Pwrpas y swydd
•Sicrhau bod pobl Gwynedd yn ganolog i bopeth yr ydym yn ei wneud.
•Sicrhau fod ‘Llais y plentyn/teulu’ yn ganolog i’r gefnogaeth.
•Darparu pecynnau pwrpasol o gefnogaeth i deuluoedd (rhieni, gofalwyr, plant a phobl ifanc) i hyrwyddo rhiantu cadarnhaol ac mewn ymateb i anghenion unigol teuluoedd.
•Gweithredu cyrsiau /grwpiau a gwaith un i un yn y maes rhiantu a chefnogi teuluoedd drwy weithio’n integredig gyda gwasanaethau amrywiol i redeg gwasanaeth pwrpasol ac o ansawdd i deuluoedd.
Cyfrifoldeb am adnoddau e.e. staff, cyllid, offer
•Offer cyrsiau
•Offer TG a ffôn symudol
•Mynediad at ffeiliau Plant cyfrinachol.
•Cyllideb bach ar gyfer cyrsiau a gweithgareddau rhiantu.ee. llogi cyfleusterau, adnoddau, gofal plant, trafnidiaeth a.y.b.
Prif ddyletswyddau
•Cynnal sesiynau un i un gyda theuluoedd unai o fewn y cartref neu leoliadau Dechrau’n Deg gan weithredu ar gynllun strwythuredig sydd wedi ei gytuno gyda’r timau fel Dechrau’n Deg/ Teuluoedd yn Gyntaf yn y paneli cyfeirio.
•Cydweithio gyda plant a’u gofalwyr i adnabod ‘Beth sydd yn bwysig iddynt’ a dod o hyd i ffyrdd i gwrdd ag amcanion personol.
•Gweithio mewn ffordd sy’n grymuso ac yn ysgogi’r plant a theuluoedd drwy ddefnyddio agwedd gadarnhaol gyda’r teulu cyfan. Adeiladu ar sgiliau a chryfderau’r rhieni, y plant a’r teulu estynedig i ddatblygu gwytnwch, hunanddibyniaeth a chymryd camau annibynnol.
•Cynnal asesiadau trylwyr a phenodol i adnabod anghenion a chryfderau teuluoedd drwy ddefnyddio sgiliau, hyfforddiant a phrofiad arbenigol i gefnogi rhieni a’u phlant, fel Family Links a Triple P.
•Cydweithio gyda theuluoedd i gynllunio amrediad o ymyraethau neu wasanaethau i gwrdd ag anghenion unigol y teulu. Llunio pecyn ymyrraeth/cynllun teulu sydd yn seiliedig ar ymchwil i achosion cymhleth, ac adolygu’r cynlluniau yn aml i gyd-fynd gydag anghenion y teuluoedd. Adrodd i rieni ar ei llwyddiannau drwy ddefnyddio’r Outcome Star.
•Cofnodi gwybodaeth a pharatoi adroddiadau gan gynnwys yr asesiadau a thystiolaeth o’r pellter teithiwyd. Cofnodi gwybodaeth a nodiadau achosion ar y system data perthnasol fel WCCIS/MOSAIC. Sicrhau fod nodiadau teulu yn cael ei gwblhau yn effeithiol ac yn amserol yn defnyddio ‘llais y teulu/plentyn’.
•Mewnbynnu i systemau i fonitro’r ddarpariaeth i fesur effaith y rhaglenni a sicrhau systemau rheoli perfformiad effeithiol. Cofnodi’r wybodaeth ac adroddiadau data mewn modd amserol a thaclus a sicrhau y bodlonir yr holl ofynion ar gyfer yr holl asiantaethau allanol mewn perthynas â chynnydd a monitro rhaglenni gwaith.
•Cofnodi unrhyw bryderon yn gywir ac yn broffesiynol gan rannu pryderon gyda pherson dynodedig yr adran a chyfeirio ymlaen i'r Tîm Plant pan fo angen. Cydymffurfio gyda pholisïau a gweithdrefnau’r Cyngor yn ymwneud ac unrhyw bryderon diogelu.
•Cyfrifoldeb dros fynychu’r cyfarfodydd proffesiynol am y teulu i adrodd, adolygu, monitro cynnydd, a thrafod rhaglenni unigol teuluoedd os daw gwahoddiad. Creu adroddiadau ar gyfer a mynychu cyfarfodydd teuluol gan y Gwasanaeth Cymdeithasol a’r Tîm plant.
•Dod o hyd i ddatrysiadau i unrhyw rwystrau ac adrodd ar rwystrau na ellir ei goresgyn yn lleol i arweinydd y tîm.
•Darparu gwybodaeth a chyngor i blant a’u rhieni/gofalwyr am y cymorth sydd ar gael gan y gwasanaeth a hefyd eu cyfeirio ymlaen (gyda chaniatâd) at wasanaethau addas yn y gymuned gan gynnwys grwpiau a mudiadau lleol a chenedlaethol.
•Ymarfer mewn modd sy’n egwyddorol yn unol â chod ymddygiad yr Uned a chod ymarfer proffesiynol ar gyfer gweithwyr cymdeithasol. Cyflwyno delwedd broffesiynol a gweithio mewn modd hyblyg.
