Pwrpas y swydd
CYFRIFOLDEBAU RHEOLI:
Rheoli Adnoddau
•Cynllunio a monitro er mwyn sicrhau gwasanaeth o safon a gwella parhaus. Darparu gwerth am arian trwy brynu, blaenoriaethu a monitro defnydd effeithiol o adnoddau gan gydnabod bod gwybodaeth, gallu a sgiliau yn adnoddau hefyd.
Galluogi a Grymuso
•Creu a chynnal awyrgylch sy’n galluogi pob aelod o’r tîm i gyfrannu a chymryd penderfyniadau er mwyn darparu’r gwasanaethau gorau posib
Cyflawni
•Annog y tîm i arloesi, mentro a dysgu o brofiad er mwyn gwella perfformiad.
Datrys Problemau
•I fod yn rhagweithiol ac i sicrhau fod penderfyniadau ystyrlon yn cael eu gwneud mewn modd amserol, gan hefyd ymateb yn effeithiol i flaenoriaethau fel y maent yn newid.
Cyfathrebu
•Rhannu a gwrando ar wybodaeth, barn a syniadau heb ragdybiaeth trwy ddefnyddio dulliau cyfathrebu priodol. Cynyddu cymhelliant trwy ddefnyddio cyfathrebu cynhwysol sy’n gwerthfawrogi teimladau eraill.
Cyfrifoldeb am adnoddau e.e. staff, cyllid, offer
•Cyfrifoldeb dirprwyedig dros staff
•Cyfrifoldeb am gyllideb
•Cyfrifoldeb am offer cegin a glanhau
Prif ddyletswyddau
PRIF DDYLETSWYDDAU
Cyfrifoldeb dirprwyedig i arwain y Gwasanaeth Arlwyo a Glanhau ar gyfer Ysgolion Gwynedd:
•Sicrhau bod pobl Gwynedd yn ganolog i bopeth yr ydym yn ei wneud.
•Cyfrifoldeb dirprwyedig i gefnogi cyfeiriad strategol y gwasanaeth arlwyo a glanhau.
•Cyfrifoldeb ar y cyd gyda’r Rheolwr am gyfeiriad model busnes y gwasanaeth, gan ystyried ac ymchwilio i opsiynau amgen o ddarparu’r gwasanaeth yn ôl yr angen.
•Cyfrifoldeb am gydlynu a dehongli’r gwaith angenrheidiol sydd angen sylw gan lunio ac adnabod blaenoriaethau ar gyfer y gwasanaeth i’w gweithredu fel rhan o drefniadau cynllunio busnes y gwasanaeth a’r Adran yn flynyddol.
•Cyfrifoldeb dirprywedig i gefnogi rheolaeth tîm bychan o staff canolog, gan ddyrannu cyfrifoldebau’n briodol iddynt er sicrhau bod y tîm yn cyflawni’r disgwyl.
•Cyfrifoldeb dirprywedig i gefnogi ac arwain dros 600 o staff mewn dros 80 o safleoedd addysg ar draws y sir, gan arwain yn rhagweithiol i weithredu ar brosesau adnoddau dynol e.e. penodi, diswyddo, salwch, medrusrwydd a disgyblaeth yn briodol ac amserol yn unol â’r polisïau a’r arweiniad corfforaethol sydd ar gael.
•Cefnogi’r Gwasanaeth gyda phrosesau recriwtio staff gan sicrhau staffio priodol ymhob safle.
•Cefnogi’r Rheolwr gydag agweddau o wasanaethau cwsmer y gwasanaeth, gan gynnwys ymateb ac ymchwilio i gwynion yn unol â’r drefn gwynion gorfforaethol, gweithredu trefniadau amrywiol i gasglu barn rhanddeiliaid yn cynnwys barn penaethiaid, plant a phobl ifanc ar y gwasanaeth gan ystyried, addasu ac ymateb i’r sylwadau a dderbynnir yn ôl yr angen.
