Pwrpas y Swydd
Arwain y tîm(au) y mae’n gyfrifol amdano (ynt) i gyflawni yn effeithiol ac effeithlon yr hyn sy’n bwysig i bobl Gwynedd drwy greu a chynnal amgylchedd o barch ac ymddiriedaeth gan rymuso, arfogi ac ysbrydoli’r staff.
                            
Cyfrifoldeb am Adnoddau
               Staff y Gwasanaeth Amgueddfeydd a’r Celfyddydau, Cyllidebau’r Gwasanaeth, Casgliadau Amgueddfaol, Offer ac Adeiladau’r Gwasanaeth.
 
Prif Ddyletswyddau
              ARWAIN
Bod yn atebol am y Gwasanaeth a’r defnydd mwyaf effeithiol ac effeithlon o’r adnoddau sydd ar gael
Arwain staff y Gwasanaeth drwy annog a chymell i berchnogi egwyddorion Ffordd Gwynedd a bod yn atebol am sicrhau fod hynny’n digwydd
Sicrhau amgylchedd o fewn y tîm sy’n hyrwyddo ac annog llesiant staff
Cynorthwyo’r tîm i sefydlu egwyddorion gweithredu gan ystyried deddfau perthnasol (e.e. Iechyd a Diogelwch, Deddf Llesiant a Chenedlaethau’r Dyfodol, Deddf Gwasanaethau Cymdeithasol a Llesiant) a sicrhau eu bod yn cadw atynt
Bod yn ymwybodol o sut y mae systemau’r tîm yn gweithio a hwyluso i’w herio ple bo’r angen
Sicrhau fod y tîm yn cyfrannu at amcanion gwasanaethau neu sefydliadau eraill sy’n ceisio cyflawni’r hyn sy’n bwysig i bobl Gwynedd.
Hyrwyddo’r angen i adnabod a gweithredu ar fygythiadau a chyfleoedd y dyfodol gan gynnwys camau ataliol
Sicrhau ymwybyddiaeth o’r hinsawdd gyfreithiol a gwleidyddol sy’n effeithio ar y gwasanaeth gan sicrhau fod aelodau’r tîm yn ymwybodol o’r elfennau angenrheidiol.
Bod yn fyw i ymarfer da o fewn y maes gwasanaeth a sicrhau fod y tîm yn ystyried priodoldeb yr ymarfer da hwnnw iddynt hwy.
Arwain newid o fewn y maes gwasanaeth lle mae angen gwneud hynny
Ymdrin gyda phryderon a godir gan Aelodau Etholedig ynglŷn â’r Gwasanaeth.
 
GALLUOGI A GRYMUSO
Recriwtio a datblygu unigolion a thimau i sicrhau bod ganddynt y sgiliau angenrheidiol i gyflawni’r rolau sydd eu hangen rwan ac i’r dyfodol
Arfogi’r tîm i sefydlu beth sy’n bwysig i bobl Gwynedd a thrwy hynny sefydlu pwrpas y tîm a’i gadw’n gyfredol
Sicrhau fod penderfyniadau yn cael eu gwneud ar sail tystiolaeth.
Helpu’r tîm i adolygu a herio ei berfformiad
Creu a chynnal awyrgylch sy’n galluogi pob aelod o’r tîm i gyfrannu a chymryd penderfyniadau er mwyn darparu’r gwasanaethau gorau posib
Sicrhau awyrgylch o ymddiriedaeth ac atebolrwydd o fewn y tîm gan sicrhau cyfathrebu priodol gyda ac o fewn y tîm.
 
CYFLAWNI
Arfogi’r tîm i ystyried pa fesurau sy’n dangos perfformiad yn erbyn y pwrpas ac i berchnogi’r mesurau hynny
Annog y tîm i arloesi, mentro a dysgu o brofiad er mwyn gwella perfformiad
Cymell a/neu mentora y tîm i adnabod a gweithredu’n amserol er mwyn dileu rhwystrau sy'n atal y gallu i gyflawni yr hyn sy’n bwysig i bobl Gwynedd
Datrys unrhyw rwystrau na all y tîm eu datrys
Sicrhau fod cwynion yn derbyn sylw priodol a bod y tîm yn ystyried unrhyw wersi sy’n codi er mwyn gwella gwasanaeth.
Gweithredu mewn ffordd rhagweithiol; bod yn agored i feddwl yn wahanol; yn egnïol ac ymroddedig gydag integriti personol er mwyn cyflawni’r swyddogaethau isod gan sicrhau bod staff yr Adran yn cael eu datblygu  i arddangos yr un nodweddion.
 
 
HUNAN ADLEWYRCHU - ar gyflawniad personol yr hyn sydd yn y swydd-ddisgrifiad.
 
