîm a bydd yn medru adnabod meysydd ble gellir gwneud arbedion drwy ddefnyddio adnoddau yn well, ynghyd ag amlygu achosion fydd yn arwain at oblygiadau ariannol i’r Awdurdod Lleol.
•Cefnogi cyfleon i gyflwyno technoleg newydd i drawsnewid arferion gwaith.
•Hybu ymrwymiad y trydydd sector i weithio yn integredig yn yr ardal.
•Cymryd rhan yn y tîm rheoli ar gyfer eich maes gwasanaeth.
•Dirprwyo ar ran yr Penaethiaid Cynorthwyol.
CYFRIFOLDEBAU ERAILL
•Cyfrifoldeb am hunan-ddatblygiad a fydd yn cynnwys chwilio’n weithredol am ddatblygiadau cyfoes o fewn polisi, ymarfer ac ymchwil gofal cymdeithasol perthnasol.
•Sicrhau cydymffurfiaeth â rheolau Iechyd a Diogelwch yn y gweithle yn unol â’r cyfrifoldebau a nodir yn Neddf Iechyd a Diogelwch yn y Gweithle 1974 a Pholisi Iechyd a Diogelwch y Cyngor.
•Gweithredu o fewn polisïau’r Cyngor yng nghyswllt cyfle cyfartal, cydraddoldeb a chynaliadwyedd.
•Rheoli gwybodaeth yn unol â safonau a chanllawiau rheoli gwybodaeth y Cyngor. Sicrhau bod gwybodaeth bersonol yn cael ei thrin yn unol â deddfwriaeth Diogelu Data.
•Ymrwymiad i leihau allyriadau carbon y Cyngor yn unol â’r Cynllun Rheoli Carbon ac annog eraill i weithredu’n gadarnhaol tuag at leihau ôl-troed carbon y Cyngor
•Ymgymryd ag unrhyw ddyletswydd arall cyfatebol a rhesymol sy’n cyd-fynd â lefel cyflog a lefel cyfrifoldeb y swydd.
•Cyfrifoldeb am adrodd ar bryder neu amheuaeth bod plentyn neu oedolyn bregus yn cael ei gam-drin.
Amgylchiadau arbennig
•Mae’r gallu i weithio oriau hyblyg yn angenrheidiol ar gyfer y swydd hon, gan gynnwys gweithio rhai nosweithiau a phenwythnosau.