•Arwain ar weithredu a negodi gofynion Cytundeb Lefel Gwasanaeth ar gyfer y maes arlwyo a glanhau ar y cyd gyda’r ysgolion, gan sicrhau eglurder a chydymffurfiaeth gyda thelerau’r CLG, gan feithrin perthynas gweithio cadarnhaol gyda phenaethiaid ysgolion, er mwyn sicrhau eu bodlonrwydd gyda phob agwedd o’r gwasanaethau a ddarperir iddynt.
•Cefnogi a gweithredu trefniadau’r rhaglen werthuso yn rhagweithiol gydag aelodau perthnasol o’r tîm yn unol â gofynion yr Adran Addysg a’r Cyngor.
Cyllid ac Adnoddau:
•Cefnogi Rheolwr i sicrhau rheolaeth gyllidol effeithiol o’r gwasanaeth sydd gyda chyllideb o bron i £15 miliwn.
•Rheoli chontractau dydd i ddydd arlwyo a glanhau er mwyn sicrhau bodlonrwydd cwsmer gyda phob agwedd o’r gwasanaeth.
•Sicrhau adnoddau ac offer priodol ar gyfer pob aelod o staff yn barhaus e.e. offer cegin, offer glanhau, gwisg addas, adnoddau staffio a chyllid ayyb.
•Bod yn arbenigwr technegol yn y maes, gyda dealltwriaeth lefel uchel a gweithredol o systemau TGCh ysgolion sy’n berthnasol i’r maes arlwyo e.e. system ddi-arian, system MIS ayyb.
•Cefnogi, cydlynu a gweithredu ar holl ofynion caffael ar gyfer y Gwasanaeth ac ar ran ysgolion y sir.
•Arwain Systemau TG y Gwasanaeth e.e School Comms, Bromocom, Parent Pay.
•Cyfrifoldeb dirprwyedig dros reoli’r drefn ynghlwm â darparu Clwb Gofal Cyn-ysgol/Clwb Brecwast.
•Cyfrifoldeb dros reoli’r Cynllun Llefrith a chyflwyno hawliadau cyllidol i Lywodraeth Cymru gyda ‘Cinio am Ddim’ yn gywir ac amserol.
•Gweithredu trefn amserol o gasglu incwm a dyledion yn gysylltiedig â darparu pryd bwyd maethlon i ddysgwyr.
Cydymffurfiaeth:
•Sicrhau amgylchedd gweithio diogel ar gyfer pob aelod o staff y gwasanaeth arlwyo a glanhau yn ddyddiol, gan gydymffurfio gyda gofynion cyfreithiol iechyd a diogelwch.
•Cyfrifoldeb dros lunio canllawiau ar ffurf Llawlyfr i staff yn y maes arlwyo a glanhau er sicrhau bod staff yn gweithio mewn amgylchedd saff a diogel, ac yn darpau’n ddiogel a phriodol ar gyfer eu cwsmeriaid.
•Cefnogi trefniadau rheoli risg y gwasanaeth, gan gynnwys trefniadau rheoli risg ym maes alergeddau.
•Cefnogi’r Rheolwr i arwain y gwasanaeth er sicrhau’r safonau uchaf ym maes glanhau ysgolion, gan weithredu ar unrhyw ddiffygion a risgiau’n amserol.
•Cefnogi’r Rheolwr i sicrhau’r safonau uchaf ym maes Diogelwch Bwyd a Hylendid Bwyd, gan ymgymryd â’r rôl gwarchod y cyhoedd o ddifrif gan weithredu ar unrhyw ddiffygion a risgiau’n amserol.
•Cefnogi’r prosesau a’r gweithredoedd ynghlwm â chynnig pryd bwyd maethlon ac iachus i bob dysgwr gan lunio a pharatoi bwydlenni yn unol â’r safonau cenedlaethol a chydymffurfio gyda Rheoliadau Bwyta’n Iach mewn Ysgolion Llywodraeth Cymru.
