Pwrpas y swydd
•Sicrhau bod plant a phobl Gwynedd yn ganolog i bopeth yr ydym yn ei wneud.
•Rheoli, cydlynu a monitro defnydd effeithiol y Grant Datblygu Disgyblion (PDG), i wella cyrhaeddiad, presenoldeb a lles disgyblion o deuluoedd incwm isel a dysgwyr bregus ar draws Gwynedd.
•Sicrhau cefnogaeth ac arweiniad arbenigol i’r Adran ac ysgolion Gwynedd yn y maes diogelu a chefnogaeth i ddisgyblion bregus.
•Arwain a chefnogi prosiect strategol i leihau costau mynychu’r ysgol i deuluoedd, gan gynnwys cynllunio mentrau, cydweithio ag ysgolion a phartneriaid, a gweithredu mesurau i leddfu rhwystrau ariannol i ddysgwyr.
Cyfrifoldeb am adnoddau e.e. staff, cyllid, offer
•Laptop, Ffon Symudol
Prif ddyletswyddau
Grant Datblygu Disgyblion(GDD)
•Cydlynu’r Grant: Sicrhau bod dyraniadau’r GDD yn cael eu pasio ymlaen i ysgolion a lleoliadau yn llawn, yn unol â’r meini prawf cenedlaethol.
•Monitro a Gwerthuso: Casglu data, adrodd ar effaith gwariant y grant, a sicrhau bod gweithgarwch yn seiliedig ar dystiolaeth.
•Cydweithio Strategol: Gweithio gyda Chynghorwyr y Grant, Rhanbarth, a chlystyrau ysgolion i rannu arferion da a chryfhau cysondeb cenedlaethol.
•Cefnogi Ysgolion a Lleoliadau: Darparu cyngor a her adeiladol i sicrhau bod gwariant yn canolbwyntio ar wella deilliannau dysgwyr cymwys.
•Cyfathrebu ac Adrodd: Paratoi adroddiadau safonol i Lywodraeth Cymru, a sicrhau bod strategaethau ysgolion yn cael eu cyhoeddi’n gywir.
•Datblygu Rhwydweithiau: Hwyluso rhwydweithiau lleol a rhanbarthol o arweinwyr dynodedig ar gyfer dysgwyr o aelwydydd incwm isel.
Hyfforddiant
•Cefnogi wrth ddatblygu a cyflwyno hyfforddiant o’r newydd yn sgil blaenoriaeth leol neu genedlaethol.
•Gweithio gyda’r adran Dysgu a Datblygu ac asiantaethau allanol, lle’n briodol, i gynllunio a chyflwyno hyfforddiant amrywiol sydd yn gysylltiedig â gofynion y GDD a maes diogelu plant mewn addysg.
•Datblygu pecynnau newydd i gefnogi ysgolion / darparwyr yn y maes diogelu plant yn ôl y gofyn.
Cofnodi Hyfforddiant
•Cadw cofnod o’r holl unigolion sydd wedi mynychu hyfforddiant amddiffyn plant gan nodi’n benodol fanylion yr hyfforddai a’r dyddiad.
•Gwirio fod pob Ysgol /darparwr yn cadw cofrestr hyfforddiant cyfredol o holl staff.
•Cefnogi'r (AADLl) i gadw cofnod o’r holl unigolion sydd wedi derbyn hyfforddiant arall gan nodi’n benodol fanylion yr hyfforddai a’r dyddiad.
Sicrhau fod gan yr Adran ac Ysgolion Gwynedd bolisiau a gweithdrefnnau cyfredol ac addas.
Polisïau a Gweithdrefnau
•Paratoi ac adolygu’n flynyddol becyn o bolisïau a gweithdrefnau enghreifftiol ar bob agwedd o ddiogelu plant a Plant mewn gofal.
•Sicrhau fod pob polisi a gweithdrefn enghreifftiol yn cyd fynd ac arweiniad cenedlaethol a’r Bwrdd Diogelu Lleol.
•Sicrhau fod pob Ysgol yn derbyn copïau cyfredol o’r ddogfennaeth ddiweddaraf yn flynyddol.
•Sicrhau fod ysgolion Gwynedd yn gweithredu eu polisi Diogelu Plant.