•Cyfrifoldeb dros weithredu cyrsiau/dosbarthiadau a gwaith un i un yn y maes rhiantu drwy weithio’n integredig gyda gwasanaethau amrywiol e.e. Tîm Niwro i redeg gwasanaeth cynhwysol ac o ansawdd i deuluoedd.
•Cynefino â’r ystod o raglenni sydd ar gael i gefnogi teulu gan weithredu arlwyo ymyraethau gan ddefnyddio’r ymyrraeth fwyaf effeithiol a phwrpasol i gyd-fynd gydag anghenion y teuluoedd
•Gweithredu rhaglenni rhiantu drwy:
oGweithio gyda rhieni i gwrdd ag anghenion eu plant
oGweithio gyda rhieni i gwrdd ag adnabod ein hanghenion eu hunain
oAlluogi rhieni i ddatblygu dulliau o sut i ddelio gydag ymddygiad a materion i fywyd bob dydd plentyn
ogyfathrebu’n effeithiol gyda rhieni
oddarparu mynediad i wybodaeth
oadnabod dulliau i wella sgiliau'r rhieni.
•Gweithredu asesiadau cychwynnol effeithiol a llwyddiannus ar gyfer y gwaith cefnogi teulu.
•Cydweithio’n agos gyda’r tîm o Amgylch y Teulu i gynnig ymyraethau priodol i deuluoedd yng Ngwynedd.
•Cefnogi staff newydd di brofiad i redeg cyrsiau cychwynnol drwy arsylwi, cyd rhedeg a chynnig cefnogaeth fel bod angen fel bod y cyrsiau yn rhedeg yn effeithiol.
•Ysgogi darpariaeth grwpiau riantu newydd mewn cydweithrediad a phartneriaid amrywiol drwy:
oAdnabod lleoliadau addas ar gyfer rhedeg cyrsiau newydd gan gynnal asesiadau risg priodol.
oCydweithio i adnabod lleoliadau gofal plant fel meithrinfa Plas Pawb i gyd fynd gyda rhediad y cyrsiau rhiantu neu os yn rhaglen reolaidd sefydlu darpariaeth gofal plant achlysurol ar y safleoedd newydd gan ymofyn cyngor yr A.G.C i sicrhau fod y ddarpariaeth yn cydymffurfio gyda’r rheoliadau angenrheidiol.
oAdnabod staff priodol a chytuno ar ymrwymiad llawn i gynnal cyrsiau rhiantu
oCydweithio i adnabod rhieni/ gofalwyr addas
oCydgordio’r asesiadau cychwynnol
oAdnabod unrhyw rwystrau eraill e.e. trafnidiaeth.
•Cydweithio’n agos gyda’r tîm Dechrau’n Deg/ Teuluoedd yn Gyntaf ac asiantaethau eraill i gydlynu a chyd gynnal grwpiau amrywiol ar draws Gwynedd. Gweithio ar ddatblygu grwpiau a gweithgareddau gan ddenu grwpiau penodol.
•Sicrhau gwariant ofalus ar y gyllideb ac unrhyw adnoddau eraill a roddir i’r tîm e.e. Taliadau gofal plant neu gostau trafnidiaeth. Cadw cofnod o wariant y sesiynau gan adrodd yn ôl i’r Uwch Swyddog Arweinydd Tîm.
•Monitro a threfnu stoc adnoddau. Cynnal offer arbenigol, gwirio am ansawdd/diogelwch, ymgymryd ag atgyweirio/ addasiadau arbenigol fel bod angen.
•Mynychu cyfarfodydd staff, timau a gweithgorau eraill yr Uned Blynyddoedd Cynnar fel bod angen
•Defnydd o gar yn angenrheidiol gyda thrwydded yrru lawn.
•Cyfrifoldeb am hunan ddatblygiad
•Sicrhau cydymffurfiaeth â rheolau Iechyd a Diogelwch yn y gweithle yn unol â’r cyfrifoldebau a nodir yn Neddf Iechyd a Diogelwch yn y Gweithle 1974 a Pholisi Iechyd a Diogelwch y Cyngor.
•Gweithredu o fewn polisïau’r Cyngor yng nghyswllt cyfle cyfartal a chydraddoldeb.
•Cyfrifoldeb am reoli gwybodaeth yn unol â safonau a chanllawiau rheoli gwybodaeth y Cyngor.  Sicrhau bod gwybodaeth bersonol yn cael ei thrin mewn cydymffurfiaeth â deddfwriaeth Diogelu Data a Chyfrinachedd
•Ymrwymiad i leihau allyriadau carbon y Cyngor yn unol â’r Cynllun Rheoli Carbon ac annog eraill i weithredu’n gadarnhaol tuag at leihau ôl-troed carbon y Cyngor.
•Ymgymryd ag unrhyw ddyletswydd arall cyfatebol a rhesymol sy’n cyd-fynd â lefel cyflog a lefel cyfrifoldeb y swydd.
•Cyfrifoldeb i adrodd am bryder neu amheuaeth bod plentyn neu oedolyn bregus yn cael ei gam-drin yn syth i berson dynodedig o fewn yr adran.
Amgylchiadau arbennig
Yn achlysurol bydd angen i’r swyddog weithio oriau anghymdeithasol.