Pwrpas y Swydd
• Sicrhau bod pobl Gwynedd yn ganolog i bopeth yr ydan ni yn ei wneud.
• Sicrhau datblygiad a safon i linell Llwybr Arfordir Cymru (ardal Gwynedd) gan gyd-fynd â chanllawiau cenedlaethol.
• Cynorthwyo gyda gwaith dydd i ddydd Tîm Llwybr Arfordir Cymru yng Ngwynedd.
Cyfrifoldeb am Adnoddau.
• Offer cyffredinol
• Gwirfoddolwyr yn achlysurol
• Contractwyr yn achlysurol
Prif Ddyletswyddau
• Trafod a negodi hawliau tramwy newydd gyda thirfeddianwyr/asiantau tir a rhanddeiliaid eraill.
• Cynorthwyo i lunio cytundebau creu llwybr cyhoeddus newydd, (Rhan 25 o Ddeddf Priffyrdd 1980).
• Trafod a llunio adroddiadau i ddisgrifio bwriad y tîm LlA (Llwybr Arfordir) gyda’r asiantaeth brisio.
• Paratoi adroddiadau cynnydd ar ddatblygiad y gwaith.
• Cyflwyno'r wybodaeth uchod mewn modd ffurfiol mewn cyfarfodydd cyhoeddus megis y fforymau mynediad lleol, drwy ddefnyddio PowerPoint neu feddalwedd gyffelyb; ac, yn fwy anffurfiol, i Fwrdd Prosiect Llwybr Arfordir Cymru.
• Paratoi a chyflwyno (yn achlysurol) adroddiadau cyfiawnhad ar gyfer y pwyllgor cynllunio ar faterion gorchmynion creu llwybrau cyhoeddus.(Rhan 26 o Ddeddf Priffyrdd 1980.)
• Cyfrifoldeb am ddatblygu cofnod o gysylltiadau tirfeddianwyr fydd yn rhan o’r ardal waith.
• Paratoi briff i ymgymerwyr proffesiynol mynediad, i ymgymryd â gwaith ymchwil ar ran y tîm.
• Cyfrifoldeb am wneud chwiliadau tir ar-lein.
• Defnyddio cyfuniad o raglenni TG, CAMS (Countryside Access Management Systems) ac Arc Map i wneud mapiau manwl o’r llwybrau newydd i’w creu. Yn achlysurol, bydd angen defnyddio CAMS i wneud archwiliadau manwl o lwybrau cyhoeddus.
• Paratoi manylion gwaith a dogfennau prisio neu dendr i osod gwaith cyffredinol llwybrau allan i gontractwyr.
• Monitro gwaith contractwyr ac adrodd yn ôl ar gynnydd y gwaith ar y ddaear.
• Cynorthwyo’r tîm LlA drwy ymgymryd â gwaith ffisegol allan ar y ddaear, megis gosod arwyddion ayyb.
• Cynorthwyo’r tîm LlA i ddatblygu a sefydlu cynlluniau mynediad/amgylcheddol ehangach tu allan i weithdrefn y LlA.
• Cynorthwyo Warden Mynediad i’r arfordir gyda diwrnodiau gwirfoddolwyr, a fydd yn gweithio ar y llwybr o bryd i’w gilydd.
• Cynorthwyo ac arwain teithiau arwain addysgiadol gyda ysgolion ,gwrpiau cymunedol
• Cyfrifoldeb am hunan ddatblygiad.
• Sicrhau cydymffurfiaeth â rheolau Iechyd a Diogelwch yn y gweithle, yn unol â’r cyfrifoldebau a nodir yn Neddf Iechyd a Diogelwch yn y Gweithle 1974 a Pholisi Iechyd a Diogelwch y Cyngor.
• Gweithredu o fewn polisïau’r Cyngor yng nghyswllt cyfle cyfartal a chydraddoldeb.
• Cyfrifoldeb am reoli gwybodaeth yn unol â safonau a chanllawiau rheoli gwybodaeth y Cyngor. Sicrhau bod gwybodaeth bersonol yn cael ei thrin mewn cydymffurfiaeth â deddfwriaeth Diogelu Data
• Ymrwymiad i leihau allyriadau carbon y Cyngor, yn unol â’r Cynllun Rheoli Carbon, ac annog eraill i weithredu’n gadarnhaol tuag at leihau ôl-troed carbon y Cyngor.
• Ymgymryd ag unrhyw ddyletswydd arall cyfatebol a rhesymol, sy’n cyd-fynd â lefel cyflog a lefel cyfrifoldeb y swydd.
• Cyfrifoldeb i adrodd ar bryder neu amheuaeth bod plentyn neu oedolyn bregus yn cael ei gam-drin.

Amgylchiadau Arbennig.
• Yn achlysurol, bydd angen mynychu cyfarfodydd gyda’r nos.