*DALIER SYLW*
Mae Cyngor Gwynedd wedi ymrwymo i fod yn gyflogwr cynhwysol ac i wella amrywiaeth ein gweithlu.
Bydd eich ffurflen gais yn cael ei hasesu yn ddienw. Ni fydd eich teitl, enw na chyfeiriad e-bost yn cael ei rannu â’r panel sy’n penodi at bwrpas llunio rhestr fer. Dylech ystyried hyn yn ofalus wrth ysgrifennu amdanoch eich hun yn y rhan gwybodaeth pellach.
                                    

                                
Hysbyseb Swydd (Dros Dro)
Swydd: Swyddog Gwarchod y Cyhoedd (18.5 awr yr wythnos)
Cyflog: £41,771 - £44,075 (Pro rata)
Diolch am ddangos diddordeb mewn gwneud cais ar gyfer y swydd yma. Mae'n cynnig cyfle i unigolyn proffesiynol, brwdfrydig ac ymroddedig i ymuno gyda Gwasanaeth Iechyd yr Amgylchedd Cyngor Gwynedd.
Rydym yn edrych am rywun fydd yn cwblhau gwaith rheoli llygredd ac iechyd cyhoeddus. Dylai ymgeiswyr fod gyda Gradd BG (Anrh), Gradd Meistri (MG) neu Ddiploma mewn Iechyd yr Amgylchedd.Bydd yr unigolyn yn rhugl yn y Gymraeg a’r Saesneg.
Mae rhagor o fanylion am y swydd ar gael yn y ddogfen yma, ac mae mwy o wybodaeth am y buddion o weithio i’r Cyngor i’w weld ar ein gwefan www.gwynedd.llyw.cymru/swyddi
Yn y cyfamser, pe byddech yn dymuno cael sgwrs anffurfiol ar unrhyw agwedd o’r swydd mae croeso i chi gysylltu gyda Rheolwr Iechyd yr Amgylchedd drwy e-bostio llygredd@gwynedd.llyw.cymru neu ffonio 01766 771000. Edrychwn ymlaen at dderbyn eich cais