Pwrpas y Swydd.
Sicrhau bod pobl Gwynedd yn ganolog i bopeth yr ydym yn ei wneud.
Cefnogi’r Pennaeth Adran i gydweithio â Thîm Rheoli’r Cyngor, penaethiaid adran eraill, aelodau etholedig a phartneriaethau allanol er mwyn sicrhau fod y Cyngor yn darparu gwasanaethau o’r safon uchaf o fewn yr adnoddau posibl i drigolion Gwynedd, a sicrhau fod y gwasanaeth hwnnw’n adlewyrchu polisïau a strategaethau corfforaethol y Cyngor.
Cynrychioli’r Pennaeth Adran mewn cyfarfodydd a digwyddiadau o fewn y Cyngor ac mewn fforymau allanol yn ogystal a bod yn aelod gweithredol o’r Grŵp Uwch Reolwyr corfforaethol.
Hyrwyddo trefniadau rheoli perfformiad addas sydd yn arddangos canlyniadau eglur, fel ei bod yn bosibl adnabod meysydd i’w gwella a rhwystrau i’w goresgyn gan annog gwella parhaus o fewn y gwasanaethau y cedwir trosolwg uniongyrchol arnynt.
Sicrhau canlyniadau pendant wrth wneud y defnydd gorau o adnoddau’r Cyngor, gan ddarparu’r gwasanaeth gorau posibl i’r cwsmer, sy’n cyd fynd â blaenoriaethau’r Cyngor ac yn ymateb yn uniongyrchol i anghenion lleol.
Bod yn Aelod o’r Tîm Rheoli adrannol gan ymgymryd ag uwch gyfrifoldeb a throsolwg o rai o wasanaethau’r Adran.
Ymgymryd a swyddogaethau trosolwg penodol o fewn yr Adran ym meysydd:
- Diogelu Gwybodaeth
- Iechyd, Diogelwch a Llesiant
- Ymgysylltu
- Ymdrin a Chwynion
- Cydraddoldeb
- Diogelu Plant ac Oedolion Bregus
- Cynlluniau Argyfwng            
 Cyfrifoldeb am Adnoddau.  . e.e. staff, cyllid, offer
Cyfrifoldeb cyffredinol am y Gwasanaethau Digidol sy'n cynnwys tua 80 o swyddogion.
Ar y cyd â rheolwyr y Gwasanaethau digidol, cyfrifoldeb am gyllideb TGCh y Cyngor o tua £35M miliwn y flwyddyn yn ogystal â phrosiectau cyfalaf a gwerth o rhyw £20M dros gyfnod o 10 mlynedd.
Prif Ddyletswyddau.
Darparu Gwasanaethau
Annog a chefnogi Rheolwyr Gwasanaeth a’u timau i sicrhau darpariaeth gwasanaethau o ansawdd uchel i gwrdd ag anghenion cwsmeriaid, o fewn yr adnoddau sydd ar gael
Cydweithio gyda gwasanaethau ac asiantaethau eraill i sicrhau agwedd integredig at gyflenwi gwasanaethau
Datblygu polisïau gweithredol
Cymryd rhan ymarferol mewn gweithredu newid strategol
Arweinyddiaeth
Fel un o arweinyddion yr Adran ac aelod o’r Grŵp Uwch Reolwyr:
Arwain, hybu a datblygu staff
Arwain agenda trawsnewid
Datblygu a hybu diwylliant y sefydliad
Cydweithio gyda phartneriaid mewnol ac allanol
Hybu diwylliant o wella parhaus
Cynllunio ac Adolygu
Cymryd rôl flaenllaw yn nghyswllt cynllunio ac adolygu busnes
Hwyluso newid mewnol ac adolygu/datblygu gwasanaeth
Adolygu ac herio perfformiad gwasanaethau o fewn yr Adran
Rhaglen Gorfforaethol
Pontio rhwng polisïau strategol a gweithredol
Hybu diwylliant un Cyngor
Cyfrannu at ddatblygiad strategol
Cytuno a chyflawni ar gerrig milltir rhaglen y gellir ei reoli
Hybu a gweithredu polisïau a blaenoriaethau corfforaethol e.e. themâu llorweddol cyfleu ymdeimlad o gydweithio i un amcan
CYMWYSEDDAU ALLWEDDOL
(yn ychwanegol i weddill cymwyseddau corfforaethol y Cyngor)
Gweithio o fewn y dimensiwn gwleidyddol
creu cysylltiadau effeithiol/galluogi gweithio’n briodol ar draws ffin gwleidyddiaeth
cynnal perthynas effeithiol gydag aelodau etholedig, y rhanbarth a’r Llywodraeth
Arwain ar newid a datblygu’r sefydliad
gweithredu’n gyson â gwerthoedd sylfaenol y Cyngor wrth ddatblygu’r diwylliant
gweithio gydag ansicrwydd, amwysedd a natur anochel newid
datblygu defnydd priodol o bŵer a grym gan rymuso staff a Rheolwyr i wneud penderfyniadau y gallent eu hamddiffyn
cyfrannu a chymryd cyd-berchnogaeth o ddatblygiad yr Adran a’r Cyngor.
