Manylion

Prentis Trethi a Budd-daliadau

Gweler Hysbyseb Swydd | Dros dro

Cyfeirnod personel:: 26-31521
Teitl swydd:: Prentis Trethi a Budd-daliadau
Adran:: Prentisiaethau
Dyddiad cau:: 29/05/2026 12:00
Math Swydd/Oriau:: Dros dro dwy flynedd
Cyflog:: Gweler Hysbyseb Swydd
Lleoliad(au):: Caernarfon

Hysbyseb Swydd

Bydd y prentis yn derbyn cyflog sy’n unol â’r Isafswm Cyflog Cenedlaethol

Gwnewch y dewis doeth, dewiswch brentisiaeth yng Nghyngor Gwynedd

Wyt ti wedi ystyried gyrfa yn y maes yma?

Er mwyn bod yn llwyddiannus yn y brentisiaeth hon, rydym yn chwilio am unigolyn brwdfrydig sy’n barod i ddysgu. Rydym hefyd yn chwilio am unigolyn sy’n gallu cyfathrebu gyda hyder, gweithio’n rhan o dîm, a dangos eu potensial i lwyddo fel prentis. 

Dim ond dechrau'r daith yw dilyn prentisiaeth, achos fe all arwain at nifer o lwybrau gyrfa cyffrous. Felly peidiwch â cholli’r cyfle - ymgeisiwch heddiw! 

DYDDIAD CAU: 12:00yp, DYDD GWENER 29AIN o Fai 2026

Cofiwch ddilyn y canllawiau yn y PECYN GWYBODAETH wrth gwblhau’r ffurflen gais.

Os byddwch yn cael eich dewis i fod ar y rhestr fer, byddwn yn eich ffonio.

Cynnal cyflwyniadau ar 22/06 a 24/06.

Os oes gennych chi unrhyw gwestiynau e-bostiwch prentisiaethau@gwynedd.llyw.cymru    

Am ragor o wybodaeth - https://www.gwynedd.llyw.cymru/apprenticeships 

Mae Cyngor Gwynedd yn gweithredu’n fewnol trwy gyfrwng y Gymraeg ac yn cynnig ei holl wasanaethau yn ddwyieithog. Bydd angen i’r ymgeisydd gyrraedd y lefel ieithyddol sy’n cael ei nodi fel un o’r sgiliau hanfodol yn y Manylion Person.

Rydym yn annog pob ymgeisydd am swydd gyda’r Cyngor i gyflwyno ceisiadau yn Gymraeg neu yn ddwyieithog. (Bydd ceisiadau sydd yn cael eu cyflwyno yn uniaith Gymraeg neu Saesneg yn cael eu trin yn gwbl gyfartal, ond gofynnir i’r ymgeisydd ystyried yn ofalus beth yw gofynion iaith y swydd a’r sefydliad ac a fyddai cyflwyno cais yn uniaith Gymraeg yn fwy addas.)

Am fanylion pellach gellir cysylltu â Lisa Thomas ar 01286679094

Ffurflenni cais ar gael gan Gwasanaeth Cefnogol, Cyngor Gwynedd, Swyddfa'r Cyngor, Stryd y Jêl, Caernarfon, LL55 1SH

Ffôn: 01286 679076

E-Bost: swyddi@gwynedd.llyw.cymru

Bydd y Cyngor yn gofyn am ddadleniad gan y Swyddfa Cofnodion Troseddol ar gyfer yr ymgeisydd llwyddiannus

Dyma ddolen i Brosbectws Swyddi 2026, lle gallwch ddod o hyd i ragor o wybodaeth am y swyddi a’r canllawiau ar gyfer gwneud cais.

Manylion Person

NODWEDDION PERSONOL

HANFODOL

Dangos yr ymddygiad ac agwedd cywir
Dangos ymrwymiad i'r gwaith
Gweithio'n effeithiol fel rhan o dîm
Cyfathrebu efo hyder
Yn barod i ddysgu pethau newydd ac i hunan wella
Yn barod i Herio.