•Gweithio gyda’r Arweinydd Ansawdd Diogelu a Llesiant i adolygu a pharatoi o’r newydd lle bo’r angen Bolisïau a Gweithdrefnau yn ymwneud â materion allweddol a allai fod yn berthnasol i amddiffyn plant megis;
•iechyd a diogelwch, ataliaeth/ffrwyno, bwlio;
•tripiau ysgol, cludo disgyblion, ymweliadau preswyl, ymweliadau cyfnewid rhwng ysgolion;
•cyflogi plant, profiad gwaith;
•tynnu lluniau a defnyddio lluniau o blant;
•disgyblion heb le mewn ysgol;
•cawodydd a threfniadau newid;
•rhieni a helpwyr gwirfoddol eraill;
•cymorth cyntaf a gweinyddu meddyginiaethau;
•trefniadau ar gyfer clybiau ar ôl ysgol;
•defnyddio’r rhyngrwyd yn ddiogel;
•plant gyda rhieni/gofalwyr sy’n dioddef o salwch meddwl neu anabledd;
•plant gyda rhieni/gofalwyr sy’n camddefnyddio cyffuriau neu sylweddau; a
•phlant mewn ysgolion preswyl y tu allan i’r awdurdod lleol.
Sicrhau fod yr Adran yn diogelu plant sydd allan o addysg prif lif yn unol â’r canllawiau.
•Diogelu a hybu lles plant sydd heb gael lle mewn ysgol, neu sydd wedi cael eu gwahardd o’r ysgol, gan gynnwys rhai sy’n cael eu dysgu mewn unedau cyfeirio disgyblion neu gan y gwasanaeth tiwtoriaid cartref.
•ran plant sy’n cael eu dysgu gartref gan rieni neu ofalwyr, meithrin perthynas effeithiol gyda’r sawl sy’n addysgu gartref i ddiogelu budd addysgol a lles plant a phobl ifanc.
Sicrhau mewnbwn yr Adran Addysg i faterion strategol.
•Cynrychioli’r Adran a chynnig arweiniad mewn cyfarfodydd cenedlaethol, rhanbarthol, ar lefel awdurdod ac mewn is grwpiau perthnasol.
•Cyflwyno adborth rheoliadd o’r cyfarfodydd i sylw’r Arweinydd Ansawdd Diogelu a Llesiant
•Cyfrannu’n llawn mewn adolygiadau ymarfer plant (child practice reviews).
Sicrhau fod yr Adran Addysg ac Ysgolion Gwynedd yn cydymffurfio a chanllawiau sydd wedi ei mabwysiadu.
Gwirio Ansawdd
•Sicrhau fod pob Ysgol yn cyflwyno gwybodaeth benodol am eu gwariant GDD flynyddol i sylw’r Corff Llywodraethol a’r Adran Addysg.
•Sicrhau fod pob Ysgol yn cyflwyno gwybodaeth benodol a’r y maes diogleu plant yn flynyddol i sylw’r Corff Llywodraethol a’r Adran Addysg.
•Paratoi adroddiad blynyddol i sylw’r Arweinydd Ansawdd Diogelu a Llesiant ar gynnwys yr adroddiadau yma.
•Ymwelad ag Ysgolion i adnabod a rhannu arferion da o wariant ac effaith y GDD
•Ymweld ag Ysgolion yn flynyddol er mwyn gwirio ansawdd eu trefniadau diogelu.
•Paratoi adroddiad blynyddol yn crynhoi ganfyddiadau’r ymweliadau.
•Cyfeirio pryderon am ddiffyg gweithredu i sylw’r Arweinydd Ansawdd Diogelu a Llesiant.
•Cynlluniau Addysg Personol plant mewn gofal a ceisiadau Grant GDD
Sicrhau cyngor a chefnogaeth ac arweiniad priodol i ysgolion ac i staff yr Adran Addysg.
•Darparu cyngor a chefnogaeth i ysgolion, ac i uwch staff dynodedig ar ddelio ag achosion unigol.
•Darparu cyngor, arweiniad a chefnogaeth o ran:
•gwaith achos, ymddangos yn y Llys, materion cyfreithiol;
•deddfwriaeth newydd;
•rheoli adroddiadau am ddisgyblion sydd ar goll;
•honiadau yn erbyn staff/Llywodraethwyr;
•amgylchiadau penodol cam-drin, e.e. llurgunio’r organau cenhedlu mewn merched, hunan-niweidio, gorfodi i briodi, salwch ffug neu wedi’i gymell, trais yn y cartref, cam-drin plentyn gan blentyn arall, cam-fanteisio rhywiol, a mudwyr ifanc.