Cynnal safbwynt personol a hunan wybodaeth
bod yn barod i wrando ar a gwerthfawrogi safbwyntiau eraill gan gydnabod eu cyfraniad i’r agenda gwella a newid
cynnal cred neu ffydd ynddo’i hunan
datblygu gwydnwch personol, cynaladwyedd ac ymwybyddiaeth emosiynol
cadw synnwyr digrifwch
Datblygu a galluogi partneriaethau a pherthnasau allanol effeithiol
bod yn bencampwr yr awdurdod lleol, llywodraeth leol a democratiaeth leol
cyd-drefnu partneriaethau cyhoeddus a phreifat effeithiol ar gyfer datblygiadau strategol a chyflenwi gwasanaethau
gweithio gyda chymunedau ac asiantaethau eraill
cydweithio yn fewnol i’r Cyngor, yn rhanbarthol ac yn genedlaethol
defnyddio’r wasg a’r cyfryngau yn effeithiol i gael proffil priodol
Cadw golwg ar faterion strategol a hirdymor
edrych tua’r dyfodol gan greu ymwybyddiaeth o sefyllfaoedd posib
datblygu, cynnal a hyrwyddo gweledigaeth/barn strategol ar gyfer y sefydliad a’r ardal leol
bod yn ymwybodol o allu strategol y sefydliad
Arwain a  Rheoli Perfformiad
cefnogi diwylliant sy’n canolbwyntio ar berfformio’n dda, arloesi a gwasanaethu ein cwsmeriaid
adnabod a datrys sefyllfaoedd o danberfformiad
gwella’n barhaus ar draws pob maes gwasanaeth
Arwain a Rheoli Pobl
Ysgogi ac annog timau ac unigolion
Cynnig cyfeiriad ac adborth
Creu awyrgylch o barch
Trosglwyddo gweledigaeth yn effeithiol i dimau ac unigolion
Dirprwyo gwaith yn effeithiol
Cydnabod a deall ymatebion eraill i sefyllfaoedd penodol tra’n canolbwyntio ar ddarparu gwasanaeth
Sicrhau amgylchedd ddiogel i aelodau o dîm ddatblygu trwy gymryd risgiau
Adnabod a deall y niwed posib a wneir pan na roddir sylw prydlon i achosion o wrthdaro
Cyfathrebu
Rhannu a gwrando ar wybodaeth, barn a syniadau
Cyfathrebu’n effeithiol ar lafar ac yn ysgrifenedig
Deall bod cyfathrebu da yn gallu bod yn arf pwerus i gynyddu cymhelliant
Dewis a defnyddio dulliau cyfathrebu a chyfryngau priodol ar gyfer amrediad o gynulleidfaoedd
Meddu ar sgiliau cyfathrebu rhyngbersonol effeithiol
Deall peryglon gweithio o ragdybiaethau
Gwerthfawrogi teimladau eraill ac yn deall pwysigrwydd cynhwysiad ac ymgynghori
Gallu cyfathrebu’n effeithiol yn y Gymraeg a’r Saesneg.
Hunanreoli
Rhagweithiol
Derbyn cyfrifoldeb am weithredoedd
Darparu sefydlogrwydd mewn adegau o newid
Meddu ar lefelau uchel o hunan-ymwybyddiaeth
Dangos gonestrwydd
Yn emosiynol wydn ac ymwybodol
Blaenoriaethu tasgau a gwneud defnydd effeithiol o amser
Profi gwerth cyhoeddus
PRIF FEYSYDD CYFRIFOLDEB
Mae’r adran hon yn nodi prif gyfrifoldebau’r swydd. Nid yw’n rhestr gynhwysfawr, a gall dyletswyddau newid o bryd i’w gilydd heb newid natur neu lefel y cyfrifoldeb.
Arweinyddiaeth Strategol Ddigidol
Arwain datblygiad Cynllun Digidol yr Awdurdod, gan weithio’n agos gyda’r Prif Weithredwr, Pennaeth yr Adran, swyddogion a’r Aelodau.
Datblygu strategaeth glir a chyd gysylltiedig ar gyfer gwasanaethau digidol sy’n cefnogi’r Cynllun Digidol.
Diffinio a chyfleu gweledigaeth glir ar gyfer technoleg gwybodaeth a gwasanaethau digidol y Cyngor.
Sicrhau rheolaeth effeithiol o brosiectau o fewn y Cynllun Digidol.
Trosolwg a Rheoli Gwasanaethau Digidol
Cynorthwyo’r Pennaeth i asesu anghenion digidol adrannau’r Cyngor a chydweithio â rheolwyr i ddatblygu datrysiadau effeithiol.