DYMUNOL

-

CYMWYSTERAU A HYFFORDDIANT PERTHNASOL

HANFODOL

Wedi cymhwyso i lefel 2 o leiaf gan gyrraedd un ai:

4 TGAU gradd D neu uwch (gradd C neu uwch mewn mathemateg)
Cymhwyster galwedigaethol Lefel 2 cyfatebol (e.e. BTEC Cyntaf Lefel 2 Diploma)

DYMUNOL

-

PROFIAD PERTHNASOL

HANFODOL

-

DYMUNOL

-

SGILIAU A GWYBODAETH ARBENIGOL

HANFODOL

-

DYMUNOL

-

ANGHENION IEITHYDDOL

Gwrando a Siarad – Lefel Canolradd

Gallu cynnal sgwrs rwydd ar nifer o bynciau amrywiol bob dydd, a thrafod achosion sy’n ymwneud â’r maes gwaith. Gallu dilyn trafodaeth yn y Gymraeg, mewn Cymraeg Clir, ar faterion cyfarwydd yn ymwneud â’r swydd. Gallu cyfrannu at y sgwrs ac ateb cwestiynau.

Darllen a Deall – Lefel Canolradd

Deall gohebiaeth bob dydd ar faterion cyfarwydd yn y gwaith. Deall adroddiadau hirach mewn Cymraeg Clir a medru codi’r prif bwyntiau. (Mae’n bosib y bydd angen cymorth gyda geirfa).

Ysgrifennu - Lefel Canolradd

Gallu ysgrifennu llythyrau i bwrpas penodol, negeseuon ebost ac adroddiadau byr drwy gyfrwng y Gymraeg a’r Saesneg gan ddefnyddio geirfa ac ymadroddion syml sy'n gyfarwydd i'r maes gwaith. (Bydd angen eu gwirio cyn eu hanfon allan).

Swydd Ddisgrifiad

Pwrpas y Swydd. 

Derbyn profiadau a chefnogaeth yn y gweithle i gwblhau prentisiaeth ac i ennill cymwysterau yn y maes
Pwrpas y swydd yw casglu trethi lleol ar y rheng flaen, cefnogi prosesau statudol gosod a bilio, cynorthwyo gyda gwaith adennill ôl-ddyledion, prosesu ceisiadau budd-daliadau a chynnal systemau refeniw, oll ochr yn ochr â chwblhau prentisiaeth Gweinyddu Busnes Lefel 3.

Cyfrifoldeb am Adnoddau.  . e.e. staff, cyllid, offer 

Dim, heblaw am offer swyddfa arferol, e.e. cyfrifiadur.

Prif Ddyletswyddau. 

Prif bwrpas y gwasanaeth yw casglu trethi lleol yn effeithlon ac yn sensitif, prosesu ystod o fudd-daliadau’n gywir a phrydlon, darparu cymorth cymdeithasol i ddinasyddion, a chydweithio ag asiantaethau allanol i atal twyll ac adennill gordaliadau.
Mae’r rôl  Prentis Trethi a Budd-daliadau yn gyfle i unigolyn trefnus ddysgu a datblygu sgiliau gweinyddol ac ariannol wrth weithio ar y rheng flaen i gefnogi gweinyddu a chasglu trethi lleol a budd-daliadau i drigolion Gwynedd.
Prif ddyletswyddau y rôl fydd i:
- Derbyn hyfforddiant i lefel Swyddog Rheng Flaen Trethi a datblygu gwybodaeth o drethi lleol.
- Gweithio ar wasanaeth rheng flaen i weinyddu a chasglu Treth Cyngor a Threthi Annomestig.
- Ymateb i ymholiadau gan y cyhoedd drwy lythyrau, ffôn, e-bost ac wyneb yn wyneb.
- Prosesu ceisiadau i addasu cyfrifon, eithriadau, disgownts a chytundebau talu.
- Cefnogi’r drefn adennill ôl-ddyledion a pharatoi dogfennau ar gyfer y llysoedd.
- Cynorthwyo i asesu a gwirio ceisiadau Budd-dal Tai, Gostyngiad Treth Cyngor a budd-daliadau addysg.
- Cefnogi’r gwaith o weinyddu lefi eraill a chynnal systemau refeniw a chefnogi.
- Dilyn polisïau’r Cyngor o ran iechyd a diogelwch, cydraddoldeb, diogelu data a lleihau carbon.

Amgylchiadau Arbennig.  . e.e. angen i weithio oriau anghymdeithasol, trefniadau gwaith arbennig, a.y.y.b.

-

Manylion

Swyddi ar lein

Prentis Trethi a Budd-daliadau

Manylion

Hysbyseb Swydd

Manylion Person

Swydd Ddisgrifiad