MEYSYDD PENODOL Y SWYDD
Arwain y Gwasanaeth Amgueddfeydd a’r Celfyddydau yn ei holl agweddau – cyllidebau, staff, rhaglenni gwaith, blaenoriaethau ayb mewn ymgynghoriad a’r Pennaeth neu’r Pennaeth Cynorthwyol
Arwain ac arolygu gwaith Storiel, Amgueddfa Lloyd George, Yr Uned Celfyddydau Cymunedol a Chelfyddydau Gweledol.
Casglu, dogfennu, diogelu, cadw a rhoi mynediad at gasgliadau amgueddfaol ar y cyd â Curadur Casgliadau Storiel a Phrifysgol Bangor a’r Swyddog Datblygu Amgueddfeydd o ran mynediad a rheoli safle.
Arwain ar lunio rhaglen gyffrous o arddangosfeydd a gweithgareddau diwylliannol o fewn amgueddfeydd y sir.
Arwain y tîm wrth greu ymwybyddiaeth eang drwy'r gymuned am waith Storiel, Amgueddfa Lloyd George a diwylliant Gwynedd fel rhan o godi ymwybyddiaeth o etifeddiaeth a stori Gwynedd.
Sicrhau arfer proffesiynol da o fewn y Gwasanaeth, cadw safonau Achredu Amgueddfeydd ac ymestyn y fath arfer dda yng nghyswllt cadwraeth arteffactau'r Gwasanaeth.
Ar gais, rhoi cyngor a chymorth i Adrannau eraill yr Awdurdod a, Ile bo'n briodol, i asiantaethau allanol, yn cynnwys amgueddfeydd eraill, ynglŷn ag amgueddfeydd, eu casgliadau ac achredu.
Rhoi cyngor i ymchwilwyr ac ateb ymholiadau yn ôl y gofyn a darparu gwasanaeth adnabod.
Gweithio law yn Ilaw a Swyddog Dysgu ac Ymgysylltu Storiel, y Swyddogion Addysg Archifau ac Amgueddfeydd a swyddogion prosiectau ymgysylltu treftadaeth a diwylliant eraill, Ile bo angen, i weithredu rhaglen o weithgareddau addysg ac ymgysylltu ar draws Gwynedd.
Arolygu'r rhaglen arddangosfeydd yn orielau’r gwasanaeth mewn cydweithrediad gyda'r Swyddog Celfyddydau Gweledol a’r Curadur Casgliadau.
Bod yn bennaf gyfrifol am lunio ceisiadau grant ar ran yr amgueddfeydd a'r orielau gan reoli prosiectau, monitro deilliannau a gwariant sydd yn deillio o waith o'r fath.
Cynnal a chefnogi’r berthynas gyda Chyfeillion Storiel, Cyfeillion Amgueddfa Lloyd George a Sefydliad Cefnogi Storiel.
Gweithio gyda'r Swyddog Celfyddydau Cymunedol i ddyrannu grantiau celfyddydol strategol a phrosiectau Cyngor Gwynedd.
Cydlynu'r rhaglen waith ynghlwm a'r Cynllun Celfyddydau a’r Cynllun Diwylliant.
Hyrwyddo defnydd ac ymwybyddiaeth y cyhoedd o'r Celfyddydau a diwylliant Gwynedd.
Arwain ar fforymau a phrosiectau cydweithredol yn y maes gwasanaeth e.e. Celf (Yr Oriel Gelf Gyfoes i Gymru), Y Ffederasiwn Amgueddfeydd, cydweithrediad gyda Phrifysgol Bangor ac Amgueddfa Cymru, Rhwydwaith Diwylliant Gwynedd ayb.
Ymchwilio a pharatoi adroddiadau, cynrychioli'r Gwasanaeth ar weithgorau a gwaith o natur gyffelyb.
Cynrychioli'r Gwasanaeth, yn ôl y gofyn gydag asiantaethau allanol.
Cyfrannu at raglen farchnata a chyhoeddi'r sir.
Yn gyfrifol am benderfyniadau parthed Iechyd a Diogelwch o fewn y Gwasanaeth Amgueddfeydd a’r Celfyddydau.
Sicrhau fod cynllun argyfwng y Gwasanaeth yn gyfredol ac effeithiol.
Bod yn bwynt cyswllt ar gyfer safleoedd diwylliannol eraill sy’n gyfrifoldeb cyllidebol i’r Rheolwr.
Cyflawni unrhyw dasgau cyffredinol ynglŷn â rheolaeth yr Adran a'r Gwasanaeth ar gais y Pennaeth Adran neu’r Pennaeth Cynorthwyol a dirprwyo ar eu rhan yn y maes Treftadaeth, Celfyddydau ac Etifeddiaeth.           
                            
Amgylchiadau Arbennig
              Angen i weithio gyda’r nos ac ar benwythnosau yn achlysurol.
Trwydded yrru lawn a’r defnydd o gar.