Rheoli’n uniongyrchol y gwasanaethau canlynol:
-Isadeiledd: seibr ddiogelwch, rhwydweithiau, gweinyddwyr, technoleg cwmwl, systemau llais a sianeli cyswllt.
-Cefnogaeth: desg wasanaeth, dyfeisiau pen-desg a symudol, Microsoft 365, cymwysiadau a llwyfannau data.
-Uned Datblygu: dylunio, darparu a chynnal systemau digidol, gan gynnwys marchnata datrysiadau i Awdurdodau eraill.
-Gwasanaeth Dysgu Digidol: cefnogaeth dechnolegol i ysgolion y Sir.
-Swyddfa Raglen: rheoli rhaglenni, caffael, gweinyddiaeth a chytundebau.
Sicrhau Perfformiad ac Ansawdd Gwasanaeth
Cynllunio, monitro a gwerthuso perfformiad gwasanaethau i sicrhau gwelliant parhaus a gwasanaeth o safon uchel.
Optimeiddio defnydd o adnoddau (ariannol, technegol a gwybodaeth) i sicrhau gwerth am arian.
Cefnogi a datblygu rhaglenni trawsnewid digidol ar draws y Cyngor i wella prosesau, profiad cwsmer ac effeithlonrwydd gweithredol.
Sicrhau bod isadeiledd digidol y Cyngor yn gadarn, yn gynaliadwy ac yn cyd-fynd ag amcanion strategol.
Llywodraethu, Cydymffurfiaeth a Risg
Sicrhau cydymffurfiaeth â gofynion diogelwch, gan gynnwys achrediad PSN a safonau Fframwaith Asesiad Seibr.
Sicrhau bod cynlluniau adfer a pharhad busnes yn bodoli ac yn cael eu profi.
Rheoli ymateb y sefydliad i ddigwyddiadau difrifol gan gynnwys ymosodiadau seibr, methiannau seilwaith neu argyfyngau eraill.
Cyfrannu at gyflawni rhwymedigaethau’r Cyngor o dan Ddeddf Etholiadau a Llywodraeth Leol (Cymru) 2021 a Deddf Llesiant Cenedlaethau’r Dyfodol (Cymru) 2015.
Rheoli Pobl a Datblygu Tîm
Arwain, mentora a datblygu swyddogion a rheolwyr i sicrhau eu bod yn cyrraedd eu potensial.
Gosod amcanion clir a monitro cynnydd drwy drefniadau rheoli perfformiad cadarn.
Darparu cyfeiriad a chefnogaeth i gynnal amgylchedd gwaith cadarnhaol, proffesiynol a pharchus.
Dirprwyo’n effeithiol a datblygu gallu’r timau i ddatrys problemau ac ymateb i heriau.
Cydweithio, Partneriaethau ac Effaith Gorfforaethol
Gweithio’n effeithiol o fewn fframwaith gwleidyddol y Cyngor a chynnal perthnasau adeiladol â swyddogion, aelodau ac asiantaethau allanol.
Meithrin partneriaethau cyhoeddus a phreifat i gyflawni datblygiadau strategol a gwella gwasanaethau.
Sicrhau bod egwyddorion polisïau corfforaethol yn cael eu gweithredu’n gyson ar draws y gwasanaeth.
Cefnogi’r Pennaeth i lunio’r Cynllun Busnes Adran a sicrhau bod y model busnes yn cael ei gyflawni.
Rheoli Gwybodaeth, Diogelwch a Chyfreithiol
Sicrhau cydymffurfiaeth â deddfwriaeth Diogelu Data a safonau rheoli gwybodaeth y Cyngor.
Cynnal arferion iechyd a diogelwch yn unol â deddfwriaeth a pholisïau corfforaethol.
Ymrwymo i leihau ôl-troed carbon y Cyngor ac annog ymarferion cynaliadwy.
Adrodd yn brydlon ar unrhyw bryderon mewn cysylltiad â diogelu plant neu oedolion bregus.
Dyletswyddau Eraill
Ymgymryd ag unrhyw waith rhesymol arall sy’n unol â lefel y cyflog a’r cyfrifoldeb.
Cymryd cyfrifoldeb am ddatblygiad proffesiynol parhaus.
Amgylchiadau Arbennig.  . e.e. angen i weithio oriau anghymdeithasol, trefniadau gwaith arbennig, a.y.y.b.
Gan fod swyddogaeth gyfrifiadurol y Cyngor yn gweithredu ar sail 24 awr, 7 diwrnod yr wythnos, bydd angen gweithio oriau anghymdeithasol ac ar benwythnosau o dro i dro a bydd manylion cyswllt allan o oriau yn cael ei gofnodi a defnyddio mewn digwyddiad o argyfwng.