•Cynghori, monitro ac adrodd ar unrhyw bryder parthed trefniadau recriwtio diogel gan gynnwys Gwasanaeth Datgelu a Gwahardd yn unol â chanllawiau gan Lywodraeth Cymru.
Sicrhau fod yr Adran Addysg ac Ysgolion Gwynedd yn cyd weithio’n effeithiol gydag asiantaethau allweddol.
•Gweithredu ar ran ysgolion lle bo’r angen i ddatrys unrhyw anawsterau gydag asiantaethau partner i gael y cymorth priodol ganddynt.
•Annog a meithrin dealltwriaeth a pherthynas weithio dda gyda gweithwyr cymdeithasol plant a staff mewn asiantaethau eraill sy’n ymwneud â diogelu plant.
•Datblygu trefniadau effeithiol ar gyfer gweithio mewn partneriaeth.
•Sicrhau fod y gwasanaeth yn rhan o broses o welliant parhaus.
•Sicrhau monitro cynnydd yn erbyn y blaenoriaethau’n unol a’r gofyn.
Cefnogi yr (AADLl) i sicrhau Ansawdd Darpariaeth Addysg i Blant o Grwpiau Bregus
•Adnabod, goruchwylio a monitro cynnydd disgyblion o grwpiau bregus.
•Cefnogi'r (AADLl) a dirprwyo ar ei ran fel swyddog cyfrifol arweiniol dros sicrhau bod trefniadau ar waith i wella profiadau a deilliannau addysgol plant sy'n derbyn gofal yr awdurdod, gan gynnwys y rhai a leolir y tu allan i'r sir.
•Cefnogi ysgolion i gynllunio’n strategol i wella canlyniadau cyffredinol disgyblion o grwpiau bregus.
•Dylanwadu ar benaethiaid a gweithwyr proffesiynol eraill ym maes addysg a gwaith cymdeithasol a chydweithio â hwy i gynrychioli buddiannau disgyblion o grwpiau bregus.
•Cyfrannu at waith tîm amlddisgyblaethol.
•Ymyrryd yn uniongyrchol mewn achosion penodol.
•Adrodd ar y deilliannau a ganlyn yn rheolaidd:
oCynnydd addysgol plant sy'n derbyn gofal
oPresenoldeb
oYmddygiad a gwaharddiadau
oAnghenion lles a chymdeithasol plant o grwpiau bregus gan sicrhau eu bod yn cael eu diwallu
oEffeithiolrwydd ymyriadau
oArfer dda yn lleol ac yn genedlaethol
oCymorth ac adnoddau sydd eu hangen i gefnogi cynnydd plant
oMonitro deilliannau hirdymor plant bregus a gyrru’r broses o’u gwella.
•Sicrhau fod Cynlluniau Datblygu Unigol neu Gynlluniau Addysg Unigol yn cael eu datblygu a’u hadolygu’n addas o fewn naws y dulliau sy’n canolbwyntio ar yr unigolyn.
Cyffredinol
•Mynychu hyfforddiant ac ymrwymo i ddatblygiad proffesiynol.
•Cyfrannu at weithgareddau gwerthuso ansawdd.
•Cyfrifoldeb am hunan ddatblygiad
•Sicrhau cydymffurfiaeth â rheolau Iechyd a Diogelwch yn y gweithle yn unol â’r cyfrifoldebau a nodir yn Neddf Iechyd a Diogelwch yn y Gweithle 1974 a Pholisi Iechyd a Diogelwch y Cyngor.
•Gweithredu o fewn polisïau’r Cyngor yng nghyswllt cyfle cyfartal a chydraddoldeb.
•Cyfrifoldeb am reoli gwybodaeth yn unol â safonau a chanllawiau rheoli gwybodaeth y Cyngor.  Sicrhau bod gwybodaeth bersonol yn cael ei thrin mewn cydymffurfiaeth â deddfwriaeth Diogelu Data
•Ymrwymiad i leihau allyriadau carbon y Cyngor yn unol â’r Cynllun Rheoli Carbon ac annog eraill i weithredu’n gadarnhaol tuag at leihau ôl-troed carbon y Cyngor.
•Ymgymryd ag unrhyw ddyletswydd arall cyfatebol a rhesymol sy’n cyd-fynd â lefel cyflog a lefel cyfrifoldeb y swydd.
•Cyfrifoldeb i adrodd am bryder neu amheuaeth bod plentyn neu oedolyn bregus yn cael ei gam-drin
Amgylchiadau arbennig
•Gweithio y tu allan i oriau gwaith arferol yn ôl y gofyn.