Pwrpas y Swydd
Sicrhau bod pobl Gwynedd yn ganolog i bopeth yr ydym yn ei wneud.
Cefnogi’r Prif Weithredwr a’r Cyfarwyddwr Corfforaethol i gyflawni eu rolau yn ymarferol drwy ymddwyn fel Uwch Swyddog Gweithredol.
Cefnogi Aelodau’r Cabinet a’r Tim Rheoli i gomisiynu canlyniadau ac ymarfer eu rôl rheoli perfformiad yn unol ag egwyddorion Ffordd Gwynedd
                            
 
Prif Ddyletswyddau
Darparu cefnogaeth weithredol i’r Prif Weithredwr/Cyfarwyddwr er mwyn eu cynorthwyo i ymarfer eu rôl dyddiol. O reidrwydd bydd hyn yn golygu cyflawni amrediad eang o ddyletswyddau yn ôl y gofyn. Mae’r dyletswyddau hyn yn cynnwys:
Gweithredu a chymryd rhan mewn unrhyw gyfarfod ar ran a gydag awdurdod y Prif Weithredwr/Cyfarwyddwr lle bo’r angen yn codi.
Gwneud gwaith ymchwil ac adnabod tueddiadau allweddol mewn amrywiol feysydd gan ddarparu cefnogaeth a diweddariadau rheolaidd.
Llunio dogfennau o safon uchel (gan gynnwys adroddiadau, papurau trafod/tystiolaeth ac adolygiadau) a sicrhau eu bod yn addas ar gyfer cynulleidfaoedd mewnol ac allanol.
Cefnogi’r Aelodau Cabinet a’r Prif Weithredwr/Cyfarwyddwr gyda threfniadau herio perfformiad a chomisiynu canlyniadau.
Rhedeg rhaglenni neu brosiectau unigol mewn amrywiol feysydd.
Edrych ar ymarfer da mewn sefydliadau eraill.
Cefnogi datblygu Cynllun y Cyngor (gan gynnwys adolygiad blynyddol) ac Adroddiad Perfformiad Blynyddol y Cyngor.
Cefnogi’r Prif Weithredwr/Cyfarwyddwr i ymateb i sefyllfaoedd sydd angen atebion unigryw neu gyfuniad o atebion sy’n torri ar draws sawl maes gwaith gwahanol ar draws yr Adran.
Cefnogi’r Prif Weithredwr/Cyfarwyddwr i sefydlu’r achos dros newid, lunio achosion busnes a gwireddu newid mewn meysydd gwaith penodol.
Cydweithio’n agos gyda budd-ddeiliaid mewn amrywiol feysydd, gan feithrin perthynas effeithiol a dylanwadol gyda phrif swyddogion y Cyngor, yr Aelodau Cabinet a budd-ddeiliaid allanol fel sy’n ofynnol.
Cyfrifoldeb am hunan ddatblygiad
Sicrhau cydymffurfiaeth â rheolau Iechyd a Diogelwch yn y gweithle yn unol â’r cyfrifoldebau a nodir yn Neddf Iechyd a Diogelwch yn y Gweithle 1974 a Pholisi Iechyd a Diogelwch y Cyngor.
Gweithredu o fewn polisïau’r Cyngor yng nghyswllt cyfle cyfartal a chydraddoldeb.
Cyfrifoldeb am reoli gwybodaeth yn unol â safonau a chanllawiau rheoli gwybodaeth y Cyngor. Sicrhau bod gwybodaeth bersonol yn cael ei thrin mewn cydymffurfiaeth â deddfwriaeth Diogelu Data
Ymrwymiad i leihau allyriadau carbon y Cyngor yn unol â’r Cynllun Rheoli Carbon ac annog eraill i weithredu’n gadarnhaol tuag at leihau ôl-troed carbon y Cyngor.
Ymgymryd ag unrhyw ddyletswydd arall cyfatebol a rhesymol sy’n cyd-fynd â lefel cyflog a lefel cyfrifoldeb y swydd.
Cyfrifoldeb i adrodd am bryder neu amheuaeth bod plentyn neu oedolyn bregus yn cael ei gamdrin.
 
    Amgylchiadau Arbennig
Gorfod gweithio oriau anghymdeithasol yn achlysurol