Cyffredinol:
•Cynrychioli'r Cyngor mewn cyfarfodydd a ffeiriau cyhoeddus, ynghyd â mewn cyfarfodydd gyda rhanddeiliaid allweddol sy'n ymwneud â'r maes arlwyo a glanhau e.e. penaethiaid ysgolion, cyrff llywodraethol, cwmnïau sector preifat e.e. darparwyr bwyd, darparwyr offer glanhau, cwmnïau prynu a thrwsio offer, cwmnïau trydydd sector ayyb.
•Cynrychioli'r Cyngor fel yn briodol mewn trafodaethau efo swyddogion ac aelodau Llywodraeth Cymru, Cymdeithas Llywodraeth Leol Cymru, yn ogystal â swyddogion mewn cynghorau eraill.
•Cymryd rhan ar Weithgorau'r Cyngor fel bo angen
•Paratoi adroddiadau a dogfennau perthnasol ar gyfer adrodd i’r Tîm Rheoli Addysg, cyfarfodydd busnes a fforymau strategol penaethiaid ysgolion, ynghyd â phwyllgorau’r Cyngor yn ôl yr angen.
•Gweithredu ymgyrchoedd ar y cyd gydag ysgolion sydd yn hyrwyddo cinio am ddim ac yn annog rhagor o deuluoedd i fanteisio ar y cynnig.
•Arwain a gweithredu cynlluniau ar gyfer plant a theuluoedd mewn partneriaeth gyda Llywodraeth Cymru sydd wedi’i seilio ar ddarparu bwyd a bwyta’n iach e.e. Bwyd a Hwyl.
•Cefnogi a gweithredu trefniadau’r rhaglen werthuso yn rhagweithiol gydag aelodau perthnasol o’r tîm yn unol â gofynion yr Adran Addysg a’r Cyngor.
•Cyfrifoldeb am hunanddatblygiad ac am hyrwyddo datblygiad aelodau perthnasol o’r tîm gan fanteisio ar raglen barhaus o gyfleoedd hyfforddiant a datblygiad personol Dysgu a Datblygu ynghyd â sefydliadau allanol eraill perthnasol.
•Ymgymryd ag unrhyw gyfrfioldeb neu ddyletswydd arall cyfatebol a rhesymol ar gais y Rheolwr sy’n cyd-fynd â lefel cyflog a lefel cyfrifoldeb y swydd.
•Sicrhau cydymffurfiaeth â rheolau Iechyd a Diogelwch yn y gweithle yn unol â’r cyfrifoldebau a nodir yn Neddf Iechyd a Diogelwch yn y Gweithle 1974 a Pholisi Iechyd a Diogelwch y Cyngor.
•Gweithredu o fewn polisïau’r Cyngor yng nghyswllt cyfle cyfartal a chydraddoldeb.
•Cyfrifoldeb am reoli gwybodaeth yn unol â safonau a chanllawiau rheoli gwybodaeth y Cyngor.  Sicrhau bod gwybodaeth bersonol yn cael ei thrin mewn cydymffurfiaeth â deddfwriaeth Diogelu Data
•Ymrwymiad i leihau allyriadau carbon y Cyngor yn unol â’r Cynllun Rheoli Carbon ac i annog eraill i weithredu’n gadarnhaol tuag at leihau ôl-troed carbon y Cyngor.
•Cyfrifoldeb i adrodd am bryder neu amheuaeth bod plentyn neu oedolyn bregus yn cael ei gamdrin.
Amgylchiadau arbennig
AMODAU GWAITH
•Mae’r swydd hon ar delerau parhaol
•Oriau gwaith y swydd hon yw 37 awr yr wythnos.
•Mae’r Cyngor yn gweithredu trefniadau gweithio’n hybrid, gyda’r disgwyliad i weithio o’r swyddfa o leiaf deuddydd yr wythnos. 
•Lleolir y swydd ym Mhencadlys, Cyngor Gwynedd yng Nghaernarfon / Pwllheli.
•Mae’r gallu i gyfathrebu yn Gymraeg a Saesneg yn angenrheidiol.